السهرة التاسعة.... قهوة وتاي

[جيهان جوجو]

رد: السهرة التاسعة.... قهوة وتاي

وعليكم السلام ورحمة الله وبركاته
الله يسلمك حبيبتي ليليا وانت زادا
بارك الله فيك على الترحيب المميز شكرا ليك
ربي يحفظك راكي غالية عليا كيفاش منسقسيش عليك لازم
نشالله راكي بخير حبوبتي
الله يبارك خيرات ربي
ياااسر منقدرش ناكلهم كامل هذوك نوزعهم على الحي تاعنا وندو انا وانت دعوة الخير ونزيدو نوزعوهم على اللمة تاعنا
ربي يحفظك على الترحيب المميز والماكلة ههه
بصحتي وبصحتكم تفضلو تاكلو
جزاك الله خيرا
نشالله نكون ضيفة خفيفة عليكم
في امان الله
​

 

[حروف تائهة]

رد: السهرة التاسعة.... قهوة وتاي

السلام عليكم
تقبل الله صيامكم
أهلين بالجميلة جيهان سهرة ممتعة حبيبة
شكرا ليك أختي ليليا على المجهودات لي ديري فيها
تحياتي للجميع

 

[assinat]

رد: السهرة التاسعة.... قهوة وتاي

مرحيآ بالغالية جيجي ♥

و الله نعزك بزاااف ربي يحفظك

سهرة ممتعة ليك و لكل المتابعين

دوك نجيك مع الاسئلة ​

 

[لؤلؤة قسنطينة]

رد: السهرة التاسعة.... قهوة وتاي

السلام عليكم
يااه شكون معانا اليوم الزينونة والحبوبة جيهان
ماشاء الله ونعم الضيفة
حبوبتي جيهان بعدما تخلصي الجيش تاع الاسئلة لي موجدتهملك مريومة هههه
نطرح عليك هاد الاسئلة الخفيفة كافتتاح
كيفاه تعرفت جيهان على اللمة؟
وهل جيهان في اللمة وفي العالم الواقعي بنفس الشخصية؟
نكتفي بهاد الاسئلة ونولي ان شاء الله
وختي مريم انا ننصحك لما تحاولي المرة الجاية ديري كاميرا خفية استعيني بعضو
خلاف احسن خاطر درك لي يشوف رسالة منك راهو يفهم الموضوع
فقط ملاحظة برك ولي عودة ان شاء الله
​

 

[جيهان جوجو]

رد: السهرة التاسعة.... قهوة وتاي

عرّف بنفسك

ضيفتي الكريمة اللي ما نعرفوهش عليك لازم اليوم نعرفوه
جيهان داخل المنتدى وبرا المنتدى كيفاه هي العقلية
عاقلة مطيارة تهدر بزاف او ساكتة واش دير واش ما ديرش
جيهان وهي صغيرة
المهم خاوتك داخلين هنا والقرع فارغين لازم يعمروهم راكي تعرفي حنا اللي نحبوه لازم نسقسو عليه
يعني يا ضيفتي افهمي روحك واحكينا عليك شوي
ايا نروحو للفقرة اللي وراها


​

السلام عليكم ورحمة الله وبركاته
كما تعرفون اسمي جيهان عمري 15 سنة ولاية غرداية بلدية القرارة
ادرس سنة اولى ثانوي علمي وباذن الله الى سنة ثانوي علوم تجريبية
هواياتي كثيرة منها ترتيل القران تعلم اللغات الاجنبية .مطالعة الكتب .متابعة للاناشيد مرات بكل انواع اللغات **حتى ولو لم افهمها ههه**
احب الافلام الكرتونية ههه واتابعها واعشق الحصص الدينية امممم
لا احب الخروج من المنزل الا عند الضرورة الحتمية او اذا طلبتني صديقة بان اذهب اليها
لا احب السفر الا عند الضرورة بعدما كنت احبه .
في البيت مرات لا اتحدث الا عند الضرورة او اذ كانو يناقشون فكرة وكان مفهومهم خاطئ فعلى الاكيد جيهان تتدخل بسرعة وتناقشهم
ولن اتوقف عن ذلك حتى يصححو ما كانو يقولون واغلبهم في النقاش هاهاهها
ومرات اصبح مثل المجنونة هههه واتحدث كثيرا
والحاصول اتحدث حسب مزاجي
البنت المحبوبة عند ابيها والتي لا يرفض لها طلب اكيد بعدما اقنعه وابي يثق بي كثيرا وكل شيء يحدث في المنزل ياتي اليا يناقشني فيه انا
انا المسؤولة عن التصرفات التي تحدث في المنزل **هنا محقورة ههه**
هدفي في الحياة اولا ارضاء الله ثم الوالدين وان اكون فتاة مهذبة ولا اظلم الناس
واكيد لي هدف اخر وهو تحقيق حلمي في الدراسة والعمل باذن الله
احب اللون الازرق ومشتقاته وايضا اللون الاسود
لا احب النوم كثيرا
لا احب الانسان المتكبر والمغرور بنفسه
احب مساعدة الاخارين واسعد لذلك كثيرا
اكره الانسان البعيد عن الله واعشق السلفية يميمي ان شاءالله اكون كذلك امين يارب
اما طفولتي اي عندما كنت صغيرة
كانت عبارة عن هموم ومشاكل عندما كان عمري 7 سنوات
في الاول كانت معدلاتي متوسطة لكن بعدها قلت في نفسي يجب ان اتحدى كل شيء ولن اجعل هذه المشاكل تفشلني وتتدخل في حياتي الدراسية
والحمدلله عملت بجد وبدات التحصل على المعدلات الممتازة وانا الاولى
والحمدلله كنت المحبوبة عن اساتذتي في المرحلة الابتدائية وحتى الى المرحلة المتوسطة والثانوية لا زلت جديدة عليها بالنسية الى اساتذتي الجدد
اكون عصبية عند حصول مواقف لا تعجبني ومرات اسكت لاغيظهم وادعهم يتحدثون لاتفسهم
وفي الحقيقة في حياتي لست اجتماعية كثيرا ولا احب مخالطة الاخارين والناس
وفي اغلب الاوقات احب ان اكون وحيدة في منزلي وبالاخص في غرفتي
راني حكيتلكم على سيرتي الذاتية هههههه
نشالله نكون وفيت وكفيت
الى الفقرة التالية باذن الله
بارك الله فيك
في امان الله


​

 

[سكون الفجر]

رد: السهرة التاسعة.... قهوة وتاي

السلااااام عليكم ورحمة الله وبركاته
منورة حبيبة قلبي جوجو، الله يسعد قلبك ويحميكِ ويحفظك
سأتابع الحلقة اخيتي لأتعرف على صغيرتي المددلة الكبيرة في تفكيرها
الله يثبتك ويجعلك من الصالحات
وفقكِ الله حبيبتي

 

[hadil2044]

رد: السهرة التاسعة.... قهوة وتاي

اهلا وسهلا جيهان
​

 

[جيهان جوجو]

رد: السهرة التاسعة.... قهوة وتاي

يومياتك

يومياتك هذي فقرة تحكينا فيها على جدولك فرمضان من وقت تتسحري لوقت المغرب
وكيفاه تقسمي وقتك مع المنتدى ومع الدار
المهم اعطينا كل شي حتى تلحق ال 10 نقول اييه جيهان راهي راقدة او تسيق او فالمنتدى لازم نعرفك واش ديري
الله غالب اختي لازم نعرف

ايا نخليك هناو نروح نوجد الفقرة الجاية
​

هههههههههه
ايا من وقت السحور نغسلهم هذوك الهم راكي عارفتهم ههههه
نصلي الصلوات في وقتها نرقد بعد الفجر نوض على 10 نقعد شويةكاش مندير حاجة ونزيد شوي نقرا القران ونرجع نرقد نوض قبل صلاة الظهر ولا مع الصلاة الظهر ونوض نصلي ونقرا القران
وندور في الدار نقيها ولا كاش تسياق فيها ولا الكوزينة كاش ميخصها ونوجد للام تاعي حوايج الطبخ ونعاونها فيه . تجي لعشية نقرا القران ونوجد الطابلة قبل ما ياذن المغرب وكيما هاذ الايام راني داية كونجي على الكوزينة هههه تركت كلش لاختي وحوايج الدار ثاني هاهاهاا بصحتي خلي نرتاح شوية
وراكي عارفة الليل الله يبارك طويل نغسل الماعن نكملهم على 20.34 ومران الوقت اللي قبل صلاة العشاء نقرا قران ومرات لاالا نقراه ورا صلاة التروايح
واكيد اللمة منصبرش عليها وندخلها في تلك الاوقات اللمة نوزعها على 24 ساعة ههههه
بارك الله فيك وجزاك الله خيرا
في امان الله

​

 

[miss victoria]

رد: السهرة التاسعة.... قهوة وتاي

شرفتينا يا ضيفتنا الكريمة
و ان شا الله تعجبك السهرة

 

[جيهان جوجو]

رد: السهرة التاسعة.... قهوة وتاي

خمسة بخمسة

ضيفتي راكي متبعة الموضوع وعارفة الفقرة هذي لازم تجاوبيني عليها
اني عارفة وحافظة غير متخافيش ههه
1- جيهان اهم شخص في حياتها شكون ؟
الام والاب واخوتي
2- موقف صدمك وموقف فرحك واش هوما ؟
الموقف اللي صدمني انفصال امي عن ابي بعد ما كانو يحبو بعضاهم
قدر الله وماشاء فعل بصح الحمدلله ساكن تحتنا وكللي ماكاين والو غير ممنوع يقابل ماما ولا يدخل للدار وهيا في الدار
اما الموقف اللي يفرح كاين ياسر بصح الموقف الاكثر اللي فرحني نهار لبست جلبابي فرحة لا توصف
3- كيفاه تشوفي فالزواج عبر النت تامني به او لالا ووعلاه ؟
جيهة كاين اللي تزوج منو وراه الحمدلله وكاين اللي نزوج منو وصرات مشاكل وتفرقو
يعني كلشي قدر لكن بالنسبة ليا ميعجبنيش
ااولا عصات ربي راحت حكات مع رجل اجنبي عليها ودارت الثقة فيه وحباتو واكيد تحكيلو اسرارها وراكي عارفة
يعني خارج الطريق
وكاين اللي تحكي معا شاب وتقلك راح حاب يزوجني وراه حبني من قلبو مسكينة في قلبو يقولك كيفاش انا ندي وحدة راه دير كيما هكذا اكيد حكات مع شباب من قبل ويقلك يعني اي شخص جاها قلها نزوجك وعجبتني اكيد راح تقبل بيه
هاههااها يديرها غير لعبة
اانا ننصح الفتيات ميدوروش بهاذ الطريق
4 المنتدى فيه ناس بزاف كيفاه تقدري تحكمي على شخص من وراء الشاشة صادق او لالا ؟
الصراحة معرفتش كيفاش نجاوبك بالصح اكيد نحس بيه
5 كلمة فقلبك لمن تقوليها وواش هي وما تقوليش ندعيلكم ونحبكم كامل لالا مديلي الصح انا
اااه فهمتك حابة دعوة الشر يعني نبدا ندعي ولالاالا ههههه
عير نتمسخر برك
نحبكم وتعلقت بيكم ربي يحفظكم ويبارك فيكم
نروحو للفقرة لاخرى هايا نطيرو


​

بارك الله فيك اختي الغالية
هيا الى الفقرة الاخرى باذن الله
في امان الله

 

[جيهان جوجو]

رد: السهرة التاسعة.... قهوة وتاي

شكون تختار؟

ضيفتي العزيزة شكون تختارها لتحدي
عضو او عضوة وواش هو التحدي قوليلي اسم العضوة او العضو وانا نخليكم تتحداو
انا نيتي خير وفاعلة للخير نشعلها ونبعد والاعضاء ما يسلكو ما والو راهم ناويين الخير كيما انا
عارفين المنكر هذا لما يشوفوه وما يدخلوش يدو الأجر

ايا خيري شكون اللي تدابزي معاها وركزولي على الشعر


​

اوووووووواه راكي تفتني ههه غير نتمسخر برك بصح خلي نضحك ههههههههههههههههههههههههههههههههههه شعالة النيران
اممممم غير الشعر متهدريليش عليه لان انا ماشي شاطرة فيه
اممممم نتحدى حبيبتي سكون الفجر
هذاك النهار قاتلي نتحداك على اكل مكعبات الثلج ومجاتش
ياااااااااااا سكون الفجر ارواحي هنا دركاااا
جيبيوهالي بسرعة ربي يحفظكم

 

[جيهان جوجو]

رد: السهرة التاسعة.... قهوة وتاي

من 1 لل 10

ايه ياجيهان جيتي عند ليليا وراحا تضربي الكارطة لازم تخيرنا رقم وانا ندبر راسي بوقلاتك ماراهيش راحا تقول الزهر
راحا تخلينا نضحكو ونعلقو عليها ونشوفو الجانب الآخر منك
خليني نفسر بوقالتك على طريقتي
انت خيري والباقي عليا
نستناك يا ضيفتي مرحبا


​

هههههه اممممم نجرب حظي
نختار رقم 1
يا ترى واش راح تقلي حبيبتي ليليا
امممم
بارك الله فيك
في امان الله

 

[جيهان جوجو]

رد: السهرة التاسعة.... قهوة وتاي

انت وزهرك

ضيفتي راسلتها وحاولت نديرلها كاميرا كاشي مي نظنها حست
اواه لازمني نبدل الاسلوب لانكم فقتولي عليها لزام نبدل على طريقة رامز جلال
شوفو رسالتي مع الضيفة

سلام عليكم السلام عليكم اختي جيهان ان شاء الله امورك بخير
اختي شكون راسلاتك وطلبت منك تفسيد موضوعي وديري موضوع نتاع سهرة مشابه لموضوعي
وتقريبا نفس الوقت والله ما توقعت منك هذا علاه ما قلتيليش باللي راسلوني حتى نعرف انا من اعضاء اخرين انا ما نتبهتش انو نفس الفكرة
وانو بالعاني يعني انت جيهان والله ما كنت نصدقها

رد: سلام عليكم إقتباس: المشاركة الأصلية أضيفت بواسطة: جيهان جوجو
وعليكم السلام ورحمة الله وبركاته
الحمدلله حبيبتي السوال عليك نشالله راكي بخير
اممممم انا مكنتش قاصدة هيا عضوة دارتها وفاتلي ساعديني وساعدتها وانا ثاني عجبتني فكرة موضوعها قلت خليه نشطوه مع بعضانا
يعني المهم مكنتش قاصدتها ليك حبوبتي
متقلقيش حبيبتي اذا حبيبتي نبطل هذاك الموضوع وغير تهدني برك متقلقيش روحك


لاا مش مسالة عنو نحب او لالا عادي يكتبو وانا ماذا بيا قد ما نتعرفو على الاعضاء مليح
مي انت لما راسلاتك كنت تقولي انو نفس فكرة ليليا نتاع السهرة على الاقل كنت تراسليني يا سيدي تحطيني فالصورة برك
علاه ضرك درتيه علاه تنجيه على كل حال شكرا

رد: سلام عليكم إقتباس: المشاركة الأصلية أضيفت بواسطة: جيهان جوجو
امممم بصح ويكتا راسلتيني هاهااهها
والله مجاتش في بالي نقلك نسيت راكي عارفة الصيام
على خاطرك منوليش نديروو غير متقلقيش اختي ومتزعفيش
اعتذر واكرر اعتذاري
صح رمضانك وصح فطورك
في امان الله


شكون راسلك انا ما قلتش راسلتك قتلها كنت انت تراسليني
على كل حال ختنا جيهان يشرفني تكوني ضيفتي الليلة
وراكي فقتي انو كاميرا اواه لازم نبدل الاسلوب مي نقولك شرف ليا تكوني ضيفتي فالسهرة


نشكر ضيفتي ولو انها فاقتلي
وراح نبدل الاسلوب ان شاء الله منا وجاي راح نولي قبيحة ما تحبوش العاقل نتوما استنو عليا برك

شكرا





​

ههههههههه شفتي كيفاش
بدلي الاسلوووووووب
انا شكيت فيها بصح قلت نخليك تقولي واش حبيبتي ونجاوبك باش منزلكش المورال غيفقتلك ههه
صحا حبيبتي بارك الله فيك
في امان الله

 

[جيهان جوجو]

رد: السهرة التاسعة.... قهوة وتاي

هدية الضيف

ضيفتي العزيزة وصلنا لفقرة نروح لمارشي قوقل ونشوف نختار هدية نتمنى تعجبك

هديتي ليك ايفون وعقد باسمك نتمنى يعجبوك

شكرا

​

هههه مارشي قوقل يهبل كلشي باطل
عجبتني الهدية تهبل يعطيك الصحة بصح ويكتا توصلني لازملي غدوة نشالله
بارك الله فيك وجزاك الله خيرا
في امان الله

 

[جيهان جوجو]

رد: السهرة التاسعة.... قهوة وتاي

كلمة ختامية

ضيفتي نشكرك لانو قبلت الدعوة بكل صدر رحب
نشكرك على وقتك وعلى جهدك وعلى نشاطك وتواجدك المميز فالمنتدى
وانا نشكرك على اهتمامك بيا من يوم دخلت للمنتدى ونقولك انت فعلا جوهرة ونعم من رباك اخلاق عالية وهادئة وعقلية اكبر من سنك بكثير

شكرا اختي جيهان وانا نقولكم غدوة بحول الله راحين ندير اول استطلاع لكل السهرات اللي فاتو كونو فالموعد

شكرا ليكم كلكم والله يخليكم


في امان الله

​

العفو غاليتي بل انا التي يجب اشكرك على هذه الاستضافة الجميلة والممتعة
العفو اختي الحبيبة
ربي يحفظك حبيبتي خجلتيني ههههههه
رانا هنا اخوة ولازم نسقسو على بعضانا وزيد انت عجبتنيني وحبيتك .قلبي الصغير لا يتحمل ان لا اسال عليك :p
ان شاءالله والسهرات كاملين الله يبارك عليهم
بارك الله فيك وجزاك الله خيرا على استضافتك المميزة وعلى هذا النشاط لامتاعنا
اسال الله ان يرزقك وايانا الفردس الاعلى
شكرا لك اختي الكريمة
نتلاقاو في سهرة اخرى باذن الله
صح سحورك
في امان الله
تفضلي

​

 

[جيهان جوجو]

رد: السهرة التاسعة.... قهوة وتاي

ماعندي حتى فكرة امممم ممكن تكون عاشقة الجنة ​

بيك الصيام برك حبيبتي اماني

 

[جيهان جوجو]

رد: السهرة التاسعة.... قهوة وتاي

ممممممممممممم الله اعلم


المهم انا ليوم راني متحلف ​

علابالك خوفتني بكلمة راني متحلف يااا
بصح راه عندي الاسلحة باش منخافش ههه
بارك الله فيك اخي
في امان الله

 

[سكون الفجر]

رد: السهرة التاسعة.... قهوة وتاي

اوووووووواه راكي تفتني ههه غير نتمسخر برك بصح خلي نضحك ههههههههههههههههههههههههههههههههههه شعالة النيران
اممممم غير الشعر متهدريليش عليه لان انا ماشي شاطرة فيه
اممممم نتحدى حبيبتي سكون الفجر
هذاك النهار قاتلي نتحداك على اكل مكعبات الثلج ومجاتش
ياااااااااااا سكون الفجر ارواحي هنا دركاااا
جيبيوهالي بسرعة ربي يحفظكم

انا هناااااا هههه تفضلي بشو تحبي تتحديني؟
خليه شي ساهل هاه مو تصعبيه، اختك تعبانة وعيونها عم تسكر لوحدها هههه

 

[جيهان جوجو]

رد: السهرة التاسعة.... قهوة وتاي

السلام عليكم
انا عندي اقتراحين
بلاك الاخت اسماء ولا جيهان جوجو
صحا فطوركم
​

الاخت جيهاان جوجو

وعليكم السلام ورحمة الله وبركاته
هييييي ايا الحمدلله عرفتوني
تفضلو حبيباتي

 

[جيهان جوجو]

رد: السهرة التاسعة.... قهوة وتاي

انا هناااااا هههه تفضلي بشو تحبي تتحديني؟
خليه شي ساهل هاه مو تصعبيه، اختك تعبانة وعيونها عم تسكر لوحدها هههه

هههههه ضحكتيني
ااااه انا ما فيني اتحمل اني شوفك تعبانة
خلاااص اذا هيك بس المهم انك تصيري منيحة لان انا ما بتحمل
نامي يا غلاتو لقلبي نوم الهنا
صح سحورك
ليلة سعيدة
:p:p:p:p:p
في امان الله