السلام عليكم غاليتي ليليا
يعطيك الصحة على موضوعك الحساس ولي لازم نطرقوا ليه
حبيبتي تعرفي علاه نخافوا من كلمة عيب أكثر من كلمة حرام
لأنو حنا نعرفوا بلي ربي غفور رحيم أن رحمة الله واسعة، قال تعالى:قُلْ يَا عِبَادِيَ الَّذِينَ أَسْرَفُو ا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ.[الزمر:53] ونعرفوا بلي الناس لا حكمت عليك حاجة صغيرة ماهيش رايحا ترحمك
الناس لوكان مثلا يوالفوا على عبد غير الصفات الجيدة والأخلاق ماشاء الله نهار يغلط غلطة صغيرة برك ينساو كل شيء ويتفكروا غير هاديك الغلطة تاعو ويبداو يعايروه بيها
حنا كمجتمع ديما نحبو نشوفوا الحاجة لي ماهيش مليحة
تجيبيلهم حاجة صافية وفيها غير نقطة صغيرة كحلة تقوليلهم واش راكم تشوفوا يقولك نقطة كحلة
نشفى في رمضان لي فات على ما أعتقد الشقيري مقدم برنامج خواطر صراتلو مشكلة وهو أنو كان فاتح مطعم ولكن هاذو منظمات حماية المستهلك وماشابه
جات قفلتلو المطعم تاعو بسبب الفوضى لي كانت فيه مع العلم انو الشقيري شغل كان مكلف ناس تراقب الحاجة هادي ولكن هادوك الناس ماداروش خدمتهم
نهار خرجت الحادثة هاذي الفايسبوك تقلب لي يشتم فيه يشتم ولي يطيحلو من قدرو ولي قال هو مطعم صغير شوفوا كيفاه دارلو ويجينا زعما في خواطر ينتقد فالعرب
المهم بموقف واحد برك نساو واش دار كامل هداك الراجل وتفكرو غير هاديك الحادثة
الرسول صلى الله عليه وسلم ويقول (كل بني آدم خطاء وخير الخطائين التوابون)
ولهذا ربي أمر بالستر وعدم الجهر بالمعاصي
جاء أعرابي الى رسول الله فقال له يارسول الله " من يحاسب الخلق يوم القيامة؟ " فقال الرسول : "الله" ؛ فقال الأعرابي: " بنفسه ؟؟ " فقال النبي: " بنفسه ......" , فضحك الأعرابي وقال:" اللهم لك الحمد." فقال النبى:" لما الابتسام يا أعرابي؟
" فقال:" يا رسول الله إن الكريم إذا قدر عفى إذا حاسب سامح "
ربي يهدينا ويصلح أحوالنا غاليتي
بوركت على الموضوع الرائع
تحياتي
عدآ ذلك 
