السلام عليكم
لا حول ولا قوة إلا بالله
ربي يشفيك ان شاء الله خويا وربي يعافيك
والله يا اخي الحمد لله على واش عطانا ربي والمومن مصاب
وكيما قالو الاخوة قبلي السكري مرض العصر وتتقدر تتعامل معاه ان شاء الله
تبع واش يقول الطبيب وتبع ريجيم مناسب وزيد المشي مليح ليك صدقني رايح تنسى من الاصل انو عندك سكري
انا جدي 80 سنة منظم ماكلتو ويمشي بزاف صدقني السكري ماقدرش عليه
قريب يستغني على الدوا نهائيا مالا يا اخي ماكانش حاجة تخوف بإذن المولى
انا ماما راهي سكري وقلب بزوج عمليات عليه ولاطونسيو وساعات لانيمي وبزاف امراض والحمد لله
مالا ماتخلع روحك ماتخلع عايلتك رايح تشفى بإذن المولى
وهادا ابتلاء من المولى عز وجل كن ماجا يحبك ما يبتليك
ربي يخفف عليك ان شاء الله
الله يبارك هذيك لحلاوة كاامل اللي فيك وزادولك السكر خخ معليه
ترجع عسل يا عسل هههه
راني غير نضحك فيك باش تخرج من واش راك فيه
باكو صراحة مارايحش تكون كيما انا
ربي يهنيك خويا ويشافينا اجمعين
سلام عليكم خويا
قدر الله وماشاء فعله
معليه الحمد لله كي جات سكري ومش حاجة اخرى صعيبة
يعني تقدر بشوية يمات وتوالف كيفاه تتعامل مع هذا المرض واتبع وش يقولك طبيب
وديجا العلم راه يتطور تفاءل بالخير وان شاء الله الشفاء العاجل يارب
طهور ان شاء الله ...الله هو الشافي ...
السلام عليك أخي
--
حفظك الله من كلّ شر .. عليك بالدعاء أولا و قبل كل شيء
ثم :
أول ما يمكن أن أقوله لك يا أخ هو أن لا تستسلم
ليكن في علمك أن ذلك التحليل المخبري أعطاك النتائج بخصوص مستويات السكر لديك في الدم و ربّما نسب لمكوّنات أخرى كمستوى الأنسولين الطبيعي .. و لكن المخبر لا يمكن الجزم 100 بـ 100 الإصابة بالمرض .. فإنني أعرف أشخاصا مرّوا بنفس المراحل و لكن في الحقيقة كانت عابرة ، حيث عانوا من إرتفاع السكر و حتى التحاليل المخبرية صنفتهم مرضى بالسكر ، إلاّ أنهم إستدركوا الوضع بسرعة بتحفيز الجسم بالرياضة و الحركة و النشاط الدائمين مع التوقف تماما عن إستهلاك المواد الضارة و أوّلها التدخين و المشروبات الغازية و الأغذية المحفوظة و التي تدخل فيها المحسنات و الملونات و الأذواق الصناعية كأنواع المرطّبات من كعك و زلابية .. أضف إلى ذلك يجب الإنقاص الكبير في إستهلاك العجائن .. هذا و قد خفّظوا كمية الإستهلاك الغذائي إلى ما يقارب النصف كرجيم لإجتناب إغراق الجسم و إتعابه بالفائض الطاقوي الذي يسبب السمنة .. و عوّضوا ذلك بالأغذية النباتية كالخضر مثل السلطات و بعض الفواكه ، أيضا من المفيد عدم إستهلاك اللحوم بأنواعها .. إلى جانب تفادي أجواء التوتر و القلق دون أن ننسى ذكر للمرّة الثانية الحركة و النشاط كالرياضة الخفيفة أو على الأقل المشي لمسافات تعوّض النقص في الرياضة .. و ربمّا أيضا الإستعانة بعلاج نباتي طبيعي و لكن موثوق ، إلاّ أن الأساس في العلاج هو ما قلته قبل من دعاء ثم ريجيم و رياضة و إجتناب التوتر.
--
لقد ذكرت لك كل هذا من الواقع كي تفهم جيّدا أن التحاليل المخبرية ليست جزما نهائيا بإصابتك بالمرض بل يمكن جدّا أن تكون فقط أعراض مشابهة لحالات تصيب الجسم من فرط الإجهاد و التعب و التوتر العصبي و الإفراط في الأكل الضار مع غياب الرياضة.
إن لك أملا كبيرا لإستدراك الوضعية و إرجاع الوضع الطبيعي لجسمك و لأعضاءك الحيوية خاصة بالنظر إلى عمرك الذي هو مرحلة الشباب (أي أن الجسم مازالت لديه الكفاءة و القدرة على الإستجابة لبرنامج التحفيز المذكور) إلى جانب أن الأمر على العموم هو في بدايته .. لهذا عليك البدء في الإستدراك قبل أن يستسلم جسمك لتلك الأعراض و تصبح حالة مرضية حقيقية.
--
كنصيحة أخري إذا لم تتمكن من ممارسة الرياضة خارج المنزل يمكنك أن تقتني جهاز المشي الكهربائي tapis de course
المهم عدم الإستسلام و البدء في أقرب وقت و الله المستعان.
السلام خويا شوف انا والدي ماعندوش بزاف ملي مرض بيه انهار و صرى فيه العجب راني حاسة بيك قل الحمد لله برك راهم يقولو انو كاين علاج ليه اخترعو جزائري وراه قريب يخرج للاسواق والمهم الحمية لي يقولهالك الطبيب ديرها والرياضة خاصة مانوصيكش عليها وغذاء الرسول صلى الله عليه وسلم الكابويا او اليقطين هايلة للصحة ورد بالك من الاعشاب والتيزانات خاطر يهبطو السكر ويديرو حاجات وخدريين و الاعشاب راهم صعاب اخي طمنا عليك ربي يشفيك اخي
لا تقلق اخي محمد الامين مرض السكمري اصبخ يسمى مرض العصر
تقريبا الكثير والكثير مصابين به والله لا امر عادي يا اخي لا تقلق ولا تحزن
قدر الله ما شاء فعله والله غير تلقى اطفال يزيد هذا المرض معاهم
والحمد لله اليوم راهم لقاولوا دواه باذن الله يشفي جميع المصابين
ما عليا الا ان اقول الله ربي يشفيك ويعافيك
السلام عليك
قل لن يصيبنا إلا ما كتب الله لنا
هذا قدر الله فلسنا نحن من نعطي و نأخذ
و الأعمار بيد الله متعرف لا فيا و لا فيك
خليك قوي خويا محمد و ربي يشفيك و يعافيك و إن شاء الله تشوف اسلام عريس و تشوف ولاده
السلام عليكم اخي الامين اهلا وسهلا
والله اخي عذرا لاني لم اسال عنك لانني كنا غائبة
خويا الامين استغفر الله واشكره واحمدو كل شي منو مرحبا بيه حنا عباد الله منو وفيه يبلينا بالمرض ويشفينا ويمتحن صبرنا السكري مرض من امراض قدرها الله لينا
اول ي انت لازم تحمد ربي وتكون فرحان لاتو المريض مقرب ومحبب عند الله وانت تعرف وضعي الصحي وعارف واش راني نعاني والف الف الحمد لله ليك يا ربي لانك مريض دعوتك مستجابة الي حاب يقرب من ربي يزور المريض لانو ربي يكون عندو والحسنات والاجر اضعاف للمريض لما يصبر شفت كيفاه رانا في نعمة
تبقى نفسيتك ومعنوياتك انت تتحكم فيهم ساعف روحك حتى تبرا ودير الكوراج وارمي كل شي وراك وعارفة القلق عارفة اوضاعك هي وصلاتك لهذي مي خمم فاسلام وعائلتك وكل شي يهون يا رب
ما راحش ننساك بالدعاء لازم تكون صابر وتحمد ربي وهو القادر يقول كن فيكون وكيما جاك السكري صدفة ربي يشفيك بلمحة بصر
