والله ما بالعاني

[ليليا مرام]

السلام عليكم جماعة الخير
اييه والله ما بالعاني
يا جماعة حبيت نحكي على عفسة
تلاقيت مع جارتي وانا بنيتي والله
اهلا .... واش راكي واش راهم الدار
وانت ليليا لاباس .... والله الحمد لله تعيشي
اييه واش راه وليدك ياخي سلامات برك الحمد لله هكذا ولا اكثر .... راكي تعرفي ليجون الوقت هذا والله ربي يهديهم برك
الدبزة هذي توصل للمحال
المرا حلت فمها وقاتلي شكون وليدي ... وانا هنا بدا وجهي يتبدل
قتلها فلان .... وكنت رايحا خلاص خلاص والو
لالا ليليا والله تكملي هدرتك .... قتلها يا ودي اسمحيلي والله خلاص
المرا شدت وانا ما كنتش عارفة مخبيين عليها انو وليدها فالسبيطار ضربوه بالموس
والمرا ولات تعيط فالزنقة ويا حوجي انا واش درت وليت فمشكل وحشمت مت بالحشمة وليت نحل ونربط
ورحت لدارها نطلب فالسماح ونحكي مع بنتها قاتلي ليليا والله نورمال ما قصدكش
حشمت مت بالحشمة يعني والله ما بالعاني حطيت روحي فواحد الموقف

نزيدكم مرة اييه ما تقولوش ليليا ديما انت ماشي بالعاني
والله صح ما بالعاني .... فعرس كنت انا وصاحباتي قاعدين ومرا قدامنا
ايا ناضت وحدة تشطح قاتلي صحبتي ليليا نسقسيك شكون هذي برانية
قتلها يا ودي مرت فلان الدوزيام ... انا ما نعرفهاش مي وراوهالي ولو انو قالولي مرتو هايلة ما خصها والو
يخطو راسنا خلينا
والمرا ناضت تعيط وراحت ليها تجري من الشعر
ياو اللي سمعتنا مرتو الاولىة وياخاااااااااااااا
انا هربت والله شعلتها بلاما فقت تبهديل

هذا هو السوجي
مرات نديرو كوارث بلاما نحسو
خبروني اذا صراتلكم وين ما درتوهاش بالعاني وقادرة توصل لامور كبار

نخليكم تحكونا وميرسي

وفعلا مش بالعاني مرات نوصلو رواحنا للمشاكل او نتحطو فموقف يحشم

ميرسي جماعة الخير وصحا سحوركم
​

 

[Skor m@k]

رد: والله ما بالعاني

السلام عليكم
حتى حنا ماشي بلعاني طولنا عليك هههه ماشي مالف نعتمد في رمضان ههه
المهم انت صاحبت المشكلاات لي تصرى ديما هههه
صح انا منذاك نهدر ونهردها مي منكملش نقطعها فالوسط هههه
مي شحل وعرا سورتو كي يموت كاش واحد وتهدري قدام يماه ههههه
تخلاص علبك مال هههه
يعطبك الصحة على الموضوع لخفيف ظريف​

 

[عاشقة الإحسان]

رد: والله ما بالعاني

موضوع رائع حبيبتي ليليا ، لي عودة ان شاء الله​

 

[لؤلؤة قسنطينة]

رد: والله ما بالعاني

السلام عليكم
صح فطورك مريومة
عجبتني تاع مرتو الثانية ههههههههه هادي جات في الصواب خلي مسكينة تفيق الماء راهو يجري تحت رجليها ههههه
موضوع هايل وصح تصرالنا نطيحو في مواقف ماش ملاح ومانلقاو كيفاه نلموها هههه
انا حسب واش عصرت مخي تفكرت زوج مواقف صراولي هههه، الاول كي كنت نقرا في المتوسط كانت تقرا معايا وحدة
مانحملهاش متكبرة شريرة كلشي فيها، مالا مرة وانا مروحة في البيس كي خرجت من القراية خاطر كنا نسكو بعيد، وكانو
يركبو معايا زوج خواتات يسكنو قراب لينا ويقراو في المتوسطة لي نقرا فيها بعد مالا قاعدين نحكيو هكا قالولي وشا من قسم
حطوك فيه هاد العام ساع قلتلهم مالا قالولي تعرفي فلانة (وهي الطفلة هاديك لي نكرها) مالا بديت انا نمشر هههههه هي ماش
تمنشيرة كبيرة يعني بصح قلتلهم مانقربش ليها بزاف خاطر متكبرة شوي وشايفة روحها من بعد شافو فيا البنات وقالولي هاديك
كانت جارتنا وصاحبتنا لانتيم نموت عليها وانا وليت نحمار ونصفار ههههه وليت نقولهم بالاك انا مازالم انعرفش عقليتها مليح هههههه يعني تبهديلة من الكبار هههه
والتانية فيا لجامعة نشفى عليها في السنة الثانية وكانت عندنا استاذة تاع فرنسية هي صامطة ترهج وتحب تخدم مع الذكور وتخلي
البنات غير انا هههه كانت تموت عليا وانا ماش نكرها بصح في طبيعتها هكا تقلقني مالا مرة راكبة مع وحدة نعرفها في البيس تاني
قاعدة نحكيلها على الاساتذة سقساتني شكون يقرينا فرنسية قلتلها وحدة صغيرة في السن وصامطة شوي هكا مع بديت نوصف
فيها شوي قاتلي الطفلة اي بنت خالتي ههههه وليت شفت معاها مليح وقلتلها بصح اي تحبني تموت عليا هههههه يعني بالاكي ديريها بيناتنا هههههه يعني واحد المواقف يمر بيهم العبد يشبع ضحك ويبقاو ذكرى
شكرا مريومة على الموضوع

​

 

[Mr Brahim]

رد: والله ما بالعاني

ممكن تصرا لاي واحد و الموقف محرج تاع الصح
​

 

[ليليا مرام]

رد: والله ما بالعاني

السلام عليكم
حتى حنا ماشي بلعاني طولنا عليك هههه ماشي مالف نعتمد في رمضان ههه
المهم انت صاحبت المشكلاات لي تصرى ديما هههه
صح انا منذاك نهدر ونهردها مي منكملش نقطعها فالوسط هههه
مي شحل وعرا سورتو كي يموت كاش واحد وتهدري قدام يماه ههههه
تخلاص علبك مال هههه
يعطبك الصحة على الموضوع لخفيف ظريف​

السلام عليكم سكر افندي
اييه انا مولات المشاكل وانت الحماية المندية دايما تجي طفي النار ياخي حالة
اييه والله نتاع الموت اللي واعرة بزاف وثاني الزواج لو تشوف اللقطة كي هدرنا قدام مرتو وراحت للمرا من الشعر وتجر هههههه
ميرسي خونا سكر راهم قالولي خرج سكر بني

ههههههه
شكرا

 

[ليليا مرام]

رد: والله ما بالعاني

موضوع رائع حبيبتي ليليا ، لي عودة ان شاء الله​

السلام عليكم
اهلا وسهلا اختي واش راكي
ارجع وقت تحبي الموضوع موضوعكم
صحا فطورك

 

[ليليا مرام]

رد: والله ما بالعاني

السلام عليكم
صح فطورك مريومة

وعليكم السلام اهلا مريومة لاباس
عجبتني تاع مرتو الثانية ههههههههه هادي جات في الصواب خلي مسكينة تفيق الماء راهو يجري تحت رجليها ههههه

اييه والله تبهديل هو ثاني غلط خبى على مرتو تزوج عليها فكل الاحوال تسمع وتخيلي تلقاها فوجها ناضت الحرب هههههه
موضوع هايل وصح تصرالنا نطيحو في مواقف ماش ملاح ومانلقاو كيفاه نلموها هههه
انا حسب واش عصرت مخي تفكرت زوج مواقف صراولي هههه، الاول كي كنت نقرا في المتوسط كانت تقرا معايا وحدة
مانحملهاش متكبرة شريرة كلشي فيها، مالا مرة وانا مروحة في البيس كي خرجت من القراية خاطر كنا نسكو بعيد، وكانو
يركبو معايا زوج خواتات يسكنو قراب لينا ويقراو في المتوسطة لي نقرا فيها بعد مالا قاعدين نحكيو هكا قالولي وشا من قسم
حطوك فيه هاد العام ساع قلتلهم مالا قالولي تعرفي فلانة (وهي الطفلة هاديك لي نكرها) مالا بديت انا نمشر هههههه هي ماش
تمنشيرة كبيرة يعني بصح قلتلهم مانقربش ليها بزاف خاطر متكبرة شوي وشايفة روحها من بعد شافو فيا البنات وقالولي هاديك
كانت جارتنا وصاحبتنا لانتيم نموت عليها وانا وليت نحمار ونصفار ههههه وليت نقولهم بالاك انا مازالم انعرفش عقليتها مليح هههههه يعني تبهديلة من الكبار هههه
والتانية فيا لجامعة نشفى عليها في السنة الثانية وكانت عندنا استاذة تاع فرنسية هي صامطة ترهج وتحب تخدم مع الذكور وتخلي
البنات غير انا هههه كانت تموت عليا وانا ماش نكرها بصح في طبيعتها هكا تقلقني مالا مرة راكبة مع وحدة نعرفها في البيس تاني
قاعدة نحكيلها على الاساتذة سقساتني شكون يقرينا فرنسية قلتلها وحدة صغيرة في السن وصامطة شوي هكا مع بديت نوصف
فيها شوي قاتلي الطفلة اي بنت خالتي ههههه وليت شفت معاها مليح وقلتلها بصح اي تحبني تموت عليا هههههه يعني بالاكي ديريها بيناتنا هههههه يعني واحد المواقف يمر بيهم العبد يشبع ضحك ويبقاو ذكرى
شكرا مريومة على الموضوع

​

اييه مواقف يحشمونا ومرات والله توثل لمشاكل كبار بلا قصد يعني على كلمة حتى تولي في ممكن خراب بيت او حاجة او دبزة او اي شي انا تعلمت نشد فمي
يا اختي مناك تبت هههههه
شكرا وصحا فطورك

 

[ليليا مرام]

رد: والله ما بالعاني

ممكن تصرا لاي واحد و الموقف محرج تاع الصح
​

السلام عليكم خويا اهلا وسهلا
اييه هي قادرة تصرا لاي واحد فينا وتحشم الواحد مع الناس
صحا فطورك

 

[أمين 27]

رد: والله ما بالعاني

that moment كي نديرو عفايس يضحكة و يندمو فنفس الوقت هههه

 

[عبقرية ولكن؟]

رد: والله ما بالعاني

ميرسي
تفكرت عم يما جا يعرضها لعرسو ومالقاهاش ف الدار وماكانتش امي عندها هاتف لقاني غير انا قال لي: قوليلها تجي العشية راهي معروضة لعرسي.... وروح يا زمان نسيت ماقلتلهاش وامي زعفت من عمها علاخاطر كانت تحبو بزاف وانا نسيت... """ماشي بلعاني""" ههههه حتى فات زمان باه تفكرت بلي عرضها وفاتت
شكرا على القصة

 

[ليليا مرام]

رد: والله ما بالعاني

ميرسي
تفكرت عم يما جا يعرضها لعرسو ومالقاهاش ف الدار وماكانتش امي عندها هاتف لقاني غير انا قال لي: قوليلها تجي العشية راهي معروضة لعرسي.... وروح يا زمان نسيت ماقلتلهاش وامي زعفت من عمها علاخاطر كانت تحبو بزاف وانا نسيت... """ماشي بلعاني""" ههههه حتى فات زمان باه تفكرت بلي عرضها وفاتت
شكرا على القصة

السلام عليكم اختي اهلا وسهلا نورتيني
هههههه انا صراتلي مرة عرضو يمى ونسيت نقولها ايا حتى سمعت وناضت تحلف على الجارة ما نعرضهاش وواش بيني وبينها عرضت كل الجارات الا انا
قتلها شكون قاتلي فلانة يااااااااااا قتلها ياو جات مرتين وتحلل بلاكو ما تجوش قلتها نسيت حكمني الزهايمر هههههه ورحنا هنينالها ورا العرس ههههه
الواحد الف حاجة فراسو
شكرا

 

[باتنية و نص]

رد: والله ما بالعاني

سلام عليكم
وصحا فطوركم
بطبيعة الحال..فإن هذا الموضوع رح يستقطب الجنس اللطيف فقط بما انو السنتنا متبرين منا ^^
نتفكر موقف صرالي ..كنت صغيرة وقتها منعرفش صلاحي
عمي المازوزي كان يبغي بنت عمو ..يعني عندها عوااام ..وكان اي واحد يشوفهم يقول هذو مكتوبين لبعضاهم
لكن القدر قال كلمتو وللاسف مداهاش نهار هو دا الماجستير قرر يخطب وحدة اخرى
والمسكينة تالمو تشوكات (مع انو منيش شايفتها حاجة تصدم ..الرجال كامل خداعين مهيش حاجة جديدة :down: )...لكن وقتهم كانت مزالت سفينة الصدق ما مشاتش -_-
المهم من قوة الصدمة ..قررت تحضر عرسو وتزغرت وتزها وكانو الامر ميعنيهاش
والناس كامل دهشو فيها..مي مي عبد واحد قدر يبكيها ويدمر هذاك الجبل تع الجليد تع تيتانيك لي حارو فيه احزري مين ؟
Yeah...it's me :sport02:
نشفا هي رجعت من عند الحفافة تلاقات بيا قاتلي جيت زينة ؟
انا رحت كي البهلولة قتلها : يون تهبلي تباني نتي هي لعروسة -_-
الطفلة انهارت بالبكاء..نشفا ختي لكبيرة قرصتني..خلاتلي واحد لاتراس في يدي قعدتلي وصمة عار -_- حتى الناموس ولا كي يقربلي يدير دومي تور ..نضت انا نبكي معاها
مشي غاضتني..مي وجعتني الضربة تع ختي
مي والله مدرتها بلعاني ..كنت حابة نطلعلها المورال
المهم نصيحة ..جامي تستشيروا ولا تطلبوا راي طفل في مواقف حزينة كهذه
لان الحقيقة المرة تخرج من افواه الاطفال ^^
تحياتي

 

[ليليا مرام]

رد: والله ما بالعاني

سلام عليكم
وصحا فطوركم
بطبيعة الحال..فإن هذا الموضوع رح يستقطب الجنس اللطيف فقط بما انو السنتنا متبرين منا ^^
نتفكر موقف صرالي ..كنت صغيرة وقتها منعرفش صلاحي
عمي المازوزي كان يبغي بنت عمو ..يعني عندها عوااام ..وكان اي واحد يشوفهم يقول هذو مكتوبين لبعضاهم
لكن القدر قال كلمتو وللاسف مداهاش نهار هو دا الماجستير قرر يخطب وحدة اخرى
والمسكينة تالمو تشوكات (مع انو منيش شايفتها حاجة تصدم ..الرجال كامل خداعين مهيش حاجة جديدة :down: )...لكن وقتهم كانت مزالت سفينة الصدق ما مشاتش -_-
المهم من قوة الصدمة ..قررت تحضر عرسو وتزغرت وتزها وكانو الامر ميعنيهاش
والناس كامل دهشو فيها..مي مي عبد واحد قدر يبكيها ويدمر هذاك الجبل تع الجليد تع تيتانيك لي حارو فيه احزري مين ؟
Yeah...it's me :sport02:
نشفا هي رجعت من عند الحفافة تلاقات بيا قاتلي جيت زينة ؟
انا رحت كي البهلولة قتلها : يون تهبلي تباني نتي هي لعروسة -_-
الطفلة انهارت بالبكاء..نشفا ختي لكبيرة قرصتني..خلاتلي واحد لاتراس في يدي قعدتلي وصمة عار -_- حتى الناموس ولا كي يقربلي يدير دومي تور ..نضت انا نبكي معاها
مشي غاضتني..مي وجعتني الضربة تع ختي
مي والله مدرتها بلعاني ..كنت حابة نطلعلها المورال
المهم نصيحة ..جامي تستشيروا ولا تطلبوا راي طفل في مواقف حزينة كهذه
لان الحقيقة المرة تخرج من افواه الاطفال ^^
تحياتي

اهلا الشاوية الفحلة
اييه درتيها وانا بكيت غاضتني المخلوقة قلبها صحيح راحت لعرسو وياخا مسكينة وزيد انت جيتي وكملت عليها اييه ماشي بالعاني اكيد خبريني وين راهي ضرك تزوجت ههه
اييه انا هاكا امر يغيضوني اسمحيلي هذا عمك خداع ههه

 

[tistissa dj-tissou]

رد: والله ما بالعاني

هههههههه مام انا راح نرد على الموضوع وماشي بلعاني
ههه انتي قريب نوضتي الحروب من جديد والله يالحكاية الثانية ماخلاتش خلاه والباهية زدتي هربتي ههه
مام انا مالفا تصرالي حوايج هكا تقول نقتل روحي
كيما مرة كنت برا انا واختي وفاتت علينا وحدة موسوسة وانا بالصدفة كنت نهدر على صبرينة بنت خالي وهاد الطفلة الي فاتت واسمها صبرين تاني وياااا كي نتفكر وبدات المخلوقة تندب موسوسة خلاه وتهدري عليا وانتي وجرالك وطرالك والطفلة ماشي نورمال مالقيت مانقولها قتلها ابنتي شكون لاتي بيك وين نعرف قسام جدك انا وهي لالا وانتي هدرتي عليا واش دخلك فيا المهم عشيت في حل واربط مع المخلوقة بسيف لافرات القصة هههه
يعطيك الصحة
سلامي​

 

[مابقاش بزاف.Dz]

رد: والله ما بالعاني

صح des fois يصراولك عفايس كيما هاك و تصيبي روحك في موقف لا تحسدين عليه و السبة انك قلتي كلمة بنيتك و لا حاجة و انتي ما تقصديش ...مشكورة على الموضوع

 

[أميرة ميرال]

رد: والله ما بالعاني

ههههه واسيتي الشي هذا كامل وماشي بلعاني ؟ هههه
ضحكتيني حنونة شعلتيها في المرتين وانتي لا خبر
ايه صح منين داك نعملو هكذا أمور بلا نحسو
واش ذنبنا إذا لي دايرين بيهم كذبوا عليهم ههه
انتي قلتي غير الحقيقة برك لي ما قدروش أخرين
يواجهوهم بيها نقصتي عليهم هههه
وصح عيدك حنونة
​

 

[بقايا إنسان]

رد: والله ما بالعاني

هههههه الله يغفرلك كنت مشتاق لضحة وانتي هديتهالي ولو على تعاسة الغير
يعني انتي وين تروحي تشعليها هههههه من غير قصد
ربي يستر هههههه
444444 تحياتي واحتراماتي لخفيفة الدم دمتم

 

[ليليا مرام]

رد: والله ما بالعاني

هههههههه مام انا راح نرد على الموضوع وماشي بلعاني
ههه انتي قريب نوضتي الحروب من جديد والله يالحكاية الثانية ماخلاتش خلاه والباهية زدتي هربتي ههه
مام انا مالفا تصرالي حوايج هكا تقول نقتل روحي
كيما مرة كنت برا انا واختي وفاتت علينا وحدة موسوسة وانا بالصدفة كنت نهدر على صبرينة بنت خالي وهاد الطفلة الي فاتت واسمها صبرين تاني وياااا كي نتفكر وبدات المخلوقة تندب موسوسة خلاه وتهدري عليا وانتي وجرالك وطرالك والطفلة ماشي نورمال مالقيت مانقولها قتلها ابنتي شكون لاتي بيك وين نعرف قسام جدك انا وهي لالا وانتي هدرتي عليا واش دخلك فيا المهم عشيت في حل واربط مع المخلوقة بسيف لافرات القصة هههه
يعطيك الصحة
سلامي​

السلام عليكم اختي عيدك مبروك اهلا وسهلا اختي
اييه لو انا جات ليا ندخلها فالحيط قولها وعلاه غير انت واسمك صابرينة ياخي حالة اييه ما غلطش هشهش قالك الناس مرضى موسوسين
اييه انا لحقت للطلاق ياو المرا طارت لشعر ضرتها مي الصراحة غلطة الراجل كان يجي نهار تعرف المرا وانا جيت كالشاطرة ودرتها هههه
ماشي بالعاني والله خخخخ
شكرا اختي

 

[ليليا مرام]

رد: والله ما بالعاني

صح des fois يصراولك عفايس كيما هاك و تصيبي روحك في موقف لا تحسدين عليه و السبة انك قلتي كلمة بنيتك و لا حاجة و انتي ما تقصديش ...مشكورة على الموضوع

السلا عليكم اختي اهلا وسهلا جزاك الله كل خير
اييه مرات مواقف يحطونا فوقت محرج بزاف والمصيبة لما ديري مشكل للناس كيما درتها انا ربي يسامحني للانو مش بالعاني
شكرا