شحال شابة راكي آسوغتي الحاجة

[Skor m@k]

رد: شحال شابة راكي آسوغتي الحاجة

السلام عليكم
انا بالنسبة ليا تنسيق الالوان مهم بزاف منقدرش نخرج وانا مخلطة الحالة وهادي ترجع لشخصية الواحد
اسوغتي عندي هواتنسيق كيما قالت الاخت ميش شرط كلش اخضر المهم نعرف واش نلبس

• السلام عليكم
• هذا هو الصح مش المهم تناسق الالوان المهم يكونو سامبل وما ياتيريوش الناس ليك
• ماشي وين تمشي يشوفو فيك على جال اللون تاع لحوايج
• شكرا لك ختي

 

[Soumia hadj mohammed]

رد: شحال شابة راكي آسوغتي الحاجة

السلام عليكم



ههههههه ههه ههــــــــــههه
بابابابابابا خالتي الشيبانية وحدها هذي تع التشينة
هههه نا ثاني كي نلبس نشوف الخيمار اذا اسوغتي مع العباءة والا الصندال مع الساك ا دو هههه نمزح برك
عندك الحق أخي او كاين لي موسوسين يحوسو حتى على التقاششر اذا اسوغتي مع الحذاء حشاك خو
ويضربو بالساعة نحي هذي البس هذي زيد الكولير هذي غير على جال باه يخرجو اآآآسوغتي ،وااااع

كاين لي متلبسش لبسة كومبلي وهايلة غير على جال مكانش الخيمار اللي يجي آسوغتي معاها هه هههه
حاجة سامبل هي المليحة


كاين من كثرة لي يتبع الآآسوغتي يخرج كي القوس قزح

يعطيك الصحة خويا على الطرح

 

[Skor m@k]

رد: شحال شابة راكي آسوغتي الحاجة

قريت شوي من الموضوع بانتلي كاتباتو طفلة، فيقني اللون لزرق برك
غوجلاف ، اسوغتي، كاينة وحدة تكولي......
حيرة والله
فكرة الموضوع ربما مليحة حاول تكتبها بأسلوب رجولي ونحي من الأغ بزاف
طفلة هنا ردها قالت اسورتي بالراء ..
كلامي يجيك ثقيل شوي حاول تبلعو

​

السلام عليكم
سافيك انا كي كتبت ب الغاء نمبان طفلة
ولي كتبت بالراء سافيك راجل هي ولا غير علينا الهدرة
علاه مقلتلهاش متهدريش بالراء
سافيك ضرك نريح نشري سروال تقولي لبنات راهم يلبسوه راك تشبهلهم
انا في بالي هكذا تقولي خاطرش واش هدرت ضرك كيف كيف
اذا عندك دليل بلي الراجل يهدر بالراء والمرأة تهدر ب

​

الغاء ضرك ندوموندي نحي الاشراف ومنزيدش ندخل لهنا
بركاونا من التفاهات هذي
بلاك تقول بلي زعفت ولا انا حرت برك من التفاهات هذي
على كل حال يعطيك الصحة​

 

[Skor m@k]

رد: شحال شابة راكي آسوغتي الحاجة

سلااام عليييكم

ههههههه وين بيها ي الحاجة ههههه تبا صاك اورونج قلبي ضرني ههههه
بقاتلها اينيتي و تموت و متهلية في روحها ياو ..
انا عالعام اسوغتي كلش اكحل و نكاصي بلبيض خخخ كي شغل جوفانتيس :p
و هاذيك تاع الدار كلش مووف تقعد ثم تروحلك النفس :down:
و لي قلهم ارقدو مول التريكو لخضر خخخخ كون درتلو هاشتاg:p:p:p

صحيت مليكو ​

السلام عليكم
شفتي يا ختي زوج دورات تموت مرالها بالماكياج والميني الى عجبك الحال خخخخ
والله غير حتى انا ديما بلكحل وشويا قهوي ههه مانخرجش عليهم هههه
اصمط لون نلبسو هو لبيض كل دورة نحيزو يولي كحل يا محاينك هههه
منين تتكا تلقاها موسخا سورتو الى طلعت فالكار وكنت لابس لبيض هههه مانحكيش خير خخ
شكرا لكي ختي فيوليتا هه​

 

[Hakan]

رد: شحال شابة راكي آسوغتي الحاجة

هههه واش اسوغتي هذي اول مرة نسمع بيها
مي موالف نديرها في اللبسة نتاعي
يعني اذا شريت تريكو بيض لازم الحذاء ابيض
والسروال يكون اسود
او جينز
ثانيت حاجة كلاسيكية مع صباط وحاجة نورمال مع سروال جينز
وباسكات التخلاط مضر وما يطيحش
مي الزيادة والمبااغة تعيف في وحد الغاشي
موسوسين حتى انو ما يعرفوش التنسيق
في الالوان شكرا شيخ ربي يهنيك
مي شعبنا هذا عايش نواريبلون ويموت نواريبلون ​

 

[باتنية و نص]

رد: شحال شابة راكي آسوغتي الحاجة

كل وقت ووقتو
واللي فاتو وقتو ميطمع في وقت الناس
تحياتي

 

[فيتامين سي]

رد: شحال شابة راكي آسوغتي الحاجة

بسم الله الرحمن الرحيم
السلام عليكم
و عليكم السلام و رحمة الله و بركاته


جيت نهاشتاgي هاشتgاوني كامل بسباب ختي فيولا لي عرفتنا بيه خخخخ
المهم بلاكو تغلطو معايا راهي عقلية الهاشتاg هههه

مزاااااااالكم معاه ..بصح نسيت هذي ################################

قالك انا نمشي في أمان الله حتى نشوف شيء غريب يتجه الي ...
يامحاينك عجوزة بالماكياج وأي ماكياج
تشوف غير فمها سابغاتو بلون برتقالي
انا فالاول حسابتلي راهي تاكل التشينا وهو الغوجالاف ههه
زادت ضاربا صاك برتقالي وتجبد يا محاينك تلفيون ايه ايه عمرو راسكم برتقالي اللون تانيت
قالك زعما أسوغتي
هدي صراتلي بصح ماشي هكدا
نحكيلكم بصح تخلصوني حق الحكاية
..مرة رحت لحديقة الحيوانات مع ماما و بنت اختي يا سيدي قالتلنا بغيت نشوف الفيل ..رحنا مور العصر درنا درنا و كي جينا خارجين الوالد سبقنا شويا للسيارة بقينا حنا بشويا علينا جايين ..وصلنا عند الباب جات عجووزة كبيرة و رقيقة عود و سابغة وجها قالتلي ختي فمي راه نورمال /انا خفت منها / ههه قلتلها نورمال ..قالتلي راني شاة ياك راني شابة و بدات النظرات مه نبع الحنان الله غالب تخوف لا علاقة مع الي في وجها قلنا كاش متقريسينا ماما قالتلي خفي راه يعيط و انا نقوللها شفتي فلان راه لهيه أيا نروحو .......المهم رسالتي ليكم لي تصبغو وجهم يا صبغوه نيشان يا قعدو في دار متخوفوناش و تركبولنا السكر .......


عقلية الآسوغتي لابس سروال غوز مع سبيبيط غوز وتريكو غوز ويدودر بيهم
خصتهم غير الزعكة ملور يولو الميكي تاع لابونتاغغ غوز هههه

ههههههههههههههه هدي كما اختي الصغيرة كي تلبس يخص لون واحد و كل يوم دايتها من مورايا باضحك ..الله غالب منجمش نكون كيفها نروح نلبس نلقا لبست 7 لوان و 10 و الوان لاعلاقة ....دجا واش فيها كي نخلطو الألوان هداك فن لامعلابالكش ..


وضرك اللبسة كي يلبسوها لازملها تخطيط
الى هذا اللون يخرج مع هذا وحتى الطونوبيل لازم آسوغتي

لا تخطيط لا والو حل الخزنة لي جات حداك لبسها

والآسوغتي تانيت وصلت حتى لديور والديكور تاع الصالو كوزينة غوز
انا نسبغ فالدار ويما تقولي اصبر يا وليدي راح نشري شورا بهذا اللون لازم تسبغ كيما هي باش تخرج آسوغتي لازم لازم ....ربي يخليهالك
كاين وحدة تكولي ماشي مزوجة وعندها الدار تدخل لدارها دوخ كلش موف اللون
الدالدوسول موف السبيغة موف الفايونس موف
الفراش تاع الصالو موف
تقولك باش يكون كلش آسورتي بصح تريح فيها شويا تولي تسوفري هههه
مي بيناتنا لو جات صغيرة فلعمر معليش نولي نعشق فالموف الله غالب الوقت يقول هكا هههه اقتلوووووووووووووووووه


و الناس لازملهم تخطيط باش تخرج آسوغتي يحوسو فالانترنت واش العفسة لي تخرج معا هاذي ههههه نحوسو في سوق النسا ....
مي عدت نشوف تاع بكري لا علاقة بالآسورتي كامل
تلقاه ضارب سروال كحل مع تريكو مخطط تاع بحرية ولا فالديور سابغ الدار خضرة وحاط زوج هيدورات وطابلا قهوية فالوسط
الدنيا وما فيها ني الآسوغتي ني يديك ني يجيبك هههه


الموضوع هذا جاني باش نكتبو على جال وليد خالتي
في عمرو عشرة سنين لبس تريكو خضر تاع وحد الميكي مصور فيه
مع بونتاكول كحل وقاعد يخزر فالمرايا
يدور منا ومنا ويستغل في روحو مليح
وانا مريح نخزر فيه
شاف فيا وقالي واش جاتني اللبسة آسوغتي هههه
قلتلو يرحم والديك واش من آسوغتي ههه
تريكو خضر فيه ميكي مع بونتاكول كحل آسوغتي
واش من آسوغتي لي فيها هههه

ربي يحفضووو......علاش خبشتله المشاعر كون قلتله راك شباب تهبل

المهم فهمونا واش معنتها الآسوغتي هذي انا في بالي مفهمتهاش

راني عاد ناوية ندير فيها بحوث باش نجي نفهمكم

اياو ابقاو على خير
سلام

​

​

كاين مرات لازم تدير الوان متناسقة باش متجيش كما الكوميك ولا يحسبوك طردوك من الدار ..و مرات نورمال على حساب اللبسة كفاش و دار اكيد متخلطش الوان وين تجي شعشبونة بصح كي نفهمك كاين بزاف أنواع كاين ستيل مخلط او تدير زوج الوان و لا 3 ....كاش نهار نديرلكم جلسة هع هع هع
و في دار ربي يجيب ..نبعدو العين هههههههههههه

 

[zohor kfz]

رد: شحال شابة راكي آسوغتي الحاجة

ويلي على شارفة و هارفة و حاسبة روحا مزال في ريعان شبابها هههه
المهم هاد العفسة تاع اسوغتي حاجة مليحة بصح بالقضر
يعني مشي تزيد فيها و مشي تخرج كيما قوس قوزح

 

[cosette]

رد: شحال شابة راكي آسوغتي الحاجة

سلآم عليك
وآش رآهي آلحآجة بخير:sههههههه:-rمزحة
آسيدي مىقلتنآش بلي حآتلبس آلآغونج
وآتآهآ
لآموضة يآه

شكرآ موضوع جد مغرب ومضحك في نفس آلوقت
~تحيآتي~​

 

[ميساء سوزي]

رد: شحال شابة راكي آسوغتي الحاجة

سلام موضوع هايل لاسوغتي بزاف سامطة مي تجانس الألوان لازم ما يجيش تلبس لخضر و لحمر و تزيد عليهم الاورونج كلش عندو حدود و الواحد ما لازمش يزيد فيها

 

[حكاية قمر]

رد: شحال شابة راكي آسوغتي الحاجة

موضوعك راه آسوغتي مع لوقت هذا ^^
يا ودي لحشمة راحت والحرمة راحت ما بقا، تخمام في الستر قد ما يخمموا في لمودا بحال يقولك هذا وقتنا واش من الوقت التربية والستر عمرهم ما يولو ديمودي اكثر حاجة نكرها لبس الوان الفاتحة برا كما غوز وما شابه ومام الاحمر لون را يآتيري بزاااف وماشي مليح
الله يهدينا ويثبت علينا لعقل