آدم و حواء يتساألان (العدد الثاني)

[{مُدَلَّلَتُهُ}]

رد: آدم و حواء يتساألان (العدد الثاني)

والله سؤآل جآ لبآلي ويمآ يحيرني

علاه حوآء كيمآ تتخطب ولآ تتزوج تنسى صحآبآتهآ؟؟

الي تعرف الجوآب تقولي​

خخخخخخخخخخخخخ اسكتي انت قلتيلهم ارقدو . . هاذ الكائنات راهم كاثرين حواليا هاد ليام اضربي النح برك . . اصبري عليا نتخطب و نتلف فيكم العرف :sport01:

تحس روحها كبرت بالاك . . بالاك تخاف لا يحسدوها . . و بالاك تتغير اهتماماتها ما توليش كي بكري . . ما نعرف ! كي نتزوج نقولك :p
​

 

[Hakan]

رد: آدم و حواء يتساألان (العدد الثاني)

هل تقبل أن تدخل أمآم زوجتك يوم العرس ~ وسط النسآء

لتلبسهآ خآتم زفافكمآ؟؟​

خخخخ وقيلا نزيد نشطح معاها خير خخخخ
شوفي اختي في تقاليد الزفاف عندنا
انو الراجل يلبس الخاتم لزوجتو في الغرفة نتاعو
في حضور امو وخواتاتو وخالاتو وعماتو
اما الرجال مكانش والنساء الاخريات مكانش اوك
​

 

[عاشقة الإحسان]

رد: آدم و حواء يتساألان (العدد الثاني)

والله سؤآل جآ لبآلي ويمآ يحيرني

علاه حوآء كيمآ تتخطب ولآ تتزوج تنسى صحآبآتهآ؟؟

الي تعرف الجوآب تقولي​

عن نفسي لم أنسى أي واحدة لكن أنقصت الإحتكاك معهن و أسأل عن أحوالهن في المناسبات فقط
نزولا عند رغبة زوجي لأنه يرفض ذالك

 

[Hakan]

رد: آدم و حواء يتساألان (العدد الثاني)

هههههه سؤال اسطوري ولقيتو هههه

وجاوبوني البنات اسكو كي تكونو مجمعين مع بعضاكم في القرايا تحكو على الذكور اللي يقراو معاكم هههه
سؤال اسطوري لازم نلقالو اجاابة هههه ؟؟
​

 

[همس الوُرود]

رد: آدم و حواء يتساألان (العدد الثاني)

هههههههه شبعتوني ضحك

 

[sosobibicha]

رد: آدم و حواء يتساألان (العدد الثاني)

هههههه سؤال اسطوري ولقيتو هههه

وجاوبوني البنات اسكو كي تكونو مجمعين مع بعضاكم في القرايا تحكو على الذكور اللي يقراو معاكم هههه
سؤال اسطوري لازم نلقالو اجاابة هههه ؟؟
​

هههه وين لقيت هذا السؤال هههههه
امم عن نفسي منجمعش اصلا في القراية نادرا :p و في هذيك نادرا نورمال اذا جبدو البنات و كان عندي رأيي نقولوا اما غير ذلك لا ​

 

[Hakan]

رد: آدم و حواء يتساألان (العدد الثاني)

هههههههه شبعتوني ضحك

:p:p:p:p:p:p:p

 

[{مُدَلَّلَتُهُ}]

رد: آدم و حواء يتساألان (العدد الثاني)

هههههه سؤال اسطوري ولقيتو هههه

وجاوبوني البنات اسكو كي تكونو مجمعين مع بعضاكم في القرايا تحكو على الذكور اللي يقراو معاكم هههه
سؤال اسطوري لازم نلقالو اجاابة هههه ؟؟
​

ههههههههههه مش دايما . . كي يديرو حاجة غربية برك :p و يااما شفنا منهم غرائب و عجائب

و نتوما ؟
​

 

[Hakan]

رد: آدم و حواء يتساألان (العدد الثاني)

ههههههههههه مش دايما . . كي يديرو حاجة غربية برك :p و يااما شفنا منهم غرائب و عجائب

و نتوما ؟
​

ههههه انا صحابي من الزهاد العبااد
نهار يجبدو على البنات تقول هذا ما ندي يعايرو فيهم يكرهوهم
ومن بعد غير تطلع للديبارتومون تشوف كل وااحد
يضحك مع عشرة
علابيها كي يجبدو على البنات اللي يقراو معانا نبهدلهم هههه
​

 

[يونس قاسم]

رد: آدم و حواء يتساألان (العدد الثاني)

الشاطرة تجاوبني
علاه البنت كي يتزوج الراجل لي كان عاجبها تدعيلو بالشر ؟؟؟؟ كاينة فهموني برك

 

["viola"]

رد: آدم و حواء يتساألان (العدد الثاني)

صباح الخير خخخخ نجاوب على طريقة مريهام خخخ
​

واش رايكم في اشباه الرجال لي يديرو الماكياج في هذا الوقت خخخ

-_________-
​

سؤال :
علاش المرا ما تحكيش طول حاجة واضحة ولازم ديرلك لغز باش تفهم واش راهي تحب ؟
​

تشتي السوسبانس :p

انا بطبعي منشتيش اللف و الدوران ..نروح ديراكت صحيت​

سؤال :

ماهي قيمة الهدية عند حواء وماهي اهمية نوعية الهدية في حد ذاتها
وماذا تفضل ؟
​

شوف يجيبلي شيكولا و شيبس كل يوم ياسر ..و بارفان فلانيفارسار و لا بيجامة بالقلمونة ههه الدنيا و مافيها :d
نحس روحي مزلت عروسة خخخ

​

سؤال :
ههه نتفكر هذا السؤال نضحك على واحد صاحبي ههه
نعرفو الغنا حرام هذي ما نختالفوش
لكن ساعات الواحد يديه الشيطان ويسمع
المهم كاين رجال يحبو يسمعو اغاني نتاع نساء
يعني الاغنية تغنيها طفلة خخخ
واش رايكم في رجال كيما هذو
يسمع اليسا مثلا وغيرها ونجوى كرم
وفيروز وام كلثوم ؟؟
​

فيروز و ام كلثوم نورمال ..اليسا نتيري عليه -_-

السؤاال تاع الخواف هذاك درتلو اقتباس و مجاش خخخ ي محاينك وش ندير بيه سيرتو لا يخاف مالجنون هههه خلات نكروا أجون يعسلنا عند الباب
بصح نهبلو و الله نولي نلبس ليزار لبيض و نطفي الضو و نخرجلو من كل الاماكن خخخخخخ نوريلو يخاف -_-​

 

[لؤلؤة قسنطينة]

رد: آدم و حواء يتساألان (العدد الثاني)

بلعقل راكم جريتوني هههه

علاه البنات يحبو يسمعو قصص الغدر وتلقايهم يروشارشيو عليهم ويتأثرو بيهم ؟

خاطر نحبو الحزن ونموتو عليه هههه

علاه حوآء كيمآ تتخطب ولآ تتزوج تنسى صحآبآتهآ؟؟

خاطر عندها خطيبها يعوضها على صحابتها هههه

وجاوبوني البنات اسكو كي تكونو مجمعين مع بعضاكم في القرايا تحكو على الذكور اللي يقراو معاكم هههه
سؤال اسطوري لازم نلقالو اجاابة هههه

اصلا انا ماعنديش صحابات، اما كي نتجمع مع بنات يقراو معايا ونقولها فلان يعجبني ولا هاد الامورات جامي، اصلا لي يقراو معايا عمري لا فكرت بيهم بطريقة مختلفة
ساعات نشارك فقط كي يتكلمو على شخص نقولهم متربي يعني تجي في كلام مثلا تقولي وحدة حابة نسلف حاجة من فلان
نقولها روحي ليه راهو انسان متربي ولا اما تاع نحكي على شخص ولا لالا هوما صح مانكدبش عليك
كل مايتجمعو لازم يجبدو فلان وفلان وشفتهم بعيني
اما انا خاطيني التجمعات تاعهم

سؤالي لآدم
هل أول ماتشوف بنت متبرجة تدي عليها نظرة سيئة؟
ولا قادرة بنت متبرجة تشوف تعاملها مليح تبدل نظرتك ليها؟

​

 

[Hakan]

رد: آدم و حواء يتساألان (العدد الثاني)

​

السؤاال تاع الخواف هذاك درتلو اقتباس و مجاش خخخ ي محاينك وش ندير بيه سيرتو لا يخاف مالجنون هههه خلات نكروا أجون يعسلنا عند الباب
بصح نهبلو و الله نولي نلبس ليزار لبيض و نطفي الضو و نخرجلو من كل الاماكن خخخخخخ نوريلو يخاف -_-

ههههههههههههه ما نجمتش من الضحك
​

 

["viola"]

رد: آدم و حواء يتساألان (العدد الثاني)

هههههه سؤال اسطوري ولقيتو هههه

وجاوبوني البنات اسكو كي تكونو مجمعين مع بعضاكم في القرايا تحكو على الذكور اللي يقراو معاكم هههه
سؤال اسطوري لازم نلقالو اجاابة هههه ؟؟
​

فالجامعة ميقراوش معايا ذكور ..واحد و ميجيش قاع خخخ
فالليسي كنا شلة فيها بنات و ذكور يعني نهدرو على قاع الكائنات ههه​

 

[Hakan]

رد: آدم و حواء يتساألان (العدد الثاني)

سؤالي لآدم
هل أول ماتشوف بنت متبرجة تدي عليها نظرة سيئة؟
ولا قادرة بنت متبرجة تشوف تعاملها مليح تبدل نظرتك ليها؟

​

متبرجة يااختي شوفي كاينة عندي متبرجة من متبرجة
كاين طفلة كيما نقولو حنا ماديرش خمار
بصح لباسها عادي هذي تعاملي معاها عادي
ويقراو معايا بنات من هذي النوعية وماشفنا منهم غير الخير
اما التبرج نتاع ماكياج وسراويل ذيقة
وخمارات نص نص هذي ما نحتارمهاش يالوكان نشوفها تقرى في القرآن وتقلي راني حافظة الستين
​

 

[sosobibicha]

رد: آدم و حواء يتساألان (العدد الثاني)

سؤال لأدم :
تراقب هاتف اختك ام لا ههههههه :p​

 

["viola"]

رد: آدم و حواء يتساألان (العدد الثاني)

آدم
كون تتعلق فيك وحدة و في رواية اخرى تلصق فيك خخخ و نتا متحبهاش ..اعطينا طريقة الليكيداصيون :d​

 

[لاريمان]

رد: آدم و حواء يتساألان (العدد الثاني)


سؤال على الطريقة الهايتشيكوكية
تزوجت وبعد تحريات قبل القيام باول خطوة الي هي الخطبة والضوء الاخضر وازواج ماكان والو
وبعد مرور سنوات من الزواج تكتشف بالصدفة انو كانت تحب قريب لها
هل تشفع لها سنوات العشرة الي بينتكم ام انك تحس بشيء داخلك لا اعرف ماهو زعزعك اتجاهها
وشكرا

 

[Hakan]

رد: آدم و حواء يتساألان (العدد الثاني)

سؤال لأدم :
تراقب هاتف اختك ام لا ههههههه :p​

شوفي يااختي الكريمة لحد الآن اختي ما عندهاش هاتف
وعندي الاخت دير تيليفون فقط اذا راحت للجامعة
او تزوجت ومازال ما صراوش هذو زوج حوايج
هاتف امي فقط ومانيش من النوعية اللي تحفر وتنبش
على امور الناس عيب نحس روحي ذري صغير
​

 

[Hakan]

رد: آدم و حواء يتساألان (العدد الثاني)

آدم
كون تتعلق فيك وحدة و في رواية اخرى تلصق فيك خخخ و نتا متحبهاش ..اعطينا طريقة الليكيداصيون :d​

والله يااختي اميان غير لسقت فيا وحدة في عهد الثانوي شربتني المرار
تخيلي طفللة تجيك حتى لباب دارك وطب طب عليك
غير باش تدخل ليماك وتحكي معاها
الليكيداسيون والله يجي مع الزمن ونضن انو باب الجامعة هو اللي
خلاها تبعد عليا لانو راحت لغواط وانا في باتنة والحمد لله تفكينا منها
مالغري مسكينة كانت :love01:
​