آدم و حواء يتساألان (العدد الثاني)

[لؤلؤة قسنطينة]

رد: آدم و حواء يتساألان (العدد الثاني)

يعني بكل صراحة وبدون مثالية ماهو المهر الذي تطلبه حواء لنفسها اريد مبلغ
بعيدا عن رأي الوالدين .؟
وهل اذا جاء الرجل المثالي وغالى احد الوالدين في المهر هل تثور حواء ام ترضخ ؟
​

رأي الوالدين هو رأيي
ولكن ان عاد الاختيار لي ربما مابين 6 إلى 10 ملاين
والله اعلم
والله يا اخي فيما يخص السؤال الثاني بما انك قلت رجل مثالي
اي الشخص الذي حلمت به طول حياتي وانه سيكون نعم الزوج أكيد سأتدخل ولكن ليس لدرجة الثوران
يعني نعبر عن رأيي ونفهمهم بلي انا هدفي نربح رجل في كتفي يدي بيدي للجنة ماش نربح دراهمو
(مع انو والديا ماش من النوع المادي) يعني نحاول نقنعهم بذكاء وبحجج معقولة
واذا رفضو مستحيل نغضبهم لأنو رضاهم اولى ونظن باه نخفف على الطرفين نرفض الزواج نهائيا
والله اعلم (موقف صعب صراحة)

سؤالي لآدم
حدث شجار بين ام زوجتك ووالدتك ولا تعلم من هي الظالمة بينهما
فكيف تتصرف؟
​

 

[Hakan]

رد: آدم و حواء يتساألان (العدد الثاني)

سؤالي لآدم
حدث شجار بين ام زوجتك ووالدتك ولا تعلم من هي الظالمة بينهما
فكيف تتصرف؟
​

انا شخصيا نبهدلهم في زوج وعندي كي صبااح الخير
​

 

[يونس قاسم]

رد: آدم و حواء يتساألان (العدد الثاني)

سؤال لحواء

المراة معروف عليها كفران العشير هل لديك شك في انك من هذا الصنف

 

["viola"]

رد: آدم و حواء يتساألان (العدد الثاني)

12 خخخخ بزااف ساعديني ب 10 والله يربح :love01:


انا ما فيااش بصح اذا كرفصتلي راسي نقدر نوأدها كي العرب قديما خخخخخ :tongue02:

كيف يبقى الرجل راسخا في ذاكرةزوجته حتى بعد الممات وماهي الاسباب؟ ​

هههه روح 10 برك :p ..بصح راني متفاهمة مع مالك ورث مليار ي محاينك خخخ :p:p

شوف يديها كل يوم لدارهم و ردلي بالخبر خخخخ ...

كلمة وحدة تلخصلك الحكااية ..الاحترااام ..انو حياتوا كااملة يشوفها مرأة و انسان بحقوقها و واجباتها مش بونيشة و ماشينة تاع تكااثر سي تو .

آدم ..زوجتك ما خصهاا والو وش لي يخليك تفكر تعاود الزوااج ..بغض النظر عن مثنى و ثلاث و رباع خاطر مهوش فرض عين

​

 

[لؤلؤة قسنطينة]

رد: آدم و حواء يتساألان (العدد الثاني)

ماخليتنيش نتنفس ماجيت نخلص لقيت سؤال خلاف ههه
بصح راني نستمتع ^^
​

كيف يبقى الرجل راسخا في ذاكرةزوجته حتى بعد الممات وماهي الاسباب؟

ماكانش شخص في الدنيا تحزن عليه المرأة قد والديها
حتى ولو عمرها 60 سنة وماتو والديها تمرض من بعدهم وتبقى محتاجتهم
على هادي نظن لو الراجل يكون لزوجتو كالأب والام مستحيل تنساه

ياربي درك واش نسأل ههه

بما انو طرحت سؤالك رايحة نقلبو للمذكر برك ههه

سؤالي لآدم
شكون هي حواء لي مايقدرش يسناها آدم بعد موتها؟
وشكون هي حواء لي بوجودها مايقدرش يخمم في التعدد؟
​

 

[لؤلؤة قسنطينة]

رد: آدم و حواء يتساألان (العدد الثاني)

سؤال لحواء

المراة معروف عليها كفران العشير هل لديك شك في انك من هذا الصنف

مافهمتش السؤال
واشوا كفران العشير هادي؟
​

 

["viola"]

رد: آدم و حواء يتساألان (العدد الثاني)

سؤال لحواء

المراة معروف عليها كفران العشير هل لديك شك في انك من هذا الصنف

مستحييل ..على روحي على الاقل مستحييل

بالااك كي تزعف و تهدر حواايج تتخيلها انها نساات قااع وش درت على جالها بصح خليها تهدا برك و تتفكر تندم علابيها تضل تبكي و تندب خخخ ​

 

[Hakan]

رد: آدم و حواء يتساألان (العدد الثاني)

هههه روح 10 برك :p ..بصح راني متفاهمة مع مالك ورث مليار ي محاينك خخخ :p:p

شوف يديها كل يوم لدارهم و ردلي بالخبر خخخخ ...

كلمة وحدة تلخصلك الحكااية ..الاحترااام ..انو حياتوا كااملة يشوفها مرأة و انسان بحقوقها و واجباتها مش بونيشة و ماشينة تاع تكااثر سي تو .

آدم ..زوجتك ما خصهاا والو وش لي يخليك تفكر تعاود الزوااج ..بغض النظر عن مثنى و ثلاث و رباع خاطر مهوش فرض عين

​

ههه الطفلة اللي طالعة كل يوم لبيتها هذي اصلا قالك حرام تتزوج بيها

اما جوابك ضرك الواحد هو اللي يخاف هو ما يخصو والو ويهربولو لنيوويرك
اما بالنسبةليا مادام قلت ما يخصها والو اذن انا ثاني ما يخصني والو :love01:
​

 

[يونس قاسم]

رد: آدم و حواء يتساألان (العدد الثاني)

مافهمتش السؤال
واشوا كفران العشير هادي؟
​

تكفر خير زوجها اي تنكر كل خيره بمجرد خطا منه و هذه من اسباب دخول النساء النار ان شاء الله يعافيكم و يعافينا منها

 

[زهرة اللمة]

رد: آدم و حواء يتساألان (العدد الثاني)

سؤال لحواء

المراة معروف عليها كفران العشير هل لديك شك في انك من هذا الصنف

لا اظن ذلك لا انكر فضل من احسن الي

سؤاال لادم تدي زوجتك للبحر

 

[Hakan]

رد: آدم و حواء يتساألان (العدد الثاني)

ماخليتنيش نتنفس ماجيت نخلص لقيت سؤال خلاف ههه
بصح راني نستمتع ^^





ماكانش شخص في الدنيا تحزن عليه المرأة قد والديها
حتى ولو عمرها 60 سنة وماتو والديها تمرض من بعدهم وتبقى محتاجتهم
على هادي نظن لو الراجل يكون لزوجتو كالأب والام مستحيل تنساه

ياربي درك واش نسأل ههه

بما انو طرحت سؤالك رايحة نقلبو للمذكر برك ههه

سؤالي لآدم
شكون هي حواء لي مايقدرش يسناها آدم بعد موتها؟
وشكون هي حواء لي بوجودها مايقدرش يخمم في التعدد؟
​

انا ماننساش المراة اللي تغير فيا حوايج خاصة اذا كانت اشياء اجابية
ماننساش المراة اللي تخاف عليا وتسقسي عليا اللي نهار نزعف ونتقلق عليها ماديرش عليا
واشياء اخرى
اما التعدد راني جاوبت الاخت فيولا ..​

 

[Hakan]

رد: آدم و حواء يتساألان (العدد الثاني)

لا اظن ذلك لا انكر فضل من احسن الي

سؤاال لادم تدي زوجتك للبحر

نجيبلها بيدون نتاع بحر للدار ههه اللهغالب الرمنسية الجزائرية ههه
​

 

[لؤلؤة قسنطينة]

رد: آدم و حواء يتساألان (العدد الثاني)

تكفر خير زوجها اي تنكر كل خيره بمجرد خطا منه و هذه من اسباب دخول النساء النار ان شاء الله يعافيكم و يعافينا منها

اه يسمى كيما قالتهالي الاخت تنكر العشرة معناها
انا مانتكلمش على المجتمع نتكلم على روحي
اذا شخص برك ابتسملي في وجهي ولا قالي صباح الخير نبقى مدينة ليه طول حياتي
فمابالك دار فيا خير وفمابالك الزوج تاعي
بالاك المرأة حساسة في دقيقة تبانلك كرهتك ونسات كلشي واش درت معاها
بصح تخليها زوج دقايق وحدها تندم وهادي نكران العشرة تختلف حسب شخصيات الناس
ماش حسب الذكر والانثى خاطر كاين رجال وينكرو العشرة

سؤالي لآدم
متى يتالم آدم من حواء ويرفض مسامحتها؟
​

 

[Hakan]

رد: آدم و حواء يتساألان (العدد الثاني)

سؤالي لآدم
متى يتالم آدم من حواء ويرفض مسامحتها؟
​

اذا طعنت في رجولته وخدشت كرامته

اعيد السؤال لكن ؟​

 

[لؤلؤة قسنطينة]

رد: آدم و حواء يتساألان (العدد الثاني)

اذا طعنت في رجولته وخدشت كرامته

اعيد السؤال لكن ؟​

"الخيانة"
خاصة اذا مرأة افنت عمرها في رعاية زوجها وفي الاخير يبدلها بوحدة خلاف
نقتلو ونشربو من دمو وقليل -_-

سؤالي لآدم
في رأيك تربية الأنثى اصعب ام تربية الذكر؟
ومن تظن من بينهما يحتاج الاعتناء والمصاحبة اكثر؟
​

 

[يونس قاسم]

رد: آدم و حواء يتساألان (العدد الثاني)

"الخيانة"
خاصة اذا مرأة افنت عمرها في رعاية زوجها وفي الاخير يبدلها بوحدة خلاف
نقتلو ونشربو من دمو وقليل -_-

سؤالي لآدم
في رأيك تربية الأنثى اصعب ام تربية الذكر؟
ومن تظن من بينهما يحتاج الاعتناء والمصاحبة اكثر؟
​

تربية الانثى اصعب لانها حساسة و قلبها يتحكم فيها بزاااف
رعايتها واجب والاهتمام بها ولي عندو بنت متربية تدخلو للجنة عادي

السؤال

بصراحة تتمنون انجاب طفل او بنت في اول ولادة ؟

 

[Hakan]

رد: آدم و حواء يتساألان (العدد الثاني)

"الخيانة"
خاصة اذا مرأة افنت عمرها في رعاية زوجها وفي الاخير يبدلها بوحدة خلاف
نقتلو ونشربو من دمو وقليل -_-

سؤالي لآدم
في رأيك تربية الأنثى اصعب ام تربية الذكر؟
ومن تظن من بينهما يحتاج الاعتناء والمصاحبة اكثر؟
​

تربية الذكر سهلة اما تربية الانثى حتى تحرص على حماية نفسها من مخاطر المجتمع الحالي هي الاصعب
والمصاحبة للانثى يجب ان تكون اكثر :regards01::regards01:


سؤال :
ماهي قيمة المسكن الحر لدى حواء ؟​

 

[لؤلؤة قسنطينة]

رد: آدم و حواء يتساألان (العدد الثاني)

بصراحة تتمنون انجاب طفل او بنت في اول ولادة ؟

ربما نميل للبنات اكثر لكن كيف كيف
المهم ولدي ولا بنتي

ماهي قيمة المسكن الحر لدى حواء ؟

قيمتو ربما انو يعطي لحواء راحة اكبر
وهنا مانحكيش على مشاكل العجوزة ولا خاطر هادوك المشاكل كي يحبو يلحقو حتى لو بعيد عليهم
لكن نتكلم اذا كانت المرأة متحجبة وملتزمة بحجابها وزوجها عندو اخوة ذكور
رايحة تضطر طول اليوم تكون بخمارها وكأنها برا، تسيق بالخيمار وتطيب بالخيمار وتنظف بالخيمار
رايح يكون الامر صعب عليها شوي هادا هو المشكل فقط
غير هاد الشي نورمال

سؤالي لآدم
متى يزيد احترامك لحواء ؟
​

 

[يونس قاسم]

رد: آدم و حواء يتساألان (العدد الثاني)

يزيد الاحترام كلما ازداد حيائها

 

["viola"]

رد: آدم و حواء يتساألان (العدد الثاني)

تربية الانثى اصعب لانها حساسة و قلبها يتحكم فيها بزاااف
رعايتها واجب والاهتمام بها ولي عندو بنت متربية تدخلو للجنة عادي

السؤال

بصراحة تتمنون انجاب طفل او بنت في اول ولادة ؟

ولد :-r​