هل تقبلين هذا الشيئ من زوجك

[خديجة ph]

رد: هل تقبلين هذا الشيئ من زوجك

السلام عليكم اخوتي
اختي حقيقة موقف صعب . لو جيتي للعقل رح يقلك ما كانش شك انه يخونها و خاصة انه خانها قبلا لكن اختي السؤال الحقيقي هو ماذا ستعمل بعد هذا يعني راها تاكدت انه يخونها ما العمل ؟ الجواب هو : لا شيء تغضب يوم و يومين و شهر و و عام و يقلها سامحيني ولن اعيدها و راهو مجرد كلام في تلفون و عدات و الناس يغلطوها و يقولولها لازم ترجعي و ترجع و يرجع هو لعادته القديمة ولن تعرف ابدا ان كانت العلاقة تتطور او انه يعقب وقت فقط
الحل برأيي انها تتذكر ان ربها و ربه الله و رب ايضا هذو البنات اللي يحكي معاهم وانه هو خلق القلوب وهوسبحانه وحده ممسك بزمامها فتتوقف عن البحث وراءه و تتجه الى خالقها و تقولو ربي قد عجزت عن حل هذا المشكل و اوكلته اليك سبحانك و تدعي لزوجها بالهداية صدقيني رح تحس براحة نفسية ولا تامل انها تسيطر عليه او تتحكم في قلبه بل تسعى جاهدة لنيل رضاه و التقرب منه اما عن قلبه فهو ملك ربه و هو سبحانه الوحيد مقلب القلوب

 

[Mademoiselle carbone]

رد: هل تقبلين هذا الشيئ من زوجك

اي تصرف ميعجبش راجلك لازم تتجنبي هذاك التصرف حفاظا على علاقتكم سينو والله ميصرا خير الا اذا كان يطلب منك معصية هنا راني معاك متسمعيلوش و تحاولي تفهميه بالشوية
شوفو نقولكم حاجة ياك هاذ سائل التكنولوجية كيما البورتابل و الانترنت و مواقع التواصل الاجتماعي خربت بزاااااف بيوت و كانت سبة في طلاق بزااف ازواج على هاذي في رايي المرأة تقدر ترجع بيتها جنة و اذا حبت ترجو نار ترجو الاهم شيء متروحش تحوس على السبايب والله يتفتحوا مشاكل كبار و الشيطان لعنة الله عليه ميصدق بلاك بلاك تلعبي بروحك
اصلا انتي داخلة لذارك مع راجلك المهم المودة و الرحمة بيناتكم و حاجة اخرى مدخليش روحك يا جماعة تهلاو في بيوتكم متحاولوش تتسبو على رواحكم و تجيبوها في عشكم كيما يقولو
في امان الله

 

[البحر الهادي]

رد: هل تقبلين هذا الشيئ من زوجك

أمر عادي
تدخل وتشوفه وتخرب كيما تحب
أنا نظن بلي كاين شيء يخبيه عليها مايحبش شخص يمسله هاتفه
قالك لي يخاف من النار فقط لي في كرشه التبن

 

[ام حوحو]

رد: هل تقبلين هذا الشيئ من زوجك

والله الراجل كي يكون صادق مع زوجتو وماراه مداير حتى حاجة الي تخليه يحرس على الموبايل انتاعو حرص شديد انا في نظري هذا الشي راح يزيد يعزز ثقة الزوجة بيه وراح يخلي الزوجة مطمئنة من كل اي شك يخطر في بالها وهذا في نفس الوقت راح يخليها ما تمسش اغراضوا الشخصية دسة عليه انا نهدر على تجربتي زوجي عمرو ما خبذ عليا واش كاين في البورتابل حتى ساعات يخرج ويخليهلي نكلم بيه عايلتي دون انو يتخوف من اي شيء وهذا يخليني مدايرة ثقة كاملة فيه وشي عادي انو كل من الطرفين يمس اشياء الطرف الاخر حتى بدون علمو لانو يعزز الثقة بين الطرفين وهو امر عادي جدا ما فيها والو يعني هما في زوج يتقاسموا مشاكل الحياة بحلوها ومرها جي في بورتابل برك على جالو تفسد كل العلاقة

 

[أمورة زوجي]

رد: هل تقبلين هذا الشيئ من زوجك

من الافضل لها ان ترعاه وتبتعد عن الشكوك التي تدمر حياتهما . اذا كان عندو سر فالشي المليح في الحكاية انو ماحبش يجرحها لذلك راهو يطفي في الموبيل . واذا كانت هي مقصرة اكيد رح تشك وتزيد تشك .نصيحتي لها تهتم بنفسها وتحاول تكون زوجة مطيعة وحنونة وتبعد عن الشكوك لي يدمرولها حياتها

 

[سندريلا]

رد: هل تقبلين هذا الشيئ من زوجك

لا توجد خصوصية بين الازواج ومن حق الزوجة ان ترى هاتف زوجها كما يحق له هو كذلك راية هاتفها وبدلا من وقوع المشاكل اذا كان لا يخبا شيء على هاتفه فعليه عدم منعها من رايته .

 

[YOUCEFCRIPCHO]

رد: هل تقبلين هذا الشيئ من زوجك

واعر الحال ههههه

 

[♡كارينا♡]

رد: هل تقبلين هذا الشيئ من زوجك

السلام عليكم
انا شخصيا لا اقبل هذا اللشئ من زوجي
لا توجد اشياء شخصية بين الزوجين اصلا بعد الزواج يصبحون رووح
واحدة بجسدين
شكرا على الموضوع الجميل
ربي يجيب لي فيها الخير لكل واحد

 

[أم محمد وأمين]

رد: هل تقبلين هذا الشيئ من زوجك

شكرا على مروركم أعزائي ربي إفرج على كل زوجين لديهم مشاكل أو ربي إدوّمها على ألي راهم متهنيين أمور تافهة تفرق بين اثنين​