صاحبك سااااااااااااااااامط

[قرصان الساحل]

رد: صاحبك سااااااااااااااااامط

حنا ناس قالمة نقولو للماييس
مستورة ههه وننطقوها مصطورة

ههه وي كاينة تفكرت ناس شرق خاصة قسنطينة وقالمة وحتى عنابة يقولولها المستورة
بلادنا وشحال كبيرة ربي يبارك اكي شفتي شحال من اسم لحاجة وحدة
مشكوووووورة ختي ام ياسمين
​

 

[قرصان الساحل]

رد: صاحبك سااااااااااااااااامط

ههههه والله وتقوليلي واش فكرك فيها ولا علاه هدرتي عليها هههه تفكرت أنا حكاية خلاف تاع المستورة اهئ اهئ اهئ

تفكرتها هي من كاريكاتور دراتو في رد هنا وبدينا نشوفو اسماء المستورة في دزاير

هعهعهع راني فهمت ويناه لحكاية لي تفكرتي ههههههههههه

:tongue02:

وكيفاه انا ما تفهمونيش في الكود تاع المستورة ... حتى انا بديت نتوسوس ونتخيل في حكاية عليها هههه
في انتظار توضيحاتكم
​

 

[باتنية و نص]

رد: صاحبك سااااااااااااااااامط

سلام عليكم
نعرف انسانة تجمعو فيها هاذ الصفات الخمسة
نشوفها نحب نبدل طريقي
ومعاها خرين كل وحدة والديفو تعها..وحدة الصيف هذا عرسها وعقلها تع وحدة تقرا فالحضانة
وحدة في وجهك حبيبتك وفي ظهرك غير ربي لي عالم بيها
ووحدة تكلاشيك فلوجه نورمال وماعالاقتش بكلمة "ظرافة " كي تجي تنصحها تقولك انا هك مدايرة ونا منقيمش اي عبد واذا فت درت كروا روج علا عبد سايي..وكل وحدة طايحة في صحبتها بالمنشار
وكي يتلاقاو...متفهمش منين طيح عليهم المحبة
وتالمو علبالهم بروحهم ميصلحوش كي يدورو على بعضاهم يجيو ليا...من كثرة محبتي ليهم زعما
ايا فولكا قالش القاوري
اكبر غلطة درتها في حياتي كي جربت نصاحب كي الناس
انا شاوية والتنيفيق وتسيتيت لبنات هذا ميدورش بيا
ما نعايب الناس منطيح لهدرة..نصبر ونفوت ونسامح
مي اذا فت طلعت حاجبي...سما راهي ديباسات لبلافو
عذرا اذا تعديت حدودي فلكلام
لكن كيما يقولو مورالي راهو ماشي ويتكركر فلرض

نصيحة من عندي متصاحبو ما تربحو ذنوب تع عباد ميستاهلوش

العبد الوقت هذا يقعد براسو ومنعرف

تحياتي

 

[قرصان الساحل]

رد: صاحبك سااااااااااااااااامط

سلام عليكم وعليكم السلام مرحبا بيك اختي
نعرف انسانة تجمعو فيها هاذ الصفات الخمسة
نشوفها نحب نبدل طريقي هادي تسمى عندها 5 نجوم كاملة ههه
ومعاها خرين كل وحدة والديفو تعها..وحدة الصيف هذا عرسها وعقلها تع وحدة تقرا فالحضانة كي تتزوج اي بلاك تطلع نيفو شوية
وحدة في وجهك حبيبتك وفي ظهرك غير ربي لي عالم بيها ربي يجيب الخير
ووحدة تكلاشيك فلوجه نورمال وماعالاقتش بكلمة "ظرافة " كنت تكلمت على موضوع ظرافة والا مزال متذكر كنت رديتي عليا تماك كي تجي تنصحها تقولك انا هك مدايرة ونا منقيمش اي عبد واذا فت درت كروا روج علا عبد سايي..وكل وحدة طايحة في صحبتها بالمنشار المنشار دوك راهو مودا غير تتحرك ميخلوش فيك
وكي يتلاقاو...متفهمش منين طيح عليهم المحبة ههه ليبوكريت النفاق مام هاد النقطة تستاهل سوجي وحدو
وتالمو علبالهم بروحهم ميصلحوش كي يدورو على بعضاهم يجيو ليا...من كثرة محبتي ليهم زعما ربي يدوم المحبة -_-
ايا فولكا قالش القاوري
اكبر غلطة درتها في حياتي كي جربت نصاحب كي الناس لا مش غلطة هادي داخلة في الخبرة جرب وفارق وتعلم في حياتك العيب ادا ما تعلمناش
انا شاوية والتنيفيق وتسيتيت لبنات هذا ميدورش بيا شاوية خاوتنا وحبابنا طبعا مي باه نوضح نقطة منحبش نحكم على الناس قبايلي شاوي عربي كامل رانا خاوة وكل واحد وعيوبو صباع اليد وماشي كيف كيف
ما نعايب الناس منطيح لهدرة..نصبر ونفوت ونسامح وي وهادي والله صفة عظيمة علخاطر مش ساهلة يكون الواحد قلبو ابيض على ناس كامل
مي اذا فت طلعت حاجبي...سما راهي ديباسات لبلافو
عذرا اذا تعديت حدودي فلكلام
لكن كيما يقولو مورالي راهو ماشي ويتكركر فلرض ربي يجيب الخير ختي لالا رانا هنا خاوة ونحكو عادي مكان حتى مشكل المهم ما تخليهاش في قلبك
صح والله ناس تعيي مرات مي الواحد لازم يخلي الهمة تاعو عالية كل يوم نسمعو كلام مش مليح .. انا من قبيل سمعت كلمة شفت في مولاها واحد الخزرة قبيحة ومشيت
منرجعش حتى منغلطش في الكلام الواحد لازم يكبر عقلو

نصيحة من عندي متصاحبو ما تربحو ذنوب تع عباد ميستاهلوش ههه صاحبو وتعلمو من هاد الناس

العبد الوقت هذا يقعد براسو ومنعرف وي والله عندك حق

تحياتي

ههه والله حسيت شحال تأثرتي مع الموضوع وتفاعلتي معاه من قلبك
ما نلومش والله هاد الوقت صعيب وناس ولات تكذب وتتنيفق في الوجه حتى ما تعرف صح من الغالط مي منقلكش الواحد ما يخالطش مي ديما يخلي واحد لي ليميت بينو بين الناس وكل غلطة راهي خبرة زايدة في الحياة
مشكووووووورة ختي بااتنية ونص على تفاعلك ومناقشتك الفعالة للموضوع
نورتي اختي
تحياتي
​

 

[ام راس يابس]

رد: صاحبك سااااااااااااااااامط

غاب عمو هشام في فترة الظهيرة و رجعلنا
فهمنا بلي كان يجول في قنوات الأطفال
....
واش هاد التشبيهات الكرتونيه عمو ....معقلتكش هكا
.....
من هاذ الناحيه كاين جماعه بسيط بزاف ...و النوع الثالث و الخامس راهم دايرين حاله فالسوق
علاش علاش جدو قلبت عليا المواجع و فكرتني بواحد العباد

 

[شاعرة الأمل]

رد: صاحبك سااااااااااااااااامط

سلام هشام
موضوعك هايل الله يبارك ديما عندك الجديد
ايه شحال كاين منهم هاد العباد يهبطو لمورال للرجلين
واكدلي على النوع الثاني هداك الصامط لي تغسلو بالمعاير والشتايم ومايهزوش ريح خخخخ
نورمال يولي يضحك القلب الكبير ياو
والنوع الخامس لي شحال من واحد كلا من عندي كف ههههه
والله غير نمقت هاد النوع يلgي تقول نرفدو ونقيس جدو ملأونزيام
مشكور على الموضوع
تقبل مروري خويا
سلام​

 

[قرصان الساحل]

رد: صاحبك سااااااااااااااااامط

غاب عمو هشام في فترة الظهيرة و رجعلنا
فهمنا بلي كان يجول في قنوات الأطفال
.... ايه مزالني نتجول في قنوات الاطفال انتوما كبرتو انا مزالني صغير وليام قدامي -_-
واش هاد التشبيهات الكرتونيه عمو ....معقلتكش هكا
.....ههه ايه انا ماني طالق والو ني كوميك ني فوت ني فيلم نلصق في كلش حتى الزاوش في السما ونتبع فيه
من هاذ الناحيه كاين جماعه بسيط بزاف ...و النوع الثالث و الخامس راهم دايرين حاله فالسوق
وي جماعة بسيط يشبهلو صح وش رايك تعرفي عمو سلطع مول رسيطورو هداك لي يحب دراهم -_-
الثالث جماعة الكوستيم ايه غير هوما والخامس حدث ولا حرج
علاش علاش جدو قلبت عليا المواجع و فكرتني بواحد العباد
ايه يا بنيتي علاه نقلب الاوجاع تاعي وحدي ولا كيفاه لازم نتوجعو بكل ولا نرتاحو بكل

ام راس يابس وش حشومة كي راني نتفرج في الكوميكات وجاية تبهدلي فينا ايه مزالني نتفرج في المانgا وناروتو وحتى سانشيرو البطل المغوار اخخخ نسيت انت خاطيك سانشيرو
مشكووورة على المرور اختي ... وديما نوه باسمك يعجبني بزاف
تحياتي
​

 

[قرصان الساحل]

رد: صاحبك سااااااااااااااااامط

سلام هشام
سلامو ندى ختي ... مرحبااااااا
موضوعك هايل الله يبارك ديما عندك الجديد
يبارك ربي في عينيك ختي لي يشوفو في موضوعي هايل
ايه شحال كاين منهم هاد العباد يهبطو لمورال للرجلين
واكدلي على النوع الثاني هداك الصامط لي تغسلو بالمعاير والشتايم ومايهزوش ريح خخخخ
اه جماعة بسيط ايه اهم عندهم قدرة تحمل الرخس بالقناطر
نورمال يولي يضحك القلب الكبير ياو
هه اها القلب الميت ميحسش عليها قد ما تقلو يعجبو الحال
والنوع الخامس لي شحال من واحد كلا من عندي كف ههههه
والله غير نمقت هاد النوع يلgي تقول نرفدو ونقيس جدو ملأونزيام
واااااو شبعتهم كف يا بروسلي شحال راك واعر نولو نديرو حسابنا منك
ههه وعلاه خيرتي الاونزيام بالدات
مشكور على الموضوع
تقبل مروري خويا
مرحبا بيك ديما مواضيعي ملكك ختي ارواحي برك طلي علينا
سلام​

والله ما كنت نعرف بلي راك بروسلي ههه غير اليوم صار هكا راكي شبعتيهم كف ايا نستعرف بيك تعجبيني
نورتي الموضوع كعادتك اختي ندى
ان شاء الله ديما نشوفك بخير
تحياتي
​

 

[الورد الأحمر]

رد: صاحبك سااااااااااااااااامط

تفكرتها هي من كاريكاتور دراتو في رد هنا وبدينا نشوفو اسماء المستورة في دزاير

وكيفاه انا ما تفهمونيش في الكود تاع المستورة ... حتى انا بديت نتوسوس ونتخيل في حكاية عليها هههه
في انتظار توضيحاتكم
​

آه شكرا عالتوضيح درك فهمت مي كون تموت ما تفهمش لحكاية تاعنا هههه :p:p

 

[4algeria Network]

رد: صاحبك سااااااااااااااااامط

السلام عليكم ورحمة الله وبركاته

صاحبنا النجم صاحب سبونج بوب يسركل بزاف في الجزاير وكاين منهم بزاف بزاف ههههه هذو لي يتعبو الراس لخرين تقدر تبلعهم أما بسيط مستحيل ههههه .

موضوع مميز . بالتوفيق .

 

[قرصان الساحل]

رد: صاحبك سااااااااااااااااامط

السلام عليكم ورحمة الله وبركاته وعليكم السلام ورحمة الله مرحبا بيك خوي السيرفر -_-

صاحبنا النجم صاحب سبونج بوب يسركل بزاف في الجزاير وكاين منهم بزاف بزاف ههههه هذو لي يتعبو الراس لخرين تقدر تبلعهم أما بسيط مستحيل ههههه .
وي كون تقلب حجرة تلقى السي بسيط يقلك هات شوي معاك انهم مثل الفطريات هادو بسيط ينبتو بلا ميحتاجو لا الاكسجين ولا الماء ينوضو وخلاص ههه
موضوع مميز . بالتوفيق .

راك شفت هاد السامطين خويا وما هادو الا غيض من فيض كيما يقولو اهم كاين انواع كثيرة .. ايه ربي يساعدنا وخلاص
ههه تسمى ماشي غير انا نتبع سبونج بوب والاعضاء هنا يقولولي راك تبع في سبونج
يعطيك الصحة خويا نورتني
تحياتي
​