سلام الله على أحبتي الطيبين من أعضاء إلى مشرفين إدارة ومسييرين نقوللكم تقبل الله منا ومنكم الصيام والقيام وصالح الاعمال وبعد:بصفتي استاذ وحارس لشهادة الباكالوريا هذا العام مرت عليا كالكابوس وهو كابوس اعادة الحراسة فبعد خمسة ايام من الحراسة في الدورة الاولى وتعب كبير تقرر اعادة دولة ثانية وفي رمضان واصبحت نفطن في الليل مقبوض وخايف كفاش نعاود نحرس ونقعد في مقعد 4سوايع ونص ساكت ونحكي لعمري قصص بكري باش نجوز الوقت خاطر المنطقة لي حرست فيها تلامذتها ملاح معندهمش نية الغش اما في المرة الثانية فعاودت حرست نفس التلاميذ لي حرستهم في المرة الاولى وفي نفس الحجرة وقبل ما ندخلو لقاعات الامتحان سمعت مجموعة من أعضاء الامانة يقولو والله ياويتسرب هذى المرة ما نخدمو هذا مبقاش باك اصبح مسلسل هندي معاد يخلاص هههه ضحكت انا خاطر لقت العنوان نتاع بكالوريا 2016 وبعد ما جابولنا المواضايع وبدينا نوزعوفيهم على التلاميذ كاين فيهم بعض التلاميذ أشقياء بعد ما تسلموا الاسئلة قالوا بصوت واحد....اي هو....طبعا وقصدو بيه انو هو لي شافوه لبارح ع النت متسرب .منخبيش عليكم انا خفت نرجعوا مورا العيد نعاودو نفس الحلقة هههههه وبعد مدة سكتوا وظهر علهم شي من الخوف كاين لي بكات وكاين لي عصر عينيه ومخرجوش دموع بسبة الصيام وبعد مرور نص الوقت ...يلا كل مرة ويقولي واحد نخرج طبعا انا الوحيد من الحراس رجل الباقي نساء ومعلوم اني انا لي نخرج مع الذكور وصبحت رايح جاي في هذيك الشمس الحارقة وبعد الرحلة الرابعة او الخامسة قالي واحد من الامانة :واش كاين استاذ كل مرة تخرج مع واحد؟؟قتلو:لقاوه هو...ههههه....قالي واش هذا لي هو.؟قتلو لي خايفين منو حنا كامل هههه وقال نسكت باضحك... المهم جوزت معاهم قريب خمس ساعات وانا رايح جاي من الحجرة للمرحاض حتى تعكلت في المرة الاخرة على العتبة ...هههه وتبهدلت وقالي التلميذ سايس روحك استاذ نهار مزال طويل هو يضحك....خبيتها في نفسي وسكت وكملو هما وبان عليهم التعب مع الخوف ففهمت انا بلي ملقاوهش هو.... يبانلي ظهرت هي ههههه فقلتلهم في اخر الحصة واش حالكم يا ولاد قالولي صعيب...فقلتلهم: هذا هو وجا صعيب ولوكان جات هي واش عملتوا هههه وقالو نسكتو بالضحك حبيت نخفف عليهم شوي من الضغط النفسي
خلاصة القول انا حسيت روحي عاودت السنة لما عاودت حراسة الباكالوريا ولي متوفقش وعاود العام الجاي لو يسمع بلي الباك تسرب يكذب ويقول مكانش منها باش ميعودش المعانات كما هذا العام
نتمنى يكون كلامي على حبابي خفيف ضريف وصحى صحوركم بعد فطوركم سلام
خلاصة القول انا حسيت روحي عاودت السنة لما عاودت حراسة الباكالوريا ولي متوفقش وعاود العام الجاي لو يسمع بلي الباك تسرب يكذب ويقول مكانش منها باش ميعودش المعانات كما هذا العام
نتمنى يكون كلامي على حبابي خفيف ضريف وصحى صحوركم بعد فطوركم سلام
