أميرة ميرال
:: عضو مُشارك ::
- إنضم
- 25 ماي 2016
- المشاركات
- 254
- نقاط التفاعل
- 615
- النقاط
- 21
مساء الليل جماعة راهي 00:56 دج جزائري هههه ومازلت سهرانة
وقريت وحد الموضوع (على سبيل الإشهار ههه) هيا حبيت ندير ردي للموضوع هذا
في موضوع مع أني راني رديت على هذا الموضوع بصح حبيت موضوع يرد على موضوع
علابالي دوختكم :p:p:p الموهيم أنا نحب نعمل إشهارات باطل للأعضاء ولازم تقراو الموضوع
هذا باش تقدرو تفهمو عليا :p:p
الجميع مهدد - ارواحو تعرفوا للعضوة لاريمان (راني عملتك إشهار يا أختي :p)
المهم حبيبتنا لاريمان راهي تقولنا بلي رانا مهددين بالمرض ومن بعد بالموت
المهم خوفتنا من أنو نشربو الماء قالتلكم راهم يعاودو يصنعو القارورات البلاستيكية
التي تحتوي المياه المعدنية راهي غير صحية تسمى بطلو تشربو الماء أشربو من العين الروبيني
ولا منين تعطشو روحو للمنبع اون بيرصون أشربو وارجعو المياه الجوفية والله ما تغدركم وصحية
وراهي تقوللكم تانيـك بلي بزاف أغذية تحمل مواد مسرطنة حتى هنا أنا معاها
شوفو غير بطلو تاكلو أزرعو الخضرة في pot في البالكونة وقلعوهم وغزوهم طازجين
أنا والله راني معاها وعجبتني كي نصحتنا بصح يا أختي لاريمان كي وصلتي تحكي على الدجاج
ااااااااااااااااه غير هنا ما نتفاهموش يا أختي تقوليلي راهم يحقنو فيه والدجاجة تكبر وتتنفخ ليه ليه
هنا نزعف منك يا أختي راني من جماعة تاكلي الجاج ما تهدريش على الجاج يا أختي
ما تحلبينيش gاع لواش يديرو في الجاجة خلوهم يديرو فيها واش حبو المهم تجي كبيرة ونشبع
أنا كي نضرب فخذ سي بون هنا نقلبلك التهديد من نوع آخر مالا اسمعي التهديد هذا
ديجا اسمعوا كامل: احم احم احم :sport01::sport01::sport01:
راه بوناطيرو من العام لي فات يندب بلي الجزاير رايحة تشهد سلسلة زلازل عنيفة على الشريط
الساحلي ورانا شفنا منهم ديجا ولي مازال الله أعلم من بعدها قضالنا على الأمل وقالك نتوقع
يصير زلزال أعنف من زلزال بومرداس وبقينا كل يوم نصلو ما تدري الأجل وقتاه يجي مع تتحرك
لرض تحتنا من بعد كي شفنا بصيص أمل يلوح بالأفق قالنا متوقع تسونامي تضرب شمال الجزائر
وموجة البحر تطلع 900 متر ؟؟؟ قولولي كاين تهديد كثر من هذا ؟؟؟ خلوني في تهديد الجاجة
والتشكة لي ينفخوها بيها خير من تهديد بوناطيرو البومة منين نسمعلو نحسب روحي رايحة ننقرض
أنا وكامل الجزايريين
حتى تفكرت وحدة في راس العام يجيبوها في قناة لبنانية زعماك تعمل التنبؤات قالتلهم يصرا تسونامي في الجزاير قلتلها يصرا في راسك ان شاء الله
مالا يا لاريمان أختي أنا مادابيا كي يجي تسونامي كان جا نكون كليت جاجة وشبعانة
خليني نموت وأنا ناكل في الجاج ما تخوفينيش منو بجاه ربي سبحانو أنا خُيْتك :p:p
رانا عايشين بمشيئة ربي راه كلش تهديد لحاتنا ولوكان نتوسوسو بزاف ما ناكلو ما نشربو
نموتو من التوسويس برك ما تخلعيناش سير تو من الجاج ههههه :tongue02::tongue02::tongue02:
وفي خاطر هشام هشام كتبت برقم 6 قالك 7 عماني سبحان الله
شكيت في عينو تزومي علابيها كي زوماتلو كتيبة الرقم 7 شافها فلو فسدت الكاليتي :p:p
هيا تشاو خوتي
