السلام عليكم اختي سارة اهلا وسهلا وصحا فطورك
السلام عليكم جماعة الخير صحا فطوركم اليوم راني درت
فواصل الاختين مولات الشابو الاحمر والاخت اميرة بلاما يزعفو عليا راني نبدل كل مرة حاجة
المهم يا جماعة الخير اليوم عندنا سهرة مميزة وعندنا ضيف راني حابة نمدلو طريحة
واش نقولكم ضيفي اليوم
السامط فالبراوات تبعثولو موتو ولحقفو ويكون بان مصيركم جنة او نار باه يرد خونا
ضيفي مول العربون اذا قالك نولي يا حسراه اتكل واستناه العام الجاي هذا الوقت
ضيفي واش نقولكم السكر والحلاوة والسماطة والهبال وكل شي
مي المميز انو بلا بيه ما نقدروش للقهوة ولا لاللقاطو ولا لأي شي ولا للمنتدى
رحبو معايا بضيفي
ضيفي سكر افندي مرحبا بيك وكنت راح نقولك الدار دارك مي واش من دار اللي تزورها مرة فالعام تروح وما توليش
انت الليلة صح ضيف ماراكش مول الدار على خاطر تخليها تتعمر رتيلة
مرحبا بضيفي ونروحو لاول فقرة
سكر افندي راني وصلنا لفقرة
اييه سكر افندي منتوج سيفيتال هذي نعرفوها
مي نروحو نعرفو امور مهمة وماكان لاه الغموض والمعاني
سكر افندي مشرف قسم واش راك تهدر يا واسمك الليلة راك ضيفي معناها تحكينا كل شي عليك
لازم نعرفو مالك افندي شكون هو برا من المنتدى والداخل رانا شابعين كراميل
اذا قالو شكون مد عربون وهرب اكييييييد سكر افندي
شكون تراسلوه وما تردش ..... سكر افندي
راك مشيوع يا جاري
الخط ليك وعرف بروحك
مشكور ويا الله للفقرة الجاية
يومياتك
سكر افندي اييه عندك يوميات من تنوض حتى تتسحر او العكس
فهمنا يرحم فوالديك واش تظل دير كي نراسلوو ما تردش
وتظل تأفأف علينا مارانيش اونبيلونس
اييه راه قالي حسيبتيني اونبيلونس
في بالكم شكون يروح مريض مع انوبيلونس كيما هذي ياو يولي مرحوم المريض
انا على روحي لو تبقى آخر اسعاف
ايا الخط ليك قولنا يومياتك واش تظل دير
خمسة بخمسة
نسقسي ضيفي سكر افندي ولازم يرد
واش مالسكر خلاص ذبت مع لحليب ههه
1- خونا مرتبط متزوج مطلق ارمل ...... الجواب عالسريع لازم نعرفو سكر راح يتزوج او راح يبقى متعلق بالقهوة والقاطوات ههه
ههههه حشمت نجاوبك زعما أرمل أنا هههه أنا والو من هذو لي ذكرتيهم
2- واش الحاجة اللي تزعف خونا مالك وما يسامحش فيها وماكان لاه تقول انا نسامح كل الناس ايا ورولي الشر اللي فيكم
أنا الحاجا لي منسامحش لي يدنالي ليما ناكلو حي نخلي غير قلبو نرميه
3- مالك افندي تعرض لصدمة ما يا درا سرقولو دراهم يا درا تبحرتلو حاجة مهمة يا درا تفارق مع ناس غاليين ربي يعلم احكينا واش صرالك
الحمد لله ماصرالي والو لحد الساعة
4- شكون اعز انسان عندك فالمنتدى ووعلاه ؟
هنا قستيلي لي سونتيمو تاوعي هههه
كاين بزاف أم منير وهي نعتبرها أمي هنا
وكاين خويا حكيم وأمين07 ونجيب وختي مريم وبشرى وأميرة وسارا ومجاجو وأسماء وساندي ومليكة وملاك وأنت شويا ماشي بزاف هههه ووو
وكامل تاع المنتدى والله غير نعزكم كامل
5- واش رايك فالاشراف مليح او لالا
الاشراف مليح وماشي مليح
المليح هنا الواحد يبين شخصيتو وكلمتو ومواقفو وحتى الصبر مع الأعضاء
وماشي مليح والله غير مسؤولية نهار حكمتها مزيا لي لقيت ختي مريم هبلتها معايا شويا
الخط ليك ونروحو لفقرة اخرى
شكون تختار ؟
شكون يختار سكر افندي للتحدي
لازم الملح او العسيلة او واش ههههه
اختار عضو او عضوة ولازم تتحداهم في تحدي يا درا واش هو انا خاطيني انا نشعلها ونبعد
تدابزو تتناتفو من الشعر
ربي يسهل المهم انا نديرها ونبعد
ضيفي مالك افندي اليك الخط
من 1 لل10
سكر افندي واش نقولك
اختار رقم ونمدلك بوقالة اما سكر ناعم الحبيات او سكر قلاصي
او سكر عادي انت وما تختار
بوقالتك يا سكر راح تكون سكر كيما انت المهم اختار والباقي عليا
وخوتاتك راهم هنا يزغردو ويعقدو النية
ماتخافش ماناش راحين نضربو الكارطة ياو رانا نلعبو وبرك
خير رقم والباقي علينا
انت وزهرك
سكر افندي هو وزهرو وشوفو لما راسلتو واش قالي
طلب عاجل وركزيلي على عاجل السلام عليكم
خونا سكر افندي واش راك اليوم ان شاء الله لاباس حبيت نسقسيك حاجة لازم تجاوبني ضرك
ياو قلنا عاجل
خونا سكر واقيل انت تفهم العاجل على انو آجل
ياو قتلك نحتاجك فامر ضروري واقيل الفاكتور اللي نبعث فيه مات فالطريق
يا لطيف واشبيك ربع سوايع باه ترد
رد: ياو قلنا عاجل السلام عليكم
علاه حسبتيني اسعاف بيه بيه نردلك هههخ
هذا وين دخلت النفس مخليتينيش نتنفسو هههه
انا قلت متي مرة اخرى هههه بعيد الشر
بصح نعاود ندخل مور التراويح جوايح 11:30 تاع الليل هههه
اني لست في الخدمة يرجى اختيار شخص آخر ان كان الامر مستعجل هههخخ
نعرف الفصحى ههههه
سلام
يعني خونا نويت نديرلو كاميرا كاشي ما قدرتش وعلاه شكون يرد
قالكم انا منيش اسعاف بيب بيب نرد
اييه خاوتنا اللي مريض وجاتو حالة مستعجلة ما يخممش يعيط للفكرون مالك لانو اما يوصل اما ما يوصلش نتوما وزهركم
هههههههه
شكرا ونروحو للمرحلة الاخرى
