السهرة الثالثة....... قهوة وتاي

[شتيلا]

رد: السهرة الثالثة....... قهوة وتاي

مرحبا بيك اختي الحلم الوردي في هاذ الحلقة
اولا كيف كانت بدايتك في اللمة وين كنت تنشطي (الاقسام)
كيف ترقيتي لمشرفة اعطينا لاستيس خخخخخخ
حبيت نعلق على ردك فيما يخص الزواج تقليدي ولا حب
حسيت بلي في هدرتك تناقض
نشكر الاخت زهرة على موضوعها والتنسيق وخاصة التصميم هايل راك مبدعة
يعطك الصحة

 

[Oussama.GF]

رد: السهرة الثالثة....... قهوة وتاي

اهلا اهلا واش تخلينا نقرسوا هنا

 

[hadil2044]

رد: السهرة الثالثة....... قهوة وتاي

وعليكي السلآم والرحمة
اهلا بيك اختي عبير
تفضلي
ايه تعرفيني راني مــلآك
برك بدلت اسمي من ملكة زمــآني الى الحلم الوردي

آآآه ملكة زماني ونقول وين تلاقيت بيها ههه
درتونا حالة بتبديل الاسامي ما نعرفش الاعضاء المليح واللي نحفظو يبدل اسمو ههه :d
​

 

[الحلم الوردي]

رد: السهرة الثالثة....... قهوة وتاي

السلام عليكم

صح فطوركم

وعليكي السلآم والرحمة
الله يسلمك
صحا فطورك حنونة

 

[BLEU PEARL]

رد: السهرة الثالثة....... قهوة وتاي

حالياً الأعضاء النشيطين الذين يشاهدون هذا الموضوع: 25 (10 عضو و 15 ضيف)
‏BLEU PEARL, ‏assinat, ‏الحلم الوردي, ‏الزهرة الحمراء, ‏Mafia-beo16, ‏Msb security, ‏Oum Loukmane, ‏زهرة الزنبق, ‏شتيلا, ‏Skor m@k
محبوبة الجمهور ماشاء الله

 

[الحلم الوردي]

رد: السهرة الثالثة....... قهوة وتاي

السلآم عليكم

و صح فطوركم , P!nK

مرحبا بيك , اسمك في تفاؤل حبيت نعرف علاه صبغتيه هكا ؟​

وعليكي السلام والرحمة
الله يسلمك
صحا فطورك
مرحبا بيك حنونة
اسمي عجبني وتانيك نحسو ينطبق عليا
واكيد نحب احلامي الوردية تتحقق ذات يوم

 

[ليليا مرام]

رد: السهرة الثالثة....... قهوة وتاي

نختار رقم 3

السلام عليكم ضيفتي الكريمة
اييه راني نشوفك جايبتها يعطيك الصحة اذن
هذي بوقالتك

03*يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
يويويويوويييييييييييييييييييييييييييييييييييييييييييي

اييه لالة جيتي من العين واش من عين كاينة فقسنطينة
وباينة عليك شابة مش انا قلت راهي بوقالتك قالك ربي يزيد بهاك ويخليك زينة فعين اهلك وعينين فارس الاحلام والاكيد عينينا احنا
اييه انا عجبتني بوقالتك لالة ملاك

 

[ليليا مرام]

رد: السهرة الثالثة....... قهوة وتاي

السلام عليكم اختي ليليا ههههه
واش حوالك معليكش مزية راكي فطنتي شوية ماشي كيما قبيل
المهم ونعمة الضيفة اخترتي
الحلم الوردي ملوكة مرحبا بيك عندنا راني في المتابعة نقرا جميع الردود نشوف السهرة وين لحقت ونعاود نرجع ​

السلام عليكم اهلا زهرور
صحا فطورك وقريب سحورك ياخي قتلك ورا الفطور نعنقك ونبوسك هههه
معلياش راني لاباس راكم الكل قسنطينين وشعال تعجبني كلمة معليكش بلهجتكم تقتل نقولك اول مرة قاتلهالي صحبتي نحساب فيها تقولي واش راه فوقك وسوستني قتلها ما عليا والو واش كاين وين راكي تشوفي رانا فالتلفون ماتت بالضحك قاتلي يا مصيبة معناها راكي لاباس ههههه
اهلا بيك وكوني فالمتابعة وشاركينا السهرة ليكم

 

[ليليا مرام]

رد: السهرة الثالثة....... قهوة وتاي

مرحبا بيك ضيفة دخلت نقرعج السهرات الاولين فاتوني
جاوبي مليح هههه
​

السلام عليكم اهلا هديل صحا فطورك
ومرحبا بيك معانا كاين سهرتين فاتو الاولى ما درنهاش والثانية للاخ هشام وراكي معانا فالسهرة الثالثة
اهلا وسهلا

 

[ليليا مرام]

رد: السهرة الثالثة....... قهوة وتاي

نشكر الاخت زهرة على موضوعها والتنسيق وخاصة التصميم هايل راك مبدعة
يعطك الصحة

السلام عليكم اختي صحا فطورك
نورتينا ونشكرك بزاف ورايكم يهمني والله نشكر الاخت لاريمان لانو هي صممت كل اكسسوارات الموضوع ربي يخليها خرجو روعة والباقي نضمتو انا ونشكركم كل شي ينجح بفضلكم نتوما
ويعطيك الصحة اللي شاركتينا
شكرا

 

[الحلم الوردي]

رد: السهرة الثالثة....... قهوة وتاي

أسئلتي لغلاتي
تفضلي حبوبة
وش طيبتي ليوم!؟
شربة ,طاجين الرخام
وش تحبي تاكلي فرمضان!
نحب الشربة وتانيك مين داك البوراك
الأكلة المالحة المفضلة عندك
ميني بيتزا
الأكلة الحلوة المفضلة عندك؟.
طاجين لحلو
سر تغييرك لإسمك!
هههه والله عجبني وزيد عندي احلام وردية
ان شاء الله يتحققولي
ملاك والماعن! حكاية حب أو كره ههههههه
ههههه حكايتي معاهم حب
نورمال نغسل في اي وقت
ملاك حرقت كاش ماكلة ولا دارت هدة فالمطبخ احكيلنا عليها
ايه مرة درت الغراتان وحاطيتها في الفوغ ايا وقولت نروح نريح شوية
وانا نسيها كامل
من بعد كي تفكرت روحت نجري
مانحكيلكش الريحة والدخان ولات الكوزينة ماتبانش
هههههههه
يما قاتلي شفتي كيفاش تخليها وتريح
المهم هديك الغراتان ولات فحم

راني ناوية نجي لسطيف عند اولاد عمومي واكيد نزور قسنطينة كي عادتي تستقبليني!؟
ارواحي مرحبا بيك حنونة
في اي وقت
هههههه ولا تقوليلي خرجنا رانا نكومبيو فالبليدة هههههه
قوليلي قبل برك وماتخميش
رأيك فيا!
الله يبارك اختي التانية وفي وقت الصح لقيتك
في كل المواقف ربي يحفظك حنونة
نصيحة ليا!
ان شاء الله تبقاي توجور هكدا وماتتبدليش
ديفو فيا!
مكاش ديفو فيك
ههههه بكل صراحة
​

جاوبتك بكل صراحة
ربي يحفظك حنونة

 

[ليليا مرام]

رد: السهرة الثالثة....... قهوة وتاي

اهلا اهلا واش تخلينا نقرسوا هنا

السلام عليكم خويا اهلا بيك وصحا فطورك
مرحبا بيك وسقسي واش تحب والسهرة حتى ليكم راكم خاوتنا وتشاركونا الف مرحبا

 

[Djamel.Dz]

رد: السهرة الثالثة....... قهوة وتاي

السلام عليكم
صحا فطوركم

​

 

[ليليا مرام]

رد: السهرة الثالثة....... قهوة وتاي

السلآم عليكم

و صح فطوركم , P!nK

مرحبا بيك , اسمك في تفاؤل حبيت نعرف علاه صبغتيه هكا ؟​

السلام عليكم اختي
اهلا وسهلا صحا فطورك واسمحيلي تجاوزت ردك فالحق كنت راح نخلي الرد للضيفة وفقط بعدو قلت اكيد نرحب بيكم
اهلا وسهلا وشكرا لتواجدك معانا

 

[Skor m@k]

رد: السهرة الثالثة....... قهوة وتاي

السللام عليكم
مرحبا بيك ختي ملاك ان شاء الله راكي مليحة مع الموصيبة تاع ليليا هذي هههه

كيفاش راكي مع رمضان غالباتو ولا قيس قيس لي يخيقك تعطيه هههه
واش من بلدان رحتيلهم
فقسنطينة مزالهم كي يأذن المغرب في رمضان يتيريو بالمدفع
ختي ملاك شحال خطبوك ( على وزن اخطبوط هههه ) من مرة ومقبلتيش ههههه
نروح نرور ونولي سلام​

 

[ليليا مرام]

رد: السهرة الثالثة....... قهوة وتاي

هلووو :d سلاام عليكم

أهلا بالحلوة ملااك صحا فطورك الزينة

سهرة ممتعة للجميع

بالاك اني نرجع شوي ها نلملك كاش سؤالين و لا 3:p

تحياتي​

السلام عليكم اختي اهلا وسهلا صحا فطورك
السهرة ممتعة بيكم نورتينا ونتمنى ديما تكون معانا شكرا لك

السلام عليكم
خاوتي خياتي
صح فطوركم
كاش اتاي هنا
ولا مكاش :d :up:​

السلام عليكم خونا مرحبا اكيد
كاين تاي وبقلاوة وقطايف مرحبا

السلامْ عليكمْ ،

طرح مميزْ الله يبارك
موضووع يخلينا نعرفو الاعضاء بشكل جميل

+ سوف اكون في الجوااااار لاتتبع الاحدآتْ

السلام عليكم اختي اهلا وسهلا صحا فطورك
الله يخليك اختي اكيد وانا درت الموضوع نتعرفو على بعضانا
كوني بالقرب واسهري معانا راكي من اهل اللمة
شكرا

 

[الحلم الوردي]

رد: السهرة الثالثة....... قهوة وتاي

صحا فطوركم
الله يسلمك
وانت زادة
أهلا أهلا بالشيفه ملاك
اهلا بيك حنونة
ليليا قوليلي ياك مسموح نقعدو معاها فداك الصالون
قعده كلاسيكية تهبل ههه
ههههه حاجة باينة تقعدو
بون ملاك شحال كان فعمرك مين دخلتي طيبي؟!
كان عمري 13 سنة
الفطور تتعاوني نتي وخواتاتك ولا كل مرة وحده طيب؟!
رانا مقسمين الشغل انا حاكمة الطياب كيما الشربة والاطباق الاخرى
واختي التحليات والسلطات
ومن بعد نتقالبو
مكاش قد المعاونة
صافي انا واختي
وش هو الحلو البريفيري عندك؟!
قلب اللوز,وتانيك موس الليمون
والسؤال لي محيرني صح
ههههههه
وش حكايتك مع التواقيع والرمزيات هههه
حكايتي حكاية
نتاع الصح نحب نبدل بزااااف بلاك في مانبا اسبوع
تلقيني بتوقيع ورمزية جديدة
نحب التجديد
هههههههه
وين نضرب عليك نلقاك برمزيه وتوقيع جدد ههه
ههههه
هدي هي اختك تحب كل مرة بحاجة جديدة
وسيغتو نتاع رمضان مانحكيلكش
سهرة طيبة

الله يسلمك حنونة
اسئلتكي خفاف كيما خفة ظلك
ربي يحفظك

 

[assinat]

رد: السهرة الثالثة....... قهوة وتاي

وعليكي السلام والرحمة
الله يسلمك
صحا فطورك
مرحبا بيك حنونة
اسمي عجبني وتانيك نحسو ينطبق عليا
واكيد نحب احلامي الوردية تتحقق ذات يوم

[
ان شاء الله يتحقولك و يكون فيهم خير P!nK

سؤالي الثاني الشرق تقريبا كلو رائد في مجال الخياطة صنعة عندكم علاااامة :thumb_up02:

هل عندك اهتمام من هاد الجهة او اي حرفة اخرى​

 

[الحلم الوردي]

رد: السهرة الثالثة....... قهوة وتاي

السلام عليكم
صحا فطوركم لبنات صحا فطورك ضيفتي
اختي اميرة اكيد مرحبا بيكم وانا نظفت ووجدت لمن ياخي ليكم الدار داركم
امالا عجبك الصالون راني نحب ديكورات الصالون
الدار داركم والضيفة راهي ختكم والسهرة ليكم شكرا

وعليكي السلام والرحمة
الله يسلمك حنونة
ايه واش بيكم يالبنات وين راكم هدا
الله يخليك حبوبة

 

[ليليا مرام]

رد: السهرة الثالثة....... قهوة وتاي

السلام عليكم ورحمة الله ..
خير من أخترتي أختي زهرة الزنبق، بارك الله فيكِ غاليتي
..
أهلاً بكِ عزيزتي ملوكة، نورتي يا الغالية
يشهد الله إنو لك خروف كبير في قلبي ( أقصد معزّة كبيرة ) هههههه وبي يسعد قلبك
سأكون من المتابعين الاوفياء ان شاء الله ..

هل تجدين فرق بين أجواء رمضان قبل والآن؟ أين الفرق بالضبط؟
هل تصلين التراويح في البيت ام في المسجد؟
ما هي أنواع العصائر التي تشعركِ بالإنتعاش في رمضان؟
ما الذي تقولينه لمن لم يصم/ تصم رمضان؟!

بارك الله فيكِ سلفاً عزيزتي
سأتابع اللقاء الجميل هذا

السلام عليكم اختي سكون الفجر
اهلا وسهلا نورتينا الله يخليك ويهنيك يا رب
شكرا ليك وان شاء الله تكوني ضيفتي قريبا اكيد ونتشرفو بالتعرف عليك
شكرا لانك معانا

السلام عليكم
صحا فطوركم

​

السلام عليكم صحا فطورك خونا
نورتنا اهلا وسهلا بيك معانا

السللام عليكم
مرحبا بيك ختي ملاك ان شاء الله راكي مليحة مع الموصيبة تاع ليليا هذي هههه

كيفاش راكي مع رمضان غالباتو ولا قيس قيس لي يخيقك تعطيه هههه
واش من بلدان رحتيلهم
فقسنطينة مزالهم كي يأذن المغرب في رمضان يتيريو بالمدفع
ختي ملاك شحال خطبوك ( على وزن اخطبوط هههه ) من مرة ومقبلتيش ههههه
نروح نرور ونولي سلام​

السلام عليكم صحا فطورك المهبول
ياخي قالو انا مصيبة امالا انت واش يا صحفي فاشل رحت دير كاميرا كاشي وليت مغاشي ياحي جالة ومازالك تحل ففمك
يا نهارك تكون ضيفي يا سكر افندي راح ينقرض كل سكر سفيتال وعمو ربراب من الاسواق
استنى دالتك وكاميرتك يا نستشفى فيك يا سكر بيك
روح وولي موالفين بيك نتاع رونديفوات هههههه