آدم و حواء يتساألان (العدد الثاني)

[Mr Brahim]

رد: آدم و حواء يتساألان (العدد الثاني)

viola الراعي الرسمي للتمرد :down:
​

 

[زهور الشوق]

رد: آدم و حواء يتساألان (العدد الثاني)

نجيبها خداامة ومن بعد شهريتها على باباها ويماها كيما راهي صارية مع واحد جاري

مرتو تخدم استاذة شهريتها كامل لباباها ومسكين يحكيلي قالي والله غير الماككلة
نشريها ولا نروح ليما طيبلي قولولي هذي معيشة نتاع رخس ماشي نتاع رجال
تخدم من 8 للخامسة وهي واقفة على مسطبة ولا على مريض
وفي الليل تجيني آخ راسي آخ ظهري التجاعيد تبدأ معاها وهي في عمرها 28 سنة
تكبر 10 سنين فوق عمرها ها خلونا يرحم والديكم ​

ه

ساهلة ماهلة
اضفر بذات الدين تربت يداك
اللي تعي قوله تعالى °وقرن في بيوتكن°
بيسك حب العمل عند المراة جاها من حب المصروف اللي جاها من ادم
لوكان ترضاو بالقليل ترضى حواء اللي كل همها اسعاد ادم
ماشي يبقى يهبل فيها فلانة زينها يقتل علاه ماديريش هاد لاكوب علاه ماتلبسيش اللبسة توب وووالخ كيفاه حبيتوها ماتمرضش مالضغط
يا ترضى بالقليل وعلى قد شهريتك وواش يصحلها وتشوفها بحوايج عاديين وووالخ وتحطها فوق راسك يا تخدم مليح وتعطيلها مصروف يلبسها ويزينها كيما تيماجينيها في احلامك خخ
ماشي خدمتك ماكان ماكان وتظل تهاوش فيها وتختمها براح نزوج عليك :tongue02:​

 

["viola"]

رد: آدم و حواء يتساألان (العدد الثاني)

viola الراعي الرسمي للتمرد :down:
​

هههه و الله واالوو ..المرأة العااملة برك متقولوليش عليها حاجة مفيهااش ...

انا متأكدة باللي تقدر تربي و تهتم براجلها و ماليه و بدارها و و بروحها و تتحمل مسؤوليتهاا

هاذي لا ماكانتش أفضل مالمااكثة ​

 

[Hakan]

رد: آدم و حواء يتساألان (العدد الثاني)

اليوم نهبل انا خلااص

اولا لا كان هو راااجل مهوش راح يستنا مرتو تخدم عليه معليش ؟ و الفحلة تعرف وين تحط شهريتها
ثانيا و هاذي ل تقرمدني ثاان يحكي على مرتو لجارو جاتك نورمال ؟؟
التجاعيد يجو للاستاذة و الطبيبة و ميجوش لي على العام مالبصلة و الفوارات مش خارجة -___- ..خدم راسك صديقي التجاعيد يجو للمتهنية و لا لي كارهة روحها
اخيرا و ليس آخرا قاتلك راسي ظهري متحملتهاش ؟؟ اوكي كي تعيا نتا ثان مشتكيش :down:​

ضركي ها ما تهبلينيش كيفاش مايستناش مرتو تخدم عليه
مالاعلاه تزوج معاها ياك باش يتقاسمو اعباء البيت
ماش باش تروح تشري اكسون لباباها اذا كان هاك
تريح عندي بدون خدمة خير ..
اما يحكيلي على مرتو يعني ما تتصوريش قالي مرتي كذا
مي لما راجل تعرضو يتعشى عندك ويقلك بهذاك الصوت لحزين
شحال عندي ما كليتش ماكلةسخونة كيما هاك
رايحة تفهمي الحكاية
اما قضية شرائها للوالد نتاعها هذي صرا بينو وبينها خلاف وصلحتى للطلاق لما
قاللها نشروسيارة ولا منزل وهي قاتلو ما نعطيلكش

اما كي نعيا انا هاراني راجل ولازم نتعب
انا نفضل تشكيلي من تعب البيت على انو تشكيلي من تعب الخدمة اللي رايحة على باباها ​

 

[Ma$Ter]

رد: آدم و حواء يتساألان (العدد الثاني)

هههه و الله واالوو ..المرأة العااملة برك متقولوليش عليها حاجة مفيهااش ...

انا متأكدة باللي تقدر تربي و تهتم براجلها و ماليه و بدارها و و بروحها و تتحمل مسؤوليتهاا

هاذي لا ماكانتش أفضل مالمااكثة ​

سلام
المراة لى فى الدار وما تقدر تكمل واجباتها كاملة ويقتلها التعب فما بالك مراة ثمنية سوايع والا عشر سوايع برا راح تقوم بالدار هذا ادا فرضنا انو خدمتها بر ماكاش فيها تعب
المراة بلاصتها الدار تنقص الفتن وتنقص الاختلاق وتخلي الشباب يخدمو ووووو
سلام ¨^ ​

 

[Mr Brahim]

رد: آدم و حواء يتساألان (العدد الثاني)

هههه و الله واالوو ..المرأة العااملة برك متقولوليش عليها حاجة مفيهااش ...

انا متأكدة باللي تقدر تربي و تهتم براجلها و ماليه و بدارها و و بروحها و تتحمل مسؤوليتهاا

هاذي لا ماكانتش أفضل مالمااكثة ​

يا يما لافاشلاس حكمتني مخي تقرمد
لي راكي تحكي عليها مستحيل تكون من الانس
​

 

[Hakan]

رد: آدم و حواء يتساألان (العدد الثاني)

ه

ساهلة ماهلة
اضفر بذات الدين تربت يداك
اللي تعي قوله تعالى °وقرن في بيوتكن°
بيسك حب العمل عند المراة جاها من حب المصروف اللي جاها من ادم
لوكان ترضاو بالقليل ترضى حواء اللي كل همها اسعاد ادم
ماشي يبقى يهبل فيها فلانة زينها يقتل علاه ماديريش هاد لاكوب علاه ماتلبسيش اللبسة توب وووالخ كيفاه حبيتوها ماتمرضش مالضغط
يا ترضى بالقليل وعلى قد شهريتك وواش يصحلها وتشوفها بحوايج عاديين وووالخ وتحطها فوق راسك يا تخدم مليح وتعطيلها مصروف يلبسها ويزينها كيما تيماجينيها في احلامك خخ
ماشي خدمتك ماكان ماكان وتظل تهاوش فيها وتختمها براح نزوج عليك :tongue02:​

لوكان تريحي في الدار انت وخواتاتك العاملات
رايحين الرجال نتاع دزايير كامل يخدمو
والشهرية نتاعك يزيدوها للزوج نتاعك
وديري لاكوب اللي تبغيها مع اني ضد لاكوب يختي طوماطيشة ولا كوت شوفال
والعين الكحلة الدنيا وما فيها اما صباغ وغيرو خخخخخ اعوذ بالله من الوحوش ..​

 

[♡كارينا♡]

رد: آدم و حواء يتساألان (العدد الثاني)

ضركي ها ما تهبلينيش كيفاش مايستناش مرتو تخدم عليه
مالاعلاه تزوج معاها ياك باش يتقاسمو اعباء البيت
ماش باش تروح تشري اكسون لباباها اذا كان هاك
تريح عندي بدون خدمة خير ..
اما يحكيلي على مرتو يعني ما تتصوريش قالي مرتي كذا
مي لما راجل تعرضو يتعشى عندك ويقلك بهذاك الصوت لحزين
شحال عندي ما كليتش ماكلةسخونة كيما هاك
رايحة تفهمي الحكاية
اما قضية شرائها للوالد نتاعها هذي صرا بينو وبينها خلاف وصلحتى للطلاق لما
قاللها نشروسيارة ولا منزل وهي قاتلو ما نعطيلكش

اما كي نعيا انا هاراني راجل ولازم نتعب
انا نفضل تشكيلي من تعب البيت على انو تشكيلي من تعب الخدمة اللي رايحة على باباها ​

غريب كلامك رانا دائما نقولو ونعاودو ماشي النسا كامل كيف كيف ..انت شفت غير هذيك المرا حكمت على كامل النسا بلي راهم كيما هي ........ماتربطوش الناس بعض :s:s

 

[زهور الشوق]

رد: آدم و حواء يتساألان (العدد الثاني)

لوكان تريحي في الدار انت وخواتاتك العاملات
رايحين الرجال نتاع دزايير كامل يخدمو
والشهرية نتاعك يزيدوها للزوج نتاعك
وديري لاكوب اللي تبغيها مع اني ضد لاكوب يختي طوماطيشة ولا كوت شوفال
والعين الكحلة الدنيا وما فيها اما صباغ وغيرو خخخخخ اعوذ بالله من الوحوش ..​

انا ماتخممش عليا نعرف صلاحي
خطيبي معطيني كل الحرية فالعمل ومع ذلك مصرة ان لا اعمل ورافضة الفكرة
فقط اتكلم باسم افكار حواء كوني ادرى بها لأني من نفس الصنف
:regards01:​

 

[Mr Brahim]

رد: آدم و حواء يتساألان (العدد الثاني)

جماعة ماشي لو كان نتقاشوا فكل سؤال بلعقل خير من هذي الخلوطة
يعني كل واحد يمد اجابتو و ناقشوها و من بعد ينطرح السؤال لي بعدو كذا ما تفراش
​

 

[Hakan]

رد: آدم و حواء يتساألان (العدد الثاني)

غريب كلامك رانا دائما نقولو ونعاودو ماشي النسا كامل كيف كيف ..انت شفت غير هذيك المرا حكمت على كامل النسا بلي راهم كيما هي ........ماتربطوش الناس بعض :s:s

وانتوما ثانيك شفتو غير هذاك الراجل اللي ما يخلصش مليح وما يخدمش
وقاعدين غير شادين فيه هاا السن بالسن :tongue02:​

 

["viola"]

رد: آدم و حواء يتساألان (العدد الثاني)

ضركي ها ما تهبلينيش كيفاش مايستناش مرتو تخدم عليه
مالاعلاه تزوج معاها ياك باش يتقاسمو اعباء البيت
ماش باش تروح تشري اكسون لباباها اذا كان هاك
تريح عندي بدون خدمة خير ..
اما يحكيلي على مرتو يعني ما تتصوريش قالي مرتي كذا
مي لما راجل تعرضو يتعشى عندك ويقلك بهذاك الصوت لحزين
شحال عندي ما كليتش ماكلةسخونة كيما هاك
رايحة تفهمي الحكاية
اما قضية شرائها للوالد نتاعها هذي صرا بينو وبينها خلاف وصلحتى للطلاق لما
قاللها نشروسيارة ولا منزل وهي قاتلو ما نعطيلكش

اما كي نعيا انا هاراني راجل ولازم نتعب
انا نفضل تشكيلي من تعب البيت على انو تشكيلي من تعب الخدمة اللي رايحة على باباها ​

ياو مقتلكش متخدمش عليه بصح على الاقل ميقعدش يذل في روحو ليها ..
و كيما قتلك الفحلة راهي عارفة على من تصرف دارهمها بلا مايقلهاا دارها اولى اكيد و لا كانت تمد لباباها مش عيب
ههههه شحاال غاضني بصوتو الحزين يااك ..يا ودي خطونا انا لي نعرفها الواحد كي يحب يدير الدوزياام يبدا يدير هااك
يااه الراجل برك يعيا :s معليش اعياو برك :p
​

 

["viola"]

رد: آدم و حواء يتساألان (العدد الثاني)

سلام
المراة لى فى الدار وما تقدر تكمل واجباتها كاملة ويقتلها التعب فما بالك مراة ثمنية سوايع والا عشر سوايع برا راح تقوم بالدار هذا ادا فرضنا انو خدمتها بر ماكاش فيها تعب
المراة بلاصتها الدار تنقص الفتن وتنقص الاختلاق وتخلي الشباب يخدمو ووووو
سلام ¨^ ​

لالا تقدر و لاباس عليهاا ..تتعب اداوي من شهريتهاا متعييك ما تخمم في دواها
و الفتن تخدم و لا تقرا و لا تموت متبعينها متبعينها
صحيت :regards01:​

 

[Ma$Ter]

رد: آدم و حواء يتساألان (العدد الثاني)

قال بن مسعود رضي الله عنه:
احبسوا النساء في البيوت فإنهن عورة والمرأة إذا خرجت من بيتها استشرفها الشيطان وقال: إنك لاتمرين بأحد إلاأعجب بك
ابن أبي شيبة١٨٠٠٦​

 

["viola"]

رد: آدم و حواء يتساألان (العدد الثاني)

يا يما لافاشلاس حكمتني مخي تقرمد
لي راكي تحكي عليها مستحيل تكون من الانس
​

بلعقل برك هههه

لالا توجد و بزاااف ثااان ​

 

[Hakan]

رد: آدم و حواء يتساألان (العدد الثاني)

انا ماتخممش عليا نعرف صلاحي
خطيبي معطيني كل الحرية فالعمل ومع ذلك مصرة ان لا اعمل ورافضة الفكرة
فقط اتكلم باسم افكار حواء كوني ادرى بها لأني من نفس الصنف
:regards01:​

خخخخ شكون اللي قال نخمم في صلااحك ولا حياتك
ولاراني داخل فيها
رانا نتناقشو برك في موضوع وسؤال وجواب و ربي يهني السعيد بسعيدة :sport02:​

 

["viola"]

رد: آدم و حواء يتساألان (العدد الثاني)

وديري لاكوب اللي تبغيها مع اني ضد لاكوب يختي طوماطيشة ولا كوت شوفال
والعين الكحلة الدنيا وما فيها اما صباغ وغيرو خخخخخ اعوذ بالله من الوحوش ..​

هههه يا ودي عطيتني أمل باللي ما انقرضتوش :d ربي يعطيك ما تتمنى انا كنت قاطعة لليااس :p​

 

[Mr Brahim]

رد: آدم و حواء يتساألان (العدد الثاني)

قال بن مسعود رضي الله عنه:
احبسوا النساء في البيوت فإنهن عورة والمرأة إذا خرجت من بيتها استشرفها الشيطان وقال: إنك لاتمرين بأحد إلاأعجب بك
ابن أبي شيبة١٨٠٠٦​

لمن تقرأ زابورك يا داوود
تحاور مع مليون راجل في نفس اللحظة تقنعهم اما مرأة وحدة تقعد معاها قرن و كأنك تشرح للريح و تقولو فهمت :s
​

 

[لؤلؤة قسنطينة]

رد: آدم و حواء يتساألان (العدد الثاني)

مساءا لانوار
راني جييييت
لقيت جيش تاع اسئلة ومكرا في فيولا واختي زهور الشوق نجاوب عليهم كامل هههه
بسم وعلى بركة الله

متى تغارين على زوجك

كي يجبد على مرأة قدامي يالوكان من عايلتو -_-
ولا يتكلم معاها ولو في نقاش عادي واذا ابتسم معاها تما غير نطرطقلو الدار على راسو ههه

سؤالي :
الزوج المسافر يعني اللي يتطلب العمل نتاعو انو يبتعد عن البيت
الشهر والشهرين دون ان يأخذ زوجته
هل يختار ام يصعب العيش معه؟؟

اذا كان فيه مجال نروح معاه، واذا ماكانش ولازم نقعد في الدار نوافق
يعني اذا شخص ملتزم ومتربي ونعم الزوج معليش خاطر السفر هاداك راهو يشقى فيه
باه يوكلني ويوكل ولادي يسمى لازم نوقف معاه ونقبل بيه اذا كان المقصود قبل الزواج
مع اني علابالي رايح يكون فيها ضرر ليا

الرجل الذكي الذي يجيد وكثيرا لغة الحركات والوجوه
هل يصعب ترويضه هل هو صعب للاختيار ؟

واشوا لغة الحركات هادي؟
زعما يهدر بيديه ولا يدير بزاف حركات مزعجة ولا كيفاه؟
اذا جات على هادي نورمال ارض ربي واسعة يدير حركات على روحو بشوي
يتروض المهم يكون فحل وراجل اما الباقي نورمال
هادا اذا كان سؤالك يقصد هاد الجانب

بالنسبة لخويا يونس قالك اكثر حاجة تكرها في الرجل
كيما قالتها فيولا المقارنة
نكره لي يقارن ومرت جاري ديرلو ومرت صاحبي ديرلو ربما هادا واش يقلقني
ومعرف ماعنديش اجابة واضحة

هل تحبين الرجل البسيط ام المعقد

اجابة واضحة
البسيط

كيف تنظر حواء للرجل الغامض و ما رأيها فيه ؟

اه الراجل الغامض لازم نفككلو عقلو ونعرف واش فيه
ربما جانب من شخصية آدم يكون غامض معليش خاطر الانثى هي لي تلقاها عفوية في كلشي عكس الرجل يحتفظ
ببعضا لامور لنفسو لكن يكون كامل غامض ماتفهم منين تبدا تهدر معاه هادا راهو كي البومبا كاش نهار يطرطق
وتحصل فيه مرتو ههه، على هادي نحب كلا الطرفين يكونو صافيين مع بعض كالمرآة كل شخص يشوف واش كاين في داخل الآخر

واش رايكم في راجل صباح بكف و في الليل بكف هههه

مختل عقليا هادا ههههه
كي تغلط وتوصل روحها بالاك بصح هادا صباح وعشيا واقيلا كان حاب يولي بوكسور وماسمحتلوش الفرصة
جا يبرد قلبو في مرتو ههه

لم لا تطقن الملتح ؟

شكون قال الهدرة هادي؟؟؟؟
اجمل حاجة تعجبني في الرجل (قصدي الشكل الخارجي) هي اللحية

راجلك اكول جدا هههه واش تدير ماتلحقيش ههه

اصلا انا مرتو وانا لي نطيبلو
يكون اكول في دارو معليش نخدمو ليل مع النهار يا لوكان ياكلني هههه
بصح مانحبش قدام الناس مثلا عند العايلة ولا

الرجل الذي لا يعتني بمظهره ولا برائحته او نظافته ؟؟

نكره هاد النوع، كيما المرأة يطلب منها الرجل تتزين حتى هو هكاك
ماش نهار كامل مشعشع
ربما نقدر نربيه بالشوي على الطبايع المليحة بصح رايحة نتعب بزاااااف
مالا اخطينا منو مانديه مانحصل فيه هههه

آدم الذي يكون اقل مستوى منك يعني ممكن انت ماجستار وهو ليسونس
ا انت جامعية وهو محبس في الباكالوريا او الثانوي

هادا سؤال ولا اجابة هههه
اذا سؤال
نقولك نورمال الاهم عندي ولادو يخرجو حافظين للقرآن ويصليو صلاتهم في وقتهم
والاهم انو يكون يخاف من ربي وزيد ليسونس راهو لاباس بيه واش خصو
والعلم تاعي لي زعما زايد عليه ننفع بيه ولادو ونستغلو بذكاء ماش باه نفوخ بيه

السؤال واش رايكن في الرجل الرومنسي كثيرا

شكون لي يكره الرومانسية ههه
بصح ماش يسمط -_-
مليحة ساعة ساعة الراجل يتحول يولي جاكي شان ههه
يعني شوي هك وشوي هك

النساء علاش يحبو الراجل المدخن والراجل اللي يحتقرهم وما يحبوش الراجل اللي يكون ظريف معاهم ؟

شكو لي قال هاد الشي؟؟
واش ندير بالمدخن انا؟
انا نحوس عليه يصلي ويخاف ربي ويطيع والديه ولي يدير هاد الامور اكيد رايح يكون ظريف
كاش وحدة تلقى الظرافة وتتكبر؟

علاه تحبو الراجل اللين جدا اقصد شبه رجل

كيما قتلك في سؤالك السابق نحبو نص بنص
وقت الشدة يبان راجل ووقت الظرافة يكون ظريف

واخيراااا خلصت
ستر ربي دخلتو في موضوع الخدمة هكا حبسو الاسئلة شوي وقدرت نلحق هههه
بصح قتلتوني ضحك عدت نمسح في دموعي هههه
المهم نوليو للب الموضوع


سؤالي لآدم
المرأة الذكية ماذا تعني لك؟
يعني كيفاه تقدر تعتبر امرأة بلي ذكية؟

​

​

​

 

[Mr Brahim]

رد: آدم و حواء يتساألان (العدد الثاني)

بلعقل برك هههه

لالا توجد و بزاااف ثااان ​

علبالي كاين بزاف في المخيلة تاع النساء و المسلسلات و الافلام الهندية
​