السلام عليكم جميعا اهلا وسهلا بيكم فآخر سهرة من سهرات
الليلة يا جماعة الخير بعد السهرة اللي هريتوني فيها وانتقمتو مني مي تستعرفو راني كنت لكم بالمرصاد
نرجعو لضيفنا فآخر ليلة
ضيفي الليلة مميز فكل شيء
مميز بطيبة القلب
مميز بالاخوة الصادقة ولو انا مان عرفوش من مدة طويلة ولكن اول ما دخلت للمنتدى نعم الاخ استقلبلني واحترمني وعرض اخوتو ودار فيا ثقة وبدوري وثقت فيه وانا نشكرو بزاف على احترامو وهذا يبيننا انو انسان نعم الأصل ونعم التربية
رحبو معايا بصاحب الاصل الطيب وصاحب الدار هو مش ضيف
رحبو معايا بالأخ الكريم
الامين محمد
:: مشرف ::منتدى الحوار والنقاش الهادف
أقسام الرياضة البدنية
أهلا وسهلا بيك ضيفي الكريم وخويا الأمين مرحبا بيك
اهلا وسهلا بضيفي ونروحو لاول فقرة
عرّف بنفسك
حاس بروحي أمام مفتش تحقيق
أولا الكلام اللي قالته اختي ليليا أني طيب و كذا منو كلش ماهوش صحيح
أنا تلميذ أمام قامات كبيرة و عالية في المنتدى يعني ماشاء الله عندنا ناس من عالم آخر
علما و أدبا و طيبة
خونا الأمين اللي نعرفوها عليك تقريبا كل شي لانك شاركتنا حياتك ودرت فينا ثقة وخليتنا ندخلو لحياتك الخاصة
و الله نحس أني بين أهلي و أحبابي و نحس بالأمان معاكم
ولكن كاين امور انا جديدة معاكم مان عرفهاش وحتى لو اعضاء قبلي ما يعرفوهاش
نحبوك فالفقرة هذي تحكي براحتك
نحب تعرفنا على الأمين محمد خارج المنتدى
الامين الأب والزوج والأخ والإبن وكل شيء
هيا خويا وانا نخليك ونروح للفقرة الجاية
عمري 35 سنة متزوج و نسكن في سكن خاص بي في بيت على صيغة السكن الريفي في تجمع سكني
يعني سكنات مخصصة لأصحاب البادية في الأصل
مستوى الثانية ثانوي توقفت عن الدراسة باش خويا الأكبر يكمل دراسته
حفظت شوي قرآن في الكتاتيب و كنت لاعب كرة قدم ممتاز و كنت قريب نلعب مع المنتخب الوطني أشبال
و عندي دبلوم كمدرب كرة قدم
نعيش في بيئة ريفية
نحب المطالعة و الكتب
نعمل ضمن عقود التشغيل في ثانوية و نعمل أيضا في الكهرباء المعمارية كهواية
كزوج و الله بسيط و ما نكلفش على أهلي حوايجي نخدمهم وحدي
بسيط في كلش في التعامل و في اللبس و في الأكل يعني اللي كاين نلبسه و اللي كاين ناكله و ما نتشرطش
كأب علاقتي بولدي علاقة صداقة
اسم ابني اسلام و هو متعلق بي أكثر من أمه يعني يصلي معايا في المسجد و يروح معايا للملعب
و ينام عندي و نحسه صديقي و نلقى راحتي معاه
في المجتمع عندي مكانتي المحترمة جدا و محل احترام كل طبقات المجتمع
يومياتك
خويا الأمين من وفقت تتسحر لوقت تجي للمنتدى وتفطر واش دير
انا ضاربتلي تقرعيجة فراسي نعرف بروغرام نتاعك فرمضان
هههههههههههه معليش خوك من حقك تعرفي كل اللي تحبي
نتسحر على الثالثة صباحا و نصلي الصبح و نرقد و على السابعة و النصف ننهض و نروح نخدم كعمل يومي
ممكن في البناء او الكهرباء او دهن بيت المهم نطلع نهاري الى غاية الثالثة مساءا نرقد القيلولة الى قريب العصر
نروح للمسجد نصلي و تبدا في شغل المسجد لأنه في طور البناء على الأقل أنظف المطاهر أو نغير مصباح
نقرا الورد نتاعي و نسبح و نستغفر طبعا معيا ولدي اسلم الى غاية قريب المغرب
نفتح النت و نجاوب على الأسئلة نتاع المسابقة الثقافية
ثم نرجع الى العايلة و البيت
نفطر مع زوجتي و نرتاح معاها الى غاية العشاء نصلي التراويح
اذا كاين عمل نعمل أحيانا او نجلس في البيت
ما نحبش السهر خارج البيت أو في المقاهي
في البيت قهوة و زلابية و قلب اللوز و حتى منتصف الليل و النصف نرقد
اذا تتقلق واذا لالا واش غلبك رمضان العام هذا او لالا
لا و الله أنا هاديء جدا نحب الشغب و الضحك و المزاح و التعليقات
نكره الهدوء في البيت يعني لما ندخل لازم يكون ضحك و تعليقات و ممكن شجار و مصارعة
خويا خبرني واش دير فرمضان وواش تحب تاكل اكلة مميزة
هاذ رمضان أغلبه عملته ليلا و نهارا
اما الماكلة في رمضان عندي لورداف هي الأساس عندي أما الباقي عادي
اما غير رمضان نموت على الكسكس
عموما شهيتي مفتوووووحة على طول هههههههههه
نروحو للفقرة الجاية
