ارواااحو تشوفو الخطابة الداعشيين الي جاونا

[~أمِيرَة الخَجل~]

السلام عليكم و رحمة الله

واش راكم يا اهل اللمة اليوم راني صايمة و بغيت نحكيلكم على الخطابة الي جاوني اليوم المهم طلعولي لاطونسيون !!
و ديما يجو الخطابة و جامي جاوني وحدين كي هاذو لا اصل لا فصل لا تربية جايين بسلاحاتهم ربي يستر
انا ما نعرفهم ما يعرفوني بصح جاوني غريبين و كأنهم اعضاء في عصابة و لا راهم مشاركين في المصارعة تاع النساء
المهم هاذو النساء حراش بزاف و كي تشوفوهم تشكو في أنهم نسآء ..

و تآني لما رحت انا و خالتي و جدتي باش نخطبو لولدها دارولنا مواقف ابشع من هادوك الخطابة ..
المهم النساء اللي جاو يخطبو فيا هم زوج ... ايا كنت قآعدة في غرفتي كي الأميرة احم احم..
امالا نسمع الباب يخبط بقوة كبيرة ( حتى بابا كي يولي متغشش ما يخبطش هكا خخخخخ )
و لا صونات في آخر حيآتهآ ... المهم لوكان تسمعو هذاك التبندير اللي داروه في الباب كي شغل زرنة خخخههه
راحت اختي تفتح الباب لا سلمو عليها لا والو قالولها( انتي مخطوبة انتي ؟) ... قالتهلم وي بكل رقة ..
امآلآ طلعو يجرووو تقول متسلق وراهم كلب .. و يخبطو في الباب الدخلاني و بكل قوة ..
خرجتلهم ماما دايرة الماكياج و لابسة القندورة المطروزة كي البرنسيسة يجو يقولولها
(راني سمعت بلي هاذ الدار فيها زوج بنات هايلين و يسحرو العينين
و اصلهم مليح و يعرفو يقروو. ووو.... ]) " امشي مالقيتي غير دآرنآ المتحترمة تعفسيها "
قالتلهم ماما ( امممم اسمحولي مادامات بناويتي مختشوبآت و جآمي يكونو ليكم:d ) ...
قآلولهآ ( لآلآلآ بناتك عازبات ايا وينهي الثانية ؟ ) قالتلهم ( واش عنكم بيها راهي قلبها ما يتحملش يمكن تهدري معاها شوي تتخلج )
قالولها ( لالالالالا جيبيها دوك ولا نغربلو الدار كاملة و نخرجوها حتى ولو كانت في مبلوعة في الارض !!
ايا رحت لبست السيرفات انتاعي و خرجتلهم ( ايا واش بيكم انتوما ؟؟)
( يا بنيتي رانا جايين نخطبوك واش هاذ الزيييييين )
انا قلتلهم ( لالا اسمحولي انا مخطوبة سي مخطوبة ايا قلعو )
قالو ( لالالالالا يا بنيتي ما نستسلموش بسهولة نجيبوك نجيبوك نخطبوك نزوجوك لوليدنا و نهنوك )
ههههه باش نتفلق عليهم بالضحك خخخخخخ المهم قلتلهم( نونونو حتى اذا كنت عازبة ياو حتى تبوسي عينيك لا نقبل )
قالو ( اذا ما كتبش ربي مع خطيبك راح نجيب العايلة الكل و تقبلي بذراع عليك يا الفحلة )
قلتلهم ( ما تفهموش بالحديث نتوما ولا باغيين نلجأ للإجرآءآت القآنونية ؟؟)
قالولي ( ههههه يا بنيتي هدي روحك هانا رايحين بشوية بشوية )

هههههههههههه من برا متغششة و من الداخل باش نموت بالضحك

بصح حبيت نقوللكم علاش هكا الي ما نقبلوهمش يديرو هكا ياخي ماشي بالسيف علينا
حنا احرار في قراراتنا و تاني علابالهم بلي تصرفاتهم باش تخليني نقبل ياو بالعكس
نزيد نكرههم و تاني مازالني صغيرة و انا ضد الزواج تماما لأنني حابة نقرا و الخطابة ديما
رايحين جايين عليا و ما بغاوش يفهمو ..!!و القبول ماش بالعنف باسكو مش مرة تصادفني امور
كيما هاذي تانيك نسمع بصديقاتي و بنات عمي يديرولهم هكا ساعات نولي نقول حتى
الزين الي خلقهولي ربي موصيبة !!

و لآ تقولو رآهي اسيل مخطوبة راني غير نمثل عليهم :-r

درك قولولي هاذو جايين يخطبو ولا مبعوثين من داعش:p:s ؟؟]​

 

[Skor m@k]

رد: ارواااحو تشوفي الخطابة الداعشيين الي جاونا

السلام عليكم
علبالك انت وحدك ختي اسيل موصيبة انت هههه
والى عجبتيهم بسيف يدوك انا نهار نروح نختشب واقيل ندير على العفسة هذي هههه
لازم الباب تتزعزع باش تمبان الرجولة ههههه
وبلاك عسوك ولا شافوك ترقسي فالعرس وخافو متقبليش لازم عليهم يدخلو بعنف
معركت حياة او موت هههه يعني زواج او زوااج
مافيهاش حل ثالث وهاه انت ماقبلتيش ضرك يعسوك كيما السي خونا لي تبعك حتى للمة ولا ماشي انت هههه نسيت

المهم نداء الى كل الوحدات ختي اسيل راهي صرحت بالبنض الغليض هههه
ياو مراهيش مختشوبة اجرو يا ليجان اللخر ما يلحقش
قالك لاميس فالسيزون 2 تاعها هههه
يامامي على مامي اخ اخ اخ
يعطيك الصحة ختي على هذا الموضوع الباهي​

 

[~أمِيرَة الخَجل~]

رد: ارواااحو تشوفي الخطابة الداعشيين الي جاونا

السلام عليكم
علبالك انت وحدك ختي اسيل موصيبة انت هههه
والى عجبتيهم بسيف يدوك انا نهار نروح نختشب واقيل ندير على العفسة هذي هههه
لازم الباب تتزعزع باش تمبان الرجولة ههههه
وبلاك عسوك ولا شافوك ترقسي فالعرس وخافو متقبليش لازم عليهم يدخلو بعنف
معركت حياة او موت هههه يعني زواج او زوااج
مافيهاش حل ثالث وهاه انت ماقبلتيش ضرك يعسوك كيما السي خونا لي تبعك حتى للمة ولا ماشي انت هههه نسيت

المهم نداء الى كل الوحدات ختي اسيل راهي صرحت بالبنض الغليض هههه
ياو مراهيش مختشوبة اجرو يا ليجان اللخر ما يلحقش
قالك لاميس فالسيزون 2 تاعها هههه
يامامي على مامي اخ اخ اخ
يعطيك الصحة ختي على هذا الموضوع الباهي​

اولا اهلا بيك هههه
لوكانو رجال صح نقول راهم يبينو في رجولتهم بصح هادو نساء في وآش يبينو زعما
ايه يمكن شافوني نرقس هههه ياو قالو رانا ما نستسلموش :sport01::tongue02:
ههههه انا انا الي تبعني السي هاذاك لهنا ههههههه ياك ربي يستر تفائل الخير
علابالك راهم يخلعو تقول دواعش ههخخخ:tongue02:
ههههه راك داير بيا اشهار ههههه يعطيك الصحة نداء روعة بسكو ليجان تاع اللمة
صعيب نخير واحد بيناتهم قع بوقوصات ههههه:tongue02::p:p:p:p
هههه ما ديرش عليا ما نعرفش الحب و الزواج راهو عدوي اللدود:sport01:
اهلا بيك مجددا و مغسي :sport02:
​

 

[ضآحكة مستبشرة]

رد: ارواااحو تشوفي الخطابة الداعشيين الي جاونا

هههه ههههه ههههه ههههه ههههه ههههه ههههه
وسعوا خلوني نضحك مليح ههههه ههههه
و الله يآ اسولتي غير نتي وحدك كشرودة

نستعرف بيك يآ الفحلة متقبليش ههههه باينة رح يقلشوك و يهنوك كيما قالو
اقراي يآ بنتي و رح تروحي للجاميعة و تصيبي الف واحد يتمناك
حنونة كل شيء بالمكتوب واحد ما يدي مكتوب لاخر
ربي يهنيك حنونة و ربي يبعثلك وليد الحلال لي تعيشي معاه لابال في
و هذو لخطابة لا زادو رجعو اتصلي بالرقم الاخضر يجوك في البلاص ههههه

شكرا لك على الموضوع غاليتي​

 

[آمِيْرَتُه]

رد: ارواااحو تشوفي الخطابة الداعشيين الي جاونا

السلام عليك
هذو جاو واقيلا يدابزو خخخخ

 

[~أمِيرَة الخَجل~]

رد: ارواااحو تشوفي الخطابة الداعشيين الي جاونا

هههه ههههه ههههه ههههه ههههه ههههه ههههه
وسعوا خلوني نضحك مليح ههههه ههههه
و الله يآ اسولتي غير نتي وحدك كشرودة

نستعرف بيك يآ الفحلة متقبليش ههههه باينة رح يقلشوك و يهنوك كيما قالو
اقراي يآ بنتي و رح تروحي للجاميعة و تصيبي الف واحد يتمناك
حنونة كل شيء بالمكتوب واحد ما يدي مكتوب لاخر
ربي يهنيك حنونة و ربي يبعثلك وليد الحلال لي تعيشي معاه لابال في
و هذو لخطابة لا زادو رجعو اتصلي بالرقم الاخضر يجوك في البلاص ههههه

شكرا لك على الموضوع غاليتي​

بصحتك الضحكة هههه ان شاء الله ما جاتكش الحزوقة :p:p

ههههههه لالا ماش باين عليهم باينين ناس داخلين في الهامش وع وع :tongue02:

ايه ايه راكي قلتيها نروح للجامعة نكره عمري امالا من اليوم خلاااص بطلت مش رح نسجل فالجامعة :tongue02::-r:p

و نتي لواش تقولي هكا راني غير ننفخ نفخة هادئة نلقى بوقوص واقف قدامي يقولي مدي ايدك للخاتم

خخخخ راني غير نحلم .. يا ختي راني صغيورة حتى الكوزينة لا نعرفها لا تعرفني :$

العفو اسومة ربي يحفظك :love01:​

 

[يونس قاسم]

رد: ارواااحو تشوفي الخطابة الداعشيين الي جاونا

اصبري يا اميرة باه نتفاهمو قبل القصة جميلة صراحة
ضرك نبدا ههه انت جاو خطبوك لقاوك شابة تقولي
ممكن معليهش بصح هوما من كوكب اكشن وانت من كوكب الزهرة
يعني لو كان تاخذي رايي اقبلي و عيشي بعيد عن الزهرة راكي تبقاي مع البنات في هذاك الكوكب
وزينك الفتان يكملوه في كوكب اكشن تنساي باه تتهلاي في روحك
المهم يكون رجل الاحلام الاكشني قد المسؤولية
هههه الديقوطاج ما تديش على كلامي
تقبلي اعجابي الشديد بالقصة

 

[sosobibicha]

رد: ارواااحو تشوفي الخطابة الداعشيين الي جاونا

سلام عليكم
اولا خليني نضحك ههههههههه هههههههههههههههههههههههه صايي كملت :p
ياو هاذي حقيقة و لا فيلم اكشن جديد هاذو راهم لصقة ندوك ندوك هههههه الله يبارك باينة بقوصة بزاف ههههههه
صح كاين بزاف من هذا النوع عندك الحق اخطيك تبعي قرايتك و كل شيئ بالمكتوب :$ مي نصيحة اذا رجعوا هاذوا سفراء داعش غير اجري على روحك هههههه
و في الاخير تقبلي مروري و ردي و ربي يهنيك اختي
شكرا على الموضوع بارك الله فيك
سلام ​

 

[فيتامين سي]

رد: ارواااحو تشوفي الخطابة الداعشيين الي جاونا

ههههههههههههههههه كارثة
مشفتيش ادا جابو معاهم سلاح
تقول فيلم يااااع ..منهم صح
تاع ندوك ندوك بغيتي ولا كرهتي ...مرة جاية غير تسمعيهم جايين هربو من دار و متشوفوش موراكم .الهربة تسلك

 

[اكارينا]

رد: ارواااحو تشوفي الخطابة الداعشيين الي جاونا

هههههه يا ختي راكي فحلة مين طيرتيهم انا تبانلي من داعش هادو وعسي روحك منهم النسا مافيهمش الامان مالي عسي روحك حبيبتي لا يصرالك كيفي نهار لي جاوني خطابة وما قبلتش بيهم ام هداك مشات قالت له راها عايراتك وجا لدار باش يضربني وانا والله ماقلت حاجة مشي مليحة الحمد لله كانو خوتي تما علموه التربية وداروله درس خصوصي باش ما يزيدش يضرب بنت ولا غي ينوي يضربها

 

[~أمِيرَة الخَجل~]

رد: ارواااحو تشوفي الخطابة الداعشيين الي جاونا

اصبري يا اميرة باه نتفاهمو قبل القصة جميلة صراحة
ضرك نبدا ههه انت جاو خطبوك لقاوك شابة تقولي
ممكن معليهش بصح هوما من كوكب اكشن وانت من كوكب الزهرة
يعني لو كان تاخذي رايي اقبلي و عيشي بعيد عن الزهرة راكي تبقاي مع البنات في هذاك الكوكب
وزينك الفتان يكملوه في كوكب اكشن تنساي باه تتهلاي في روحك
المهم يكون رجل الاحلام الاكشني قد المسؤولية
هههه الديقوطاج ما تديش على كلامي
تقبلي اعجابي الشديد بالقصة

اهلا بيك اخي هههه
لالا ما نعرفش نعيش في كوكب الاكشن .. خليني زهرة في كوكب الزهرة هههه
نخاف يقتلوني في معركة من المعارك هههه
​