ماكياج المرأة من منظور أدم وحواء واش رايكم؟؟؟

[لاريمان]

رد: ماكياج المرأة من منظور أدم وحواء واش رايكم؟؟؟

السلام عليكم
شكرا اختي على الموضوع
والله كيما قالوها من المفروض تفوت عليك طفلة مدايرة شوي ماكياج لكن درك ماكياج مداير شوي طفلة هههه
بكري كانت المرأة كي تكتر تكحل برك وتخرج بصح درك او عرس خاص لي القفطان
انا والله نحير فيهم كيفاه عندهم الوقت يديرو هاد الخالوطة كامل، انا الصباح نوض عينيا منفوخين نغسل وجهي
بشوي صابون واربط الخيمار وازرب يعود يروح البيسن والشعب لاخر يجي على 8 هادا ماكياج وخيمار مربوط
بطريقة عصرية واللبسة كيفاه نبقى نشوف نحس روحي ماشي انثى هههههه
بصح الماكياج هادا فسد بناتنا ولي ماتقدرش من دارها بلا مادير ماكياج كومبلي يسمى عندها نقص في نفسيتها
وماش قانعة بروحها وبواش خلقها ربي على هادي في رمضان تلقاهم هاربين كي السرارقة غير باه مايتفضحوش
المهم موضوع طويل وعريض نروح للاسئلة مباشرة باه مانطولش عليك

حبيت نطرح سؤالي
-واش رايكم في السماح لبنات صغار يعملوا الماكياج؟
كيما قالها الاخ غير مسموح لا لي صغيرة ولا لي كبيرة راهي ولات المتزوجة تخرج من دار راجلها تقول رايحة لعرس

هل عمل الفتاة للماكياج باه تجذب انتباه الشباب؟
اكيد .. ومالا باه تحافظ على جمال الطبيعة هههه
انا نقولك لي نعجبو على وجه ماكياج حاطتو على وجهي هادا خطرة خلاف كي يلقى وحدة خلاف بالماكياج
يطيشني بكل سهولة مالا مانخربش وجهي على جال باه نرضي شخص وانا قادر نجبدو بأخلاقي ماش بألوان
المهرج ههه

واش راي الشباب في الفتاة الي تخرج بالماكياج؟
بين الفتاة على طبيعتها ولا بالماكياج وين يميل أدم؟
هاد الاسئلة خاطيني موجهة لآدم انا خلصت الاسئلة تاعي ههههه

شكرا اختي على الموضوع وربي يهدي هاد البنات لي ماش فاهمين بلي المرأة قد ما تحافظ على جمالها الطبيعي
قد ما تكون ي القمر نهار تحط شوي برك ماكياج ماش كيما درك تقول شياطين فوق الارض غير لي حاجبها
ملون وعينيها ملونين ربي يهديهم برك
تحياتي
​

وعليكم السلام اهلا بيك ختي
والله كفيتي ووفيتي وقست بزاف نقاط
رانا نتفقوا كامل على ان الجمال الطبيعي احسن بكثر
من التزواق الى بدعوا فيه الى حوايج تقدر تضربيها روحها
صحيت اختي على التحليل الجميل

 

[شمس الاصيل2]

رد: ماكياج المرأة من منظور أدم وحواء واش رايكم؟؟؟

السلام الماكياج اصلا موا د مضرة انا نستعملو في الاعراس برك ماكاش كيما الطبيعي

 

[ليليا مرام]

رد: ماكياج المرأة من منظور أدم وحواء واش رايكم؟؟؟

السلام عليكم اختي اهلا وسهلا نهارك مبروك ان شاء الله بحرت ههه
والله يا اختي شوفي قالك راجلك على ما تولفيه ووليدك على ما تربيه يعني انا الطفلة لما نلقاها عندها 14 سنة ودايرة قالدار المايكاج لمن لباباها وخاوتها لا حسيب ولا رقيب هنا واجب الام تعلمها الحشمة كنا صغار نلعبو بيه ونحبو الماكياج مي نشفى لما كبرنا حوالي 14 سنة نجربو نديرو كانت الام تزعف وتقولنا عيب لما تتزوجي ديري على روحك لراجلك كبرنا بيها وراني كبيرة والله ما نديرو فالزنقة محال الا عرس نروح هناك ونديرو فلاصال ونمحيه لما نخرج ما نديرش اطلاقا نخرج بوجهي صباح نغسل بالصابون وندير كريم على الشمس ونخرج وبرك ما نحبوش مي تلقاي بنات صغار راحين للمتوسطة ديرة في وجها لمن وتروح لوالديها للدار وعادي ومرات يهدر خوها ينوضو ليه فالدار خليها واش دخلك هنا الاهل هوما الملامين وبالاخص الام انت تنبهي بنتك تحشم منت خوها ومن باباها وتعرف انو مش لازم لما تولي بالغة هي حرة فنفسها
اما المتجلببات لا مش تتهمي فيهم ولا تهدري عليهم مي منطق متناقض الصراحة مرة فالبريد دخلت وحدة متجلببة ودايرة نقاب عينيها برك يبانو ياو عينيها يطيحو جمل دايرة العجب فيهم وماشاء الله نوزات عينيها يهبول وزادت الماكياج الراجل اللي يفوت يشوف فيها هنا منطق غريب يعني متدينة راكي جبت وراك عرش نتاع رجال غير بعينيك هنا اختي نقول اللوم فينا حنا وكل واحد وتربيتو الله يهدي الامهات ربي بنتك مليح لانو غدوة راح تولي ام وتتعلم منك كيفاه تربي بنتها
شكرا

 

[ارمي حمولك على الله]

رد: ماكياج المرأة من منظور أدم وحواء واش رايكم؟؟؟

الماكياج ما هو الا زينة للمرأة فقط ولا يعبر عن شيء آخر المهم ان تستعمله في الحلال اما ما نراه اليوم من كما قال احد الاخوة تشوفها تخلعك انما تقليدبعينيه بصح جاهل راهم اللي صنعوه يحوصو على الطبيعة ويستخدموه وقت الحاجة اما حنا شايفينو ضرورة ملحة وهذا يدل على عدم الثقة بالنفس ولكن واش رايكم؟
وحدة بلا ماكياج داخلة تشري يحقرها مول الحانوت ويزيد ليها في السومة عكس الاخرى لمزوقة
عقليات متخلفة من الرجال والنساء

 

[يونس قاسم]

رد: ماكياج المرأة من منظور أدم وحواء واش رايكم؟؟؟

السلام عليكم
واضح ومعروف خروج المراة بالماكياج حراااام
واش معناتها تخرج بالماكياج لجذب نظرة الشباب
اكيد العامل الاول يعود للوالدين التربية و نقص الدين
اكيد اي رجل يفضل المراة المحتشمة الطبيعية
شكرا لك

 

[لاريمان]

رد: ماكياج المرأة من منظور أدم وحواء واش رايكم؟؟؟

السلام الماكياج اصلا موا د مضرة انا نستعملو في الاعراس برك ماكاش كيما الطبيعي

وعليكم السلام
صدقت هو مواد ضارة وتلقايه بريمي وحتى الرخيص
صح الطبيعي اجمل
شكرا حبيبتي على الرد

 

[لاريمان]

رد: ماكياج المرأة من منظور أدم وحواء واش رايكم؟؟؟

السلام عليكم اختي اهلا وسهلا نهارك مبروك ان شاء الله بحرت ههه
والله يا اختي شوفي قالك راجلك على ما تولفيه ووليدك على ما تربيه يعني انا الطفلة لما نلقاها عندها 14 سنة ودايرة قالدار المايكاج لمن لباباها وخاوتها لا حسيب ولا رقيب هنا واجب الام تعلمها الحشمة كنا صغار نلعبو بيه ونحبو الماكياج مي نشفى لما كبرنا حوالي 14 سنة نجربو نديرو كانت الام تزعف وتقولنا عيب لما تتزوجي ديري على روحك لراجلك كبرنا بيها وراني كبيرة والله ما نديرو فالزنقة محال الا عرس نروح هناك ونديرو فلاصال ونمحيه لما نخرج ما نديرش اطلاقا نخرج بوجهي صباح نغسل بالصابون وندير كريم على الشمس ونخرج وبرك ما نحبوش مي تلقاي بنات صغار راحين للمتوسطة ديرة في وجها لمن وتروح لوالديها للدار وعادي ومرات يهدر خوها ينوضو ليه فالدار خليها واش دخلك هنا الاهل هوما الملامين وبالاخص الام انت تنبهي بنتك تحشم منت خوها ومن باباها وتعرف انو مش لازم لما تولي بالغة هي حرة فنفسها
اما المتجلببات لا مش تتهمي فيهم ولا تهدري عليهم مي منطق متناقض الصراحة مرة فالبريد دخلت وحدة متجلببة ودايرة نقاب عينيها برك يبانو ياو عينيها يطيحو جمل دايرة العجب فيهم وماشاء الله نوزات عينيها يهبول وزادت الماكياج الراجل اللي يفوت يشوف فيها هنا منطق غريب يعني متدينة راكي جبت وراك عرش نتاع رجال غير بعينيك هنا اختي نقول اللوم فينا حنا وكل واحد وتربيتو الله يهدي الامهات ربي بنتك مليح لانو غدوة راح تولي ام وتتعلم منك كيفاه تربي بنتها
شكرا

وعليم السلام ههههه لا بحرلاوالو غير من بعيد
كلامك مليح اختي انا ناكد عل البنت الصغيرة من المروض تتربى على حوايج ارقى ميش
العري واماكياج وبعدما تتمرد ويحبو نحيوهم تكون خلاص كبرت وميقدروش عليها
رانا معاك ليلياومع الجمال الطبيعي
تعيشي اختي ربي يشفيك
​

 

[لاريمان]

رد: ماكياج المرأة من منظور أدم وحواء واش رايكم؟؟؟

الماكياج ما هو الا زينة للمرأة فقط ولا يعبر عن شيء آخر المهم ان تستعمله في الحلال اما ما نراه اليوم من كما قال احد الاخوة تشوفها تخلعك انما تقليدبعينيه بصح جاهل راهم اللي صنعوه يحوصو على الطبيعة ويستخدموه وقت الحاجة اما حنا شايفينو ضرورة ملحة وهذا يدل على عدم الثقة بالنفس ولكن واش رايكم؟
وحدة بلا ماكياج داخلة تشري يحقرها مول الحانوت ويزيد ليها في السومة عكس الاخرى لمزوقة
عقليات متخلفة من الرجال والنساء

اهلا بيك ختي
صح واش قلت اختي راهو مبالغ فيه بحيث تختفي ملامحها الطبيعية تاعها
اما ذا النوع من الرجال ربي يهديهم كاين هاد العينة
تعيشي على الرد

 

[لاريمان]

رد: ماكياج المرأة من منظور أدم وحواء واش رايكم؟؟؟

السلام عليكم
واضح ومعروف خروج المراة بالماكياج حراااام
واش معناتها تخرج بالماكياج لجذب نظرة الشباب
اكيد العامل الاول يعود للوالدين التربية و نقص الدين
اكيد اي رجل يفضل المراة المحتشمة الطبيعية
شكرا لك

وعليكم السلام
راك لخصت اموضوع اخي
وهذا كامل يرجع للتربية ما الوازع الديني راهو ناقص بزاف
اشكرك خويا عل التعليق والمرور بالموضوع