سوء التفاهم و الاحباب

[Hakan]

السلام عليكم زوار منتدى اهنا فرغ واش كاين في قلبك ان شااء الله تكون بخير وعلى خير
بما انو الواحد شوي مقصر من ناحية القسم نتاعو وبعد فكرة او لنقل خاطرة خطرت ببالي عن موضوع مهم دايما
يقع فيه الانسان ويوجهلو حياتو نحو اناس يستحيل انو ينسى الفضل نتاعهم وهذو الناس كانت
طريقة التعارف معهم هي " سوء التفاهم او بالمعنى الصريح شجار حقيقي "
في حياتي هذي شخصيا عندي مجموعة من الاصدقاء كانت طريقة التعارف نتاعي معاهم هي عبارة عن
شجار :
-كاين شجار لفظي
- وكاين شجار فكري
- وكاين سوء تفاهم
وقليل من الناس ممكن اتخذو اصدقائهم من خلال هذا الطريق واول صديق تعرفت عليه هو صديقي ابو بكر
هو حاليا على اقسام السنة النهائية لدراسة الطب البيطري في بليدة كانت طريقة التعارف نتاعي معاه
عبارة عن شجار في احد المنتديات وهو صديق يسكن في المدينة نتاعي وماكنتش نعرفو
ايا نهار من النهارات قررنا انو نفصل هذا الخصاام بلقاء يعني وجها لوجه نواجهو ويواجهني
وكان اللقاء كما اذكر في ملعب مدينة عين وسارة لكرة القدم وهناك كان بيني وبينو واسطة
بحيث لعبنا ماتش كرة القدم وبعد نهاية الماتش ذهب العسل اللي هو انا ههه:love01: لاخي ابو بكر
وابتسمتلو الابتسامة السحرية وحكينا بعد الماتش حكايات حتى صار من اصدق اصدقائي وحاليا شريكي في العمل
لذا خيرت هذا الموضوع ليكم باش تحكولنا على هذي النوعية من الاصدقاء والاحباب اللي يطيحو من
صدفة وبسوء تفاهم حتى يكون اصدق الاصدقاء اللي تتوحشهم بين نهار ونهارين او ممكن حتى في نفس اليوم
اترك لكم المجال مفتوح والى لقاء آخر في موضوع آخر ان شااء الله نستمتع بقصصكم
ونزيد نضيفلكم بحول الله قصص اخرى :$ عن سوء التفاهم وكيفاه وجهني لمعرفة اصدقاء لن يتكررو

كتب الموضوع : حكيم ستوري

 

[{مُدَلَّلَتُهُ}]

رد: سوء التفاهم و الاحباب

السلآم عليكم و رحمة الله وبركاته

يعطيك الصحة أخي حكيم على الموضوع

بما أني أول من دخل ما جاياش ندخل بيدي فارغة ليق نجيب حكاية :p

نبداوها بصديقة عمري "مريم"

هاذي كانت تقرا معايا في نفس المتوسطة و كنت ما نحملهاش بكل ما تحمله الكلمة من معاني هههه

دايما كي نشوفها نقول مالهاا هاذي دايرة لعمرها هاك "كانت هي مشي متحجبة و انا متحجبة " و في هاذاك الوقت كنت بسلآمتي نحكم على المظآهر

في السنة ثالثة متوسط طحت أنا و هي في قسم واحد و في نص العام قعدت حدايا و بدينا نتعرفو على بعض . . بصرااحة كانت مثال لبنت الفاميليا . . الله يبارك

كي تعرفت عليها تبدلو فيا بزاف حوايج للأحسن و قعدنا صحابات لحد السّآعة .. تعرفو والديا على والديها و ولاو يتلاقاو في المناسبات . . في ولايتي هي الصديقة الوحيدة الي راهي باقيتلي ربي يخلينا لبعض ان شا الله
​

 

[الامين محمد]

رد: سوء التفاهم و الاحباب

أهلا بحبيب القلب خويا حكيييم
ذكرتني كان زمان معانا في الفريق زوج من أصدقاءنا واحد اسمه حمو و الآخر بومدين
و لا يوم و لا حصة من حصص التدريب و لا مقابلة و لا عرضة
الا و تجدهم مدابزين و متعايرين
المهم رسلوا لبومدين باش يروح للخدمة العسكرية
و في هاذاك النهار كان عندنا ماتش
و ماهي الا لجظات حتى وجدنا حمو يبكي كالطفل الصغير
سألناه مابك قال و الله توحشت بومدين

الحمد لله الآن راهم كبار و بيناتهم كل الاحترام
شكرا حبيب القلب حكيييم ذكرتني في الزمن الجميل
​

 

[يونس قاسم]

رد: سوء التفاهم و الاحباب

السلام
شكرا اخي طرح جميل
صح كاين بزاف اصدقاء سبب التعارف هو عراك هههههه
وانا اعز صديق ليا تعرفت عليه بسبب اختلاف في تشجيع الاندية
المهم كنت نشوف فيه ما يفهمش للكرة هههههه وهو كذلك و ديما في نقاش حاد
المهم اختلافات و مشاحنات كبيرة و النتيجة اصبح اعز صديق ربي يحفظو
مع العلم لحد الان النقاشات ههههههه
سلام

 

[~أمِيرَة الخَجل~]

رد: سوء التفاهم و الاحباب

السلام عليكم ..

اولا اشكرك على هذا الموضوع رائع و عجبني بصراحة ..
كما قلت تصير معانا نتعرفو على اصدقاء و يكونو الاحباب نتاعنا ،.
و طريقة التعارف تكون شجار او سوء فهم ...

انا لم تحدث معي هذه الامور لكنني اراها في اصدقائي و اقربائي
عندما يتشاجرون و يسيئون الفهم ببعضهم.. يرجعو يتفاهمو و يصيرو
اعز الاصدقاء حتى يصيرو اخوة مش من نفس الأمّ و الأبّ ..!!

بآرك الله فيك و ان شآء الله يلقى موضوعك تفآعلآ و نشآطآ ..
في أمآن الله و تحيآتي ..

​

​

 

[Hakan]

رد: سوء التفاهم و الاحباب

السلام عليكم قصة اليوم هي لصديق المرحلة التعليمية المتوسطة اخي وحبيب قلبي عبد الرحمان
كانت طريقة تعارفنا مميزة جدا فقد كانت من خلال شجار وقع بينه وبين احد اصدقائي
حيث لم اهضم طريقة تعامله مع صديقي وبالتالي رحت ليه وهدرت معاه كلام ماشي مليح وتشاجرنا ومن بعد اصلاح الامور
توجهت ليه لبيتو بالاعتذار ومن هذاك اليوم اصبحنا اصدقاء الاصدقاء
مالغري صرات مابيني وبينه مشاكل بعد هذا لكن كنا دايما نتراجعو ونسترجعو الصداقة نتاعنا
شكرا لجميع المشاركين ننتظر المزيد من القصص منكم بارك الله في الجميع ​

 

[البحر الهادي]

رد: سوء التفاهم و الاحباب

السلام عليكم قصة اليوم هي لصديق المرحلة التعليمية المتوسطة اخي وحبيب قلبي عبد الرحمان
كانت طريقة تعارفنا مميزة جدا فقد كانت من خلال شجار وقع بينه وبين احد اصدقائي
حيث لم اهضم طريقة تعامله مع صديقي وبالتالي رحت ليه وهدرت معاه كلام ماشي مليح وتشاجرنا ومن بعد اصلاح الامور
توجهت ليه لبيتو بالاعتذار ومن هذاك اليوم اصبحنا اصدقاء الاصدقاء
مالغري صرات مابيني وبينه مشاكل بعد هذا لكن كنا دايما نتراجعو ونسترجعو الصداقة نتاعنا
شكرا لجميع المشاركين ننتظر المزيد من القصص منكم بارك الله في الجميع ​

شكرا لك أخ الكريم
قصة وعبر

 

[لاريمان]

رد: سوء التفاهم و الاحباب

السلام عليكم
الصراحة فكرة الموضوع مميزة نشكرك قبل
طريقة تعارفي مع صديقتي هو انها كانت من جماعة الموسوسين
وكنت انا لما نخرجو للساحة بالصدفة سبحان الله نجي مقابلتها
والمشكلة لمانكون نحكي ونضحك اطيح عيني فيها ديركتمون مرة زوج وتبعثلي رسالة قوية اللهجة على اساس اني نضحك عليها
انا غاضني الحال ورديت عليها ووضحت لها القصة بصح زادت صرات انو كانت مقابلتني وانا قعدت نخبر في صديقة ليا زادت شكت اكثر ونلقاها دارت جاست ماشي مليحة ويطلعولي رحت ليها شخصيا وقلت لها يامخلوقة مانيش عليك واش ذنبي النك ديما تيجي مقابلتني واكدت انو مسحيل نعمل هادي الشي ولا حاشا اني نضحك عليك ومن تم ولات تيجي توالي ونحكيو وندمجت مع جماعتي والحمد لله راهي دارتلي الرعب منين نضحك نقول بلاك راهي مقابلتني :$وهي اعز صديقاتي الان
Merci