كن انت الصديق اولا ..ثم تحدث عن الخيانة

[أم أُنٌَيسة]

السلام عليكم ورحمة الله تعالى وبركاته
مشكور أخي والله موضوع فالقلب
وهاو جاك ختم التميّز مبروك والله تستاهل ههه
ممم حسنا نبداو في الموضوع
وياخي متعطينيش الحمراء للاطالة هههه
صدقني ضربت طلّة الصباح فالفجر على اللمّة ولقيت الموضوع
خلآني نتفكر ونراجع اموري ونأنب ضميري
وتفكرت زوج صحاباتي ماحكيتش معاهم حوالي شهرين
ناس نحس بلي مازال في قلبها الخير ولله اعلم علابالي مازال عندهم النيميرو تاعي لكن عن نفسي توحشتهم
شفيت بلي اعطاوني حساباتهم المسنجرية دات يوم وكتبتهم والحمد لله مابدلوش اساميهم (مسنجر بدون فايس هآيل ههه)
هذا كله فالفجر بسبب موضوعك والله
بصحتك الأجر وغيّرتني عمبالك ههه ان شاء الله نرجعو كيما انت ومنك نتعلم ^^
هادي كانت غير مقدمة
انا صراحة مش ديما نفليكسي وعالعموم عشرالاف
وناذرا جدا بش نآكتيفي ولكن لما نأكتيفي مانبخلهمش
(المكالمة الصوتية خخ)
وأكيد بش نبقى على تواصل مع صحاباتي لعزاز عليّ درت مسنجر
صاحبتي لانتيم بمعدل يومي تقريبا خخخ
صاحبتي اخرى عزيزة علي تاني بزاااف نحكي معاها بمعدل زوج تلت مرات ربعة اسبوعيا مانحبش نقلقها لأنها مخطوبة خخخ
وصحابات خلاف جمعتنا السنين ربي يدومهم
انا صراحة نحب باخلاص حتى مرات والله نبكي لأني نحب هاديك الانسانة ربي يجعل حبو وحب نبيو أكبر حب في قلوبنا♥
ونتاثر بزاف ونحب نكون بذرة خير في حياة كل وحدة عليها نحب نسقسي ونحب نعرف وش يقلقهم ونحب نضحكهم نحب انو نهار نموت يتفكروني بحاجة
اللي تعيطلي مرة وماتعيطش عشر سنين ماننسالهاش هاديك المرة نحاول مرة على مرة نفاكر فيها
والحمد لله كاين قلوب بمجرد نعيطلهم ونقولها:اسمحيلي يا الزينة والله عندي مدة ماعيطتلكش تبادلك هي مع نفسها اللوم ويزوح
شغل رغم مرور اي مدة القلوب تبقى كيما راهي وفاهمين ظروف بعضانا
ان شاء الله مايشوفو منا غير الخير مادامنا عايشين وان شاء الله مانجرحوا حتى واحد
اما يآ اخي اللي كانوا صحبة وراحوا
كتبت سطور بزاف ومحيتهم
انا عن نفسي منحبش نقطع علاقة مع اي واحد ومامديت ثقة عمياء ومحبة عمياء لوحدة ماتستاهلش مانسميها خيانة
لكن صح والله تبقى كاينة وتحسها كبيرة بزاف..
اللي راح راح (ذهبوا لأنهم ملوا اليد التي تنتشلهم من القاع كل مرّة)
كي نكون متأكدة بلي ماجرحتهاش بلي ماشافت مني غير الخير بلي نيتي كانت صافية لداخل
وكنت انا اللي تبدا السؤال كل مرّة ورآحت وابتعدت والله ماني تابعتها (واي آي كار اباوت سوموان دازانت كآر !!!)
ومنحبهاش ترجع كش نهآر! عقلية صعيبة في هآدي أنا <=
المهم خلاصة القول والله اللي يحبّك في عينيه تعرف واش تسوالو وفي مواقفو
تبان كتبت بزاف مي والله ماقدرتش نخرّج وش كاين
على كل ربي يغفرلنا اذا قصرنا واكيد احنا مقصرين مع بزاف ناس
وحسبنا الله في اللي طيحولنا الدمعات
يمكن نرجع ان شاء الله
لأنو الموضوعميق جدااا
تقبّل مروري




​

أضفتي مالم استطع ان اصفه غاليتي
هكدا الامر تماما ،الحب اهتمام وافعال وليس اقوال كما هي الصداقة
والله ماعييت نمرض لما يتبدلو فتصرفاتهم تقللي امي واختاي علاه تمرضي فروحك، نقللهم لازم نتفكر ونتاكد ادا مارانيش ظالمتهم برك ولازم نسالهم، ونسالهم ونقللهم ادا يدون قصد فاسفة اسمحولي والله ماقصدت وادا اجابو انو لا فبراحتهم عادي تماما
لكن الاجابة اللي ماننساهاش طول حياتي من وحدة قالتلي انو كيما تطلعلها، تحب تحكي معي او ماتبغيش هدي براحتي
قلتلها اكيد براحتك الحمد لله اني ماظلمتكش والباقي كيما تحبي واسمحيلي ادا كنت نفرض فروحي عليك
ماقاسنيش كلامها بمثل ماقاسني تصرفها، لانو كون ماسالتهاش ماكانتش راحة تقللي ولما نحكي معاها تحطني فالثقيل كيما لحيوط اللي راهم معانا برغم رانا فنفس الغرفة
حكيت بزاف كيما قالها اخي العنقاء تشبا
بارك الله فيك وفي اخلاقك غاليتي
تحياتي غاليتي​

 

[أبو عاتكة]

جيت نرد نلقى الردود كامل فيها زوج ميترات آبن عمي راك توشيتلهم الذكريات . وانا عندي رد زوج سنتيم في زوج دقايق اسمحلي .
واجبات وحقوق الصداقة هي واحدة من الواجبات اللي فرطت فيها الناس مثل الارحام لاسباب كثيرة لكن العيب الكبير انو يكون هذا الصديق انسان من ذهب ويستاهل وانت متعيطلوش او تزورو او تسال عليه هنا تكون الخيانة وتبقى تنغز فيك طول حياتك وممكن هو حاس بحاجة اتجاهك وانت تحسبوا نساك بصح صدقني تلقاه متوحشك كيما انت متوحشوا فقط شوية نتاع لوم او سوء احساس كي تنفضها خلاص تتصفى الامور وهي اللي واقفة بينك وبينو .
صراتلي مع صديق لما اتصلت بيه وهو بعيد على كل حال حسيتو راح يخرج من التيليفون خاطر كان يظن اني نسيتو كامل ومحبش يسمط روحو عندو عزة نفس . لكن صدقني احساس تشريه بالدراهم وميتعوضش ينعلبوها دنيا ومشاغل وهموم امام ضحكة من صديق عزيز .

 

[أم أُنٌَيسة]

جيت نرد نلقى الردود كامل فيها زوج ميترات آبن عمي راك توشيتلهم الذكريات . وانا عندي رد زوج سنتيم في زوج دقايق اسمحلي .
واجبات وحقوق الصداقة هي واحدة من الواجبات اللي فرطت فيها الناس مثل الارحام لاسباب كثيرة لكن العيب الكبير انو يكون هذا الصديق انسان من ذهب ويستاهل وانت متعيطلوش او تزورو او تسال عليه هنا تكون الخيانة وتبقى تنغز فيك طول حياتك وممكن هو حاس بحاجة اتجاهك وانت تحسبوا نساك بصح صدقني تلقاه متوحشك كيما انت متوحشوا فقط شوية نتاع لوم او سوء احساس كي تنفضها خلاص تتصفى الامور وهي اللي واقفة بينك وبينو .
صراتلي مع صديق لما اتصلت بيه وهو بعيد على كل حال حسيتو راح يخرج من التيليفون خاطر كان يظن اني نسيتو كامل ومحبش يسمط روحو عندو عزة نفس . لكن صدقني احساس تشريه بالدراهم وميتعوضش ينعلبوها دنيا ومشاغل وهموم امام ضحكة من صديق عزيز .

اييييييييييه تماما عمي الكريم
بارك الله فيك وجزاك كل خير وجعل كل حرف في موازين حسناتك
ماشاء الله بارك الله لكما صداقتكما وجمعكما بما تحبان فيما يحب ويرضى لكما
تحياتي احترامي وتقديري

 

[Hakan]

السلام عليكم ورحمة الله تعالى وبركاته
مشكور أخي والله موضوع فالقلب
وهاو جاك ختم التميّز مبروك والله تستاهل ههه
ممم حسنا نبداو في الموضوع
وياخي متعطينيش الحمراء للاطالة هههه
صدقني ضربت طلّة الصباح فالفجر على اللمّة ولقيت الموضوع
خلآني نتفكر ونراجع اموري ونأنب ضميري
وتفكرت زوج صحاباتي ماحكيتش معاهم حوالي شهرين
ناس نحس بلي مازال في قلبها الخير ولله اعلم علابالي مازال عندهم النيميرو تاعي لكن عن نفسي توحشتهم
شفيت بلي اعطاوني حساباتهم المسنجرية دات يوم وكتبتهم والحمد لله مابدلوش اساميهم (مسنجر بدون فايس هآيل ههه)
هذا كله فالفجر بسبب موضوعك والله
بصحتك الأجر وغيّرتني عمبالك ههه ان شاء الله نرجعو كيما انت ومنك نتعلم ^^
هادي كانت غير مقدمة
انا صراحة مش ديما نفليكسي وعالعموم عشرالاف
وناذرا جدا بش نآكتيفي ولكن لما نأكتيفي مانبخلهمش
(المكالمة الصوتية خخ)
وأكيد بش نبقى على تواصل مع صحاباتي لعزاز عليّ درت مسنجر
صاحبتي لانتيم بمعدل يومي تقريبا خخخ
صاحبتي اخرى عزيزة علي تاني بزاااف نحكي معاها بمعدل زوج تلت مرات ربعة اسبوعيا مانحبش نقلقها لأنها مخطوبة خخخ
وصحابات خلاف جمعتنا السنين ربي يدومهم
انا صراحة نحب باخلاص حتى مرات والله نبكي لأني نحب هاديك الانسانة ربي يجعل حبو وحب نبيو أكبر حب في قلوبنا♥
ونتاثر بزاف ونحب نكون بذرة خير في حياة كل وحدة عليها نحب نسقسي ونحب نعرف وش يقلقهم ونحب نضحكهم نحب انو نهار نموت يتفكروني بحاجة
اللي تعيطلي مرة وماتعيطش عشر سنين ماننسالهاش هاديك المرة نحاول مرة على مرة نفاكر فيها
والحمد لله كاين قلوب بمجرد نعيطلهم ونقولها:اسمحيلي يا الزينة والله عندي مدة ماعيطتلكش تبادلك هي مع نفسها اللوم ويزوح
شغل رغم مرور اي مدة القلوب تبقى كيما راهي وفاهمين ظروف بعضانا
ان شاء الله مايشوفو منا غير الخير مادامنا عايشين وان شاء الله مانجرحوا حتى واحد
اما يآ اخي اللي كانوا صحبة وراحوا
كتبت سطور بزاف ومحيتهم
انا عن نفسي منحبش نقطع علاقة مع اي واحد ومامديت ثقة عمياء ومحبة عمياء لوحدة ماتستاهلش مانسميها خيانة
لكن صح والله تبقى كاينة وتحسها كبيرة بزاف..
اللي راح راح (ذهبوا لأنهم ملوا اليد التي تنتشلهم من القاع كل مرّة)
كي نكون متأكدة بلي ماجرحتهاش بلي ماشافت مني غير الخير بلي نيتي كانت صافية لداخل
وكنت انا اللي تبدا السؤال كل مرّة ورآحت وابتعدت والله ماني تابعتها (واي آي كار اباوت سوموان دازانت كآر !!!)
ومنحبهاش ترجع كش نهآر! عقلية صعيبة في هآدي أنا <=
المهم خلاصة القول والله اللي يحبّك في عينيه تعرف واش تسوالو وفي مواقفو
تبان كتبت بزاف مي والله ماقدرتش نخرّج وش كاين
على كل ربي يغفرلنا اذا قصرنا واكيد احنا مقصرين مع بزاف ناس
وحسبنا الله في اللي طيحولنا الدمعات
يمكن نرجع ان شاء الله
لأنو الموضوعميق جدااا
تقبّل مروري

بالرد نتاعك قستيلي المحاسيس والله يااختي
الذكريات المواقف الايام اللي فاتت كل شيء يقولنا وعلاه تنساو بعضكم حنا نروحو ونغوصو في اعماق الدنيا لكن ساعات في بعض الافراح نقولو ياريت كان معانا فلان وصح تحس انو لوكان معاك راح تكون الفرحة فرحتين وجمال الاصدقاء لا يعوض ..ربي يخليلك صديقاتك ويجعلك افضل صديقة وادعيلنا معاك...​

 

[Hakan]

كي تهدر الخبرة انا نهبط راسي حياءا وحشمة ههه كلمة في ردك او جملة لخصت موضوعي بالكامل ...ينعلبوها الدنيا امام ضحكة صديق عزيز ...اما التفريط في الذهب هذا هو الشيء المؤسف لما تلقى انسان يضيع اصدقاء من ذهب من اجب اصدقاء مصلحة كي تكمل هذيك المصلحة يقعد في فراغ عظيم ..ربي يهدينا بارك الله فيك​

 

[لؤلؤة قسنطينة]

السلام عليكم
هههههه نسيت لب الموضوع ولاتية نضحك هههه
يعطيك الصحة خويا حكيم لي عجبني في هاد الموضوع هو بعيدا عن مشاكل المجتمع
وبعيدا عن الاخبار والمشاكل لي صايرة في البلاد جبتلنا موضوع فيه عبرة ومميز ويخلينا نفكرو مع رواحنا
صراحة انا كيما فيولا نجي نحسب الأصدقاء ندير نص إبهام ونحبس هههه مانكملش حتى إبهام، صديقتي لي كانت عندي
من 2013 لا خبر عليها تزوجت ونحالها راجلها بالاك التيليفون ربي يهنيها ان شاء الله كانت نعم الناس
بقاتلي وحدة خلاف ولكن كي عاودت انا اول عام ليا في الجامعة كلي بعدنا شوي ماعدناش نتلاقاو بزاف وهي دارت صديقة
جديدة ولدرجة انا فقيرة اصدقاء حتى صديقتها واعتبرتها صديقة هههه، صراحة كنت نعيطلهم فيزوج ولكن آخر فترة مع الميموار
وكلشي ماقعدتش كي فرغ مخي جاتني عيب عندي مدة ماحكيتش معاهم نروح نسقسي عليهم في الفايس بوك قلت خلي نفليكسي
ونعيطلهم فيزوج نحكي معاهم، صاحبتي هدرت معايا وحكينا مليح بصح التانية عييت نعيطلها ماهزتش قلت نحكي معاها في الفايس
ونقولها باه تهز عليا، كي رحت نحوس عليها لقيتها فاصاتني طول ههههه نحاتني من الوجود هههه مع انو ماصراتش بيناتنا
حاجة ماش مليحة وصراحة صراولها بزاف مشاكل وعاونتها فيهم بصح هي قررت تنحيني، انا مازال نزيد ندير واجبي كيما قلت نتا
نزيد نعاود نعيط بالرغم من انو كل الطرق تؤدي لطريق واحد مسدود بصح لازمني نزيد نتصل بيها وبصديقتي نتكلم معاهم ونسقسي
على احوالهم، بصح باه نقول عندي صديقة صح تاع اسراري اسرارها وتخاف عليا كيما نخاف عليها وتحبني كيما نحبها هادي مازال
ماصراتش للأسف، نتكلم على العالم الواقعي العالم الافتراضي عندي خواتات ماش غير صديقات يعني الحمد لله يا ربي نعزهم
كي خواتاتي وكتر، لكن نتكلم على العالم الواقعي وين عندي صديقة هكا قريبة مانسعاهاش بقاتلي وحدة كانت تقرا معايا العام لي فات
الحق تعيط تسقسي عليا اذا لقيت خدمة واذا اموري ملاح وتقولي ساعات اذا كاين كاش كونكور غير هاد الشي تيليفوني راهو سبات
منو من السلاحف ههههه سخفت نسمع صوتو الجميل يغني في البيت ههههه ونحس بلي راني انسان له وجود ويتفكروه الناس ههه
بصح معليش ان شاء الله حنا لي نتفكروهم ونديو عليهم الاجر يا سيدي وفي الاخير تاع الاخير هههه والله مانلوم حتى انسان
كل واحد وظروفو نتمنى صح انسان يتفكرني واذا ماتفكرونيش ربي يوفقهم وين ماكانو ان شاء الله كل واحد وعذرو
شكرا خويا حكيم على الموضوع ربي يهنيك
تحياتي



​

 

[الصحافية الساخرة]

اهلا ختي فطوم ان شاء الله راكي بخير والوالدة بخير ؟ هي في الحقيقة كامل عندنا بروبلام نتاع انو نحبو اللي ما يستاهلش وهذي الغلطة نتاعنا لكن ابدا ما ينكرش الانسان وجود ناس يستاهلو وقتك والمحبة نتاعك والصداقة الناس تحسبها صديق الطفولة برك لا ختي كاين اصحاب بالاك مازلت ما تلاقيتيش بيهم ممكن حتى يكونو هنا في اللمة او في العالم الافتراضي بصفة عامة يعني ما تقنطيش برك وتنخلاي لانو وجود صديق شيء مهم حتى الانبياء كانو بحاجة الى صحبة واش نقلك ربي فيه الخير لذا ما تايسيش صحيتي ختي ​

يسقسي عليك الخير خويا حكيم ، الحمد لله الوالدة راها بدات تتحسن ؛ و أنا بعد ما تكشردت و تعوجت وجهيا و عينيا و دماغيا هههه راح نبدا نشتعل و نفرغ واش فداخلي هههه .. المهم الانسان كما قلت ما يقنطش من رحمة ربي بلاك كل هذا كان فيه خير والجاي احسن ^^

تحياتي لك

 

[الصحافية الساخرة]

المهم انا ساكنتلك فالمخ ان شاء الله ههههههههههه
علابالي واش راكي تحكي
المشكل لما تتعرفي على وحدة تقولي بالاك ماهيش كيفهم ومن بعد انا نظلمها بسوء ظني على خاطر موش لكل كيف كيف وتقللها وتحكيلها وتزيد تقللها واش يجرحك لكن هي تدير واش يجرحك وتاكد عليه تقول راكي هابلة عليه هههههههه والباقي راكي عارفاتو

المهم اني وراك والزمن طويل ان شاء الله ولما نحكمك نكشردلك شعرك لمكشرد رجعت هدي امنيتي
مهما كان ويكون احبيبتي الزينة والطيوبة نكونا اصدقاء ونعملو واجبا لوجه ربي كاصدقاء والباقي مايهمش بينهم وبين اللي خلقهم وضميرهم
ربي يحفظك حبيبة ويعطيك ماتتمني ان شاء الله ويحفظلك ويشفيلك امك ان شاء الله يارب

ان شاء الله يا رب

هههههه هههه مزال حلمك تقطعيلي شعري ايا خلاص نقصوا خلاص والله ما نعطيك فرصة للتقطيع و الانتقام هههه

شوفي شيموتا ان شاء الله في صيف 2018 نتلاقاوا و تولي تعيشي بحذانا جيران ^^ ، ربي يحفظك و يهنيك أنميتي

أيا دوك نخرجوا من الموضوع تاع الاخ حكيم ولا راح يشكي بينا هههههه

 

[الصحافية الساخرة]

. لكن صدقني احساس تشريه بالدراهم وميتعوضش ينعلبوها دنيا ومشاغل وهموم امام ضحكة من صديق عزيز .

بارك الله فيك أخي ، اقتبست هذي الجملة بذات خاطر عجبتني و جذبتني ، لانو ديما نڨول مهما تكون عندك مشاكل و هموم اسيدي ما تضيعش الناس اللي تعزك و اللي فوت معاها عشرة سنين ،، اييه بصح رانا في زمن واحد ما يهتم للمشاعر ااغلب يقولك راك تصدع الراس باحساساتك هذي .. ربي يصلح الاحوال

 

[بشرى ملاك]

يا حكيم خويا كاين ناس ڨاع تسقسي عليهم وتحوس على اخبارهم ومايسمعوش بيك وفي وقتنا هدا نظن مابقاتش صداقة الا القلة القليلة ومعظمها صداقات مصلحة.. انا شخصيا جربت الصداقة الكاذبة وماعندي حتى صديقة مقربة من غير ماما حبيبتي وزوجي طبعا و نتوما اصدقائي هنا فالمنتدى ههههه....

 

[Hakan]

السلام عليكم
هههههه نسيت لب الموضوع ولاتية نضحك هههه
يعطيك الصحة خويا حكيم لي عجبني في هاد الموضوع هو بعيدا عن مشاكل المجتمع
وبعيدا عن الاخبار والمشاكل لي صايرة في البلاد جبتلنا موضوع فيه عبرة ومميز ويخلينا نفكرو مع رواحنا
صراحة انا كيما فيولا نجي نحسب الأصدقاء ندير نص إبهام ونحبس هههه مانكملش حتى إبهام، صديقتي لي كانت عندي
من 2013 لا خبر عليها تزوجت ونحالها راجلها بالاك التيليفون ربي يهنيها ان شاء الله كانت نعم الناس
بقاتلي وحدة خلاف ولكن كي عاودت انا اول عام ليا في الجامعة كلي بعدنا شوي ماعدناش نتلاقاو بزاف وهي دارت صديقة
جديدة ولدرجة انا فقيرة اصدقاء حتى صديقتها واعتبرتها صديقة هههه، صراحة كنت نعيطلهم فيزوج ولكن آخر فترة مع الميموار
وكلشي ماقعدتش كي فرغ مخي جاتني عيب عندي مدة ماحكيتش معاهم نروح نسقسي عليهم في الفايس بوك قلت خلي نفليكسي
ونعيطلهم فيزوج نحكي معاهم، صاحبتي هدرت معايا وحكينا مليح بصح التانية عييت نعيطلها ماهزتش قلت نحكي معاها في الفايس
ونقولها باه تهز عليا، كي رحت نحوس عليها لقيتها فاصاتني طول ههههه نحاتني من الوجود هههه مع انو ماصراتش بيناتنا
حاجة ماش مليحة وصراحة صراولها بزاف مشاكل وعاونتها فيهم بصح هي قررت تنحيني، انا مازال نزيد ندير واجبي كيما قلت نتا
نزيد نعاود نعيط بالرغم من انو كل الطرق تؤدي لطريق واحد مسدود بصح لازمني نزيد نتصل بيها وبصديقتي نتكلم معاهم ونسقسي
على احوالهم، بصح باه نقول عندي صديقة صح تاع اسراري اسرارها وتخاف عليا كيما نخاف عليها وتحبني كيما نحبها هادي مازال
ماصراتش للأسف، نتكلم على العالم الواقعي العالم الافتراضي عندي خواتات ماش غير صديقات يعني الحمد لله يا ربي نعزهم
كي خواتاتي وكتر، لكن نتكلم على العالم الواقعي وين عندي صديقة هكا قريبة مانسعاهاش بقاتلي وحدة كانت تقرا معايا العام لي فات
الحق تعيط تسقسي عليا اذا لقيت خدمة واذا اموري ملاح وتقولي ساعات اذا كاين كاش كونكور غير هاد الشي تيليفوني راهو سبات
منو من السلاحف ههههه سخفت نسمع صوتو الجميل يغني في البيت ههههه ونحس بلي راني انسان له وجود ويتفكروه الناس ههه
بصح معليش ان شاء الله حنا لي نتفكروهم ونديو عليهم الاجر يا سيدي وفي الاخير تاع الاخير هههه والله مانلوم حتى انسان
كل واحد وظروفو نتمنى صح انسان يتفكرني واذا ماتفكرونيش ربي يوفقهم وين ماكانو ان شاء الله كل واحد وعذرو
شكرا خويا حكيم على الموضوع ربي يهنيك
تحياتي



​

اهلا بيك ختي مريم الصحبة غالية ومهما الانسان يتعرض للتفريط من عند صحابو
الا ويحس بالظلم لكن كلما الانسان كان اعذر للناس كلما حس بسعة صدر في قلبو
ساعات نتلاقى مع صحاب نغيب عنهم الشهرين والثلاث والعشر اول ما نتلاقى بيهم نحس روحي نغوص
فيهم نحس جميع الشحن السالبة تخرج وحدها قعدة نتاع قهوة معاهم غالية وما تتعوضش ممكن تصاحب خوك من لحمك ممكن تصاحب زوجك مستقبلا
لكن الصديق نتاع مرحلة ما مستحيل يعوض احد مكانو ربي يخليك شكرا للمشاركة​

 

[Hakan]

يا حكيم خويا كاين ناس ڨاع تسقسي عليهم وتحوس على اخبارهم ومايسمعوش بيك وفي وقتنا هدا نظن مابقاتش صداقة الا القلة القليلة ومعظمها صداقات مصلحة.. انا شخصيا جربت الصداقة الكاذبة وماعندي حتى صديقة مقربة من غير ماما حبيبتي وزوجي طبعا و نتوما اصدقائي هنا فالمنتدى ههههه....

يبقى الامر يااختي بشرى اشبه بلعبة قادر تخسر كيما قادر تربح صديق
والانسان الذي ييخلي كل شيء يسلم من بعض الاشياء كما انو ممكن ما تصراش معاه اشياء مليحة كيما اللي راهي بين الاصدقاء
ربي يخليلك العائلة والزوج واهل اللمة ويخليك لينا نشالله ​