السهرة 14........قهوة وتاي

[صاحب الظل]

رد: السهرة 14........قهوة وتاي

يومياتك

ضيفي الكريم كل واحد فينا عندو نظام فرمضان اللي خدام واللي قاعد وكاين يرقد وكاين لالا
ضيفي قيس كيفاه نظامو فرمضان من وقت يتسحر لوقت يفطر وورا المغرب
نحبو نعرفو تفاصيل عليك
كل رمضان الانسان عندو عادات نحبو نعرفو عاداتك فرمضان

شكرا ونروحو لفقرة اخرى


​

اوك

وي بيان سير كل واحد و كيفماه البروقرام تاعو

بالنسبالي انا نتسحر و نروح للجامع نصلي الفجر و من بعد نولي نرقد حتان لل9 و ديفوا لل 10
و نخرج نروح للسوق كاش ما نشري صوالح للدار و نولي نتودا و نقعد نقرا في القران حتان للدهر نصلي و نكوناكتي شوي و الا جا النعاس نزيد ننعس شوي

و نقوم نصلي العصر و يا اما نخرج و الا نكوناكتي شوي حتان للمغرب ..نفطر و نخرج ندور شوي و بعدين نرجد للدار

( مي السمانة هادي مع الباك غير مع الريفيزيون ..ادعولي غدوة نجو فيزيك (

 

[صاحب الظل]

رد: السهرة 14........قهوة وتاي

خمسة بخمسة

ضيفي الكريم لازم تسمحلي شوي نطل على خصوصياتك

1- خونا قيس هل اسمو مثل شخصيتو يعني صاحب الاسم هذا لازم يكون رومانسي ..لالا ماشي لازم و بالنسبالي انا لالا جامي جربتها ههههه كلش يجي بعد الزواج ..
2- واش راي خونا قيس فنجاح المرا وهل انت مع انها تخدم او تقعد فالدار ؟ من حفها تنجح و تحقق امانيها و من حقها تخدم و بالنسبالي انا ( في التعليم و الا لاسونتي فقط )
3- خونا قيس تحط عند امر انو اهلو يزوجوه تقبل او ترفض وفالحالتين وعلاه ؟ نرفض باسكو هادي حياتي انا الشخصية ..
4- علاقات الفايس او غراميات الفايس بوك في بالك صادقة او كلها خرطي ؟ هههه ماشي خرطي تفاهات (العلاقات هادي طريقها فيها المسامر علابيها ما نجموش نغامرو ...)
5- كلمات لمن تقولهم .. نحبك والديا و خواتاتي .... محال نسامحك واحد الانسان..... توحشتك بابا..... انساني لي كدب عليا و خاني



ضيفي نروحو للفقرة الجاية نروحونروحو ههه


​

 

[صاحب الظل]

رد: السهرة 14........قهوة وتاي

هدية الضيف

خويا قيس المعروف اختك ليليا تروح لمارشي قوقل وتشريلكم وراح نروح ونشوفلك كادو ان شاء الله يعجبك

نتمنى يعجبوك

ونروحو لآخر فقرة
ايه مليح المارشي تاع عمي قوقل يخدم غير الدوريجين ههههه
مارسي بوكو كادو يهبل يدي العقل
​

 

[صاحب الظل]

رد: السهرة 14........قهوة وتاي

كلمة ختامية

ضيفي هنا نكون وصلت معاك لآخر فقرة
اولا نشكرك بزاف على قبول الدعوة وعلى وقتك
نشكرك على رحابة الصدر وعلى كل الأجوبة والاكيد راح نتمتعو بالسهرة ونتعرفو عليك مليح
نخليك مع الاعضاء وبلاما نوصيهم عارفة راحين يتهلاو

وانا نقولكم نتلاقو غدوة اذا حب ربي مع ضيف أخر الى الملتقى

في امان الله

شكرا جزيلا على الاستضافة و على خفتك دمك و شكرا لكل اعضاء هادا المنتدى الرائع

و سامحوني دخلت بزربة باسكو عندي ريفيزيون و ما تنساوش تدعيولنا

و صحا سحوركم كامل
​

 

[hadil2044]

رد: السهرة 14........قهوة وتاي

اهلا وسلا ك خويا في السهرة

بما انك جديد على المنتدى كفاه تعرف عليه؟ وش عجبك فيه والاعضاء اللي عرفتهم؟
واش هو الهدف تاعك في الحياة؟
طموحك في الجامعة حددت التخصص والا واو؟

ما نكثروش عليك وربي يوفقك في الباك
​

 

[AmiR@RoRo]

رد: السهرة 14........قهوة وتاي

السلام عليكم
اهلا وسهلا بصيفنا الكريم
صحا فطورك
يا ليليا علاش عليك تلاهي فالسيد ههه راه عندو باك يعني لازم يريفيزي ونتي جيتي تشديه بالسهرة
ادا كاش ما خدمش مليح راه يرجع اللوم فينا هههه

خويا قيس وش لقيت ليلى تاعك ولا مزلت تحوس عليها ؟ ههه
اي شعبة تدرس ؟
كفاش حالك مع رمضان ؟
قيس من النوع لي يتشى بزاف وحدو قدو ؟
وش المهنة لي تتمناها مستقبلا ؟

سهرة ممتعة
ربي يوفقك خويا

 

[قرصان الساحل]

رد: السهرة 14........قهوة وتاي

واش ا زهرة الزئبق السيد او مع الباك وانت تقوليلو سهرة ما سهرة ... ولا نقلك قيس خويا راهي مربوحة سهرتها ان شاء الله ربي يوفقك
مرحبا بيك قيس انا اول مرة نشوفك هنا متشرفين بيك خويا
ايا نخليلك شوية اسئلة
يقولو لا يوجد قيس الا وكاين معاه ليلى وش تقول ؟؟
نحب نعرف وينا نادي تسبروتيه في الجزاير وخارج الجزاير ؟؟
ايا نعقدها عليك شوية ادا كنت رياضي جيب طابلة وقابلني وقولي وش هي الحلول حتى نقضو على العنف في ملاعبنا .. ههه عارف كاستيو تعيي مي باه تحيلنا شوية نشوف فيك تجاوب بكلمة وتسكت
ايا وواش هو رايك في بن شيخ ؟؟

ايا نتوقف هنا ونقولك ربي يوفقك خويا وسهرة ممتعة
وصح سحورك
​

 

[ليليا مرام]

رد: السهرة 14........قهوة وتاي

السلام عليكم
اهلا بيكم كلكم وانا وين نعرفو راه مع الباك ياو جبناه نتعرفو بيه وعلاه خطفناه ماراحش يروح يجوز الباك
لالة اميرة والسي قرصان راني نجيب ضيف جديد وضيف قديم هاكا ما نحقر حتى واحد وعندو الوقت يرد وقت اللي يساعدو عادي
ضيفي راح نرجع نشوفك واش خيرا بوقالة
نشكرك على الاجابات ولو كنت سريع وديبلوماسي مي معليش
ما تبانش عنابي تباني من آلجي لانو هدرتك كيفنا تقريبا

 

[صاحب الظل]

رد: السهرة 14........قهوة وتاي

السلام عليكم
اهلا بيكم كلكم وانا وين نعرفو راه مع الباك ياو جبناه نتعرفو بيه وعلاه خطفناه ماراحش يروح يجوز الباك
لالة اميرة والسي قرصان راني نجيب ضيف جديد وضيف قديم هاكا ما نحقر حتى واحد وعندو الوقت يرد وقت اللي يساعدو عادي
ضيفي راح نرجع نشوفك واش خيرا بوقالة
نشكرك على الاجابات ولو كنت سريع وديبلوماسي مي معليش
ما تبانش عنابي تباني من آلجي لانو هدرتك كيفنا تقريبا

لا لا في هادي غلطي اختي

عنابي اب عن جد

 

[صاحب الظل]

رد: السهرة 14........قهوة وتاي

واش ا زهرة الزئبق السيد او مع الباك وانت تقوليلو سهرة ما سهرة ... ولا نقلك قيس خويا راهي مربوحة سهرتها ان شاء الله ربي يوفقك
مرحبا بيك قيس انا اول مرة نشوفك هنا متشرفين بيك خويا
ايا نخليلك شوية اسئلة
يقولو لا يوجد قيس الا وكاين معاه ليلى وش تقول ؟؟ حاجة باينة هادي
نحب نعرف وينا نادي تسبروتيه في الجزاير وخارج الجزاير ؟؟ في دزاير نسيبورتي وفاق سطيف و في الخارج ريال مدريد
ايا نعقدها عليك شوية ادا كنت رياضي جيب طابلة وقابلني وقولي وش هي الحلول حتى نقضو على العنف في ملاعبنا .. ههه عارف كاستيو تعيي مي باه تحيلنا شوية نشوف فيك تجاوب بكلمة وتسكت
ايا وواش هو رايك في بن شيخ ؟؟ ماشي وقتو هاد السؤال دوك خلاه ههههه

ايا نتوقف هنا ونقولك ربي يوفقك خويا وسهرة ممتعة
وصح سحورك​