سهرة 20 ..........قهوة وتاي

[ليليا مرام]

السلام عليكم جميعا
رواد السهرات ورواد موضوع

اهلا وسهلا بيكم واهلا بي عندكم
بعد سهرة الأخت مريم الرائعة والمميزة نتلاقو اليوم في سهرة اخرى جديدة
وملاحظة فقط كاين راهم يراسلوني ويقولي راكي تعرضي بالوجوه من فضلكم هذا موضوعي وواحد ما يدخل فيه نعرض فيه شكون نحب وراني نختار مرة عضو قديم ومرة جديد ولو فالاول طرحت عليكم ديرولي قائمة هذا الحاضر
رمضان فيه 30 يوم ورانا متاخرين فالسهرات مش معقول نعرض كل المنتدى الله يهدينا وبرك

نرجعو للموضوع واللي الأكيد تعرفو كلكم مراحلو

هدية الضيف

نقول لضيفي الليلة انو راح تكون سهرة مميزة جدا
استنونا ورا الفطور


وشكرا



​

 

[ليليا مرام]

رد: سهرة 20 ..........قهوة وتاي

السلام عليكم جميعا صحا فطوركم
موعدنا الليلة مع سهرة من سهرات

مرحبا بالجميع عندي ومرحبا بي عندكم ومرحبا بيكم عندي
جماعة الخير الليلة عندي ضيف مميز وتوقعت انكم تخمنو ولكن السهرة 19 داتلكم عقلكم
نرجعو لسهرة الليلة ولضيفنا
شكون ما يعرفوش وشكون ما يعرفش نبل أخلاقو
وانا هذا الانسان راه خويا الحقيقي واعز
رحبو معايا ونرحب معاكم بالضيف


جليلوس
:: مشرف ::
مجتمع اللمة العاممنتدى اللغات الأجنبية
:: مسؤول :: مسابقة رمضان اليومية

اهلا وسهلا بيك خويا جليل

نروحو لأول فقرة






















​

 

[ليليا مرام]

رد: سهرة 20 ..........قهوة وتاي

عرّف بنفسك

ضيفي اللي نعرفوه عليك راه واضح انا ونعرفك ونعرف كل شي
مي كاين ناس مايعرفوش جليلوس خارج المنتدى
جليلوس داخل المنتدى وجليلو خارجو انا نعرفو هو نفسو مهبول هنا وبرا
سريه الغضب ويخلفها ثمثم
ليسونس واللي يقولو كلمة يشعل ولازم يعرف البيضة شكون جابها والجاجة منين جات
نخليكم تتعرفو على جليل يا اللي ما تعرفوهش ونروح للفقرة الثانية

​

 

[ليليا مرام]

رد: سهرة 20 ..........قهوة وتاي

يومياتك

خونا جليل الاكيد انو عندك بروغرام فرمضان وراني شاهدة راه قاتلك ما خلى فيك والو ماكان لاه تلعبها نورمال
اسمحلي يا خويا راني ختك ولام نقول الحق
خونا جليل فرمضان واش يدير
هو ذاك الراجل النقراش يدخل روحو فالدار او لالا مطيع يخرج يقضي او لالا
يعلق على الماكلة او لالا
مدنا جليل فرمضان واش يدير من نوض حتى يتسحر ويرقد

رانا نستناو تفضل
​

 

[ليليا مرام]

رد: سهرة 20 ..........قهوة وتاي

خمسة بخمسة

ضيفي الكريم اييه راك خويا مي اليوم راني درت عليك يمى طلقت باباك ماراناش خاوة راهي دارتلو الخلع

1- جليل لو قتلو واش عنالك الفوز بمسابقة التوظيف؟
2- تكوين عائلة حلم كل شاب هل جليل يفكر فالامر هذا وعن قريب ؟
3- هل تؤمن بعلاقات النت وخبرنا كان عندك قصة مع فتاة او لالا ؟
4- حدث اثر عليك فحياتك بزاف واش هو مدلي واحد سلبي ولاخر اجابي
5- كلمة عمري ولا نسامحك لمن تقولها ؟

نخليك ونروح لفقرة اخرى



​

 

[ليليا مرام]

رد: سهرة 20 ..........قهوة وتاي

شكون تختار ؟

جليلو خويا انت مش محتاج تعرف انو اختك ليليا نيتها طيبة وناس ملاح وتحب تلاقي الناس فالخير
وعليها راني راحا نشعلها بينك وبين اي عضو
انت اختار تحدي ولازم تختار الفقرة هذي الخاوة الكل هانوها ما فهمتش علاه
ضيفي العزيز لازم تختار وانا اللي عليا انو نشعلها وحتى انو طفينا تلفون ماكانش اللي يعيط للحماية
هايا خويا جليل اختار مع شكون تدابز
كثرنا الكوتبيي


​

 

[ليليا مرام]

رد: سهرة 20 ..........قهوة وتاي

من 1 لل 10

جليلو خويا اختك ليليا راه ولات مشهورة فالكارطة
وانت مش محتاج رونديفو البارح كانت عندي جلسة ختك مريم مسكونة ماجينا نفوتو الفال نتاعها حتى حللنا كل الجنون ويا ربي
خويا جليل زهرك جا يسلك زهري انتحرو للزوج لقاه يحرق فروحو نحرق معاه

هايا ختار رقم وخليني نشوف زهرك واش يقول


​

 

[ليليا مرام]

رد: سهرة 20 ..........قهوة وتاي

انت وزهرك

جليلو خويا درتلو كاميرا كاشي ونجحت والسي خونا فالك فقتلك
شوفولي يا جماعة كان صح فاقلي او لالا

رد: سلام عليكم إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: جليلوس
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: جليلوس
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: جليلوس
إقتباس: المشاركة الأصلية أضيفت بواسطة: زهرة الزنبق
السلام عليكم جليل واش راك
جليل ياخي انا عندي مدة من خليت موضوعك نتاع المسابقة والحكاية هذيك خلاصت ذاك النهار
كيفاه انت تعاود تراسل المشرف وتقولو راك مازلت تشكك فيا واشبيك جليل هبلت راك تعاود فنفس الغلطة


اهلا ليليا واش راكي ان شاء الله بخير
يا حوجي كيفاه هادي علابالك دوختيني ؟؟ وينتا بعتلو
ياخي داك النهار حكينا وغلقنا على هاد الموضوع .. قوليلي شكون راسلك ؟؟

كيفاش نشكك فيك ليليا انتي ختي والله ماصرااات خسارة عليييك
آآآو

مانيش عارفة وصلتني اليوم رسالة تحذير قال انو راني ندير مشكل بين المشرف وعضو جليل فموضوع المسابقة وانك انت قدمت شكوى وياخي كاين تلفون وكاين فايس كنت تجي تقولي والله راسي دار هذا يخرج منك يا جليل وانت خويا والله خسارة عليك

آآآ بويا خيي شاهادا حمبوووووك ..... ليلياااا انعلي بليس شاهادااا
تحذير وقاااع مانيش مأمن علاش يكبرو في الحكاية فهمتهم بلي كنا نضحكو هادا مكاااان

انااا شكيييت ... لالا قتلهم الاخت ليليا كانت تضحك برك علاش تاخدو الامر على محمل الجد قاله تسريباااات ههه
راهم سربولي مخي .... ياخي ليليااا تعرفيني غاايااا هايواااا كيفاااه تقولي هاد الشي كامل منك

الحكاية فاتت عليها قريب 15 يووووم اوااااه ماشي نورمال نونونونونونونو
الشوووك ناضلي في راسي .....

يا المهبول ماكان والو لا شوك ولا حرايق الليلة راك ضيفي

ياخي مهبول وتجي بالذراع عليك راك عارفني نجي لفرندة نجيبك

هههههههههههههههههه وياااا الكاميرا حكمتني

هههههههه عرفتهااا والله ياخي مصيبة خلعتيني ... ياااو فقتلك :p

وانا مازال ماكملتش فرحتي هععععععععع .... ان شاء الله يشرفني نكون ضيفك

يعطيييك الصحة ليلياااااااا

فاقو ما فقت ما والو ما حبيتش نفسدلك فرحتك وخفت تراسل المشرف هههههههههههه
ايا نتلاقو ورا الفطور المهبول

ههههههههههههههههه مهبولة خخخخخ

ان شاء الله خيتي ربي يحفظك



زعمى جليل فاقلي او لالا ه
بصحتك خويا جليل كليتها






​

 

[ليليا مرام]

رد: سهرة 20 ..........قهوة وتاي

هدية الضيف

الهدية الاولى وحدة ليك ووحدة ليا تحب تجيني ضيف او نجي عندك
هههه ان شاء الله يعجبوك



​

 

[ليليا مرام]

رد: سهرة 20 ..........قهوة وتاي

كلمة ختامية

خويا جليل نشكرك بزاف على قبول الدعوة وعلى وقتك
ونقولك الف الف مبروك على المسابقة والله فرحتلك فرحة كبيرة وانت عارف راك وليد الدار وانت خويا وانت عارف
نشكرك كل الاعضاء وكل رواد السهرة
ونتوما نقولكم نتلاقو غدوة فسهرة اخرى ومع ضيف آخر
نقولكم نخليكم فرعاية الله وحفظه
شكرا وتصبحو بخير وصحا سحوركم


​

 

[ضآحكة مستبشرة]

رد: سهرة 20 ..........قهوة وتاي

السلام عليكم و رحمة الله تعالى و بركاته
يعطيك الصحة حنونتي ليليا


اهلا وسهلا بيک جليلو نورت السهرة
مرحبآ بيك خويا
مبرووووووك عليك النجاح الكتابي لعقوبة للشفوي !!


نبدا بالاسئلة خويا :

- الاسم الحقيقي ؟
-العمر ؟
- المستوى الدراسي ؟ التخصص ؟
( مي شغل معلباليش هههه خلي الاعضاء الجدد يعرفوا )
- امنيتك واش هي ؟
- لو حياتك قصة واش تخيرلها عنوان ؟
- جليلو و رمضان ؟
- شحال جبت الباك ؟
- كيفاش تلقيت خبر نجاحك البارح في مسابقة الاساتذة ؟
- شكون اقرب عضو ليک في المنتدى ؟
- واش تعنيلك اللمة ؟
- جليلو زعايقي و لا سيريو ؟
- سؤالي المشهور و الكلاسيكي هههه رأيك في عاشقة الجنة ؟ هههه


اسمحلي طولت بزاف هههه
صح فطورك خويا
و مرحبا بيك
و سهرة ممتعة ان شاء الله​

 

[sosobibicha]

رد: سهرة 20 ..........قهوة وتاي

سلام عليكم
صحا فطوركم
اهلا و سهلا و مرحبا بالاخ جليلو او الاستاذ معليش نفولولك ههههه
ان شاء الله تقضي اوقات ممتعة و طيبة في السهرة
بالتوفيق لك و لي عودة ان شاء الله ^^​

 

[لؤلؤة قسنطينة]

رد: سهرة 20 ..........قهوة وتاي

السلام عليكم
وصح فطوركم
ايييه شكون راهو معانا اليوم
خونا جليل الله يبارك
تأمني ختي ليليا كنت متاكدة تقدري تقولي 100 بالمئة بلي
خويا جليل رايح يكون ضيف ورا سهرتي خاطر كل سهرة
إلا ويذكرو اسمو بين التخمينات راهو مشهور الله يبارك ههههه
على كل حال مرحبا بيك خويا جليل في السهرة معانا ان شاء الله تكون سهرة ممتعة
ونكونو خفاف عليك باسئلتنا المزعجة هههه
كي العادة نخليك تجاوب على فقرات ليليا ونرجعلك لا كتب ربي
بالتوفيق خويا

​

 

[BLEU PEARL]

رد: سهرة 20 ..........قهوة وتاي

السلام عليكم
صح فطوركم
الله يدوم قعدتك ختيتي ليليا
والله ياصالون الأزرق قتلني روووعة
راكي متهليه الله الله عليك
مرحبا بيك خويا جليل
صح رمضانك وصح فطورك
نقولك
وش راك!
كيفاه مع رمضان!
نزيد نقولك بالباراكة عليك وعقبال تمم فرحتك بالامتحان شفهي!
نبداو
كيفاه أجواء رمضان في تيارت،،!
باه معروفة ولايتكم
جليلو وش يحب يلقى فالفطور!
رايك فالسبنيما والمسلسلات الرمصانية الحالية!
أيا قولي وشمن ولايات زرتهم وعجبوك
والي مازال تتمنى تزورهم
وش رايك فالبليدة وناسها ^^
جليلو محبوب ومعروف فاللمة
أعضاء تعجبك عقليتهم وأقلامهم
أعضاء تعجبك رزانتهم وثقالتهم
أعضاء يعجبك تمهبيلهم وحسهم الفكاهي
أعضاء تحسهم شيوخ اللمة يعني مش العمر في الحكمة
أستاذنا وش رايك في مهنة التعليم!
اللغة الفرنسية تحبها ولا عادي كاين لغة تفضلها عليها
هات حكمة بالفرونسي
بلا ماطل على كاش كتاب ولا تسقسي عمك غوغل
ونحب حكمتك المفضلة
ههههه
ترجمها اعجنها المهم بالفرونسي ههه

نصيحة ليا
رايك فيا!
وماننساش الباروك نأكد عليه هههه
المهم صح صحوركم وربي يتقبل منكم
وسهرة ممتعة​

 

[~أمِيرَة الخَجل~]

رد: سهرة 20 ..........قهوة وتاي

السلآم عليكم ليليآ
آهلآ بالآخ جليلو
عرضوك اليوم هههه سهرة ممتعة ان شآء الله
ندير دورة و نرجع نقرعج معآك ..
ان شآء الله ما نكونوش ثقآل عليك
صح فطورك . سلآم
ربي يوفقك
​

 

[AmiR@RoRo]

رد: سهرة 20 ..........قهوة وتاي

السلام عليكم
اهلا وسهلا بضيفنا الكريم
اهلا بالاستاذ جليلو :d

بشحال جبتي الباك تاعك؟
الحالة المدنية ؟
خطبت وماقبلولكش ولا جامي ؟ :d
جليلو مع رمضان كفاش ؟
تتشهى بزاف ولي غير لي جات ؟
تحب الروايات ؟ادا ايه ما هما لي عجبوك كامل ؟
كاش ما تتفرجي في رمضان ولا والو ؟
شفت مجموعة الموت لي طاحت فيها دزاير !! اعطينا رايك فيها :d
ايه وزدت شفتي المدرب لي جا !! اعطينا رايك فيه تاني :d
وين موصل الختمة ؟
تقرا فتيارت ولا خارجها ؟
اعلى معدل جبته فالجامعة ؟

بالتوفيق ^^

 

["viola"]

رد: سهرة 20 ..........قهوة وتاي

السلااام علييكم

صحااا فطووركم

جاليلوووس :d حكموك يا محاينك ههههه

كيراكوس ؟؟لابوس ؟؟ هههه

بالباااراكااا علييك مرة اخرى خويا على نجاحك فالكتابي ..ربي يسهللك خويا فالشفهي و ينجحك :thumb_up02:

و ضرك مع المهم :d:d

شوية اسئلة برك :p:p

*جليلو و عشوة العيد -____- خخخخخ

*قاطو مستحيل تاكلو :p

*شحال زدت / نقصت كيلوا في هذا رمضان ؟؟

*لو حكمت النساء العالم وش راح يصرى في رأيك هههه ؟

*وش هي الصونري تاع تيليفونك :d

السيريو ضركا زعما

* جليلو و المطالعة ؟ و اكثر كتاب أثر فيك ؟؟

*جليلو من النوع لي يسمع و لا يهدر ؟

*كي اديgوتي واش ادير ؟ نحوس على نصيحة سون سمير خخخ

*أبسط مثال للسعادة ؟

*كلمة للمشعوذة فيولا خخخخخخ؟

و الان نمرّ إلى هههه .....المهم لعبة خفيفة هاي ليك تخير

*الصباح vs العشية

*بوراك vs دلاع :p

* بارصا vs الريال

*سوبرمان vs سبايدرمان خخخ

*زلابية vs قلب اللوز :p

هذا مكاان نورمالمون :d ان شاء الله منكونش كثرت :p..

صحا صحورك خيي ​

 

[~أمِيرَة الخَجل~]

رد: سهرة 20 ..........قهوة وتاي

ممم هآني جيت نسآلك

شحآل في عمرك ؟
كيفآش تعرفت على المنتدى ؟
الحآلة الاجتمآعية ؟
كفآش رآك في دآركم مدلل و لالا؟
اعز شخص عندك فالمنتدى ؟
المآكلة الي تحبهآ ؟
اعطيني بيت شعري من كتآبتك ؟
شحآل رتبتك في دآركم ؟
مستوآك الدرآسي أو مهنتك ؟
القسم المفضل عندك ؟؟

رآني خفيفة انا ههه مانزودش الاسئلة​

 

[ضآحكة مستبشرة]

رد: سهرة 20 ..........قهوة وتاي

هههههه جليلو واش راه يستنى فيك ربي معاك هههه
و باين مريم و ايمان و اميرة رح يهبلوك هههه

 

[جليلوس]

رد: سهرة 20 ..........قهوة وتاي

صحااااا فطوركم تولمووووند تولمووووند

اهلا بحبابي والناااس الزينة

كيراكم ان شاء الله بخير كااامل

يعني درت درت و حكمني الراداااار ااااه ياليليااااا شانقووولك يعطيك الصحة

سهرة مميزة اكيد وانا الضيف فيها احممممممم ..... :d

حبابي وحدة وحدة عليااااااا
خلوني قبل نستمتع بمناطر السهرة و الماكلة ماتجوعونيش يرحم شوابين
هههههههه ماراحش نرد عليكم دروك نخليكم حتى لغدوااا نصبح عليكم
ياااااك هاكاااا واحد مايزعف ههههههه​