الخطبة عادت بالميلكا والسنيكرز ولامتقبل ست الحسن والجمال

[أم الأولاد]

رد: الخطبة عادت بالميلكا والسنيكرز ولامتقبل ست الحسن والجمال

انا نشوف فيها فكرة تافهة كل مرة يخرجو فكرة ويقولو لامود هذا تبذير وعلاش ماشي شيء حلو وخلاصت علاش شوكولا بالضبط ،انا عن نفسي نشوفها فكرة تافهة ،حنا مازال ماسمعنا بهذي لامود الجديدة .شكرا على الطرح.

اهلا اختي اجل فكرة تافهة جدا الف شكر

تحياتي واحتراماتي

 

[أم الأولاد]

رد: الخطبة عادت بالميلكا والسنيكرز ولامتقبل ست الحسن والجمال

انا كرهت لعراس غير من التمسخير هدا
كل يوم يخترع واحد فكرة جديدة ويحطها فالنت ترجع عادة ولامود
واللي يجي يدير زي تع بكري يقولك ديمودي
انا ما فهمت فيها والو وسماطت الدنيا رجعت زي الرهج من العادات هادو تع الخلا

نعم النت زادت على سيدي المليح هههه
شكرا

نورتي اختي

 

[أم الأولاد]

رد: الخطبة عادت بالميلكا والسنيكرز ولامتقبل ست الحسن والجمال

والله عندك الحق

شكر اختي

 

[¬Đỉaмơŋđ ✿]

رد: الخطبة عادت بالميلكا والسنيكرز ولامتقبل ست الحسن والجمال

وعليكم السلام ورحمة الله تعالى وبركاته

تسمع غير لعجب في بلآدنا
شفتها هاذي عند بعض المشآرقة مآعلآباليش لآ لحقت هنايا عندنا
ولآو مآيلقآو مايديرو يوليو يتبودعو مخلوعين في روآحهم
ماشي الدعوة فالشوكولآ وغيرها من الأمور الشكليّة الصح كآمل فالهنآ
~

​

 

[تـريـــاق المحـبـة]

رد: الخطبة عادت بالميلكا والسنيكرز ولامتقبل ست الحسن والجمال

واش هذا الموضوع يا نجومة البحر انا راني دخلت روطار ايا ديت هاذي وراني رايحة حتى واحدج ما شافني ايا باي
​

والله غير صح عادوا يتشرطوا بزاف من لي يخطب وهي جيب جيب جيب شوية على العريس ماراهش يجبد من الحيط .. غالبيتهم يكبروا غير في الخطبة والعرس وتلقيه عيان ومهموم وما راهش عارف واش يدير والله كان الله في عونهم ويا البنات خفوا شوية وسنية تاع الميلكا راني ديتها من الموضوع ماعليش كملوا الموضوع بلا بيها وشكرا ​

 

[الورد الأحمر]

رد: الخطبة عادت بالميلكا والسنيكرز ولامتقبل ست الحسن والجمال

السلام عليكم

هذي حية جديدة ياااه ... تلقاها تضرب من ساير ليام شوكولا شابة تاع الجزاير تتباع بألفين فرنك وتستخسر في روحها باغ شوكولا سنيكرز ولا مارس وتحرّم على روحها الـ M&Ms {أم أم أس على قولة البعض } وحايبة ترقّي الذوق على ظهر الزوج المستقبلي ههههه هذي مليحة والله ... أنا تاني نعاود ويجيبلي 100 كيلو شوكولا من أفخم الماركات فيريرو روشي ورافايالو وسنيكرز ومارس وتويكس وكيت كات وأم آند أمز ولا لآ أقبل راك تقرا في ردي يا زوجي ؟؟ :p:p:p .. يخي حالة حابة تاكل شوكولا من النوع هذا تضرب لجيبها تشري الشوكولا راهي تطايش في كل حانوت ولا دراهمها عزاز ودراهمو زايدين عليه !!! هذي الكافية كي تحب تتبرش :-o ... مغسي عالموضوع لحلو

 

[أميرة ميرال]

رد: الخطبة عادت بالميلكا والسنيكرز ولامتقبل ست الحسن والجمال

هذي درك لي يجو يخطبوها تطلب هكذا وتجيها ياك عادي
ياك خاطيها لي تصرف بصح غدوة من داك خوها
منين يروح يخطب وتطلب منو خطيبتو هكذا تحس
بالكوية وتجيها ماشي نورمال ياخي بدع وصلنالو راهم
غير ويهيجو ما لقينا شكون يلمهم علينا هاذ الحبات
لي خمجو لبلاد وردوها لورا يخي سقاطة روحي اشري
الشوكولا لعمرك تقولشي رايحة تعاود بيهم السوق ههه
اللهم لا تؤاخذنا بما فعل السفهاء منا
مرسي اختي عالموضوع ضحكني وغمي في نفس الوقت
​