لغز للأذكياء فقط

[لؤلؤة قسنطينة]

رد: لغز للأذكياء فقط

علاه يعني شوي نشاط لي بقالنا قضيتولنا عليه باللغز هادا ههههه
راني جايبة ورقة وستيلو وكالكيلاتريس ومهندسين ومحاسبيين ومعرف اذا نحلو هههه
نجيب كاش خياط هو لي يفهم لأذواق المستهلكين :d
هيا ختي ملاك التراب مديلنا كاش مساعدات
​

 

[جليلوس]

رد: لغز للأذكياء فقط

وي قولي تشوفي ... عطينا بصيص امل في الحل

برك وانا نحلها ادا كتب ربي

 

[لؤلؤة قسنطينة]

رد: لغز للأذكياء فقط

عجبتني بصيص امل هههه ياو اعطينا بصيص حل
الشابوات هادو دوخوني حتى كرهت فجأة الكل قبعات العالم
بدليها ترا بوراكات بلاك تصلح هههه
​

 

[جليلوس]

رد: لغز للأذكياء فقط

ههههههههههه واه عفسة مليحة تاع البوراكات هههههه

ياو نديرو راي زييين روحو ترقدو خير :p

 

[تـريـــاق المحـبـة]

رد: لغز للأذكياء فقط

بيضاء
لي أخذ منهاذوك الثلاثة البيض ولبس لكل واحد فيهم وكل واحد سأله ماعرش على خاطر مايقدرش يشوف اللون تاع القبعة فوق رأسه لكن يقدر يشوف لي قبله بالنسبة للثاني شافها ولما الاول سمع الأقوال تاعهم عرف بلي لون القبعة أبيض واش رأيك

 

[Msb security]

رد: لغز للأذكياء فقط

عندي حل لهاذ اللغز
لكن انتضر من الاخوة ايجاده
وساقول لكم بعد الافطار
ندير السوسبانس ههه
صح فطوركم

 

[دعاء الجنات]

رد: لغز للأذكياء فقط

بيضاء
لي أخذ منهاذوك الثلاثة البيض ولبس لكل واحد فيهم وكل واحد سأله ماعرش على خاطر مايقدرش يشوف اللون تاع القبعة فوق رأسه لكن يقدر يشوف لي قبله بالنسبة للثاني شافها ولما الاول سمع الأقوال تاعهم عرف بلي لون القبعة أبيض واش رأيك

سمحيلي بصح مافهمت والو

 

[دعاء الجنات]

رد: لغز للأذكياء فقط

عندي حل لهاذ اللغز
لكن انتضر من الاخوة ايجاده
وساقول لكم بعد الافطار
ندير السوسبانس ههه
صح فطوركم

مشكوووور
خلينا نكتشفو الأذكياء تاع اللمة :d

 

[Msb security]

رد: لغز للأذكياء فقط

سمحيلي بصح مافهمت والو

هههههه :d
خلطيهانا ورانا في رمضان واحد صايم

صح فطورك ختي
:thumb_up02:

 

[دعاء الجنات]

رد: لغز للأذكياء فقط

هههههه :d
خلطيهانا ورانا في رمضان واحد صايم

صح فطورك ختي
:thumb_up02:

ههههه الله يسلمك وصح فطوركوم كاااامل

فكرتني بكري في الإختبارات تاع فرونسي كيما نفهمش السؤال نحوس في النص الجملة لي تشبه للسؤال ونكتب ڨاع واش موراها ههههه
مشكورين كامل لي راهم يشاركو

 

[دعاء الجنات]

رد: لغز للأذكياء فقط

صح فطوركم....

 

[Msb security]

رد: لغز للأذكياء فقط

ههههه الله يسلمك وصح فطوركوم كاااامل

فكرتني بكري في الإختبارات تاع فرونسي كيما نفهمش السؤال نحوس في النص الجملة لي تشبه للسؤال ونكتب ڨاع واش موراها ههههه
مشكورين كامل لي راهم يشاركو

السلام عليكم
صح فطورك
ههه وي اختي مام انا فكرتيني كي كونت نقرا لونكلي كونت نكوبي م ليسوجي واحدوخرين راكي فاهمة
ميرسي اختي امبعد نقولك حل اللغز
تحياتي

:regards01:
:d

 

[دعاء الجنات]

رد: لغز للأذكياء فقط

السلام عليكم
صح فطورك
ههه وي اختي مام انا فكرتيني كي كونت نقرا لونكلي كونت نكوبي م ليسوجي واحدوخرين راكي فاهمة
ميرسي اختي امبعد نقولك حل اللغز
تحياتي

:regards01:
:d

راني نستنا في الأعضاء لخرين يعطوني الحل زعما الصباح دارو سبة بالصيام ودورك ماعندهومش سبة ههههه

 

[لؤلؤة قسنطينة]

رد: لغز للأذكياء فقط

صح فطوركم
والله فطرت وماحبش مخي يخدم هههه
ياك زعما قلنالك عاونينا ههه
​

 

[زهرة اللمة]

رد: لغز للأذكياء فقط

الله يسلمك

انا ربما عندي الحل احممممممممممممممممم

ربماا و الله اعلم.
.
.
.
.
.

.
.
...
الشخص الاول يكون في الاتجاه المعاكس معنااه يكون يشوف في الثاني و الثالث

و بهذا اذا كان للشخصين الثاني و الثالث قبعتين مختلفتين فسيعرف الاول لون قبعته ( الاول )

و اذا كانت القبعتين لهما نفس اللون فربما سيسال الشخص الثاني عن لون قبعته بحكم الثاني يرى الاول


جاري التفكير ههههه :s​

 

[دعاء الجنات]

رد: لغز للأذكياء فقط

الله يسلمك

انا ربما عندي الحل احممممممممممممممممم

ربماا و الله اعلم.
.
.
.
.
.

.
.
...
الشخص الاول يكون في الاتجاه المعاكس معنااه يكون يشوف في الثاني و الثالث

و بهذا اذا كان للشخصين الثاني و الثالث قبعتين مختلفتين فسيعرف الاول لون قبعته ( الاول )

و اذا كانت القبعتين لهما نفس اللون فربما سيسال الشخص الثاني عن لون قبعته بحكم الثاني يرى الاول


جاري التفكير ههههه :s​

اهلا قطر الندى
اولا الشخص 1,ماراهش مقابل حتى واحد ومايشوفشش الشخص 2و3

وايضا ماسقسا حتى واحد

هو وحدو استنتج لون القبعة .

 

[دعاء الجنات]

رد: لغز للأذكياء فقط

ok مريم دورك نعاونكم شويااااا

الشخص 3: قال لا أدري
لأنو.....
ماشي في زوج حمورا... لوكان جاو في زوج حمورا.. يبقا غير اللون الأبيض يعني بقا احتمالين

يا إما

1- الشخصين 2و1 قبعاتهم في زوج بيوضا
أو
الشخصين 2و1 واحد قبعتو حمراء ولاخر بيضاء
.
.
.
.
.
انطلاقا من هاذين الإحتمالين حوسو على الجواااب​

 

[جليلوس]

رد: لغز للأذكياء فقط

ياااا صحااا فطوووركم

غير كيف كيف الحاج موسى وموسى الحاج ماعطيتينا حتى مساعدة هادووو استنتجناهم احنااااا يااااات مخي حبس مالقيت كيفااااه نحلهااا دروك المهم الاول قبعتو بيضاء بصح التعليل يجيب ربي هههههههه ايا صحااا سحوركم

 

[لؤلؤة قسنطينة]

رد: لغز للأذكياء فقط

هههههههه والله نفس الشي لي قالو خويا جليل
راني فتحت صفحة من الصباح وكتبت عليها إما قبعة حمرا وبيضاء او فيزوج بيض
بصح من بعد واش يصرا ههههه
كيما قالها خونا جليل قبعة بيضاء بصح الاستنتاج يجيب ربي هههه
​

 

[دعاء الجنات]

رد: لغز للأذكياء فقط

دورك الشخص 2 راه يشوف في القبعة تاع الشخص 1 ... ولوكان شاف لونها .. (؟) مايقولش لا أدري "شوفو الاحتمالين"