هل كرهت زوجك/خطيبك يوما ما؟

[دعاء الجنات]

تحياتي إليك أختي اللماوية...
حبيت نعطي "تنبيه" مهم مهم جداً للمخطوبات ؛ أو المتزوجات حديثا
مرات يجيك احساس كره اتجاه خطيبك/زوجك.. وماتعرفيش سبب هاذ الكره
حبيت ننبهك بلي هاذي "رسالة مجانية " من الشيطان لي يحاول يجربها... واش خاسر بالاك يطيح في وحدة متشتتة الأفكار وسهلة الإسترسال للوساوس.. وبالتالي يفرق الشيطان بينها وبين خطيبها/زوجها بكل سهولة ..
اذن : اذا جاك هذا الشعور "الكره" استغفري الله واستعيذي بالله من الشيطان الرجيم وماتخليهش يلعب براسك
لأنو كاين بزاف لي تلقا هاذ الشعور وتتخلى على خطيبها/زوجها وتختلق أسباب الفراق لأنها ماتحبوش وماتحملوش وبالتالي يحصل الفراق ويفرح الشيطان وهي تحس بندم "لا شيئ يجعل الإنسان صغيرا كالندم" والندم صعيب
-تذكري دائما محاسن خطيبك/زوجك ... تذكريها وزينيها في قلبك*
أما سلبياتو تذكري بلي ماكامش انسان كامل وبالاك سلبياتك اكثر ...
وهاذي قالها رسول الله صلى الله عليه وسلم للرجال على نسائم "اذا كرهت منها خلقا رضيت منها خلقا آخر"
وانا نقول لك اختي... اذا ماعجبتكش حاجة فيه... روحي اكتشفي الأشياء الجميلة لي راهي فيه.. بالاك لوكان تكتشفيها تغرقي فيها...
اتمنى تكون وصلت الرسالة​

 

[نبض الحياة]

رد: هل كرهت زوجك/خطيبك يوما ما؟

السلام عليكم ورحمة الله وبركاته
بالرغم من انو مزال ما جا هه
لكن رح آخذ نصيحتك بعين الاعتبار
بوركت حبيبتي

 

[الورد الأحمر]

رد: هل كرهت زوجك/خطيبك يوما ما؟

السلام عليكم
مثل هذي الأمور تصرا خاصة أنو المرأة عبارة عن كومة هرمونات ومرات بسبب الهرمونات يصرا هذا الاحساس بصح احساس عابر نتيجة عن نشاط الهرمونات وأيضا عن تراكمات سابقة .
الوحدة لازم تنتبه أكثر وتعرف كيفاه تتصرف . شكرا اختي على النصيحة .