امممم اتخيلو رانا في بيت واحد

[الحلم الوردي]

رد: امممم اتخيلو رانا في بيت واحد

وعليكي السلام والرحمة
رانا ملاح الحمد لله
ايه ارواحي راني نستانك خفي روحك
صحا نور
​

 

[بنقابي افتخر]

رد: امممم اتخيلو رانا في بيت واحد

راهم يقولو مانعرف !!!

 

[الحلم الوردي]

رد: امممم اتخيلو رانا في بيت واحد

سلام البنات واش راكم مع رمضان اليوم الرابع ولحد الان الحمد لله

سلام اختي اسماء
لباس الحمد لله
وانت واش راكي مع رمضان

 

[الحلم الوردي]

رد: امممم اتخيلو رانا في بيت واحد

السلام عليكم
وش لحوال لباس ؟
سمعت بلي ليوم هدى وملاك وسكون يتكفلو بالفطور
الحمد لله هنيتوني

وعليكي السلام والرحمة
الحمد لله
وانت راكي مليحة
ايه ليوم ان شاء الله ماعندكش حاجة كبيرة
تقدري برك تنيتوايي الصالون برك وتريح
ياك ماش حاجة كبيرة

 

[بنقابي افتخر]

رد: امممم اتخيلو رانا في بيت واحد

ايه قوليلي واش ندير برك
حقا شفت موضوعك عن حريرة اتأسف عن بعض الردود والله عيب كبير
حريرة الغرب تختلف عن اي بيت ماشي حتى منطقة لكن العقل صغير برك
ماعليش ولو اني كتبتلك اقتراح ومن بعد قلت انا واش دخلني لكن نيتي كانت نصيحة برك ^^
للعلم اني جربتها اليوم دوك نردلك الخبر

 

[AmiR@RoRo]

رد: امممم اتخيلو رانا في بيت واحد

ايوا مزيا ماشي بزاف
ملا ليوم روpو تاني ههه نيالي

 

[ليليا مرام]

رد: امممم اتخيلو رانا في بيت واحد

سلام جماعة الخير واش راكم اليوم
البنات واش نديرو اليوم راه جايتني القفازة
قوليلي صح واش تقترحو الفطور راني نحوس كاش جديد نطيبو فالدار كرهنا نفس الاطباق
اقترحونا اطباق هايا واش درتو اليوم فدياركم

 

[{مُدَلَّلَتُهُ}]

رد: امممم اتخيلو رانا في بيت واحد

مرحبا بيك اسما توحشتك حبيبتي بزاف ان شا الله راكي بخير مع رمضان و الأولاد ربي يكون معاك

ملوكة راني هنا اختي اليوم انا ندير الحريرة كيما الي درتيها انت و لا كاش ما نزيد معاها قوليلي

أمورة ما تهنيتي ما والو اليوم أنت و أسما "عاشقة الجنة " نخلولكم الماعين

و ضوك ندبرو شكون تعجنلنا الكسرة . . خير ما يجو الشاشرة و يقولو علينا ما نعرفوش نعجنو نشرو الخبز تع برا

يااا صبت شكون تعجن ههههه إيمان أما ميجو اليوم نعطوها راحة البارح مسكينة طابت في الكوزينة
​

 

[AmiR@RoRo]

رد: امممم اتخيلو رانا في بيت واحد

اهلا ليليا
ليوم راكي ناشطه ماارهش غالبك كما لبارح ههه
هي مع هاد السخانه لازم غير الخفيف
ديري شربة ومعاها كيش و بطاطا مقلية باسكالوب ولا وسلاطة واقلب
هدا ادا كانو اهل الدار ماياكلوش بزاف بصح ادا كانو اكولين الله يبارك ههه شوفي كاش ما تزيدي


ههه نور ضربتيني فالتر الحساس هات نطيب ومانغسلش ماعن وش بيك انتي

 

[{مُدَلَّلَتُهُ}]

رد: امممم اتخيلو رانا في بيت واحد

سلام جماعة الخير واش راكم اليوم
البنات واش نديرو اليوم راه جايتني القفازة
قوليلي صح واش تقترحو الفطور راني نحوس كاش جديد نطيبو فالدار كرهنا نفس الاطباق
اقترحونا اطباق هايا واش درتو اليوم فدياركم

و عليكم السلام و رحمة الله وبركاته مرحبا بيك حبيبتي


اليوم أنا درت حريرة و لحم داند راه يطيب في المرق مبعد نحمره نقليلهم شوية فلفلة مع لي ميني بيتزا و الحلو و سلطة طبعا ضوك شوية نوض ندير المحلبي و خلاص بزاف عليهم
​

 

[الحلم الوردي]

رد: امممم اتخيلو رانا في بيت واحد

ايه قوليلي واش ندير برك
حقا شفت موضوعك عن حريرة اتأسف عن بعض الردود والله عيب كبير
حريرة الغرب تختلف عن اي بيت ماشي حتى منطقة لكن العقل صغير برك
ماعليش ولو اني كتبتلك اقتراح ومن بعد قلت انا واش دخلني لكن نيتي كانت نصيحة برك ^^
للعلم اني جربتها اليوم دوك نردلك الخبر

اختي اسماء تقدري ديريلنا تحلية برك
والله انا من النوع العاقل وجامي قست واحد بالهدرة
مي حاجة الي غاضتني انو انا درتها بطريقتي صافي مازدتش فيها صوالح نتاع ناس الغرب
ونتاع الصح هي تختلف من دار الى دار
وكل واحد واش حاب يزيد ولا ينقص
ايه كتبتيلي اقتراح ونوغمال
وكي نشري برك الصوالح هدوك نديرها
ماقولت والو هد الحريرة ولات حكاية اللمة
ههههههههههههه
ايه ان شاء الله

 

[{مُدَلَّلَتُهُ}]

رد: امممم اتخيلو رانا في بيت واحد

هايا اانا نوض ضروك نسيت روحي في الجماعة

مبعد ان شا الله نرجعلكم سلاموو
​

 

[ليليا مرام]

رد: امممم اتخيلو رانا في بيت واحد

اييه اميرة اليوم ناشطة ماراهش غالبني
لالا ما راناش بزاف انا ويمى برك ويمى ما تاكلش امور بيتزا وغيرو نديرهم ليا اما هي تحب اطباق تقليدية راهي قاتلي ضرك نشوف واش ندير ليا وانا نوض من بعد ندير كيش كيما قلت وخلاص وشوي سكالوب راهي سخانة بزاف
اختي لوفلي صح نقلي شوي فلفلة
قوليلي كيفاه ديري محلبي انا جامي درتو يعجبني مي ولا مرة درتو

 

[الحلم الوردي]

رد: امممم اتخيلو رانا في بيت واحد

سلام جماعة الخير واش راكم اليوم
البنات واش نديرو اليوم راه جايتني القفازة
قوليلي صح واش تقترحو الفطور راني نحوس كاش جديد نطيبو فالدار كرهنا نفس الاطباق
اقترحونا اطباق هايا واش درتو اليوم فدياركم

وعليكي السلام والرحمة
اهلا اختي ليليا
رانا دايرين حريرة وتانيك تقدري ديري رولي محشي بالمرقة البيضا
دورك شوي هاك ونحط الوصفة نتاعو بلك يعجبك

 

[ليليا مرام]

رد: امممم اتخيلو رانا في بيت واحد

اهلا اختي
ملاك اوك غير تحطيها قوليلي

 

[الزهرة الحمراء]

رد: امممم اتخيلو رانا في بيت واحد

السلام عليكم ناس دارنا
واش حوالكم معليكمش
وسعوا وسعوا راني جيييت

 

[ليليا مرام]

رد: امممم اتخيلو رانا في بيت واحد

زهرورة جيتي راني عاقلة اليوم احرزي رك تخلطي فيا
هانا وسعنا وري شطارتك

 

[الزهرة الحمراء]

رد: امممم اتخيلو رانا في بيت واحد

لالا رحت ماجيتش هههه
ياعمري على العاقلة تاعنا تهبلي كي تكوني عاقلة
ايا صحا كي عدتي اليوم عاقلة طيبيلنا حاجة من يدك والله حابة نذوق طياب يديك هههه
شطارتي وريتهالكم البارح ماش كل يوم نوري شطارتي

 

[Djaouida]

رد: امممم اتخيلو رانا في بيت واحد

سلام واش راكم فطنتو ولا مزال بويسك انا راني قاعدة وراقدة في نفس الوقت اععععع راني باغية نرقد
بصح الله غالب عندي نصيب تاع الفطور اليوم خخخخخ تعرفو بلاصتي كي راهي تبان لي وياااااااا ههههه

 

[ليليا مرام]

رد: امممم اتخيلو رانا في بيت واحد

اييه راني شاطرة وحاضر نطيبلكم اليوم حاجة من عندي
تعرفو لاتارت نتاع البطاطا مقلية بعجينة السوفلي هذي تحفة وتجي هايلة
اللي حبت نوريلها لاروستات انا ديتها من منتدى وليت نديرها فالدار
راج نديرهالكم