الأعرآس الجزآئرية رآهآ في الشوآآرعْ !!!!

[~أمِيرَة الخَجل~]

السلام عليكم و رحمة الله و بركاته
واش راكم يا معشر اللمة الكرام
اليوم جبتلكم وحد الظاهرة راها مقلقتني بزاف ..


و هي انو الاعراس الجزائرية يديرو فيها في الشوارع
اكيد في مجتمعاتكم كاين الي كيما هكا .. يديرو العرس في الزقاق
و يديرو كي شغل ( باش ) و لا يسموها ( تيندة ) ... يطلعوها بالاعمدة
راني حايرة علاش يديرو هكا علابالكم كاين مرة في وحد العرس
كان نهارها كاين ريح .. علابالكم واش صرا ؟؟ .، طار الباش الفوووق
و شفنا راجل ماشي ... شاف كلش على المباشر ..!!! .. و من بعد بدات
هذوك النساء الي تعيط و الي هاربة و كأنو ثارت الحرب العالمية الثالثة
في هاديك اللحظة فرغ العرس ... و العروس مازالت ماشافها حتى واحد.... و ندمو بزاف اهل العرس كي دارو العرس تما البرا ...
و في عرس آخر ... النساء كامل يشطحو و فارحين واش صرآ ؟؟
.. دخل وحد الطفل كبير في العمر شي 20 سنة نظن..!!
واش دآر ؟؟ .. راح تحظن وحد المراة في العرس تما و بدات هذيك العياطات .. هاذاك الطفل كان مريض عقليا بيانسوغ .. و صرا نفس الشي راحو الناس كامل و بقا العرس فاااارغ ...
المهم لوكان نحكيلكم على البهادل الي تصرا في الاعراس الي في الشوارع.. تحيرو تاع الصح ..!!
و في هاذ الاوان الاخيرة .. ولاو يديرو الاعراس في الصالات الكبيرة ...
~
و كاين الزواولة الي ما يقدروش يستأجروا صالة تاع عرس باش يديرو
فيها كاش عرس واحد من دارهم .. باسكو الليلة بـ 17 مليون و لآ أكثر ..
المهم الناس في هاذ الوقت راهم ماش عارفين وين يديرو اعراسهم
و كاين النساء الي كي يعرضوهم على عرس في صالة ..
تبدا تقولك انا غاجلي و انا غاجلي ما يخلينيش نروح لتما لالالالاا ..!!
درك يا مراة !! أنآهو الأستر ليك !؟؟ العرس في الزقاق ولا في لاصال
مرتبة و نظيفة و تمنع الذراري الصغار الي يخربو ....؟؟
~
هاذ الشي صرا معانا كي درنا العرس تاعنا في لاصال .. بزاف ناس ماجاوش ..!!
راني حايرة علاش كي يولي عرس في الزقاق يروحولو بزاف و مباعد يتبهدلو ..
و العرس في لاصال ما يتلفتلو حتى واحد غير القليييل ..

درك تعيشو خاوتي احكولي ...
اذا راكم شايفين اشياء مثل هاذي ولالا ؟؟
​

 

[Pink Rose]

رد: الأعرآس الجزآئرية رآهآ في الشوآآرعْ !!!!

يعطيك الصحة على السوجي
والله هاذي الحوايج نشوف فيها في مجتمعنا
يديرو العرس في الزقاق .. كلش عالمكشوف
ربي يهدينا ...
مغسي حلوووة *

 

[أم منيــــــر]

رد: الأعرآس الجزآئرية رآهآ في الشوآآرعْ !!!!

السلام عليكم
هادي كاينة مام عندنا كنا نقولو لي عندو الضيق فالدار بالسيف عليه
و درك راني نشوف ديار فيهم السطح تمرح فيه الخيل كما يقولو و تلقايهم دايرين خيمة
ماشي باش هادوك الخيم المخصصة للاعراس يحطوها عند باب الدار و يديرو العرس و الغنا و الشطيح كي شغل راهم في صالة افراح ول في دار و انا نشوف راهم يريسكيو بزاف
العرس في الزنقة !!!!!!!!!!!!!!
واش نقولو كل واحد و عقليتو
شكرا لك
​

 

[باتنية و نص]

رد: الأعرآس الجزآئرية رآهآ في الشوآآرعْ !!!!

سلام عليكم
ضك نحكيلك تجربتي كباتنية شاوية
اولا هذا مشي عرس الزقاق خاطر الله غالب كيما قلتي حالة الزوالي والحل الوحيد باش يضمنو اكبر مساحة هو يحطو باش والحمد لله جامي صادفت هاذ الحالة في اي عرس حضرتو
وضك عادو يديرو فلاتيراس يعني أأمن واوسع
اما بالنسبة لعراس الصالات فهو مش تكبر
لكن كل واحد وعقليتو . في باتنة برك تلقاي العقليات يختلفو من عائلة ومن عرش لآخر
كاين لي رجالتهم ميبغيوهمش يروحو للي صال بحجة الاختلاط وكاين لي ميحبش لي صال حتا وكان عرس بين نسا برك
نعطيك مثال انا بنت عمي دارت عرسها في لاصال تع قادري في فسديس
يعني مش بعيدة بزاف
نص المعاريض من جيهتنا مجاوش بحكم العقلية..وهذاك النهار كنا معرسين فلاصال وكولش دخلو زوج بنات منعرفوهمش قالولنا حنا من معارف لعريس ضيفتهم ماما وكولش
واختي كانت قاعدة وراهم صدفة وهوما مشافوهاش وخرجو ديزاباراي فوتو وقعدو يصورو بالدرقة اختي تولهتلهم راحت سقسان خو لعريس قاتلها حنا تاني منعرفوهمش
تعشاو وكي جاو هابطين حبسهم راجل بنت عمي نحالهم ليزاباراي فوطو لقاهم صورو كولش
كون مشي ستر الله واختي كنا تفضحنا في كل بلاصة
قوليلي ضك ويناه خير تلقاي فيديو تعك يتنقل بين الناس وفالمقاهي
ولا يطير الباش عن غير قصد وتفوت هذيك اللحظة لا من شاف ولا من دري ؟؟
فالوقت هذا الواحد يحكم دارو ومنعرف
مشكورة
تحياتي

 

[Skor m@k]

رد: الأعرآس الجزآئرية رآهآ في الشوآآرعْ !!!!

السلام عليكم
واش نقولك يا ختي حنا لعراس تاعنا تقريبا كامل نديروهم فالدار بصح عندنا لوسع ماشي في باطيما
تانيت نديرو الباش برا ولا كي شغل خيمة بصح يريحو الرجال فيها
والنساء ديما تبقا الدار كامل ليهم
بصح فالدار ميزيريا كحلة سورتو الدراري الى كانو بزاف نحصلو بيهم
تانيت الناس تعرضهم على نهار يجو يريحو 7 ايام و7 ليالي يججو فاكونس هههه
مي فالصالة مليحة يجو يتغداو ويريحو لتصديرة ممبعد كل واحد يحكم مرتو ويروح
وفالصالة متبقايش تخممي على لكراسة والطوابل وين ياكلو ولماعن وبزاف حاجات
صح الصالا غاليا وللازم تكمونديها قبل عام باش تصحلك بلاصة
انا في رايي الصالة خير مالغري عندنا لوسع فالدار وعندنا ساحة كبيرة
شكرا ختي​

 

[أم منيــــــر]

رد: الأعرآس الجزآئرية رآهآ في الشوآآرعْ !!!!

اكيد يا مالك الصالة خير الف مرة مزاياها كبيرة و بزاف
و مول العرس ما يخمم في والو كما قلت الماعن لفراش كل شي فيها مليح

 

[koko DZ]

رد: الأعرآس الجزآئرية رآهآ في الشوآآرعْ !!!!

سلام انا عجبني لموضوع وحبيت نشارك
انا نقلك بلي كل واحد وعقليتو وتقاليد منطقتو
حنا هنا عندنا نديرو لعراس في زقاق عادي وحاجة متصرا ويجوز لعرس
مليح مي كاين لي ديرو في لصال بصح ناس كيما قلتي ميرحوش ياسر
لخاطر كاين ياسر عفايس صراو كيما تصوار لي متفقيش بيه
ويبقى كل واحد وعقليتو
وبارك الله فيك على لموضوع

 

[~أمِيرَة الخَجل~]

رد: الأعرآس الجزآئرية رآهآ في الشوآآرعْ !!!!

يعطيك الصحة على السوجي
والله هاذي الحوايج نشوف فيها في مجتمعنا
يديرو العرس في الزقاق .. كلش عالمكشوف
ربي يهدينا ...
مغسي حلوووة *

اهلا ختيتي روز
ماشي على المكشوف ... مهدد بالكشف ...
الله غالب .. و راه دوركا بداو يطورو غير
كاينة ناس تتكبر و كاين ناس تخاف ووووو
دوغيا حنونة ..​

 

[~أمِيرَة الخَجل~]

رد: الأعرآس الجزآئرية رآهآ في الشوآآرعْ !!!!

السلام عليكم
هادي كاينة مام عندنا كنا نقولو لي عندو الضيق فالدار بالسيف عليه
و درك راني نشوف ديار فيهم السطح تمرح فيه الخيل كما يقولو و تلقايهم دايرين خيمة
ماشي باش هادوك الخيم المخصصة للاعراس يحطوها عند باب الدار و يديرو العرس و الغنا و الشطيح كي شغل راهم في صالة افراح ول في دار و انا نشوف راهم يريسكيو بزاف
العرس في الزنقة !!!!!!!!!!!!!!
واش نقولو كل واحد و عقليتو
شكرا لك
​

و عليكم السلام
ايه حتى انا نحكي عن الي عندو الضيق تانيك الصالة قدامو يروح يكري و يستر المعروضين احسن
ايه كيمة قلتي كاين الي يديرو في السطح مليحة و واسعة
و كاين الي ماعندهومش السطح قاع .. واش يديرو .. يروحو يديرو باش
ايه راني عارفتها هاديك الي كي شغل خيمة نسميوها تيندة ..
بالصحة الله غالب راني نشوف في كاش ذراري كبار سامطين
يديرو فتحة صغيرة و يبداو يتفرحو ..
مش كيما في الصالة مستورة ماش راح يديرو فتحة في الحيط ههه
مغسي عليك ختي على المرور ...​

سلام عليكم
ضك نحكيلك تجربتي كباتنية شاوية
اولا هذا مشي عرس الزقاق خاطر الله غالب كيما قلتي حالة الزوالي والحل الوحيد باش يضمنو اكبر مساحة هو يحطو باش والحمد لله جامي صادفت هاذ الحالة في اي عرس حضرتو
وضك عادو يديرو فلاتيراس يعني أأمن واوسع
اما بالنسبة لعراس الصالات فهو مش تكبر
لكن كل واحد وعقليتو . في باتنة برك تلقاي العقليات يختلفو من عائلة ومن عرش لآخر
كاين لي رجالتهم ميبغيوهمش يروحو للي صال بحجة الاختلاط وكاين لي ميحبش لي صال حتا وكان عرس بين نسا برك
نعطيك مثال انا بنت عمي دارت عرسها في لاصال تع قادري في فسديس
يعني مش بعيدة بزاف
نص المعاريض من جيهتنا مجاوش بحكم العقلية..وهذاك النهار كنا معرسين فلاصال وكولش دخلو زوج بنات منعرفوهمش قالولنا حنا من معارف لعريس ضيفتهم ماما وكولش
واختي كانت قاعدة وراهم صدفة وهوما مشافوهاش وخرجو ديزاباراي فوتو وقعدو يصورو بالدرقة اختي تولهتلهم راحت سقسان خو لعريس قاتلها حنا تاني منعرفوهمش
تعشاو وكي جاو هابطين حبسهم راجل بنت عمي نحالهم ليزاباراي فوطو لقاهم صورو كولش
كون مشي ستر الله واختي كنا تفضحنا في كل بلاصة
قوليلي ضك ويناه خير تلقاي فيديو تعك يتنقل بين الناس وفالمقاهي
ولا يطير الباش عن غير قصد وتفوت هذيك اللحظة لا من شاف ولا من دري ؟؟
فالوقت هذا الواحد يحكم دارو ومنعرف
مشكورة
تحياتي

بصح ماشي حل انو يديرو في الزقاق لأنو ماكانش الامان يا ختي
كاين اللي يتجسس و يشوف كل شيء ..
و راكي عارفة الاعراس جامي تلقي مراة لابسة لبس مستور
و تاني كاين الرقص و اهم شيء العروس .. ما ننجموش نديرو عرس بمجرد باش
نونونو مكانش الاختلاط في لاصال غير النساءو الاقارب
و نحن درنا عرسنا في صالة لا اختلاط لا والو
هكاك برك الناس خايفين بلا سبب
وعلى حكاية ليزاباري .. كاين العساس في الباب
لازم الي تجوز تمدلو الدعوة تاع العرس
باش يخليها تدخل المهم نظام كبير بزاااف .. و راحة كبيرة و اماان
ماشي كوري هاذا الي جاي يدخلو صااي
و تاني الصالات مختلفة من صالة لأخرى مش كل بنفس النظااام
شكرا اختي ..
تحيااتي​

 

[~أمِيرَة الخَجل~]

رد: الأعرآس الجزآئرية رآهآ في الشوآآرعْ !!!!

السلام عليكم
واش نقولك يا ختي حنا لعراس تاعنا تقريبا كامل نديروهم فالدار بصح عندنا لوسع ماشي في باطيما
تانيت نديرو الباش برا ولا كي شغل خيمة بصح يريحو الرجال فيها
والنساء ديما تبقا الدار كامل ليهم
بصح فالدار ميزيريا كحلة سورتو الدراري الى كانو بزاف نحصلو بيهم
تانيت الناس تعرضهم على نهار يجو يريحو 7 ايام و7 ليالي يججو فاكونس هههه
مي فالصالة مليحة يجو يتغداو ويريحو لتصديرة ممبعد كل واحد يحكم مرتو ويروح
وفالصالة متبقايش تخممي على لكراسة والطوابل وين ياكلو ولماعن وبزاف حاجات
صح الصالا غاليا وللازم تكمونديها قبل عام باش تصحلك بلاصة
انا في رايي الصالة خير مالغري عندنا لوسع فالدار وعندنا ساحة كبيرة
شكرا ختي​

و عليكم السلام

المشكلة مش في الي عندهم السطح .. المشكلة في اللي ماعنهمش .. يديرو في الزقااق
ايه فكرة مليحة تاع تحطو النساء في الدار و الرجال البرا
و الصالة احسن من اي بلاصة اخرى و متوفرة في كلش و بلا تعب
انت ما تتكلمش عن الي عندهم الوسع باسكو كاين بزاف الي راهم في الضيق
ايه اكيد الصالة احسن ببزااف ..
شكرا ..​