يجيحوا فالنسا -_-

["viola"]

رد: يجيحوا فالنسا -_-

كلمة واحدة
يجيحو فالنسا عيني عينك طول

هذيك هي ..لافوت تاعهم مش تاعنا مالا خخخ:p:p
مرسي عليك يونس ​

 

["viola"]

رد: يجيحوا فالنسا -_-

شكرا لكي حبيبتي فيولا على هذا الموضوع ،رغم أني لم أشاهد هذا الإشهار الذي تكلمت عنه لأني لا أشاهد التلفاز الا نادرا، نرفزني و أحزنني لما آلت اليه بعض العينات ، رأيي بكل بساطة أن من صنع هذا المنتوج جااااايح و اللي باعو جاااااايح و المرأة اللي تروح تشريه أجيح منهم في زوج .
تقبلي مروري تحياتي لكي حبيبتي .​

تهنيتي و الله
الجياحة راها تكبر و تزيد فالاشهارات تاوعنا..
و المرا لي تشريه كيما قلتي فاتت الجياح بشوية
مشكورة على المرور الزين ..مرسييي
​

 

["viola"]

رد: يجيحوا فالنسا -_-

صباح الخير
كي صبحتي

صباح النور خخخ لاباس سخنت قهوة تاع صومام راني هايلة :p

نبان منيش عايشة معاكم تالمو جامي تفرجت فهذو الشروق والنهار .واصلا نحيتهم من التيلي ^^

تهنيتي

اكي قلتيها يجيحوا فالنسا مباعد كي يجيو يخطبوا يحوسو على وحدة كل صبع بصنعة

اي بصح المهبولة برك لي تشريها -_-

مي تبغي الصح مليحة هاذ العفسة للعباد اللي الضياف ميحبسوش عندهم (كيما حالتي -_- )

خخخخ يا ويلي تبهديلة

تحياتي

صحيتي الباتنية
نورتي ​

 

["viola"]

رد: يجيحوا فالنسا -_-

السلام عليككم
ههههه دوختيني ، و زعما صح دارو بيبليسيتي كيما هذي
انا و الله ما شفتها و ماظنيتش نشوفها
بصح زعما تجيني نورمال ، مش باه تشري لا باه تبيعي
ايوا الي يصنعها تجيه نورمال ضوك عارف النسا كيما قلتي جياحو و تقولك جيت مالخدمة راني فابل
ابا هو يروح يصنعلها هذي و يسترزق على روحو

و عليكم السلاام
هههه جديد هذا الاشهار غير كيما خرج مالكوشة :p
بصح هوما لي يجيحو فيهم يديرولهم منتوجات كيما هاك كلش واجد تقولك علاه نعيي روحي
الله يهدي و صايي
شكراا ختي صحيت



​

 

["viola"]

رد: يجيحوا فالنسا -_-

ouii hhhhhh sah cheftouu

kima 9al lmtal

mn 9bil sidi mliih w zadou lhwa w rih hhhhhh

ههههه فوالا ..نتي لقيتيها
طيح عليها ثان تاع قهوة موح شرب و روح خخخ -_- قهوة موح ثقيلة عليها وقيل
ثانكيو توري ​

 

[قرصان الساحل]

رد: يجيحوا فالنسا -_-

صحا على هادي اشتقوا النسا عبارتهم المشهورة "او كاين كلش في السوق"
ايه اني نشوف كاين كلش وانت جايبك مزهرية ورد مبهي بيك الدار ولا انت بنة الطعام نشريه من السوق خاصني نشوف معاك باه تجي البنة اخخخ
ايه هدا هو وقت سخن وكول حتى شوي شوي كلمة سخن تولي صعيبة يولو هاد النسا يحبو كول ديراكت
تبا اننا نعيش في جيل مغشوش سيرتو دوك ولا الطعام المحمصة ولا العيش الكسرة كلش يجي واجد لهذا قررت نعيش حياتي بالسنيكرز ما نجيب معصبة الراس ما تلقى كلش واجد
صحيتي على الموضوع ولو من لول حسبتو يحكي على فالنسيا كون عرفتها حكاية نسا ما نجيش خلاص اخخخ حاب نتعرف ... ههه طيط طيط لقد تم اختراقك
​

 

[SOFIANE020]

رد: يجيحوا فالنسا -_-

سلام عليكم
ههههه فيولا علاه علاه
والله العجب كي ولات في قهوة حليب تان خربت
باقي غير نزوجو بروبوات صنع صيني
وكي يزيد عندك طفل سميه غرندايزر هههههه

 

["viola"]

رد: يجيحوا فالنسا -_-

اهلا بك الكابتن جاك ..هاذي غيبة اخيي على سلامتك علابيها اللمة ليوم شعلو الضو انا قلت سلكو التريسيتي خخخ:d

صحا على هادي اشتقوا النسا عبارتهم المشهورة "او كاين كلش في السوق"

ايوة و عبارات اخرى لا تزال محلا للجدل :p

ايه اني نشوف كاين كلش وانت جايبك مزهرية ورد مبهي بيك الدار ولا انت بنة الطعام نشريه من السوق خاصني نشوف معاك باه تجي البنة اخخخ

ههههه هاو بنة مش بنة وا :tongue02:

ايه هدا هو وقت سخن وكول حتى شوي شوي كلمة سخن تولي صعيبة يولو هاد النسا يحبو كول ديراكت

و الله العظيم علاه تسخن خخخ ..ديجا الغلطة تاعهم نورمالمون يديرو حل

تبا اننا نعيش في جيل مغشوش سيرتو دوك ولا الطعام المحمصة ولا العيش الكسرة كلش يجي واجد لهذا قررت نعيش حياتي بالسنيكرز ما نجيب معصبة الراس ما تلقى كلش واجد

انت مو انت و انت جيعان :d ..ريح هاك خير ههه

صحيتي على الموضوع ولو من لول حسبتو يحكي على فالنسيا كون عرفتها حكاية نسا ما نجيش خلاص اخخخ حاب نتعرف ... ههه طيط طيط لقد تم اختراقك
​

ههههههههههههههههههههههه

صحيت هشام خويا و مرحبا بعودتك


​

 

["viola"]

رد: يجيحوا فالنسا -_-

سلام عليكم
ههههه فيولا علاه علاه
والله العجب كي ولات في قهوة حليب تان خربت
باقي غير نزوجو بروبوات صنع صيني
وكي يزيد عندك طفل سميه غرندايزر هههههه

و عليكم السلاام اهلا سفياان ...
ههههه روح نتا قلتلهم ريحو كيما راكم هههه معييتهمش قااع هههه
اصبر اصبر كي ولات هاك حنا نقعدو نتحساو القهوة وقيل :p:p
شكرا خيي نورت ​

 

[Skor m@k]

رد: يجيحوا فالنسا -_-

السلام عليكم
اهلا فيوليتا واش راكي مزالكي ماتفاهمتيش مع لبحر خخخخ
هنا تعجبوني كي تمنشرو في. روحكم ههههه
نبغي نخزر غير ملبعيد ههههه
حنا فالدار بابا لو مايشوفش البقراج فوق النار وريحت القهوى تغزو المكان ههه
يجري مور يما بالبشماق كيما تقول عبير خخخخ
صح ضرك ولاو يشرو ملش واجد على كل حال البيبليسيتي لي هدرتي عليها ماشفتهاش
مي كي نروح لدار ماني مولاوش يطيبو القهوة هناك يشرو كيما لي هدرتي عليها
ختي فنيانه هي لي ولفتهم يشروها في دار ماني
خليها برك قريب تزوج ممبعد نشوفو راجلها الى طيبلو ولا تشري الواجدا خخخخ
على كل حال انا مانشربش القهوة كامل ماعنديش مشكل يطيبوها ولا يشروها واجدا
هي صح رجعو النسا كامل فنيانات كل حاجا ولات تتباع واجدا
تقدر متزوجش كامل هههههه نتمسخر برك نتزوج خخخخ
هي مليحة هذي لعفايس كي تكون لمرا والراجل خدامين تنقس عليهم بزاف وقت
مي ننصحك بلاكي يشوفوك لعجايز شريتيها هذي القهوة والله غير يحرو موراك خخخخخ
يقولك علاه يديك مكسرين يا وجه البق ههههه
بصح مكاش كيما لي تقول وبنتها هايلا هههه
مالgرري تعيي البيبليسيتي بصح تقدش شويا النسا بالطياب ههههه
وعدتك نولي يك ما طولتش اخ اخ اخ
شووووكرا بوووزاف هاذي تاع بثينة لي تزوجت ومقلتناش خخخخ​

 

["viola"]

رد: يجيحوا فالنسا -_-

السلام عليكم

و عليكم السلاام

اهلا فيوليتا واش راكي مزالكي ماتفاهمتيش مع لبحر خخخخ

والو هههه كلاتنا السمش خخخخ

هنا تعجبوني كي تمنشرو في. روحكم ههههه
نبغي نخزر غير ملبعيد ههههه

ههههههههه علابالي جيب الماييز وريح تفرج :p

حنا فالدار بابا لو مايشوفش البقراج فوق النار وريحت القهوى تغزو المكان ههه
يجري مور يما بالبشماق كيما تقول عبير خخخخ

هههه هاو لاازم سيرتو كي تطلع الpراس و تبدا دير فهذاك الصوت المرعب بخبخبخبخ :d لوشاغم :p

صح ضرك ولاو يشرو ملش واجد على كل حال البيبليسيتي لي هدرتي عليها ماشفتهاش
مي كي نروح لدار ماني مولاوش يطيبو القهوة هناك يشرو كيما لي هدرتي عليها
ختي فنيانه هي لي ولفتهم يشروها في دار ماني
خليها برك قريب تزوج ممبعد نشوفو راجلها الى طيبلو ولا تشري الواجدا خخخخ

هههه لي فيه طبيعة ما ينساهاا ....مسكين توخذ يشبع صومام و بلااط حتى يقول فيكس خخخ

على كل حال انا مانشربش القهوة كامل ماعنديش مشكل يطيبوها ولا يشروها واجدا
هي صح رجعو النسا كامل فنيانات كل حاجا ولات تتباع واجدا
تقدر متزوجش كامل هههههه نتمسخر برك نتزوج خخخخ

ههههه الزواج متلعبولوش ..بالاك برك تقولك بوكاهانتس تاعك اني عيانة تجيبلك الاطباق الجاهزة ترهجك ي محاينك :p:p

هي مليحة هذي لعفايس كي تكون لمرا والراجل خدامين تنقس عليهم بزاف وقت

وشمن مليحة يا مالك خويا و الله الرهج اونباغصون حطوه في كرطونة ..و ديجا قهوة وش يعطل انا ندير في خيماري و هي تطلع وحدها راح ننسف عليها مثلا ..
ولفوهم الجياح برك -_-

مي ننصحك بلاكي يشوفوك لعجايز شريتيها هذي القهوة والله غير يحرو موراك خخخخخ
يقولك علاه يديك مكسرين يا وجه البق ههههه

هههه اوااه مهما خذلتني الحياة منشريش قهوة في باطة :down: انا تاع الفوايي نعيفها ..

بصح مكاش كيما لي تقول وبنتها هايلا هههه
مالgرري تعيي البيبليسيتي بصح تقدش شويا النسا بالطياب ههههه

هههههه لالا هاذيك قاع وشوي ..معوجة لحناك دارت حسابهاا :p:p

وعدتك نولي يك ما طولتش اخ اخ اخ
شووووكرا بوووزاف هاذي تاع بثينة لي تزوجت ومقلتناش خخخخ​

ياااا كون موليتش تشووف ..ستكون نهايتك السعيدة :tongue02: نورمالمون راك بيان ضركا :up:
هههه العفو ..ربي يهنيها علاه تقولك باه تعينها :p:p
يعطيك الصحة مليكو ..نورت
​

 

[بشرى ملاك]

رد: يجيحوا فالنسا -_-

السلاام عليكم و رحمة الله

وشراكم خاوتي الأفارقة صافا ؟؟

توحشتكم خخخ نخرط برك اصلا وين رحت حتى نتوحشكم ياك راني كل يوم هنا -_-

نسيت علاه جيت :-o ...

ايه صاي اني تفكرت :p:p

الموهييييييم قبيلا كنت مريحة مع ماما كانت تتفرج فالنهار و لا الشروق و الله معلابالي كنت مبرونشيا مع الفيس ندير فالجماجيم على توفيق مخلوفي خخخ

الموهيييم انا قاعدة في رحمة ربي حتى قاتلي ماما هاو البيبليسيتي لي قتلك عليه ..

انا مع رفعت عينيا ..مصرالي والو متخافوش خخخ مخي تفعص برك -_-

نلقاهم حاطين قهوة حليب في كرطونة :-o ياو قالك سخن و اشرب :-o:-o

يا للهول :s قهوة ثان بطلتو طيبوا ؟؟؟

يعني مش تبهديلة المرا جايينها ضياف.. pراس يا عجبة ما اطلعهاش :s قهوة حليب يشروها مالسوق ؟؟ ها شوية

قالك بلاط سخن و كول مع الأطباق الجاهزة فيها الشطيطحة و اللوبيا في باطة قلنا معليش ؟

الفنيانة تروح تشري زوج باطات و تسخنهم و ترهجهم ..بصح متقدرش تنوض دير قهوة ؟؟

هنا افتحولي الباب خلوني نخرج نحسب النجوم -_-

يجيحو فالنسا عيني عينك طول :down::down:

ولا وش قال الخاوة ؟؟؟؟

إليكم الخط

​

يديرو لي يديروه صوا بلاط ولا قهوة ولا حتى كسكس واجد وما يخدموهمش كيما تخدمهم المرا لي كلش ديرها من قلبها وهاد القهوة ضحكتني نتاع الصح لوكان قاع مليحة في ميزك دجي كيما لي طيبيها فالدار وريحتها تقلب قاع لا سيتي :down: ما شكيتش مكانش كيما لفري نتاع الدار

 

["viola"]

رد: يجيحوا فالنسا -_-

يديرو لي يديروه صوا بلاط ولا قهوة ولا حتى كسكس واجد وما يخدموهمش كيما تخدمهم المرا لي كلش ديرها من قلبها وهاد القهوة ضحكتني نتاع الصح لوكان قاع مليحة في ميزك دجي كيما لي طيبيها فالدار وريحتها تقلب قاع لا سيتي :down: ما شكيتش مكانش كيما لفري نتاع الدار

تاع الصح مكانش قد ماكلة الدار نقية و حلوة الله الله خيرمن الرهج تاع الباطاات
يعطيك الصحة ختي ​

 

[cosette]

رد: يجيحوا فالنسا -_-

آسلآم عليكي آختي إيمـآن
شفتي يـآلغآلية آلتبهدآيل نتآع آلإشهآرآت؟:s:-o
حقـآ مضحكة وفي نفس آلوقت تحس بآلغبآء ..
كـيـفآش قهوة وحلــيب في علب؟:s:-o
حـنآ عندنآ في آلمنزل ومـآنديروهـآ لآ في فريجيدآر لآ في بوآيط
تبهديل..
سكتنآ عليــهآ مي حتى آلنآس مآيعرفوش يديروهآ؟:-o
إنتي تدخل عليك ضيفة قبآلة تقلك لآزم قهوة وحليب؟ تمسخير وجيآحة ونقص عقـل
ونتآع بلآط هه تبهديل كحــل خلي وخلي


آنآ مآنآمنش بيهم ومآنشريهمش

تبهديل وجيآحة ونقص عقل


شكرآ آختي موضوع رآقي
..جميل

​

 

["viola"]

رد: يجيحوا فالنسا -_-

آسلآم عليكي آختي إيمـآن

و عليكم السلاام اهلا خيتو

شفتي يـآلغآلية آلتبهدآيل نتآع آلإشهآرآت؟:s:-o
حقـآ مضحكة وفي نفس آلوقت تحس بآلغبآء ..

و الله سياسة الاستحمار في روحها .تبهليل كبير

كـيـفآش قهوة وحلــيب في علب؟:s:-o
حـنآ عندنآ في آلمنزل ومـآنديروهـآ لآ في فريجيدآر لآ في بوآيط
تبهديل..

ايه اصلا تخسر ..هام دايرين المواد الحافظة ههه كاش ظفر تاع حلوف :down::down: عععع

سكتنآ عليــهآ مي حتى آلنآس مآيعرفوش يديروهآ؟:-o
إنتي تدخل عليك ضيفة قبآلة تقلك لآزم قهوة وحليب؟ تمسخير وجيآحة ونقص عقـل
ونتآع بلآط هه تبهديل كحــل خلي وخلي

خخخ قاتلها راكي عارفة قهوة لعشية لازم خخخخ جاية تتشرط

آنآ مآنآمنش بيهم ومآنشريهمش

تبهديل وجيآحة ونقص عقل

اكيد و باين مش بنينة :p:p

شكرآ آختي موضوع رآقي
..جميل

​

مشكورة ختيتي مرورك ارقى
نورتي ​

 

[hadil2044]

رد: يجيحوا فالنسا -_-

ايه شوفتو الاشهر متت بالضحك
مالا دخل خويا بيها قاللنا هاكو جربوها هههههههههه

ذقتها ما عجبتنيش فيها طعم كابتشينو
​

 

["viola"]

رد: يجيحوا فالنسا -_-

ايه شوفتو الاشهر متت بالضحك
مالا دخل خويا بيها قاللنا هاكو جربوها هههههههههه

ذقتها ما عجبتنيش فيها طعم كابتشينو
​

هههه خوك سخفوه ههه
ايا مزية كي كابوتشينو مش حاجة اخرى خخخ
صحيتي ​

 

[Hakan]

رد: يجيحوا فالنسا -_-

شفتو هذ الاشهار وعجبتني صراحة الطفلة نتاع الاشهار اللي تجيب القهوة
خخخخ زوجة صالحة ياعمري لقات حل لراجلها مسكين
الباطة ما نعرف شحال تسوى وقيلا 140 دج
ولوكان نقارنو بينها وبين مصروف نتاع حماية قهوة
نتاع الدار نلقاو بيناتهم تقريبا 80 دج خسارة
وهنا نعرفو انو ماهيش زوجة صاالحة خخخ
المهم هذي تنفعني انا شخصيا زعما كي نكونو في الجامعة لانو القهاوي
نتاع المقاهي يعيفو
شكرا فيوليتا
والنسا راهم جياحو ياحسراه منين عادت تشري الماشينا نتاع العجين
​

 

[باتنية و نص]

رد: يجيحوا فالنسا -_-

شفتو هذ الاشهار وعجبتني صراحة الطفلة نتاع الاشهار اللي تجيب القهوة
خخخخ زوجة صالحة ياعمري لقات حل لراجلها مسكين
الباطة ما نعرف شحال تسوى وقيلا 140 دج
ولوكان نقارنو بينها وبين مصروف نتاع حماية قهوة
نتاع الدار نلقاو بيناتهم تقريبا 80 دج خسارة
وهنا نعرفو انو ماهيش زوجة صاالحة خخخ
المهم هذي تنفعني انا شخصيا زعما كي نكونو في الجامعة لانو القهاوي
نتاع المقاهي يعيفو
شكرا فيوليتا
والنسا راهم جياحو ياحسراه منين عادت تشري الماشينا نتاع العجين
​

عندك الحق تهدر هاك
خاطر مجربتش الكوزينة فالصيف
الامام تع الجامع تعنا خصص خطبة يحكي فيهاعلى معاناة المرأة الجزائرية في الصيف
قالهم نرفعلهم القبعة ..انا شخصيا في بلاصتهم منقدرش نحمل

 

[Hakan]

رد: يجيحوا فالنسا -_-

عندك الحق تهدر هاك
خاطر مجربتش الكوزينة فالصيف
الامام تع الجامع تعنا خصص خطبة يحكي فيهاعلى معاناة المرأة الجزائرية في الصيف
قالهم نرفعلهم القبعة ..انا شخصيا في بلاصتهم منقدرش نحمل

ياي هذي راهي قهوة +حليب
ختي الصغيرة عمرها 10 سنين تعرف طيبها
وانا نطيبها خير من ختي الصغيرة خخخ
ماهيش شخشوخة ولا طعام ولا حاجة نتاع 2 سوايع
المهم مادام المراة الجزائرية ماراهيش دموندي على خدامة في الدار
من الفيتنام كامل رانا لابااس
والامام نتاعكم شكيت حاب يدخل للكوزينة وحشم خخخ علابيها دارلكم خطيبة
نقصر برك :down:
​