العيد بلي زابال ولا بلي ميساج .. ؟؟؟

[قرصان الساحل]

رد: العيد بلي زابال ولا بلي ميساج .. ؟؟؟

سلام عليكم وعليكم السلام مرحبا بيك اختي
وصحا عيدك الله يسلمك وانت زادا كل عام وانت بخير
الصعيبة فيهم كي واحد يقولك صحا عيدك وعيدك مبارك وكل عام ونت بخير تعيد وتزيد ان شاء الله ولعقوبة للعام الجاي...كيفاه تردلو؟!!
تولي تضحك برك كي الابله وتقلو الله يسلمك ومرات تقول كلام غير مفهوم ههه هادي هي
العيد راحت بنتو هذاك العام من وقت ما وصلتنا حضارة التلفون
والصعيبة خلاص كي تجوز عيدك وعبد مخصوص فلعايلة
حتى تلقى روحك تبكي بلا سبة
يقولك الوقت ينسي
ممكن ينسيك فبزاف صوالح..مي محال ينسيك فواحد خطفاتو الموت عليك
والله وش راح نقولك اختي كثير من ناس كانو معانا في الاعياد لي فاتت وكل مرة نتذكروهم ونزورهم في قبورهم
لكن هادي هي سنة الحياة ربي يرحم موتانا وينور قبورهم ان شاء الله
اسمحلي هاذ المرة نكدت عليكم..وحطيت رد تعيس
معليش ختي موضوعي فضاء تاعكم المهم يعبر الواحد وش في قلبو ولي يريحو
صحا عيدكم مرة اخرى لعقوبة للعام الجاي
وربي يخلينا ديما ملمومين ان شاء الله
الله يسلمك ختي ان شاء ربي يدوم لمتنا في الخير
تحياتي

يعطيك الصحة ختي باتنية ونص ربي يحفظك ويهنيك ختي

صح عيدك وكل عام وانت بألف خير
سلامي
​

 

[قرصان الساحل]

رد: العيد بلي زابال ولا بلي ميساج .. ؟؟؟

ça fait plaisir srat l ness bzef nssaber rohi
ana jani msg men num inconnu fih "SAHA AIDEK w demain netlagaw" 3raftou que jay men 3and ABI l 3AZIZ, w rana fi apres demain w la khbar 3lih!!
وش راح نقول لختي والله ربي يرد ليكم الوالد سالم غانم ان شاء الله اليوم قبل غدوة معليش خلي الامل تاعك بربي كبير
li hab yethass b benat l3id yroh yechri bnabel w ytarteg 2 wala 3 mhare9 m3a louled yfareh roho khiiir men ness hadi li ta3 slaha bark
والله عندك حق لو الواحد يفرح مع اولاد صغار ولا يروح لاي مستشفى اي ناس تماك مريضة غير يوقف معاهم
راح يحس نفسو مليح ويفرح من قلبو مع هاد الناس ويفرحهم واجرو كبير على ربي
لكن حتى زيارة الاقارب اجرها عظيم في هاد اليوم لان ربي سبحانو وصى عليها
​

يعطيك الصحة ختي نورتي الموضوع ربي يبارك فيك
وصحا عيدك وكل عام وانت بألف خير ان شاء الله
تحياتي
​

 

[قرصان الساحل]

رد: العيد بلي زابال ولا بلي ميساج .. ؟؟؟

السلام عليكم
وعليكم السلام مرحبا بيك لؤلؤة ختي
وصح عيدكم جميعا
الله يسلمك صحا عيدك كل عام وانت بخير
بارك الله فيك خويا هشام على الموضوع والله في الصميم
وفيك بركة اختي من ذوقك
وينو عيد بكري يا حسراه، نشفى عليها نخرجو من الدار من ورا الغداء مانروحوش حتى ورا العشاء
لدرجة نزورو الشعب كامل دار بدار، ودرك بشوي بشوي حتى عاد كاين دار وحدة برك نزوروها
ايه راكي شفتي عيد زمان كيما قلت في رد فات حتى لولاد بكري تحساب مدايرين حرب
تلقاينا نفرحو المحارق ميحبسوش خلاص المرة هادي مكان والو
حتى ولاد صغار ما عادوش يحسو بالعيد يا سبحان الله
والباقي بالميساج ولا تهدر معاه بالتيليفون وكاين حتى لي التيليفون تاعو وماعندكش تلقاه بدل الرقم
حتى تتلاقاه كاش نهار صدفة ماتلقى تقولو صح عيدك تاع 10 سنين لي ماشفتكش فيها هههه
هههه مليحة هادي صح عيدك تاع 10 سنين ما شفتكش والله لعندك حق تالمو دوك
ولا كلش بريكولاج في حياتنا كلش تصنع ونفاق الله غالب واقع مؤلم ولا
تقولو مبروك على ولدك السيزيام والبيام والباك هههه ومبروك المرا دوزيام ههه
ادا مكانش الثالثة ساعات حتى عباد ماتهدرش معاهم غير من
عيد لعيد حتى كي يعيطولك ماتقلى لا تسقسيهم على صحتهم ولا الدار وتعيدلهم ولا تقولهم صح
رمضانكم هههه ههه تتخلط كامل المشاعر مع بعضاها والاشهر وما تفهم والو
وكاين كيما قلتها يجيبهالك ورا بعضاهم ماتلقى باه تردلهم ههههه، يجيبلك المرادفات
تاع صح عيدك كامل ورا بعضاهم تولي نتا دير على هدرتو كوبي كولي وخلاص هههه
المشكل تحس روحك ببغاء ولا ابله كي تعاود هدرتو ولو تحب تجيب كلمة جديدة
زعما مرانيش نعاود عليك تخاف تعميها نورمال تقلو كلمة لا علاقة تلقى روحك
قلت حاليلوزيتش ههه المهم جبت جديد
والله راحت خلاص بنة العيد كن ماش تسمع التسبيح في الصباح تقول عليه يوم عادي بصح الحمد لله
صح والله هداك وش راه شاد في العيد غير صلاة العيد ولا التسبيح عندك حق
على كل حال مادام مازالت عباد تتفكر بعضاها ولو بميساج يسمى الحمد لله هههه
ههه شوي شوي وتنقرض كيما ديناصورات يولي كل واحد يشد دار تاعو
وياكل قاطو تاعو وحدو ههه ويدير بلاكة في باب دارهم
مغلق بسبب العيد
شكرا خويا هشام على الموضوع ربي يهنيك
عفوا ختي كل الشكر ليك على ردك المميز كالعادة
تحياتي
​

يعطيك الصحة ختي لؤلؤة نورتي الموضوع بردك الاكثر من رائع كعادتك ربي يهنيك
وصح عيدك كل عام وانت بخير
تحياتي
​

 

[عاشقة الكرة]

رد: العيد بلي زابال ولا بلي ميساج .. ؟؟؟

السلام عليكم وصحآ عيدك خويا
والله غير جبتها مرِيڨلة يعطيك الصحة ياو ونزيد نقلك حتى من لي زابال وقطعوهم رانا فواحد الوقت ول يا لطــيــــف ربي يلطف بينا الحالة صعيبة وجاي وقت والله رمضان ياكلوه والعيد ينحوه وعيش تشوف
والحاجة الوحيدة لمليحة نحمدو ربي لي لحقنا بهاذوك ليام الزينة تاع بكري لعبنا وفرحنا كانت النية ياصديقي
ربي يصلحنا وخلاص
تقبل مروري
ربي يتقبل منا ومنكم برك صالح الأعمال​

 

[ماكانش]

رد: العيد بلي زابال ولا بلي ميساج .. ؟؟؟

والله لا صونا التيليفون لا ابال لا ميساج

 

[ليليا مرام]

رد: العيد بلي زابال ولا بلي ميساج .. ؟؟؟

السلام عليكم خونا هشام اهلا بيك
والله يا خويا نقولك انا من النوع ما نحبش النفاق يعني انو واحد ما يعرفنيش كل العام لو مريضة لو مليحة لو لالا نفوت عليها سلام وما تفولهاليش نجي انا نعيطلها لالا مانعيطش انا نعيط المقربين مني فالعيد نروح لجاراتي لاكبر مني لانو بناتهم البنات يجو يسلمو على يمى وعلى هذا انا نروح ليهم اما الباقي اللي ما حوس عليا ما نحوسش عليه
اما قضية التلفون انا نشوفها خسرت العلاقات بين الناس كنا زمان نحبو العيد لدرجة ما تتوصفش نستنو هذاك العم او الخال وولادو فرحة العايلة ملمومة ضرك ماكانش والو كل واحد في دارو واغلبهم متنايفين لو تروح ببنيتك وتدي معاك القاطو وحدة تشوف فوحدة تقول جبتلهم الحزام الناسف يشكو فالسحور القلوب تبلدت وقساحت ولما جا التلفون والفايس بوك صلة الرحم انتحرت
شكرا موضوع مهم

 

[فيتامين سي]

رد: العيد بلي زابال ولا بلي ميساج .. ؟؟؟

هيه يا لالة توحشنا ردودك هادي والله راكي قتلتيني بالضحك جات سوا سوا المهم راهم يسلمو عليك كيما قتلك راكي شايعة
وصحا عيدكم انت والعايلة الكريمة كل عام وانتم بالف خير وخمير والكوبتير تاع الاغاثة ديما ديما ههه
تحياتي​

​

الله يسلمك هشامو
يتوحشك الخير
لالا راناعاد هنا بصح مراناش ندخلو بزاف
وي تخمام افريقي و الي يضحك هدوك لي رسلتلهم كي جاوبوني و هما عايدوني عجزت نعاود نجاوبهم سما لي مساج بلاك بعد 3 اشهر نقراهم
وقيلة فاعلي خير .........مثااااااكين
عجوز النار ربي يبعدها علينا و يبعد علينا شرها
نووو مع الحرارة يخسر غير خليه هنا هع هع هع
معلاباليش بلي شرينا اووووووووه نسقسي ختي في هدي
اللهم امين و يخليلك احبابك
مكانش كما هديك كي تجي تسلم زوج و تجي تحبس هي تبقا مواح مواه مواح مواح مواح يا خدي طلقيه وقيلة زعما تاع عام تلمهم

مرحبا بسلامهم و سلم عليهم حتى نتا بزاف بزاف
الله يسلمك و صحا عيدك للمرة الالف و عقبال للعام الجاي
سلااااااااااااااااااااااااااااااااااااااااااااااام و صحا فطوركم

 

[يونس قاسم]

رد: العيد بلي زابال ولا بلي ميساج .. ؟؟؟

ليش البشر صاير قلوبهم حجر
كل واحد ولا يخمم في الماديات و نسى بلي المال فتنة
نسينا صلة الرحم و لي هي من اسباب دخول الجنة
قلوبنا كساحوا و ناسنا راحوا
ياناس انتم ديروا الواجب لي عليكم و هوما ربي يسهل عليهم
كل واحد يتحاسب وحدوا و هذا واجب مش منافسة حتى هو يسقسي باه انا نسقسي
وانا عن نفسي زرت جميع الاقارب الحمد لله حتى لي بعاد و هذا واجب عليا
وصح عيدكم كامل و ربي يهنيكم و يبارك فيكم
وماتنساوش الصابرية
سلام

 

[GI Joe]

رد: العيد بلي زابال ولا بلي ميساج .. ؟؟؟

وش راح نقول لختي والله ربي يرد ليكم الوالد سالم غانم ان شاء الله اليوم قبل غدوة معليش خلي الامل تاعك بربي كبير
​

lala rah labes 3lih, kdheb 3lia bark w tame3ni que raha nchoufou mais rah occupé m3a ness okhrin :down::down:

sahit en tt cas

 

[قرصان الساحل]

رد: العيد بلي زابال ولا بلي ميساج .. ؟؟؟

السلام عليكم
وعليكم السلام ورحمة الله مرحبا بيك اختي
صح عيدكم كامل ربي يتقبل ويعيده علينا بالصحة والهناء والخير ان شاء الله
الله يسلمك اختي كل عام وانت بخير العقوبة للعام الجاي ان شاء الله
العيد رآح بعيد بعيد كثر خير الضياف اللي يجيو ويبينوه مرة على مرة
انا كل عام نفاكر فيهم اما بليميساج اما بليزابال وواحد مايفاكر الا من رحم ربي ...
وي الاعوام الاخيرة راهي ولات ظاهر تاع لي ميساج سيلكسيوني توو وابعث ميساج وهني راسك
يعني حتى باه يعيط الواحد في التلفون ولا يحشم مرات من الناس علخاطر هو بعثلك ميساج تحسو ديجا
مش حاب يحكي معاك انا والله تبانلي ثقيلة نعيط لواحد بعثلي ميساج
هذا العام تشومرت فالعيد مافلكساليش بابا لجيزي//قلت والله ماقلتلو ...ديما انا نعايدهم خلي نشوفهم هاد المرة// وتصفاو فالغربآل...
ههه ايا وكاش ما صيدتي ناس تفكروك ولا والو
العيد رجع كلمة تقال وهو الذي يجب ان يكون فرحة على قلب المسلم ونصائح متجددة يعيش بها يندفع نحو الامام
صح راحت بنة العيد مع هادوك ليام الزينة وين كانت القلوب صافية حتى التكونولوجيا ماكنتش كاينة
وكي تقعد مع روحك وتتفكر شكون جا شكون راح شكون عيط تتفكر نآس كانت هنآ ودرك مآكآنش
وتقعد ترسم في خيالك وجوههم وترتسم بسمة على شفتيك لا تعرف معناها ... ودمعة سقطت دون دراية
ايه صح البارح كانو معانا واليوم راحو سنة الحياة كي تبقى تتفكر كيفاه كانت ليام معاهم
واش راح نقولو ربي يرحم موتانا ويرجع غربائنا ويطلق سراح سجناء ويهدينا كامل ان شاء الله
المهم ربي يجعل كل ايامنا مقبولة الطاعات
وربي يزهي ايامنا بما هو خير لنآ
آميــــــــــــــــــــــــــــــــــــــــــــــــــــــن
والحمد لله على حال نحن فيه
الحمد لله
العيد عيد وسيظل عيـــد سنفرح بقدومه دوما كالاطفآل فخامة اسمه تكفينآ..وليكن دوما محطة لنمحي فيها هفواتنا ونجدد فيه نفسيتنآ ونُسامح فيه ونتَسامح
صحيتي هذا هو المعنى الحقيقي للعيد يصفي القلوب ويقوي الروابط يعني نبدا صفحة جديدة مع الناس فليس العيد لمن لبس الجديد بل العيد لمن طاعاته تزيد
ربي اعد علينآ عيدآ آخر قابلا صيآمنآ لا فآقدين ولآ مفقودين♥
آميــــــــــــــــــــــــــــــــن يا رب العالمين
​

يعطيك الصحة ختي ردك في القمة وانا معاك في كل كلمة قلتيها وش راح نقولو ربي يصفي قلوبنا ان شاء الله
وصح عيدك اختي وكل عام وانت بخير
تحياتي
​

 

[قرصان الساحل]

رد: العيد بلي زابال ولا بلي ميساج .. ؟؟؟

منعرف وشنقلك خويا بنة العيد اسماطت بهادي تلفوانت وميساج
وي خويا راك شفت الناس استغلت التكونولوجيا في حياتها واحنا استغليناها باه تفرقنا سماطت صح
مبقاش ناس تتلقى كم ابكري وتقبل وتتغافر عل ىبعضاها كما زمان
يكتب ميساج واحد ويبثعو لاهلو اصحابوو ل 100 نسخ لصق ويقلك راني عيدت حتى نهار العييد تتبلوكا ريزوات من كثرة ضغط تاع غاشي ههه وهي تبعث
هاديك بكري كانت تلقى ريزو مبلوكي علخاطر ضغط وناس كامل تحكي هه ما دوك ميساج يكفي ويوفي ريزو تلقاه مليح
انا متمني نرجعو كما بكري نتلاقاو ونقبلو عل ىبعضانا
ان شاء الله والمومن كيما يقلك يبدا بنفسو على الاقل الواحد هو يبادر ويحتسب اجرو على ربي سبحانو لان كون نبقاو نتعاندو مش راح تفرا خلاص
موضوع جدير بمناقشة اخي
يعطيك الصحة خويا

مشكور خويا فارس الروح على مناقشتك الفعالة للموضوع وكيما قلت نتمناو يجي يوم ترجع ايام زمان
وصحا عيدك خويا كل عام تعيد وتزيد
تحياتي
​

 

[قرصان الساحل]

رد: العيد بلي زابال ولا بلي ميساج .. ؟؟؟

السلام عليكم وصحآ عيدك خويا
وعليكم السلام الله يسلمك ختي كل عام وانت بخير
والله غير جبتها مرِيڨلة يعطيك الصحة ياو ونزيد نقلك حتى من لي زابال وقطعوهم رانا فواحد الوقت ول يا لطــيــــف ربي يلطف بينا
فكرتيني في تاع يا لطيف يا ستار الطف بينا من الغش والدمار والغبينة اخخخخ وي واحد الوقت كان نهار العيد ايه باه تعيط الواحد يحب ليك الريزو مبلوكي ناس كامل تعيط دوكا تهنينا من هاد المشكل ههه الجانب الايجابي
الحالة صعيبة وجاي وقت والله رمضان ياكلوه والعيد ينحوه وعيش تشوف
ربي يستر برك ان شاء الله ما تلحقش للدرجة هادي مي رانا تخلينا على بزاف من شخصيتنا وثقافتنا مع الوقت ولا كيما يسموه
التقليد الاعمى للغرب ولو ذهبوا لجحر ضب لاتبعناهم
والحاجة الوحيدة لمليحة نحمدو ربي لي لحقنا بهاذوك ليام الزينة تاع بكري لعبنا وفرحنا كانت النية ياصديقي
وي الحمد لله حتى نحكو للاجيال الجابة لطول ربي في عمرنا قال كنا في وقتنا كيما كانو يقولو لينا جدودنا هه
ربي يصلحنا وخلاص
امين هذاك مكان
تقبل مروري
مرورك نورني اختي
ربي يتقبل منا ومنكم برك صالح الأعمال
امين اجمعين ان شاء الله
​

مشكورة ختي عاشقة الكرة على اثراءك الموضوع سعدت بمناقشتك
وصح عيدك العقوبة للعام الجاي ان شاء الله
ربي يهنيك
تحياتي
​

 

[قرصان الساحل]

رد: العيد بلي زابال ولا بلي ميساج .. ؟؟؟

والله لا صونا التيليفون لا ابال لا ميساج

هههه المقبرة المنسية اذن ربي يجيب الخير خويا وي هادي هي الصراحة
صح عيدك خويا كل عام وانت بخير
​

 

[قرصان الساحل]

رد: العيد بلي زابال ولا بلي ميساج .. ؟؟؟

السلام عليكم خونا هشام اهلا بيك وعليكم السلام مرحبا بيك اختي زهرة الزئبق
والله يا خويا نقولك انا من النوع ما نحبش النفاق يعني انو واحد ما يعرفنيش كل العام لو مريضة لو مليحة لو لالا نفوت عليها سلام وما تفولهاليش نجي انا نعيطلها لالا مانعيطش انا نعيط المقربين مني فالعيد نروح لجاراتي لاكبر مني لانو بناتهم البنات يجو يسلمو على يمى وعلى هذا انا نروح ليهم اما الباقي اللي ما حوس عليا ما نحوسش عليه ايه تحت شعار و مبدأ السن بالسن والعين بالعين اه .. هي والله القلوب صح قساحت وولات واحد العقلية مش عارف انا وش نسميها مي خاصة في الاقارب من الاجمل الواحد ياخذ روح المبادرة ويدي الاجر كامل على وجه ربي سبحانو وهوما بينهم بين مولاهم
اما قضية التلفون انا نشوفها خسرت العلاقات بين الناس كنا زمان نحبو العيد لدرجة ما تتوصفش نستنو هذاك العم او الخال وولادو فرحة العايلة ملمومة ضرك ماكانش والو كل واحد في دارو واغلبهم متنايفين لو تروح ببنيتك وتدي معاك القاطو وحدة تشوف فوحدة تقول جبتلهم الحزام الناسف يشكو فالسحور القلوب تبلدت وقساحت ولما جا التلفون والفايس بوك صلة الرحم انتحرت ههه وي القاطو ولا الحزام الناسف مليحة هادي وي والله القلوب تبدلت ما بقاتش نية تاع زمان مش عارف علاه صرا لينا هكا مرة وحدة ولو تقول عندنا برك تلقى كامل الناس تمر بنفس شي بلاك غلبنا حب دنيا وبعدنا على الدين ولا مش عارف ربي يصلح حوالنا برك هدا وقت شين صح
شكرا موضوع مهم عفوا

ايه اني نشوف لبسوك اللون الوردي في العيد ها الناس لي عندها العرف وتعرفلها خلات نهار العيد ولبست جديد هنا هههه بالبراكة عليك ختي تستاهلي
وصح عيييييييييييييييدك
تحياتي
​

 

[عاشقة الكرة]

رد: العيد بلي زابال ولا بلي ميساج .. ؟؟؟

مشكورة ختي عاشقة الكرة على اثراءك الموضوع سعدت بمناقشتك
وصح عيدك العقوبة للعام الجاي ان شاء الله
ربي يهنيك
تحياتي
​

اللّه يحفظك خويا
وعيدك أسعد إن شاء الله
ربي يصلح بلادنا و ولادنا وحالنا يا رب
دمتَ بودٍ​