الناقده الافريقيه ...مواضيع على الهامش...كيف تجعل من نفسك عضوا مملا

[باتنية و نص]

رد: الناقده الافريقيه ...مواضيع على الهامش...كيف تجعل من نفسك عضوا مملا

جماعتي تاع المريخ
قالولي بلي خصهم غربال نتاع الرمله
و جيتي في بالي
قالك يخلصوك و تعيشي مهنيه ميخصك والو
و كواغطك و عناء السفر تاني عليهم
واش قلتي فيها ؟؟ نعيط لحماعتي المريخييين يرفدوك

اوه ! ديري مزية ..قتلتني السخانة فلكوكب تعكم
مي ا كونديسيو...لازم نغربلك نتي وشي وحدين معاك
نحطكم في باطة ونديكم كادو ليهم. اكي تعرفي عيب ندخل عليهم ويديا فارغين
نخاف مباعد يزعفوا ويصفيوكم كامل ويخليو برك جماعة
احسنتي
شكرا
جميل
وش قلتي ؟

 

[ام راس يابس]

رد: الناقده الافريقيه ...مواضيع على الهامش...كيف تجعل من نفسك عضوا مملا

ههه راه غايضتني هبة نورمالمون انت تروحي تشريلها ستيلو يابن عمي عندك وحد الفم فيه زوج مترات ....اللهم لا حسد ....ربي اردد عين العائن عليه
المهم والله موضوعك مليح بطريقة جميلة يحكي على واحدة من معنانات المنتديات مثل منتدانا الغالي
لانو اول حاجة يديرها العضو نهار يسجل هي انو يحاول يتعرف عن طريق ارسال رسالة ومن بعد ...الله يعين
كي تخرجلو هاذيك اللي تقلو لازملك الف مشاركة ومن ثم يحدد الهدف نتاعو وهي الف مششاركة في ظرف قصير ...سوبر عضو
ومن هنا خرجت المخلوقات الفضاائية حاولنا نحذروهم نعلموهم مي والو الله غالب السن نتاعهم صغير بزااف
ربي يهدي شكرا خيتو..العفو ..​

دار و جا عندنا جدو حكيم سطوري
شكرا على التغشيش عمو راك نفعتني لفوق
سلامي

 

[ام راس يابس]

رد: الناقده الافريقيه ...مواضيع على الهامش...كيف تجعل من نفسك عضوا مملا

اوه ! ديري مزية ..قتلتني السخانة فلكوكب تعكم
مي ا كونديسيو...لازم نغربلك نتي وشي وحدين معاك
نحطكم في باطة ونديكم كادو ليهم. اكي تعرفي عيب ندخل عليهم ويديا فارغين
نخاف مباعد يزعفوا ويصفيوكم كامل ويخليو برك جماعة
احسنتي
شكرا
جميل
وش قلتي ؟

لالا كونك مهنيه راهم ناس ملاح و راني عشرة معاهم
ناس ديمقراطيين و عمليين و ميهتموش للبروتوكول و ناس رسميين عقليه شد مد ..نخاف يعتبروها رشوة و هوما يحبوا النزاهة و تروحي نتي و احنا معاك فالجرة
انا تديري عليا روحي وانت مغمضه عينيك
و متخافيش راهم تطوروا و دارو تكييف شامل لكل الكوكب ...مخليينه على 20 درجه

 

[ليليا مرام]

رد: الناقده الافريقيه ...مواضيع على الهامش...كيف تجعل من نفسك عضوا مملا

السلام عليكم ام راس يابس ربي يوفقك غدوة ويوفق كل ابنات ان شاء الله وكل الطلاب رجال ونسا
اييه هة وعلاه تبعي فيها وانت اطول منها راهي نقراشة باينة وتحب تسيطر اسمعي خلي عندك شخصية وما تخليهاش دخل روحها
اييه المواضيع المملة اللي قلتيه صح الصراحة انا نتقلق من يكون موضوع ويجي واحد ويقولك شكرا تحياتي وعلاه تحياتك راني جوندارم قدامك قول رايك مختلف معوق مشنج مبتكر اسمو رد ناقشني يا واسمك كح اسعل خليني نعرفك راك موضوع
او يجي يديرلي شكر ويخرج زعمى علاه يصينيي في موضوعي باللي بوانتا كان هنا وراح لالا
انا نشوف مواضيع مملة اللي كما عندها حتى هدف معناها من تقراي كلمة مطلقة اللي وراها نقرا ربعو ونخرج لانو ما عندوش فكرة باينة يحكي عليها
موضوعك توب وكلامك توبين وهبة ذيك ما تزيديش تبعيها ياخي راسك يابس كيفاه هي تفوت فيك كيما تبغي
بون كوراج لغدوة وتفكيرنا كي يمدولك اول سوجي
موفقة

 

[فيتامين سي]

رد: الناقده الافريقيه ...مواضيع على الهامش...كيف تجعل من نفسك عضوا مملا

رجعت نحكي على الموضوع لقيت ناس يحرشو فيك عليا ....صار هكدا و انا نقول غير نتوما لي توقفو معايا
معليش ...كاين ربي
اه الصح هي كي نكون معاها تخليني نشري ...أصلا طريق كامل و حنا تقرعيج الوقت الوحيد الي نتفاهمو فيه كي نكونو برا و بغيتو ترجعوها شريرة



المهم معليش سيي حكمي و تشوفي كفاش نديرلك ....بطريق

...........نرجع لموضوعك
مكانش كما نكتبي رد كبيييير و مليح ...من كترت يعجبك تقريه 10 مرات يجي هداك الكائن يكتبلك شكرا.......احبااااااااااااااااااااااااااااااااااااااااااااااااااط
ولا تكتبي رد يجي شخص من خارج كوكب الأرض يخلي كامل الردود ويلهالك تحس روحك مدنب و متهم بقضية قتل حشرة من الحجم الكبير
و المليييييح الي كي يكون ردك عكس الرد الي يحوسو عليه ..هدو يزعفو و يشنفو و ميزيدوش يحكو معاك تقول بيناتكم مشاكل من العهد الحجري
لازم دايما تقوليلهم صح نعم طيب هدو شفت منهم بزاف

 

[4algeria Network]

رد: الناقده الافريقيه ...مواضيع على الهامش...كيف تجعل من نفسك عضوا مملا

السلام عليكم ورحمة الله وبركاته

تالمون المقدمة تاعك طويلة ما جيت نوصل لصلب الموضوع ونكمل الموضوع نسيت واش كان الموضوع وتفكرت غير المقدمة هههه، بالتوفيق لأختنا في الباك ان شاء الله من الناجحين .

بخصوص الأعضاء لي ذكرتيهم مع التذكير هنا أنو لكل عضو في المنتدى مكانة وقيمة وأي منتدى ما يرقاش بمنتدى إذا ما توفر على أعضاء ولكل عضو دور في المنتدى مهما كان صغير بصح النوع هذا ما نقدروش نفهمو دورو طالما ما فهمناش الغرض من التواجد تاعو .

مثلا لو نروحو للمنتديات التعليمية نلقاو هذي الردود هذو نفهمو أنهم أعضاء سجلوا لمجرد طلب المساعدة والدروس ولا لطرح سؤال ويلقى إجابتو يتشكر لي ساعدو ويروح هذا يبقى خير من لي يدي ويروح بلا كلمة شكرا للإنسان لي ضيع شوية من وقتو حتى يساعدو .

وخارج المنتديات هذي لي نقدرو نقولو عليها خدماتية مثل هذي الردود تعتبر تراجع للمنتدى وحتى تراجع للمواضيع وإحباط للعضو المبدع اتخيلي يجي عضو ما شاء الله يعمل موضوع رائع ويجيه واحد يقولو موضوعك رائع ديجا العضو راه عارف بلي عمل موضوع رائع ويتوقع تفاعل ماشي شهادة إدارية أنو رائع !!!!!! هذو الأعضاء هنا يرجعو عرقلة لتقدم المنتدى والعضو .

الموضوع هذا لوكان نحكي عليه ما نكملش نحبس عند النقاط هذو وبالتوفيق .

 

[أميرة ميرال]

رد: الناقده الافريقيه ...مواضيع على الهامش...كيف تجعل من نفسك عضوا مملا

ايه صح مليح الموضوع وأنا كنت ناكل في الميلفاي





هههه زعماك رد كيما هذا ونرجع عضوة مملة عن جدارة واستحقاق
واش تحبي اختي الناس عقليات وكل واحد واش راه جاي يعمل هنا
أنا وحدة من الناس مام راني جديدة ما نحبش نعمل الردود السطحية
الرد راه يعبر على مولاه يعني حتى وما نعرفوش بعض من الردود هذي
نقدرو نعرفو الإنسان هذا تقريبا شخصيتو كيفاش عاملة وتفكيرو كيفاش
داير وكذا بصح منين يجيك واحد يقولك شكرا أنت رائعة وعمل نسخ
لصق ويفوت للمواضيع كامل بنفس الرد هذا كيفاش تحللي عقليتو
ولا شخصيتو ؟ هيا روح خونا فوت ريحتك في دورة وحد أخرى
أنا صراحة نتعب من الأعضاء هذو وهذو هوما لي حرقولنا الشوربة
احنا لخضر هههه أنا عندي مشكل مع لوني الله غالب اوووف
ومرسي الزينونة أم راس يابس ياك عندك جمجمة هكذا قلتيلي :p
​

 

[تـريـــاق المحـبـة]

رد: الناقده الافريقيه ...مواضيع على الهامش...كيف تجعل من نفسك عضوا مملا

الله يكون في عونك .. وبالنسبة لنصائح خليها عندك ما عندي ما ندير بيها التزمي بنصائح النجاح في الباك احسن لك ربي ينجحك ​

 

[الزهرة الحمراء]

رد: الناقده الافريقيه ...مواضيع على الهامش...كيف تجعل من نفسك عضوا مملا

السلام عليكم مصيبة
بارك الله فيك على الموضوع احسنت خخخخخخ
صراحخة انا هاد الناس يعيوني ويحبسولي مخي ويغلولي دمي خاصة وقت لي تكتبي موضوع قد السخطة مايخلاصش وتعبتي فيه ويجيك واحد يكتبلك بارك الله فيك .....يا اخي شاركنا رأيك عبر عن شعورك واذا عجزت تحط رد ماتحطوش من الاول وماتدخلش للموضوع يدير رد يفشل كاتب الموضوع
ولا تاني كيما لي حكيتي عليهم تع يروح لآخر مشاركة ويحطلك رد يا اخي اقرا الردود حتى وماقريتش اقرا نصها شوف وين لحقو بالنقاش شوف بالاك منشرو فيك خخخخخخ مثلا مرات تكتبي موضوع وتكوني تتناقشي مع الاعضاء في مشكلة الموضوع وتتوصلوا لحل يرضي جميع الاطراف يجي اخونا مايقراش الردود يروح لآخر رد يحطلك رد يخص المشكلة لي حليتوها من عام الفيل وزيد كي يعاود يطرحها ....يطرحها وهو مقلق ومصمم يثبت رأيو وكاتب الموضوع ياحسرااااه راهو من وقتاه حل المشكلة
وزيد لي يعيوني بزااااااااف الاعضاء لي يحطو ردود في مواضيع المشاركة حبست فيها بالاك من 2009 ويدير رد عادي ويناقش فالمشكلة من نيتك صديقي واش راك مستني من ردك ....ردك رايح يخلاص بحذف زائد غلق الموضوع هههه
ان شاء الله مانكونش طولت عليك
تحياتي مصيبة​