الرجال ما يشبعوش ...... ارواحو تعرفو علاه

[ليليا مرام]

السلام عليكم

الرجال علاه ما يشبعوش حبيت نفهم استنو نقولكم حاجة وتفهمو
ياو مارانيش نحكي على الماكلة

وانا ماشية فالطريق رايحة لدارنا نشوف واحد الموقف والله راسي حبس راجل مع مرتو واخرى فايتة فالطريق من جهة اخرى يشوف فيها من ساسها لراسها ومرتو معاه وزيد يتلفت وراه ويشوف مع الطفلة رايحة وزنها خيطها كيلها فصصها تقول لوبيا الحمرا خونا واشبيك واللي معاك مش مرا ياخي مرا كيفها
لما لحقو قدقد عندي قتلو في قلبي حط عينك نفقعهالك قدامها نقولك افطني يا لوحة انت تمشي وشوفي واش راه يدير
يعني المرا لو رفدت راسها ياكلها تمشي وشادة فيه من يدو وبلاك يطير يا لالة ما تخافيش منو من الريح ياو خافي من عينيه
وكيفاه املا خوتاتي لازمنا نواظر الكسوف او واش
مون شاوي الفحل يؤبشني ولو واعر ولو يعطيني طريحة والله لو يديرها قدامي جهنم تولي تمشي فوق الارض نحرق البلاصة هذيك مش قضية غيرة قد ما هي اهانة انو الراجل يشلل عينيه فمرا اخرى قدام مرتو وقاحة ما بعدها وقاحة
زيدو تقولو المتزوجين برك خلونا من السكانيير اللي نفوتو فيه كل يوم كل ما نفوتو اشعة الحمراء كل ما نفوتو نشوفو واحد الليزر يفوت معانا من ساسنا لراسنا

يا راجل وينتا تشبع وتقول يا ربي الحمد لله راني شبعت من النسا ؟ والمشكل تلقاه يشكي نتوما ونتوما
ياخي حنا وحنا وعلاه ذاك التشلال كل ما نفوتو حبيت نعرف برك علاه اللحم مر والمرقة حلوة خموس علينا
وعلاه المرا ما ديرش هاكاك تقلولي رجعت المرا تعاكس الراجل اييه راني انا درت موضوع مي مهما كان محال المرا دير الراديو لكل راجل يفوت عليها بلاك واحد يكون شباب للبلافو تلقاها كالقط رايحة جاية باه ينتبه انها قدامو...... ياو مياو راني هنا
هذي ريحة هذا روجججججج آليف يبان من تندوف هذي خويا عندك ليزونيتي هههه او تصدم فيه بالعاني نقولكم كاين وبزاف
اما ديرلو سكانيير نو السكانير نخدموه مع بعضانا حنا نسا لما نكرهو وحدة لما نروحو للاعراس
الخلاصة يا رجال عندي سؤال جاوبوني ؟
انت راجل متزوج واشبيها مرتك عورة زحافة طايرتلها كلية ياخي انت حبيتها وديتها سيبو خونا هنا تحبس علاه تشلل عينيك مريض روح لطبيب اضرب فيها تروفيزور ريح روحك وريح المخلوقة
وانت يا لالة ماشي وتهدري تهدري تقول ترمواي ياو عسي رزقك يا لالة وماكان لاه تشديه من يدو ماراحش يديه الريح ياو عينيه فيهم المشكل
وانت العازب بلاك نعذرك ونقول مش متزوج مي شوي خونا بدل الصنعة انت تظل تخدم فالراديو بدل السبيسياليتي

اليكم الخط
​

 

[لؤلؤة قسنطينة]

رد: الرجال ما يشبعوش ...... ارواحو تعرفو علاه

السلام عليكم
ههههههههههههه والله يا ليليا وحدك نتي قتلتيني ضحك تاع الصح قاتلك بدل السبيسياليتي هههه
انا قريت الرجال مايشبعوش قلت على الماكلة رايحة نقولك بعد كباش العيد خلصوهم مابقى والو هههههه
هيا كي لقيت الموضوع هادا زاد عجبني كتر تعرفيني نحب نمنشر ههههه يا بنتي درك كامل سبيسياليتي رادار
ماش غير المتزوجين ولا العزاب ياو حتى الشياب، شايب سنيه طايرين وشعرو مفرطس ويرعش وحدو وتلقاي عينيه
رايحين وجايين وهو بقاتلو رجفة ويموت، وتحكيلي ختي قاتلي مرة شفت وحدة هي وخطيبها يمشيو هي اي مهبطة راسها
وتحكي وهو راسو كي البارابول يحكم شرق غرب لي تعدي يكون معاها، وتاني هنا ساعات نغلط لبنات تاني
علاه تخرجي محمرة ومشمرة والطالو كي البوطو وتترنح يمين وشمال اصلا لي يشوفك ويخطبك ماتلوميهش خطرة
خلاف كي يشوف مع وحدة خلاف خاطر شافك كي السلعة قدامو وخيرك على التهريج لي في وجهك على هادي
كل مايشوف مهرجة كتر عليك ولا وحدة شابحة روحها كتر عليك يبقى يشوف معاها خاطر من الاول جبدتيه
بالمظهر ماجبدتيهش باخلاقك، وانا الراجل لي يخيرني على ماكياج ولا لبسة مفضوحة مافيهش لامان خاطر دايما
تبقى عينو زايغة، بصح لي يخيرك على اخلاقك وعلى لبستك المحترمة بين 77 وحدة مطلسة اعرفي بلي تبقاي غير نتي في قلبو
بصح دركا يا ختي ليليا ماجاتش غير في لي يشوف برا كاين مهبط راسو تحطيه نعجة وهو ذيب في الفايس بوك
مداير 4 و5 درك نص المتزوجات يشكيو من خيانة ازواجهم عبر النت يعني الشوفة تاع العين ولات ديمودي درك
كلشي بضغطة زر للاسف، وانا الراجل لي يوقف في نص الطرق يتفرج في بنات الناس اسمحيلي رخيس وماهوش راجل
حتى ولو هي فاضحة روحها ولابسة مفضوح وينهي كرامتك كرجل؟؟ تروح تطيح بقيمتك لوحدة ماتسواش ؟
اما لي متزوج مانهدرش خلاص مع مرتو يلعبها جاكيشان وماديريش وماتلبسيش والضرب فيها وكي يخرج برا يولي
لسانو عسل تحطيه نزار القباني بالاشعار تاعو هادوك
حنا كاين قريب شوي لدارنا راجل فاتح محل كبير وعندو الله يبارك يخرج كل يوم لابس كوستيم وكلشي ويوقف قدام
باب المحل يعس في لي رايح وجاي والخدامة راهم يخدمو وولدو تما بعد يخدم واشوا البلاصة هاديك خالية شوي غير انا
تقريبا لي نعدي منها، آخر مرة رحت انا واختي للجامعة باه نشوف تسجيلاتي قلت لاختي كي تجي معدية هبطي
راسك خاطر عينيه ام كي الحرباء العبد هادا قاتلي آآو كوستيم وشعرو قريب بيض ماشكيتش قلتلها هبطي راسك
وخلاص حتى نعديو عليهم، كي جينا معديين اتخيلي ناض يعيط عليا واشوا مايعرفش الاسم بقى يتمسخر
يعيط يا بسمة ههههه وتقولي حشم ساع انا صمطتو وكملت انا وختي طريقنا وكي عدينا قلتلها شفتي؟؟ واش قتلك؟
يعني الناس ماتترباش صح راجل شايب بولادو رجالة مازال يتفرج من وحدة لوحدة وتاني بناتنا تلعوهم تجي وحدة
جايزة الشعر مكشرد والماكياج والميني يخبط تقول هاواي يعود يشوف في مرتو مسكينة لي هازة الصغير فوقها
كلي قردة وبنتها ههههه يعني الخيانة ولات بشربة ماء
المهم راني خلطت الحالة هههه وفي النهاية راني معاك لي مايسواش ياو حتى يتزوج يبقاو عينيه رادار
شكرا ليلوشة على الموضوع
تحياتي
​

 

[Hakan]

رد: الرجال ما يشبعوش ...... ارواحو تعرفو علاه

ياودي ها ضرك حابة تغيري الفطرة نتاع الراجل
ياك الراجل كي يدخل للجنة عندو شحال من حوريات الجنة خخخخ
طبعا هذا اللي يغضبصرو لكن هذي هيا الراجل ما يشبعش يحب يعاود زوااج
يحب يتزوج زوج وثلاث و4 ههه المهم برك الشبعة مكانش زيد مع انتوما الله يبارك ثاني
ماراكمش تخرجوالعقل رجع الراجل يفوت عليه راجل واحد وموراه خمسين طفلة
انا خيك واش تحبيه يدير لازم يخزر كاشما شفتي واحد يقعد في البستان مالغري في يدو وردة
بصح يطمع في الوردات لخرين مي ها وش ديري كاين اللي ماشي مقنعاتو مرتو
علابيها يدقدق في كل جيهة كاين اللي هذي هي المهنةنتاعو انو يعس بنات الناس
تقول وين راك رايح يقلك رايح نشلل عينيا
وزيد راني قتلكم راكم انتم اكثر من يخرج للشارع علابيها الرجال ضركا لازم يفوت ويشوف
اضافة راكم الله يبارك كل يوم جديد في اللبسة علابيها الواحد رجع كل يوم يستنى
في الجديد نتاعكم المهم برك عسي الشاوي نتاعك
برك بالاك تزيغ عينو هاك ولا هاك والا راكي حاصلة صحيتي مالغري راكي طايحة على الجنس نتاعي
وانا الله يبارك عندي تعصب للجنس نتاعي ​

 

[البحر الهادي]

رد: الرجال ما يشبعوش ...... ارواحو تعرفو علاه

السلام عليكم ورحمة الله
في الحقيقة غاضني ماكتبته لأك كنت تتبعين عورة غيرك وخطؤه فهو عصى الله لكن ماوقعت فيه أنت أكثر وأطم لو أنك انشغلت بما هو أهم لكان خيرا لي ولك
لأن فيه النهي عن تتبع عورات المسلمين
وعلى المسلم أن ينشغل بنفسه وليس بما يفعله غيره
أما إذا رأيت مسلما وقع في معصية فعليك نصحه وإرشاده دعوته بالتي هي أحسن
وكان الأجدر بك أن تقولي:الحمد لله الذي عافاني مما ابتلاه به وفضلني على كثير ممن خلق تفضيلا
ومايفعله الكثير منا في المجالس وعندما تنصحه يقول لك أقول الحق فهذا خطأ كبير أنت واقع في الغيبة
أسأل الله أن يهدينا ويبصرنا بعيوبنا

 

[w@l!d]

رد: الرجال ما يشبعوش ...... ارواحو تعرفو علاه

السلامـ.. عليكمــ..
....
على حسابها ملي شفتيه وانت جاية حالفة
باه ما تهربلكش الكتيبة :p
.....
المهم السيد الله يهديك وكاين كيما هو بزاف والله ما فهمت
مانيش عارف مكفاتوش مرتوا ولا هو ناقص
والمراة مسكين الله غالب عليها لازم تزير عليه مداهش الريح تديه كاش وحدة
العينين معندهاش كيفاه تغمضهم
والبنادم هذا منصنفوهش مع الرجالة هذا وزيد ظاهرت التكحال
كارثة عظمى سوجي طويل وعريض
فارغيش شغل لا خدمة لا Gــدمة يـGــابل البنات يطلعهم ويهبطهم
مايخلي لا سيام لا ليسي لا جامعة
داير بروGــرام هههه الطبيب ماينحيهولوش
والراجل مهما كان متزوج ولا لالا ميهزش عينو في بنت الناس
خويا عجباتك ها باب الدار بالحلال خير ما تديهم ذنوب
و مالـGــري تو مزال كاين الرجال الله يبارك
أودي الله يهدينا ان شاء الله
والله يصلح أحوالنا
....
سلامــ..

​

 

[ليليا مرام]

رد: الرجال ما يشبعوش ...... ارواحو تعرفو علاه

السلام عليكم ورحمة الله

وعليكم السلام خويا
في الحقيقة غاضني ماكتبته لأك كنت تتبعين عورة غيرك وخطؤه فهو عصى الله لكن ماوقعت فيه أنت أكثر وأطم لو أنك انشغلت بما هو أهم لكان خيرا لي ولك
والله يا خويا ما تبعتو ما عندي وقت نتبعو فطريقي والموقف صار مباشرة وين العورة هنا والله مليحة الناي تغلط وانا اللي نتحملها هو كي شاف فبنت الناس وفصلها تفصيل هذيك ماشي عورة لالا حلال عليه بواشس ننشغل فالطريق مثلا نشوف طريطوار اذا معوج او المير اذا قلع الشجرة نتاع العام اللي فات
خويا كلامك مش فبلاصتو لانو ما تقدرش تقول لصحفي راك تشوف عورات الناس ما تبعتوش لشمبرتو وطليت عليه راه موقف صار

لأن فيه النهي عن تتبع عورات المسلمين
وعلى المسلم أن ينشغل بنفسه وليس بما يفعله غيره

اييه هذيك لما نكون انا نتبع فيه وين يروح ونعيس تصرفاتو حنا فالقسم هنا ننقلو امور تصرا فالمجتمع بكلام فكاهي وفقط لا اكثر ولا اقل
وانت كان لازم تمد رايك فالظاهرة مش فيا انا

أما إذا رأيت مسلما وقع في معصية فعليك نصحه وإرشاده دعوته بالتي هي أحسن

انا لو رحت ونصحتو قدام مرتو لو راهي طلقت او عطاتو طيحاتو او صرا مشكل فالطريق ما ننصحو ما ينصحني عيب عليه كيما يشوف فبنات الناس يشوفو في مرتو
وكان الأجدر بك أن تقولي:الحمد لله الذي عافاني مما ابتلاه به وفضلني على كثير ممن خلق تفضيلا
ومايفعله الكثير منا في المجالس وعندما تنصحه يقول لك أقول الحق فهذا خطأ كبير أنت واقع في الغيبة
أسأل الله أن يهدينا ويبصرنا بعيوبنا

لالا مش غيبة هذي ونشكرك على الفتوى والمرة الجاية لما نشوف هاكا موقف نجبد زربية ونصلي وندعيلو ربي يعمر عينو بمرتو وما يشوفش لبنات الناس
شكرا على النصيحة

 

[ليليا مرام]

رد: الرجال ما يشبعوش ...... ارواحو تعرفو علاه

السلام عليكم

اهلا مريومة وعليكم السلام
ههههههههههههه والله يا ليليا وحدك نتي قتلتيني ضحك تاع الصح قاتلك بدل السبيسياليتي هههه

ايه يا اختي يبدلو ديما راديو بدلو شوي يا سيدي كرهنا منهم

انا قريت الرجال مايشبعوش قلت على الماكلة رايحة نقولك بعد كباش العيد خلصوهم مابقى والو هههههه
هيا كي لقيت الموضوع هادا زاد عجبني كتر تعرفيني نحب نمنشر ههههه يا بنتي درك كامل سبيسياليتي رادار
ماش غير المتزوجين ولا العزاب ياو حتى الشياب، شايب سنيه طايرين وشعرو مفرطس ويرعش وحدو وتلقاي عينيه
رايحين وجايين وهو بقاتلو رجفة ويموت، وتحكيلي ختي قاتلي مرة شفت وحدة هي وخطيبها يمشيو هي اي مهبطة راسها
وتحكي وهو راسو كي البارابول يحكم شرق غرب لي تعدي يكون معاها

اواه انا مون شاوي لو نخرج معاه نقولو دير نتاع الرقبة قال من قال مريض ما يدور لا منا ولا منا وزيد انا فاطنة بزاف ما نغفلش ههه انا هي الرادار عينيه تحت النواظر نعسهم فاقو مالغري عارفاتو خاطيه مي محال نثق في راجل يا اختي


، وتاني هنا ساعات نغلط لبنات تاني
علاه تخرجي محمرة ومشمرة والطالو كي البوطو وتترنح يمين وشمال اصلا لي يشوفك ويخطبك ماتلوميهش خطرة
خلاف كي يشوف مع وحدة خلاف خاطر شافك كي السلعة قدامو وخيرك على التهريج لي في وجهك على هادي
كل مايشوف مهرجة كتر عليك ولا وحدة شابحة روحها كتر عليك يبقى يشوف معاها خاطر من الاول جبدتيه
بالمظهر ماجبدتيهش باخلاقك، وانا الراجل لي يخيرني على ماكياج ولا لبسة مفضوحة مافيهش لامان خاطر دايما
تبقى عينو زايغة

هذوك ما نحكوش عليهم مش راديو برك هذيك هناك تولي في مصلحة المشرحة يولي هو طبيب شرعي يقولك حتى زمرة دمها ههه
مريومة مش ديما نقولو اللبسة والماكياج والله حتى المتحجبات ما سلكو منهم بالجلباب تقوت عليه يسكانيه يقولك واش لابسة بيجامة تحتو ليجون نتاعنا عندهم عينين وحدهم اشعة الحمراء ههه


، بصح لي يخيرك على اخلاقك وعلى لبستك المحترمة بين 77 وحدة مطلسة اعرفي بلي تبقاي غير نتي في قلبو

ايه مازالت نية مريومة ياو يديك على اخلاقك ولو ما تتهلايش يعايرك الرجال واعرين ما يقنعوش لا اخلاق ولا زين
يقولك ندي اللاخلاق هو يحكي معاها ويبدا يسقسي شعال تلبس ولاطاي اييه بحجة انو خطيبها ولازم يعرف ههههه ياو فاقو هههه نعرفوها العفسة هذي بدلو بدلو

بصح دركا يا ختي ليليا ماجاتش غير في لي يشوف برا كاين مهبط راسو تحطيه نعجة وهو ذيب في الفايس بوك
مداير 4 و5 درك نص المتزوجات يشكيو من خيانة ازواجهم عبر النت يعني الشوفة تاع العين ولات ديمودي درك

ههه ايه هذي صح مرة تفاهمو بناات الحومة على واحد يتمسخرو بيه فالفايس هو عاقل لدرجة كل وحدة تقول نتمناه ليا ايا لعبتهالو واش نقولك واش يهدر مخك مش يحبس يروح يجري يلاقي كاش كلب ويقولو كولني ما تخلينيش
لما يفوت فلحومة يولو يضحكو تقول جارتي اييه يا جاري البارح واش كنت تشعر ههه اش من راجل عاقل واقيل انقرضو


​

كلشي بضغطة زر للاسف، وانا الراجل لي يوقف في نص الطرق يتفرج في بنات الناس اسمحيلي رخيس وماهوش راجل
حتى ولو هي فاضحة روحها ولابسة مفضوح وينهي كرامتك كرجل؟؟ تروح تطيح بقيمتك لوحدة ماتسواش ؟
اما لي متزوج مانهدرش خلاص مع مرتو يلعبها جاكيشان وماديريش وماتلبسيش والضرب فيها وكي يخرج برا يولي
لسانو عسل تحطيه نزار القباني بالاشعار تاعو هادوك

اييه هذي اللي تقلق كيفاه مرتو لالا وببنات الناس يقبلهالهم نورمال
يعني هذا مرتو يمنع عليها كل شي ويروح يحوس على امور خاطية برا الدار وزيد لو واحد يشوف في مرتو يحرق الدنيا مي هو عينيه يظلو في بنات الناس هذو مش وقاحة برك هذو انا من رايي يدو الطريحة الليل والنهار مليحة ليهم
حنا كاين قريب شوي لدارنا راجل فاتح محل كبير وعندو الله يبارك يخرج كل يوم لابس كوستيم وكلشي ويوقف قدام
باب المحل يعس في لي رايح وجاي والخدامة راهم يخدمو وولدو تما بعد يخدم واشوا البلاصة هاديك خالية شوي غير انا
تقريبا لي نعدي منها، آخر مرة رحت انا واختي للجامعة باه نشوف تسجيلاتي قلت لاختي كي تجي معدية هبطي
راسك خاطر عينيه ام كي الحرباء العبد هادا قاتلي آآو كوستيم وشعرو قريب بيض ماشكيتش قلتلها هبطي راسك
وخلاص حتى نعديو عليهم، كي جينا معديين اتخيلي ناض يعيط عليا واشوا مايعرفش الاسم بقى يتمسخر
يعيط يا بسمة ههههه وتقولي حشم ساع انا صمطتو وكملت انا وختي طريقنا وكي عدينا قلتلها شفتي؟؟ واش قتلك؟
يعني الناس ماتترباش صح راجل شايب بولادو رجالة مازال يتفرج من وحدة لوحدة وتاني بناتنا تلعوهم تجي وحدة
جايزة الشعر مكشرد والماكياج والميني يخبط تقول هاواي يعود يشوف في مرتو مسكينة لي هازة الصغير فوقها
كلي قردة وبنتها ههههه يعني الخيانة ولات بشربة ماء
المهم راني خلطت الحالة هههه وفي النهاية راني معاك لي مايسواش ياو حتى يتزوج يبقاو عينيه رادار
شكرا ليلوشة على الموضوع
تحياتي
​

هذوك الشابين ما نحكوش حالة طارئة روتور داج ورتور وقت مارلين مونرو هههه يرجع لورا لوقت كان باباه جون قبل ما يولدو انا ما نحملش يعيفوني والله ويقولي شيخ كلمة نغسلو ونرجع للدار لازم ندوش بالما بارد مقلاسي وااااااااع وشعال نعيفهم الكبير يحترم سنو وبلاصتو وفاتو وقتو ما يطمع فوقت الناس
شكر ا مريومتي على اعتماد الموضوع وما خلطت ما والو هدرت الواقع شكرا

 

[ليليا مرام]

رد: الرجال ما يشبعوش ...... ارواحو تعرفو علاه

ياودي ها ضرك حابة تغيري الفطرة نتاع الراجل

السلام عليكم حكيم اهلا وسهلا
واش من فطرة الرجل ربي خلقلو مرا يكمل حياتو معاها وحللو 4 يا سيدي لو ما قنعش مي لو تقدرو 100 ديروهم نورمال

ياك الراجل كي يدخل للجنة عندو شحال من حوريات الجنة خخخخ

وهاهي الغلطة تعيشو معيشة كحلة وتحبو تموتو كالصحابة نتوما حورية نتاع هنا اللي تسكن فالدوار ما لقيتوهاش تروحو لحوريات الجنة حكيم خويا اشربب 2 بنادول اكسترا البواطة الحمرا ووراها اتكا وقول 7 مرات راني نوم راني نوم راني نوم .... ان شاء الله تبرا بالشفا عليك

طبعا هذا اللي يغض بصرو لكن هذي هيا الراجل ما يشبعش يحب يعاود زوااج

ايوا يغض بصرو يصوم لو ما قدرش يروح يتزوج ما قنعاتوش الاولى يروح لرقم 2 وهاكا حتى لل 4
مي هو وحدة بالكارني و 25498745632545 شلوهم عينيه عارفة ما قريتش الرقم :p
:p:p
يحب يتزوج زوج وثلاث و4 ههه المهم برك الشبعة مكانش زيد مع انتوما الله يبارك ثاني
ماراكمش تخرجوالعقل رجع الراجل يفوت عليه راجل واحد وموراه خمسين طفلة

ليك التواضع منا الراجل يفوت ووراه 50 مرا حكيم بلاك لامارش وانت ما فقتش بلاك كاش ما صرا انقلاب اليوم ماراكش عاجبني كبشكم فيه حاجة اللحم دار فيك كارثة تلفلك الميموار
واش من راجل لاحقينو 50 واقيل امنتو يا وليدي مهما المرا تجري ورا راجل يبقى هو نورالدين مرسلي العداء الدولي في ملاحقة النسا ههه

انا خيك واش تحبيه يدير لازم يخزر كاشما شفتي واحد يقعد في البستان مالغري في يدو وردة
بصح يطمع في الوردات لخرين مي ها وش ديري كاين اللي ماشي مقنعاتو مرتو

بستان اه املا هاكا لازم كل واحد فيكم يدي بوكي قاع الالوان هاهي الهدرة اللي خايفة منها انو راجلي يقعد فالجنان بالكفارة وصيام 2 قرون نخليه يحس روحو قاعد فالمقبرة والو من عندي ما يتحرك هههه
ومرتو علاه ما تقنعوش وعلاه من الاول تعجبو ويخسر الدراهم ويجيبها من الاول يعرف روحو مش قادر على وحدة يقعد يعشق ما يتزوجش

علابيها يدقدق في كل جيهة كاين اللي هذي هي المهنةنتاعو انو يعس بنات الناس
تقول وين راك رايح يقلك رايح نشلل عينيا

ان شاء الله اللي يروح يشلل يحكمو الرمد يولي يدمع الكلبة ما تنبح عليه



وزيد راني قتلكم راكم انتم اكثر من يخرج للشارع علابيها الرجال ضركا لازم يفوت ويشوف
اضافة راكم الله يبارك كل يوم جديد في اللبسة علابيها الواحد رجع كل يوم يستنى
في الجديد نتاعكم المهم برك عسي الشاوي نتاعك
برك بالاك تزيغ عينو هاك ولا هاك والا راكي حاصلة

وشهد شاهد من اهلها راكم تعسونا وتراقبو فينا واش نديرو واس نلبسو وكل حاجة تحصولها فينا
مون شاوي الفحل عاقل ما تخممش ومالغري تو ما نديرش لامان انا عندي الساتليت والماب واورث راقد فدارهم وانا نشوف فيه فدارنا :p
مرات يحكمو شك ليلوشتي راكي تسكني قدامنا ههههه
كون هاني حكيم راه مراقب


صحيتي مالغري راكي طايحة على الجنس نتاعي
وانا الله يبارك عندي تعصب للجنس نتاعي ​

ما نعس جنسك ما والو راهم هوما اللي ينطقو الحجر
ايي وي لازم دافع على راجل كيما انت حاجة باينة
خويا حكيم نورتني الله يخليك

 

[البحر الهادي]

رد: الرجال ما يشبعوش ...... ارواحو تعرفو علاه

لالا مش غيبة هذي ونشكرك على الفتوى والمرة الجاية لما نشوف هاكا موقف نجبد زربية ونصلي وندعيلو ربي يعمر عينو بمرتو وما يشوفش لبنات الناس
شكرا على النصيحة

اظنك لم تفقهي كلامي،

عن أبي هريرة قال قيل يا رسول الله ما الغيبة قال ذكرك أخاك بما يكره قال أرأيت إن كان فيه ما أقول قال إن كان فيه ما تقول فقد اغتبته وإن لم يكن فيه ما تقول فقد بهته ]

عن عبد الله بن عباس رضي الله عنهما قال كان الفضل رديف النبي صلى الله عليه وسلم فجاءت امرأة من خثعم فجعل الفضل ينظر إليها وتنظر إليه فجعل النبي صلى الله عليه وسلم يصرف وجه الفضل إلى الشق الآخر
لم لانقتدي بالنبي صلى الله عليه وسلم في الدعوة وتعليم الناس والحكمة في تربية الناس ونصحهم
لكن نحن لانفقه إلا فلان فعل كذا وفلانة فعلت كذا
والله الهادي إلى سواء السبيل


لقد كاد قلمي يزل لكن سني وعقلي كان أسرع منه

تعلمت من الكبار الحكمة ومن الصغار الصبر

 

[لؤلؤة قسنطينة]

رد: الرجال ما يشبعوش ...... ارواحو تعرفو علاه

هذوك الشابين ما نحكوش حالة طارئة روتور داج ورتور وقت مارلين مونرو هههه يرجع لورا لوقت كان باباه جون قبل ما يولدو انا ما نحملش يعيفوني والله ويقولي شيخ كلمة نغسلو ونرجع للدار لازم ندوش بالما بارد مقلاسي وااااااااع وشعال نعيفهم الكبير يحترم سنو وبلاصتو وفاتو وقتو ما يطمع فوقت الناس
شكر ا مريومتي على اعتماد الموضوع وما خلطت ما والو هدرت الواقع شكرا

اي والله فكرتيني في حاجة
نشفى عليها كي كنت نقرا في السنة الثانية متوسط وكنت محجبة
انا معدية على محطة الحافلات باه نحكم البيس و نروح وكانو مجموعة شباب قاعدين
كي جيت معدية قالي واحد فيهم نتي شعرك باللون كذا كذا علابالك تشوكيت وهو لون شعري صح
انا توسوست هبطت راسي ومشيت بصح تشوكيت كيفاه عرفو عندهم ماش غير اشعة ههههههه
العفو حبيبتي ربي يهنيك ان شاء الله
​

 

[ليليا مرام]

رد: الرجال ما يشبعوش ...... ارواحو تعرفو علاه

السلامـ.. عليكمــ..

وعليكم السلام خويا وليد شكرا لك نورت الموضوع


....
على حسابها ملي شفتيه وانت جاية حالفة
باه ما تهربلكش الكتيبة :p


ايه والكذب علاه انا نمشي ونتمتم قلبي وجعني اول ما دخلت للمنتدى قلت نكتب قبل ما ننسى نفرغ قلبي:$
.....
المهم السيد الله يهديك وكاين كيما هو بزاف والله ما فهمت
مانيش عارف مكفاتوش مرتوا ولا هو ناقص
والمراة مسكين الله غالب عليها لازم تزير عليه مداهش الريح تديه كاش وحدة
العينين معندهاش كيفاه تغمضهم
والبنادم هذا منصنفوهش مع الرجالة هذا وزيد ظاهرت التكحال
كارثة عظمى سوجي طويل وعريض


هذا كلام رزين نعم عيب انو راجل متزوج ومعاه مرتو وهو يشوف فالنسا مش محترم قيمتها ولا كرامتها وكانو هي مش مرا لو كان وحدو ربي يسهل عليه ولو المعاكسة وهو متزوج عيب عليه لكن زوجتو معاه ولو هو يقبلها هو ماشي بنيتو وهي تشوف فآخر المرا من كثرة الحشمة وهبة راجل معاها تمشي وعينيها فالارض اما هو لالا كالبرارج مطول رقبتو منا ومنا


فارغيش شغل لا خدمة لا Gــدمة يـGــابل البنات يطلعهم ويهبطهم
مايخلي لا سيام لا ليسي لا جامعة
داير بروGــرام هههه الطبيب ماينحيهولوش
والراجل مهما كان متزوج ولا لالا ميهزش عينو في بنت الناس
خويا عجباتك ها باب الدار بالحلال خير ما تديهم ذنوب
و مالـGــري تو مزال كاين الرجال الله يبارك

والله كلامك جواهر ربي يكملك بعقلك وباخلاقك هذي هو الراجل نتاع الصح عجباتو باب الدار ويقنع ويحمد ربي ولما يشوف عيب فزوجتو من حقو يعدد اما عندو مرا ويشوف منا ومنا فعندو خوتاتو اللي يروح لعرض الناس يجو لعرضو
أودي الله يهدينا ان شاء الله
والله يصلح أحوالنا
....
سلامــ..

​

آمين خويا الله يهدينا اجمعين شكرا جزيلا ردك رائع شكرا

 

[ليليا مرام]

رد: الرجال ما يشبعوش ...... ارواحو تعرفو علاه

اظنك لم تفقهي كلامي،

عن أبي هريرة قال قيل يا رسول الله ما الغيبة قال ذكرك أخاك بما يكره قال أرأيت إن كان فيه ما أقول قال إن كان فيه ما تقول فقد اغتبته وإن لم يكن فيه ما تقول فقد بهته ]

اهلا اخي صدق رسول الله
لا انا عرفت جيدا ما تقصد الغيبة لما تتكلم عنم شخص في غيبتو وتعرفو وتحكي على شرفو وعرضو انا هنا نعالج قضية في موضوع وعممت وذكرت واقعة وذكرت عزاب ايضا لما مثلا نحكو فظاهرة الطلاق ونحكو واقعة هل هذا رانا نغتابو فكل المطلقين واذا هكذا ما نعالجو حتى مشكل لا اخي انت اللي فهمتني غلاط

عن عبد الله بن عباس رضي الله عنهما قال كان الفضل رديف النبي صلى الله عليه وسلم فجاءت امرأة من خثعم فجعل الفضل ينظر إليها وتنظر إليه فجعل النبي صلى الله عليه وسلم يصرف وجه الفضل إلى الشق الآخر
لم لانقتدي بالنبي صلى الله عليه وسلم في الدعوة وتعليم الناس والحكمة في تربية الناس ونصحهم
لكن نحن لانفقه إلا فلان فعل كذا وفلانة فعلت كذا
والله الهادي إلى سواء السبيل

ما نقدرش نحكي فواقعة حدثت مع الرسول الحبيب لانو لا اجرأة على ذكر امور واناقش فلا نقاش في تصرفاته ولكن الاكيد انو هناك موقف جعل الرسول الحبيب يتصرف هذا التصرف ومن اخبرك انني لم ادر وجهي انا نظرت وبعدها اكملت طريقي اتمتم بيني وبين نفسي ولكن اتيت بالحادثة لنتكلم عن تصرفات الرجل المتزوج



لقد كاد قلمي يزل لكن سني وعقلي كان أسرع منه

تعلمت من الكبار الحكمة ومن الصغار الصبر

انا العكيس تعلمت من الكبار الصبر ومن الصغار الحكمة لانو الذر راهم يخمو خير من الكبار
شكرا لك

 

[ليليا مرام]

رد: الرجال ما يشبعوش ...... ارواحو تعرفو علاه

اي والله فكرتيني في حاجة
نشفى عليها كي كنت نقرا في السنة الثانية متوسط وكنت محجبة
انا معدية على محطة الحافلات باه نحكم البيس و نروح وكانو مجموعة شباب قاعدين
كي جيت معدية قالي واحد فيهم نتي شعرك باللون كذا كذا علابالك تشوكيت وهو لون شعري صح
انا توسوست هبطت راسي ومشيت بصح تشوكيت كيفاه عرفو عندهم ماش غير اشعة ههههههه
العفو حبيبتي ربي يهنيك ان شاء الله
​

ايه شفت قوليلي مازال حي هذا وين نلقاه انا لازمني نعرف منين عرف لون شعرك ههههه اتفكري بلاك كان يلعب معاك وانت صغيرة ههههه
اشعة الحمراء يا بنتي
وربي يخليك مريومتي

 

[وسيم عقل و زين]

رد: الرجال ما يشبعوش ...... ارواحو تعرفو علاه

الله يهدي ما خلق و هادي كامل علانات فناء
و بزايد البنات هاد اليوم ولات تلبس استغفر الله بسيف تجبد النظر وهاد ماش عدر للولاد
المهم الله يهدينا قبل ما يدينا

 

[بنفسج]

رد: الرجال ما يشبعوش ...... ارواحو تعرفو علاه

ههههههههههههههههههه
يااجدك قتلتيني بالضحك موضووع توب كالعاادة ديجاا نعشق فموااضيعك هه
مالقري مقصرة فالرد والتفااعل المووهيم والله غير بردتيلي قلبي
هااد الرجاال او الافات الاجتماعية رااهم بزااف وشحال من مرة ننتلاقاا بعينة من هاد النوع
وكاان نصيب تعطيه للراس متزوج وااش مدييك
راديو سكاانار للي رايحة ولي جاااية احشم ااو راك كبير ومول داار
ربي يهدي

يعطيك الصحة ورببي يخليلك تون شااوي فحل
منوصيكش حطي البليقة مسميك كااش عملية خياانة خخخخ

تحيااتي
​

 

[يونس قاسم]

رد: الرجال ما يشبعوش ...... ارواحو تعرفو علاه

ها ختي علاه تديريلنا هاك علاه خلينا نشلو عينينا من جمال خلق الله هههههههههه
نقصر برك
اولا انت غلطتي كي سميتيهم رجال
ثانيا لا عذر للعزاب اختي
ثالثا السبب الاول في نظري هو اللوحات الزيتية لي راهم يخرجوا من الجنس اللطيف ربي يهديهم

 

[محمد إبن الصحراء]

رد: الرجال ما يشبعوش ...... ارواحو تعرفو علاه

الرجال علاه ما يشبعوش حبيت نفهم استنو نقولكم حاجة وتفهمو
ياو مارانيش نحكي على الماكلة

ضلمتينا عيب عليك...
يديرها واحد ويخلصوها لجميع ... ماشي كيما هاك
ثانيا ربي حلل أربعا 4. ممكن كانت نيته رؤية مسبقة للزواج بها في الحلال
وممكن كيما راك تحكي . خطفو جمالها - مشيتها ......الخ
لاتحكمي على الناس من أول تصرف

 

[ليليا مرام]

رد: الرجال ما يشبعوش ...... ارواحو تعرفو علاه

الله يهدي ما خلق و هادي كامل علانات فناء
و بزايد البنات هاد اليوم ولات تلبس استغفر الله بسيف تجبد النظر وهاد ماش عدر للولاد
المهم الله يهدينا قبل ما يدينا

السلام عليكم اهلا وسهلا خويا نورت الموضوع
امين يا رب اييه البنات يلبسو يا خويا مي مش كل اللي تلبس لازم الراجل يتبعها وزيد ربي مدلو 4 لو ما كفاتوش وحدة وعلها عليه كالقط اللي جات يمومو وراها
امين الله يهدينا ويهديهم

 

[ليليا مرام]

رد: الرجال ما يشبعوش ...... ارواحو تعرفو علاه

ههههههههههههههههههه
يااجدك قتلتيني بالضحك موضووع توب كالعاادة ديجاا نعشق فموااضيعك هه
مالقري مقصرة فالرد والتفااعل المووهيم والله غير بردتيلي قلبي
هااد الرجاال او الافات الاجتماعية رااهم بزااف وشحال من مرة ننتلاقاا بعينة من هاد النوع
وكاان نصيب تعطيه للراس متزوج وااش مدييك
راديو سكاانار للي رايحة ولي جاااية احشم ااو راك كبير ومول داار
ربي يهدي

يعطيك الصحة ورببي يخليلك تون شااوي فحل
منوصيكش حطي البليقة مسميك كااش عملية خياانة خخخخ

تحيااتي
​

السلام عليكم اهلا وسهلا كارلا نورت الموضوع الغالية نتاعنا
لا اختي عارفتكم مشغوليين وحتى انا كنت مشغولة شوي
اييه ما تخميش البليغة راح نديرها فصاكي هههههه اللي نلقاه نعطيه حد وين يتوبو :p
:p:p

 

[ليليا مرام]

رد: الرجال ما يشبعوش ...... ارواحو تعرفو علاه

ها ختي علاه تديريلنا هاك علاه خلينا نشلو عينينا من جمال خلق الله هههههههههه

السلام عليكم اهلا وسهلا خويا يونس
اواه لالا ما تشلل ما تغسل حنا نغيرو على رجال المنتدى ممنوع خاوتنا يشلو عينيهم سيرتو المتزوجين

نقصر برك
اولا انت غلطتي كي سميتيهم رجال

لاتو تعريف الرجولة للاسف رجع باللبباس وفقط يعني لابس سروال راجل ما يشوفوش للافعال

ثانيا لا عذر للعزاب اختي

انا قلت بلاك العازب بلاك مسكين يشلل مي ما يضلش نهار كامل وعلاه عندو الرمد هههه
ثالثا السبب الاول في نظري هو اللوحات الزيتية لي راهم يخرجوا من الجنس اللطيف ربي يهديهم

اممم لوحات زيتية راك عارف المخلوقات شعال راهم مخسرين الدراهم على هذوك اللوحات والله افتح حانوت نتاع ماكياج وتشوفغ شعال تربح ههه
شكرا نورت الموضوع