سهرة 15 ......... قهوة وتاي

[جيهان جوجو]

رد: سهرة 15 ......... قهوة وتاي

السلام عليكم
اهلا وسهلا بيك حبيبتي اسماء
نورتي السهرة
اتمنى لك سهرة ممتعة
اذا جاء في بالي سؤال ساعود لطرحه
في المتابعة
صح سحوركم
في امان الله​

 

[ضآحكة مستبشرة]

رد: سهرة 15 ......... قهوة وتاي

السلام عليكم
اهلا وسهلا بيك حبيبتي اسماء
نورتي السهرة
اتمنى لك سهرة ممتعة
اذا جاء في بالي سؤال ساعود لطرحه
في المتابعة
صح سحوركم
في امان الله​

و عليكم السلام حبيبة
و بيك يعيشك حنونتي
النور بوجودك تسلميلي
ان شاء الله انا في الانتظآر
الله يسلمك حنونتي و انتي زادا
ليلة سعيدة

 

[Skor m@k]

رد: سهرة 15 ......... قهوة وتاي

السلام عليكم
واش ختي اسماء سهروك ليوم هنا فاللمة ههه
والباك فيهه ان شاء الله

الجامعة لي راكي حابا تروحيلها

والتخصص ايضا لي راكي حابا تبعيه ؟

كي كنتي جوزي الباك بكيتي ولا لا هههه

ممبعد راني نولي

 

[ضآحكة مستبشرة]

رد: سهرة 15 ......... قهوة وتاي

السلام عليكم
واش ختي اسماء سهروك ليوم هنا فاللمة ههه
والباك فيهه ان شاء الله
و عليكم السلام اووووه شكون راه هنا مرحبآ مرحبآ بيك ههه ايه سهروني بصح ماشي هوما السبة جداتي راهي عدنا سهرنا خخخ
ان شاء الله فيه خير خويا
الجامعة لي راكي حابا تروحيلها
حابة نروح نقرا في جامعة بوزريعة و لا خروبة
والتخصص ايضا لي راكي حابا تبعيه ؟
حابة نقرا يا استاذة اجتماعيات يا شريعة
كي كنتي جوزي الباك بكيتي ولا لا هههه
مبكيتش يامات الباک لكن النهار اللخر حرقتها ههههه لانو حسيت روحي انضلمت بعد التعب لي تعبتوا مخدمتش واش كنت حابة
ممبعد راني نولي

اووووك مالك راني نستنى فيك
نورت
صح صحورك

 

[سكون الفجر]

رد: سهرة 15 ......... قهوة وتاي

السلام عليكم ورحمة الله وبركاته
يا هلا ويا مرحبا بالغالية سوما، اعذريني حبيبتي بالأمس كنت متعبة
لدرجة اني لم اقرأ موضوع السهرة، استمتعت كثيراً بقراءة ردودك الموزونة والشفافة
ما شاء الله عليكِ تفكيرك يوزن بلد بحاله ربي يحفظك ويبعد عنك عيون الحاسدين يارب
الله يكثر من امثالك حبيبة قلبي ويسعدك في الدارين، ويوفقك وتنجحي في الباك حبيبتي
انتبهي لنفسك يا عيوني ولا تنسيني من دعواتك يا شطورة انتِ
أحبك في الله حبيبة قلبي

 

[ضآحكة مستبشرة]

رد: سهرة 15 ......... قهوة وتاي

السلام عليكم ورحمة الله وبركاته
يا هلا ويا مرحبا بالغالية سوما، اعذريني حبيبتي بالأمس كنت متعبة
و عليكم السلام و رحمة الله تعالى و بركاته عيون سوما انتي يا هلا فيك و الله نورتي
ما تشوفي شر ان شاء الله
لدرجة اني لم اقرأ موضوع السهرة، استمتعت كثيراً بقراءة ردودك الموزونة والشفافة
الله يحفظك غاليتي تسلمي حبيبتي عالكلام الحلو
ما شاء الله عليكِ تفكيرك يوزن بلد بحاله ربي يحفظك ويبعد عنك عيون الحاسدين يارب
الله يكثر من امثالك حبيبة قلبي ويسعدك في الدارين، ويوفقك وتنجحي في الباك حبيبتي
آمين يا رب العالمين و لک بالمثل غاليتي و انتي كمان ان شاء الله ربي يوفقك و يفرحك و يسعدك و يرزقك ولد الحلال لي يهنيك و ان شاء الله تتنعمي بشوفت مكة المكرمة
انتبهي لنفسك يا عيوني ولا تنسيني من دعواتك يا شطورة انتِ
و انتي كذلك انتبهي لنفسك و ان شاء الله تعيشي ايام حلوة و تنسي كل الهموم و ربي يوفقك بحياتك و بشغلك
أحبك في الله حبيبة قلبي

احبك الله الذي احببتني فيه
و انا اكثر غاليتي
نورتي

 

[ليليا مرام]

رد: سهرة 15 ......... قهوة وتاي

​

[/QUOTE

هههه و علاش يا لحبيبة انا بكاية و انتي حابة تندبيلي في زهري
ياااا حوجي ياناااا
اووووك سأختار رقم 2​

السلام عليكم
اهلا وسهلا ضيفتي يومك مبارك
اييه انت بكاية انضمي لفريق الندابات راهم هنا كامل مغبونات
راحين نشوفو بوقالتك واش تقول

يا يما .. يا بابا .. راني رايـحــة نقـطـع البحـور .. و ما تـزيـدوا تشوفوني .. و إذا جـيـتــو تحبوني .. بحبيبي زوجوني .. هكذا نتهنى .. و تهنوني ..

​

اييه مليحة هذي لالة تهدد فينا يا اختي وين تروحي دارك تستر عارك ياخي حالة روحي تزوجي بيه وشكون رابطك وجيت انا والديك ندقدقوك
ما عندك وين تروحي ضرك نعيط لماماك يعسوك اييييييييييييه راكي دونجي ياو راهي بوقالتك كشفاتك ناوية تحرقي وعلى شكون على راجل واشبيك يا طفلة واقيل امنتي باللي خلاصو ما تخميش القهاوي معمرين هههههههه تلقاي خليه يروح كاين اخرين
مهبولة هههههه
​

 

[~أمِيرَة الخَجل~]

رد: سهرة 15 ......... قهوة وتاي

اهلا اختي اسماء نورتي السهرة حبيبتي

 

[ضآحكة مستبشرة]

رد: سهرة 15 ......... قهوة وتاي

السلام عليكم
اهلا وسهلا ضيفتي يومك مبارك
اييه انت بكاية انضمي لفريق الندابات راهم هنا كامل مغبونات
راحين نشوفو بوقالتك واش تقول

يا يما .. يا بابا .. راني رايـحــة نقـطـع البحـور .. و ما تـزيـدوا تشوفوني .. و إذا جـيـتــو تحبوني .. بحبيبي زوجوني .. هكذا نتهنى .. و تهنوني ..

​

اييه مليحة هذي لالة تهدد فينا يا اختي وين تروحي دارك تستر عارك ياخي حالة روحي تزوجي بيه وشكون رابطك وجيت انا والديك ندقدقوك
ما عندك وين تروحي ضرك نعيط لماماك يعسوك اييييييييييييه راكي دونجي ياو راهي بوقالتك كشفاتك ناوية تحرقي وعلى شكون على راجل واشبيك يا طفلة واقيل امنتي باللي خلاصو ما تخميش القهاوي معمرين هههههههه تلقاي خليه يروح كاين اخرين
مهبولة هههههه
​

و عليكم السلام حبيبة و نهارك اسعد
طابت جمعتک غاليتي
الله الله بوقالة بالطبغ
يا اختي خليني نشوف حياتي انتي علاش جاية تقولي متروحيش واقيلا غرتي ؟
و اخيرا بعثلي ربي واحد يخرجني من الغبينة خليني نروح للخارج نعيش حياتي شوية هههه

ايه يا ليليا نديه بطال و يسكن في خشة تاع جاج هههه و منتغربش بعيد الشر
نعيش في الجزائر و افتخر و عمري ما رح اقطع البحر
نموت من الجوع و نريح بايرة و منقطعش البحور
ههههه مهبولني ربي يحفظك و متخميش راني قاعدة هنا راهي عليا العسة منقدرش نبعد
بوركتي​

 

[ضآحكة مستبشرة]

رد: سهرة 15 ......... قهوة وتاي

اهلا اختي اسماء نورتي السهرة حبيبتي

اهلا بيك يعيشك حنونتي
النور بوجودك حبيبتي
تسلمي

 

[~أمِيرَة الخَجل~]

رد: سهرة 15 ......... قهوة وتاي

نسألك :


- واش رايك لوكان يقولولك خيري ٥ اعضاء تتلاقي بيهم .. واش تخيري ؟


- لوكان يقولولك لازم تبدلي اسمك من اسماء .. واش تخيري ؟


- وين تسكني ..؟.. ولايتك الجو فيها ساخن ولا بارد ؟

​

 

[ضآحكة مستبشرة]

رد: سهرة 15 ......... قهوة وتاي

نسألك :

تفضلي حبيبتي

- واش رايك لوكان يقولولك خيري 5 اعضاء تتلاقي بيهم .. واش تخيري ؟

هاذي صعيبة لكن رح نخير اقرب الناس لقلبي في اللمة بصح نخير 5 بنات و خمسة اولا
البنات نخير لي نعرفهم مليح و علاقتي بيهم قوية : لؤلؤة قسنطينة و اميرة رورو و ام منير و faith8 و voila

و الولاد نخير : الاخ مالك و الاخ جليلو و الاخ حكيم ستوري و الاخ Hamza usma و الاخ نجيب

- لوكان يقولولك لازم تبدلي اسمك من اسماء .. واش تخيري ؟

رح نغيروا لاسم أمل لي هو اسمي المستعار

- وين تسكني ..؟.. ولايتك الجو فيها ساخن ولا بارد ؟

نسكن في المدية و ولايتي بادرة بزاااااااااف لانها عالية
​

نورتي اختي​

 

[~أمِيرَة الخَجل~]

رد: سهرة 15 ......... قهوة وتاي

شكرا حبيبتي بصحتكم البرودة في ولايتكم
ماعندكمش العطش مالا في رمضان ؟

 

[ضآحكة مستبشرة]

رد: سهرة 15 ......... قهوة وتاي

العفو اختي لالا ماشي معنتها مكاش عطتلك المدية عالعام باش تتميز
باردة عالعموم مي كاين مناطق سخونين

 

[لؤلؤة قسنطينة]

رد: سهرة 15 ......... قهوة وتاي

السلام عليكم
اسومة للاسف البارح خرجت قبل مانطرح عليك بعض الاسئلة
بصح معليش نعوضهم دركا
أسومة اعطينا رايك في تجربة الباكالوريا؟
واي كلمة تقدري تعبري بيها الباكالوريا: إرهاق-متعة-طموح؟
لو نقولك كل لون من الالوان الآية عبريلي عليه بكلمة واحدة سواء صفة ولاشيء:
الاسود-الابيض-الاحمر-الازرق
ومن بين هاد الالوان شكون لي تلبسيه كتر؟
شكون هو اقرب شخص ليك في العائلة؟
المهم درتلك اسئلة ميلونج هههههه نتمنى مايكونوش تقال عليك
بالتوفيق عزيزتي
​

 

[ضآحكة مستبشرة]

رد: سهرة 15 ......... قهوة وتاي

السلام عليكم
اسومة للاسف البارح خرجت قبل مانطرح عليك بعض الاسئلة
و عليكم السلام حبيبة عادي مفيها والو
بصح معليش نعوضهم دركا
تفضلي تفضلي
أسومة اعطينا رايك في تجربة الباكالوريا؟
بالمختصر حسيت روحي في تجربة الباك كنت نتمسخر مخفت ما زعفت كرهت تاع الصح النهار لي جوزت فيه الباک مهزلة و فضيحة من العيار الثقيل
واي كلمة تقدري تعبري بيها الباكالوريا: إرهاق-متعة-طموح؟
طموح ان شاء الله
لو نقولك كل لون من الالوان الآية عبريلي عليه بكلمة واحدة سواء صفة ولاشيء:
الاسود-الابيض-الاحمر-الازرق
الاسود : الغموض و التحدي و القوة
الاحمر : المحبة و المودة
الازرق : الراحة و السكون و الهدوء
ومن بين هاد الالوان شكون لي تلبسيه كتر؟
نلبس الاسود بزاف
شكون هو اقرب شخص ليك في العائلة؟
باش نكون واضحة معنديش شخص مقرب انا واضحة مع الكل معنديش اسرار هههه
المهم درتلك اسئلة ميلونج هههههه نتمنى مايكونوش تقال عليك
بالتوفيق عزيزتي
​

الاسئلة عجبوني بزاف
و كنتي خفيفة عليا
ربي يديمك يا العسل

​

 

[لؤلؤة قسنطينة]

رد: سهرة 15 ......... قهوة وتاي

صحيتي صحيتي الفحلة
راكي نوضتيلي واحد الدودة هكا في راسي تاع الاسئلة هههههه
هيا مالا نزدم عليك بالاسئلة تاعي
راني نخترع فيهم من راسي هههه

لو نقولك عندك 4 اطفال توائم (ان شاء الله يارب علاش لالا)
زوج ذكور وزوج اناث كيفاه تسميهم؟؟ (درتلك قصة هههه)
اسماء تحب الحيوانات ولالا؟؟ اذا نعم واش هو حيوانك المفضل؟ وهل ربيتي حيوان في الدار من قبل؟
ولو نقولك واش هو اللباس التقليدي لي مشهورة بيه ولايتكم؟
وهل عندك هاد اللباس وتروحي بيه الاعراس؟ ولا بعبارة اخرى واش هو اللباس التقليدي لي تحبي تلبسيه في الاعراس؟
اسومة تحب الاكل الحلو ولا الحامض ولا الحار؟
واي الفواكه لي تحبيها؟
هيا راني زدت حطيتلك كوكتال خلاف ههههه
ربي يحفظك حبوبتي نتي العسل ونتي السكر
ربي يحميك من كل سوء
​

 

[ضآحكة مستبشرة]

رد: سهرة 15 ......... قهوة وتاي

صحيتي صحيتي الفحلة
راكي نوضتيلي واحد الدودة هكا في راسي تاع الاسئلة هههههه
ههههه معليش اسئلي قد لي تحبي حنونتي
هيا مالا نزدم عليك بالاسئلة تاعي
راني نخترع فيهم من راسي هههه
مرحبا بيك و باختراعاتک حبيبة
لو نقولك عندك 4 اطفال توائم (ان شاء الله يارب علاش لالا)
ان شاء الله ربي ليا و ليك
زوج ذكور وزوج اناث كيفاه تسميهم؟؟ (درتلك قصة هههه)
اممممم نسميهم
الاولاد نسميهم : سيف الاسلام و محمد
البنات : امل و حنين
اسماء تحب الحيواناتولالا؟؟ اذا نعم واش هو حيوانك المفضل؟ وهل ربيتي حيوان في الدار من قبل؟
اكيد نحب الحيوانات و افضل حيوان عندي هو الحصآن
لالا جامي ربيت هههه
ولو نقولك واش هو اللباس التقليدي لي مشهورة بيه ولايتكم؟
و الله على حساب علمي مكاش لباس خاص بالمنطقة احنا نلبسو مع العاصمة
وهل عندك هاد اللباس وتروحي بيه الاعراس؟ ولا بعبارة اخرى واش هو اللباس التقليدي لي تحبي تلبسيه في الاعراس؟
لا في حياتي مشريتش لباس تقليدي يديروهم غير العرايس و المزوجات
و اللباس لي نحب نلبسو هو ال****و
اسومة تحب الاكل الحلو ولا الحامض ولا الحار؟
اسماء تحب الحلوو و متحبش الحامض و الحار منسيبروتيهمش خلاص
واي الفواكه لي تحبيها؟
نحب العنب و الخوخ
هيا راني زدت حطيتلك كوكتال خلاف ههههه
ربي يحفظك حبوبتي نتي العسل ونتي السكر
ربي يحميك من كل سوء
​

هههه حطي واش تحبي ايلا حبيتي قازوز متشي عير كوكتال ههههه
ربي يبارلك في ايامك و يهنيك و يحفظك غاليتي

 

[ضآحكة مستبشرة]

رد: سهرة 15 ......... قهوة وتاي

الكلمة الختامية

ضيفتي الغالية اولا اسمحيلي طولت عليك الله غالب ظروف
وثانيا نشكرك بزاف على قبولك الدعوة فأسرع وقت
نشكرك كل واحد يمر من الموضوع زائر او ضيف
واختي شرف ليا انو نتعرفو عليك عن قرب
وانا نقولكم نلقاكم ان شاء الله فسهرة اخرى من سهرات اللمة

في امان الله وصحا سحوركم
​

​

السماح حنونتي مفيها والو براحتك لي يساعدك
العفو غاليتي و كيفاش تحبيني منقبلش دعوة ليليا اوو مفيهاش لازم نقبل
و انا بدوري نشكرك على السهرة الرائعة لي سهرتها معاكم
و الشرف الكبير لي حنونة اتي نكون بينكم و نتعرف عليكم و نكسب بلاصة في قلوبكم
اختي ليليا بارك الله فيك على الاستضافة الرائعة
مشاء الله عليک خفيفة و ظريفة
عجبتني الحصة و مذا بيك العام الجاي تزيدي تعرضيني هههه نتمسخر
صح فطوركم حبوبة
و صح عيدك كل عام و انتي بخير
​