السلام عليكم
ايييه اليوم يا جماعة انا كنت موجدة نوع جديد من المواضيع مي السي سكر الله يبورو كمان وكمان فسدلي المفاجعة
المهم يا جماعة اليكم الخبر الآتي
اليوم الساعة الفلانية وصل الى مسامعنا وفاة المغفور لها مريم ....... زهرة الزنبق او الزئبق او البندق
مريم كانت تمشي طاح عليها حيط ...... لالالا طلعت للسطح تنشر وطاحت من فوق الدار..... اواه لالا
جاها خبر انو مالك سكر افندي تزوج بالمانية وحبس قلبها من الفاجعة .........
للا الصح قالولها مريومة الكشرودة نتاع قسنطينة تزوجت ....... اواه لالا ما سمعتوش مليح نظن قالولها يسمين بنت ام يسمين تخطبت يا حوجي جات البارح للدنيا وراهي دوموندي وهي قعدت جاتها سكتة مي سكتة دماغية ومخها دار ايروووووووور
الخلاصة انو مريم الله يرحمها ترحمو عليها يا جماعة الفاتحة لروح الشهيدة
*
*
*
*
*
*
*
*
بكيتو عليا او لالا .... غضتكم او تهنيتو مني
قولولي واش حيستو لما سمعتو خبر موتي راني رجعت برك نحطلكم الموضوع ونولي عجبتني الاقامة فالآخرة
المهم هذا الكل باه ندخل فالموضوع
خبر ومعاه اولادو
اييه اليوم نحكو على الناس اللي تزيد فالهدرة الخبر يقلع من بلاصتو يوزن كيلو يوصل ليك يوزن 100
يكبر فالطريق ويتزوق ويتلون ويوصل ونصو كذب او مبالغ فيه
رانا نشوف الاخبار لما توصل ولينا ما نامنوش
فيوم كنت قاعدة عيطت جارتي من التاقة آليلياااااااااا .. ليلياااااااا خرجت قتلها وي راني هنا خير ... ختكم قاورية
قاتلي سمعت قتلها لالا بواش نسمع قاتلي محمود وليد كلتوم هرب ... قتلها من وين هرب انا فبالي م من اي شي
قاتلي لالا هرب مع وحدة ...نا حليت فمي يا حوجي ... قاتلي راكي عارفة سرق يماه ودا دراهم ... وقالو الطفلة بالحمل ... اواه قالو هي سرقت دارهم .... وقالو راهو كاريلها.... المهم مدتلي الخلاصة نتاع الخبر وما جيت نسلك منها تى قتلها الماكلة تحرقت انا ندخل ... هو محمود صح هرب مي هرب من باباه لانو ما جابش معدل مليح عارفين محمود شعال فعمرو 14 سنة
شفتو علاه مان فمي محلول لانو خبر مش معقول الطفل صغير لحق يهرب ويتزوج ويولد :s:s:s
ايه هذا نوع يعني جارتي كبرتها حتى ولات سامطة ما تتامنش
نسمعو خبر على واحد دار اكسديو يدو طارت ... رجلو طبقت ... قالك ظهرو لقطوه .... رحاه كايمو ولموه فالساشي اوليدي قولنا دار اكسيدو واختصرو اما الله يرحمو او ربي يجيبلو الشفا
ناس تكبر وتزوق وتلون ما فهمتش اذا هي موهبة او هوما مصنوعين هاكا
مرة واحدة حكاتنا لضرك نضجط قاتلك واحد قتل راجل قدامي قلنالها كيفاه قاتلك جا يسرقو يبيع الذهب تيرا عليه بالكابوس فقلبو وركزو على قلبو قاتلك ناض مشا خرج للحومة والسراق فالحانوت مازال يسرق فالذهب ولاخر خرج شاد فقلبووالدك يتقاطر وهو يعيط اجرو ليا ومشا قريب لوسط الفيلاج وطاح فالارض ناا قتلها شوفي نوضي قبل ما انا نجربها فيك نشوف كان صح تمشي وانت رصاصة فقلبك لوسط البلاد انا سعلة ما نمشيش حد الفراش نتاعي واش التمسهير هذا مش كذب هاذا هاري بوتر
راني طولت والجماعة راهم يعايروني بالطول
واش من خبر جاكم مش نورمال كبروه الناس لدرجة ما تتصوروهاش
واش رايكم فالناس هذي
الموضوع ليكم
ترحمو عليا ما تنساوش
آخر تعديل:
