آدم و حواء يتساألان (العدد الثاني)

[لؤلؤة قسنطينة]

رد: آدم و حواء يتساألان (العدد الثاني)

عجبتني عبير قاتلك في يوم من الايام وتغسل وجهك هههههههه
والله وحدك عبورة قتلتيني ضحك وواحد الائلة وحدهم صح ههه
نوليلو للاسئلة راني نجري ومالحقتكمش

ياسيدي نزيدكم فيلم من افلام ديزني خخخ:
يسرقولك تيليفونك ولا راحتلك لاميموار
وفيها صورك اسكو تخبري زوجك ولا واش ديري ورولنا الاجابات ومازال ضركا نطلعلكم السكر؟

اواه لازم نخبرو مانقدرش نخبي عليه، واشوا قبل ما نبدا نحكي نشبع بكاوات ساع ههههه
نخلعو مليح باه نقولو ساع بلي سرقولي حاجة فيها تصاوري
خاطر الله غالب ماش بيدي

سؤال :
تجي تغسلي في قش زوجك ثم تكتشفي وجود قطعة سيجاارة في الجيب
ردة فعلك ؟

اذا كنت علاابلي بلي يتكيف ماش حاجة غريبة عليا
واذا ماكانش يتكيف نستفسر منو بالاك تاع صاحبو صوطات لجيبو هههه
واذا صح يتكيف نحاول نحيهولو خاطر مضر بصحتو ولي يضرو يضرني اكيد

سؤال بسيط خفيف وظريف ..

ما راي حواء في آدم الي تخطبلو امو ؟

ماكانش مشكل تخطبلو يماه هادا من حقها وماكانش لي يرضالو الخير من غير يماه
ولكن نخاف مستقبلا يولي يقولي يما لي حتمتك عليا ومانتش حاب نديك
على هادي نفضل القرار الاولي يكون ليه ومن بعد كي توافق يماه معليش

سؤال :
بكل صراحة وبدون خرطي
اسكو تعرفو طيبو الاكلات التقليدية شخشوخة والكسكس
والرفيس والكعبوش وغيرو ولا ما نعولوش عليكم ؟

هيه اصلا ماش واعرين سورتو الشخشوخة والكسكس
الرفيس لي شوي واعر مانكدبش عليك مازال مادرتوش وحدي دائما نديرو بمساعدة عبد كبير
ولكن اذا كنت تقصد الرفيس تاعكم نفسو تاعنا خاطر تختلف اسماء
بصح واشوا الكعبوش هادا يبان اسم تاع بطل من ابطال الرسوم المتحركة ههههه

المهم ياك هادو هوما الاسئلة برك ولي نسيتو يسمحلي راني دخت بين الاسئلة
​

 

[شاعرة الأمل]

رد: آدم و حواء يتساألان (العدد الثاني)

سؤال لآدم
ايهما تفضل المراة الحساسة ولا هاديك لي ماتكسبش القلب خلاص
تزعف ولا تضحك عندها هي كيفكيف ​

 

[همس الوُرود]

رد: آدم و حواء يتساألان (العدد الثاني)

مسآعدة حواء في أعمآل المنزل ~كيف تنظر إلى هآته الفكرة ؟؟

 

[Hakan]

رد: آدم و حواء يتساألان (العدد الثاني)

سؤال لآدم
ايهما تفضل المراة الحساسة ولا هاديك لي ماتكسبش القلب خلاص
تزعف ولا تضحك عندها هي كيفكيف ​

باينة المراة اللي تحس
بصح ما تنفخنيش باحاسيسها المرهفة منين ذاك لازم تتريقل خخ

سؤال :
ماهو راي حواء في آدم اللي يتقلش يعني يعيف بزااف
يشوف فار يزغب جلدو ولا يشوف شعرة من شعراتك يكره الماكلة ؟
​

 

[بشرى ملاك]

رد: آدم و حواء يتساألان (العدد الثاني)

انا سمحولي خاوتي وقت زوجي ليزعف عليا وما نبغيش نزعفه،
ليلة سعيدة للجميع

 

[همس الوُرود]

رد: آدم و حواء يتساألان (العدد الثاني)

سؤال :
ماهو راي حواء في آدم اللي يتقلش يعني يعيف بزااف
يشوف فار يزغب جلدو ولا يشوف شعرة من شعراتك يكره الماكلة ؟
​

عآدي يعآف من شعرة أو من الفآر ...

يعني حآجة شوية تقلق مي مش بزآف نظن​

 

[Hakan]

رد: آدم و حواء يتساألان (العدد الثاني)

مسآعدة حواء في أعمآل المنزل ~كيف تنظر إلى هآته الفكرة ؟؟

فكرة جهنمية من نوع ما نجملهاش
اخدمي وحدك
انا عليا انو برك ما نوسخش بزااف خخخ
​

 

[شاعرة الأمل]

رد: آدم و حواء يتساألان (العدد الثاني)

[SIZE=4


سؤال :
ماهو راي حواء في آدم اللي يتقلش يعني يعيف بزااف
يشوف فار يزغب جلدو ولا يشوف شعرة من شعراتك يكره الماكلة ؟[/SIZE]
​

يعني الامر شوية صعيب مع انو انا شخصيا نكره الفار
مي لازم نصبر على جالو لانو هو بابي للجنة ​

 

[همس الوُرود]

رد: آدم و حواء يتساألان (العدد الثاني)

عملتم عزيمة لأهلك

وطبخت زوجتك أنوآع كثيرة من الطعام~

وحينمآ شرعتم في الأكل وجدت أن مذاقه سيء كثييييرآ

مآذآ ستفعل؟؟ هل ستنقذ الموقف ؟؟ كيف؟....​

 

[Hakan]

رد: آدم و حواء يتساألان (العدد الثاني)

آدم يتقدملك
ويكون شعرو شايب
او بدون شعر مالغري صغير في السن ؟
​

 

[لؤلؤة قسنطينة]

رد: آدم و حواء يتساألان (العدد الثاني)

باينة المراة اللي تحس
بصح ما تنفخنيش باحاسيسها المرهفة منين ذاك لازم تتريقل خخ

سؤال :
ماهو راي حواء في آدم اللي يتقلش يعني يعيف بزااف
يشوف فار يزغب جلدو ولا يشوف شعرة من شعراتك يكره الماكلة ؟
​

واش لي يعيف بزاف هادي -_- انا قريب كي نشوف فار نربيه وهو يعيفلي هههه
درك كاين امور تتعاف صح ومايقدرش العبد يتحملها ولا يعاف من ناحية النظافة
بصح يشوف شعرتي يخلع علاه هادا شعري كوبرا ولا فيه الدود -_- ولا يحوسني نولي فرطاسة على جالو

سؤالي لآدم
هل آدم يفضل أول ابناءو يكون ذكر ولا انثى
ولماذا؟
​

 

["viola"]

رد: آدم و حواء يتساألان (العدد الثاني)

سؤال :
ماهو راي حواء في آدم اللي يتقلش يعني يعيف بزااف
يشوف فار يزغب جلدو ولا يشوف شعرة من شعراتك يكره الماكلة ؟
​

يعيف من شعرة نورمال بصح فار -_- ها شكون يقتلو مالا ..
نقتلو انا نورمال بصح نديرولو في وجهو -_- عندي مشكلة مع الراجل لي يخاف لازم يواجه مخاوفو معايا مكاش اللعب :d​

 

[Hakan]

رد: آدم و حواء يتساألان (العدد الثاني)

عملتم عزيمة لأهلك

وطبخت زوجتك أنوآع كثيرة من الطعام~

وحينمآ شرعتم في الأكل وجدت أن مذاقه سيء كثييييرآ

مآذآ ستفعل؟؟ هل ستنقذ الموقف ؟؟ كيف؟....​

ياودي اللي ماعجباتوش الماكلة نتاع مرتي يروح يخبط راسو على حيط
انا ناكلها ونزيد فوقها نشكر ونشكر زكارة في العديان
​

 

[Hakan]

رد: آدم و حواء يتساألان (العدد الثاني)

سؤالي لآدم
هل آدم يفضل أول ابناءو يكون ذكر ولا انثى
ولماذا؟
​

بعد ما شفت وحد الفيديو والله غير سخفت على طفلة

​

 

[لؤلؤة قسنطينة]

رد: آدم و حواء يتساألان (العدد الثاني)

آدم يتقدملك
ويكون شعرو شايب
او بدون شعر مالغري صغير في السن ؟

نديرلو شعر مستعار ولا نصبغهولو هههه
انا من رايي عادي اصلا لي شعرو شايب من عند ربي ولي فرطاس ولا حاب يفرطس روحو راهو حر
كي نلقاها انسان مثالي واش عندي في شعرو هههه

​

 

[شاعرة الأمل]

رد: آدم و حواء يتساألان (العدد الثاني)

آدم يتقدملك
ويكون شعرو شايب
او بدون شعر مالغري صغير في السن ؟
​

عادي جدا لأنو الراجل مش معيوب
اه بصح ماشي تدوها سخونة وتجيبولي واحد ماشي شباب خلاص الازم شوية​

 

[Hakan]

رد: آدم و حواء يتساألان (العدد الثاني)

هذا هو الفيديو اللي سخفني خخخخ تهبل الطفلة الله يرزقنا :

​

 

["viola"]

رد: آدم و حواء يتساألان (العدد الثاني)

آدم يتقدملك
ويكون شعرو شايب
او بدون شعر مالغري صغير في السن ؟
​

شعرو شايب عادي بالعكس كاين لي يطيح عليه كيما عماد سعدون خخخ لي ميعرفوش يروح يقوقلي :dيلبسلو مليح برك يعود يبان قاوري من بعيد خخخخ
معندوش شعر نقولو متنحش قاع الكاسكيطة حتان ندبرلو دوا عرب من عند ماني ههه​

 

[لاريمان]

رد: آدم و حواء يتساألان (العدد الثاني)


فريق حكيمم ستوري راهم في الاحتياط
وراهو في مواجهة شرسة مع فريق لؤلؤة وفيولا برافو عليك المفاومة

 

[شاعرة الأمل]

رد: آدم و حواء يتساألان (العدد الثاني)

يا آدم
تخطبلك يماك وحدة زينة وعاقلة ونتا تقبل وتتزوج وبعد الزواج تعرف انو عنها عيب في جسدها
تتقبل الوضع ام انك ترفض وتطلق ولا تقبل بصح توجور معقدها بيه ​