بخاس ليجي سينفوبلي خخخ

[لؤلؤة قسنطينة]

رد: بخاس ليجي سينفوبلي خخخ

سامحيني اختي ولكن في الفتوى نفسها يقولك المرأة لا تخرج إلا للضرورة
واذا حبت تخرج للتنزه معليش وذلك رفقة محرم، وفرق بين التنزه والجلوس في المقاهي
بالاك المقهى هادي مافيهاش رجال وغير نساء بصح بمجرد تسمع كلمة مقهى رايحة تكون ملفتة للانظار
يعني اذا كانت المساجد يتبلاو فيها ويروحو يتبادلو فيها الارقام تاع الهواتف تحبي المقهى تكون فيها ضوابط؟؟؟
والمرأة كي تكون شاقية تشقى حتى تلحق للدار وترتاح راهي طول حياتها تشقى وماصرالها والو بغياب المقهى
يعني نظن ماراهوش ضروري
خاطر درك في وقتنا ختي لعزيزة ولينا في جيل النورمال
يديرو مقهى نورمال .. يخرجو في 8 مارس ويروحو يشطحو في الحفلات نورمال ورانا رايحين للنورمال
حتى ندخلو فيا لحرام والعياذ بالله
لي تحب تتنزه تروح مع والديها لمكان استجمام وبلادنا واسعة وشاسعة فيها كل خير
ماش شرط تروح للمقهى باه تستجمم خاطر مادام في الجامعات يتكيفو كاش نهار تلقايهم في المقهى بالشيشة والقارو
وتولي نورمال
اعتذر على التدخل حبيت نبين رايي برك واكيد نحترم رايك
تحياتي لك واعتذر من صاحبة الموضوع على التدخل
​

 

[yasmine 4ever]

رد: بخاس ليجي سينفوبلي خخخ

سامحيني اختي ولكن في الفتوى نفسها يقولك المرأة لا تخرج إلا للضرورة
واذا حبت تخرج للتنزه معليش وذلك رفقة محرم، وفرق بين التنزه والجلوس في المقاهي
السلام عليكم اختي ^^
سامحيني ختي و لكن وين جبتي الفتوى تاع التنزه يجب ان يكون بمحرم؟ المحرم في حالة السفر ! و التنزه ليس سفر: تفضلي الفتوى
خروج المرأة إلى الأسواق بدون محرم جائز بشروطه - إسلام ويب - مركز الفتوى

ختي لعزيزة كملتي قريتي الفتوى؟ هذه آخر فقرة: فالخلاصة أن خروج المرأة للترفيه المباح أو التنزه أو لأي غرض غير مذموم وإعانتها على ذلك جائز، ولكن لا ينبغي الإكثار من الخروج
اختي, قد يصبح الخروج للتنزه ضرورة عندما يكون المرء مختنق من البقاء في المنزل؟ قد يكون الدخول للمقهى غير المختلط ضرورة اذا كنت متعبة او حبيت نتفقد اي شيئ
ما رانيش نقول تخرج وقت ما تحب و تدخل وقت ما تحب و تظل فالزنق!, او تخرج دون سبب, أعلم كل العلم ان البيت خير من الشارع و لكن لا يعني ان يحرم الخروج
اخبريني من فضلك ما هو الفرق بين التنزه و الجلوس و شرب كوب عصير دون اختلاط من الناحية الدينية :s

بالاك المقهى هادي مافيهاش رجال وغير نساء بصح بمجرد تسمع كلمة مقهى رايحة تكون ملفتة للانظار

ختي وعلاش كلمة مقى تخلع لهاد الدرجة؟ ياك علابالك بللي راني نتكلم على مقهى خاص بالنساء, و هادوك اللي يتكلمو في اعراض الناس و يقولو بنتهم كانت فالقهوة خليهم بينهم و بين ربي مع انو علابالهم بيان بللي ما كانش اختلاط

يعني اذا كانت المساجد يتبلاو فيها ويروحو يتبادلو فيها الارقام تاع الهواتف تحبي المقهى تكون فيها ضوابط؟؟؟

ختي لو اتبعنا هذا المثال لذهبنا الى اعتبار صلاة المرأة في المسجد مكروهة درءا للفتنة و لتصلي في البيت حتى انه احسن لها, لكن لا الصلاة في المسجد جائزة دائما

والمرأة كي تكون شاقية تشقى حتى تلحق للدار وترتاح راهي طول حياتها تشقى وماصرالها والو بغياب المقهى
يعني نظن ماراهوش ضروري

اممم لا اقصد ابدا انه ضروري و ان المرأة اللي ما تدخلوش معقدة و مظلومة خخ اقصد انو ما فيها والو لوكان تدخل, ثم انني لا احبذ أبدا فكرة ان المرأة شاقية شاقية مكتوب عليها شقا, الاسلام دين يسر, دين دنيا و آخرة للمرأة و الرجل

خاطر درك في وقتنا ختي لعزيزة ولينا في جيل النورمال
يديرو مقهى نورمال .. يخرجو في 8 مارس ويروحو يشطحو في الحفلات نورمال ورانا رايحين للنورمال
حتى ندخلو فيا لحرام والعياذ بال
لي تحب تتنزه تروح مع والديها لمكان استجمام وبلادنا واسعة وشاسعة فيها كل خير
ماش شرط تروح للمقهى باه تستجمم خاطر مادام في الجامعات يتكيفو كاش نهار تلقايهم في المقهى بالشيشة والقارو
وتولي نورمال

ختي انا ما دخلنيش فالعباد اللي نياتهم سيئة, لوكان نتبعوهم نولو نحرمو كلش! لوكان نتبعوهم نحرمو صالونات الحلاقة لانو المتبرجات يتزينو فيها, نحرمو الدراسة في المدرسة و الجامعة و حتى الطفلة الطيبة اللي حابة تتعلم و خاطيها مشاكل (راهوم كاينين و بعدد كبير ) تروح مع التيار و تحرم من طلب العلم مع انها لا ترتكب اي شيئ,
و نعودو حتى نحرمو القهاوي للرجال لانو فيها الغيبة و النميمة و عدم غض البصر عند الكثير على اللي رايح و جاي خاصة ان المقاهي اغلبها في الهواء الطلق, و لكن هادوك الاشخاص بينهم و بين ربي!

اعتذر على التدخل حبيت نبين رايي برك واكيد نحترم رايك

لا اختي على العكس اشكرك جزيييييييل الشكر, احب النقاشات و كثرة المداخلات كثيرا لتبادل الآراء, و لأصحح أفكاري اذا كانت خاطئة
تحياتي لك واعتذر من صاحبة الموضوع على التدخل
​

شكرااا اختي بارك الله فيك :d

 

[عاشقة الكرة]

رد: بخاس ليجي سينفوبلي خخخ

الله الله يا بوطيبة داويلي حالي مجرووووح
وش راهي صاري هي يعني منستبعدوهاش يا اصدقائي الاعزاء واحد الوقت ول يا لطيف قولولي برك وشنو هو شي لي مزال المرا مداراتوش يرحم الوالدين بصح قولولي الرجال(زعما رجال) هوما لي دارولها القهوة وهي لاه تتلام خخخخ
والله عجبتيني حنونة انا والله نكون جاقفة بالعطش باه نروح نشري قرعة ماء من لفوايي يحبلي اي يركبو فشايلي وسيرتو كي نشوف الرجال مستفين ثما
اااو ربي يبقي الستر وخلاص
​

 

["viola"]

رد: بخاس ليجي سينفوبلي خخخ

المهم رأيك و نحترمو
صحيتي ختي ^^ في أمان الله

يا اختي فرق ما بين تروح المرا تتنزه و ما بين تروح تريح في قهوة في مجتمع كيما مجتمعنا
و مام انا ما أفتيت و ما قلت حراام مي كلمة عيب نديرلها حساب اختي ..
و كيما قال الرسول عليه الصلاة و السلام إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام
و الباقي كيما قاتلك مريومة راهي كفات و وفات خيتو
بارك الله فيك ^^​

 

[لؤلؤة قسنطينة]

رد: بخاس ليجي سينفوبلي خخخ

السلام عليكم اختي ^^
سامحيني ختي و لكن وين جبتي الفتوى تاع التنزه يجب ان يكون بمحرم؟ المحرم في حالة السفر ! و التنزه ليس سفر: تفضلي الفتوى
خروج المرأة إلى الأسواق بدون محرم جائز بشروطه - إسلام ويب - مركز الفتوى

وعليكم السلام ورحمة الله وبركاته
ونتي قلتيها بنفسك بشروط، ماش محمرة والعطر تاعها يضرب من بعيد هادا في حالة كات هي الظالمة اما اذا كانت هي المظلومة
اي بتعرضها للمضايقات فهنا نظن وجوب خروج المحرم شكون درك الطفلة لي تقدر تخرج تشري ومايعترضش طريقها كاش واحد
وماتقوليليش محترمة وكلشي خاطر رانا ساترين رواحنا وغير تدخلي حانوت تشري برك يضايقك يا لوكان بالنضرات تاعو غير
المحترمة مالا نخليو حكاية المحرم جانبا لانو ماراهيش موضوعنا

ختي لعزيزة كملتي قريتي الفتوى؟ هذه آخر فقرة: فالخلاصة أن خروج المرأة للترفيه المباح أو التنزه أو لأي غرض غير مذموم وإعانتها على ذلك جائز، ولكن لا ينبغي الإكثار من الخروج

قالك لا ينبغي الاكثار من الخروج يعني تخرجي لضروريات، فهل الجلوس في المقاهي ضرورة؟؟ وماتقوليليش تنزه لأنو ارض ربي
واسعة كاين حدائق و مناظر خلابة اجمل من 4 حيوط نشرب فيهم كاس عصير يعني الجلوس في المقهى ماعندوش علاقة
بالتنزه خلاص ولا انك تنحي بيه ضيقة الخاطر في رايي نقعد في داري خير نشرب كاس عصير بارد وشعري مطلوق ومتنفسة
خير من الخيمار على راسي ومحبوسة بين اربعة حيطان

اختي, قد يصبح الخروج للتنزه ضرورة عندما يكون المرء مختنق من البقاء في المنزل؟
ونتي قلتيها نخرج من اربع حيوط باه نشوف ارض ربي ونشوف الشمس والحشيش ماش نزيد ندخل لربع حيوط خلاف
هكاك ندير خيمار في نص الدار ونعرض صحاباتي وكلي راني في مقهى هههه وبالاك آلاز كتر

قد يكون الدخول للمقهى غير المختلط ضرورة اذا كنت متعبة او حبيت نتفقد اي شيئ
حبيبتي عام وسنين وحنا نتعبو سواءا من القراية ولا الخدمة ولا اي شي وماكانتش عندنا مقاهي وعايشين والحمد لله
كي نشوف روحي تعبانة نشري من برا كاس عصير نبرد بيه عطشي ونكمل للدار نرتاح ماش نضيع وقتي في المقاهي
وهنا ختي راكي نفسك وبكلامك توضحي بلي المقهى ماش مكان للتنزه
ما رانيش نقول تخرج وقت ما تحب و تدخل وقت ما تحب و تظل فالزنق!, او تخرج دون سبب, أعلم كل العلم ان البيت خير من الشارع و لكن لا يعني ان يحرم الخروج
يا ختي شكون حرم الخروج؟ النساء اي تدور برا كتر من الرجال
حنا قلنا كاين اماكن لازم تزورهم المرأة وكاين اماكن لالا الخروج ماهدرناش عليه خلاص
اخبريني من فضلك ما هو الفرق بين التنزه و الجلوس و شرب كوب عصير دون اختلاط من الناحية الدينية :s
التنزه انك تخرجي مع عايلتك وين باباك وزوجك بجنبك ولا يا سيدي مع صديقتك باه ماندخلوش في موضوع المحرم
وتروحي لحديقة تشمي هواء نقي ماش تدخلي لمقهى هادا سامحيني ماش تنزه هادي غبينة ههه

ختي وعلاش كلمة مقى تخلع لهاد الدرجة؟
حبيبتي كلمة مقهى ماش هي لي تخلع، راهي خالعتني المرأة لي كلشي عندها نورمال ورايحة تقتحم عالم الرجل بالقوة

ياك علابالك بللي راني نتكلم على مقهى خاص بالنساء, و هادوك اللي يتكلمو في اعراض الناس و يقولو بنتهم كانت فالقهوة خليهم بينهم و بين ربي مع انو علابالهم بيان بللي ما كانش اختلاط

ختي لعزيزة اكيد كلام الناس مايهمش ولكن ماش نخرج من مكان مشبوه ونقول كلام الناس مايهمش
بالاك تقوليلي المقهى مافيها والو وماش مكان مشبوه لكن من بكري نعرف بلي كلمة مقهى تفكرني بالدومين والكارطا
حتى ولو درك ولات لاغوز بون بون وغير للنساء، وزيد ختي حنا لدرجة ولينا واش عندي في الناس وخلي يهدرو رحنا للهلاك
بكري كان الجار كي الاب كي يشوف بنت جارو خارجة بلبسة ماش مليحة يعاتبها وكي يشوفها واقفة مع واحد يعاقبها
وزيد كي يجي باباها يعاقبها من فوق، لكن حنا درك ديري برك وواش عندي في الناس حتى ولاو النساء يشطحو على
الهواء مباشرة ويتفرج فيهم لي يسوى ومايسواش وحنا نقولو خلي برك واش عندي في الناس


ختي لو اتبعنا هذا المثال لذهبنا الى اعتبار صلاة المرأة في المسجد مكروهة درءا للفتنة و لتصلي في البيت حتى انه احسن لها, لكن لا الصلاة في المسجد جائزة دائما
صلاة المرأة في بيتها خير لها، ماقلناش مكروهة بصح الصلاة في المسجد ماش واجبة عندها اطفال وبيت ومسؤولية
ونتي بنفسك قلتي دين الاسلام دين يسر وعلى هادي سهل للمرأة وفضل انها تصلي في بيتها احسن لانو نساء اليوم ولاو
مدايرين المسجد كتر من المقهى تروح تحكي فيه على عجوزتها وعلى كنتها ومن بعد تقولك ندي الاجر

اممم لا اقصد ابدا انه ضروري و ان المرأة اللي ما تدخلوش معقدة و مظلومة خخ اقصد انو ما فيها والو لوكان تدخل, ثم انني لا احبذ أبدا فكرة ان المرأة شاقية شاقية مكتوب عليها شقا, الاسلام دين يسر, دين دنيا و آخرة للمرأة و الرجل

يا اختي فهمتيني غالط
شكون قالك المرأة مكتب عليها الشقاء؟ قتلك اذا المرأة في الطريق تعبت ولا وشقات تكمل شقاها للدار وترتاح ضربة وحدة
خير ماتضيع وقتها في المقاهي

ختي انا ما دخلنيش فالعباد اللي نياتهم سيئة, لوكان نتبعوهم نولو نحرمو كلش!
المشكل كي ماتبعناهمش حللنا كلش راني نشوف العكس صاير
لوكان نتبعوهم نحرمو صالونات الحلاقة لانو المتبرجات يتزينو فيها,
مالا ختي لعزيزة لأنو رانا نمشيو بعقلية نورمال وواش عندي في الناس راهم ولاو رجال يخدمو في صالونات الحلاقة
وتروحلو ست الحسن والجمال تنحي خيمارها وتقعد معاه في غرفة وحدهم ويمشطلها شعرها عادي ونوورمال حتى هي ماش سامعة بالناس وحابة تعيش حياتها
نحرمو الدراسة في المدرسة و الجامعة و حتى الطفلة الطيبة اللي حابة تتعلم و خاطيها مشاكل (راهوم كاينين و بعدد كبير ) تروح مع التيار و تحرم من طلب العلم مع انها لا ترتكب اي شيئ,
ختي لعزيزة التعليم واضح نهار يجي واحد يقولك المرأة ماتروحش تقرا تقدري توقفي في وجهو وتقوليلو ربي نهار نزل الوحي
على سيدنا محمد بدا بكلمة إقرأ، بصح كي يقولك على المقهى واش تقوليلو؟؟
المشكل ختي رانا ولينا نحللو ونحللو حتى ولا كلشي عندنا عادي وحتى ولاو الرجال بلا كرامة والنساء بلا حياء للاسف

و نعودو حتى نحرمو القهاوي للرجال لانو فيها الغيبة و النميمة و عدم غض البصر عند الكثير على اللي رايح و جاي خاصة ان المقاهي اغلبها في الهواء الطلق, و لكن هادوك الاشخاص بينهم و بين ربي!

واش راكي تقولي درك؟ قلتي المقاهي على الرجال وحرام خاطر فيهم نميمة فمابالك بالمرأة لي لسانها زوج امتار
ختي لعزيزة لما المرأة تحب تلاقى بصاحبتها تعرضها على غداء ويحكيو كيما يحبو وعلى راحتهم ماش شرط تروح
للمقهى باه تنحي على خاطرها ​

ختي لعزيزة والله العظيم مداخلاتي ماش باه نثبت رايي ولا نفرضو ولا نقولك نتي غالطة وانا صحيحة
انا تغيضني لما بنات بلادي يدخلولهم عادات من الغرب لي لا دين وملة وهوما يتبعوها نورمال، نتي درك تقولي
المقهى نورمال ومحترم ومافيها والو لكن مع مرور الوقت يولي مكان مايسواش، كيما عيد المرأة بكري كانو النساء يحتافلو
بيه في ديارهم ومن بعد ولاو يخرجو يتغداو برا ومن بعد ولات شطيح ورديح والعام الجاي معرف واش يكون
بحكاية نورمال ولينا نحتافلو بعيد الحب وبالهالوين وبالنويل وخلي وخلي
ختي لعزيزة ربما نتي نيتك صافية ولكن في وقتنا قد ما الانسان يبعد على الشبهات رايح يكون احسن لانو رانا في زمن لا يرحم
وقد ماتحكمي في دينك وقليل
وربي يحفظ بناتنا واخواتنا ويسترهم ويرزقهم التقى والعفاف والغنى
ربي يهنيك ان شاء الله
​

 

["viola"]

رد: بخاس ليجي سينفوبلي خخخ

الله الله يا بوطيبة داويلي حالي مجرووووح
وش راهي صاري هي يعني منستبعدوهاش يا اصدقائي الاعزاء واحد الوقت ول يا لطيف قولولي برك وشنو هو شي لي مزال المرا مداراتوش يرحم الوالدين بصح قولولي الرجال(زعما رجال) هوما لي دارولها القهوة وهي لاه تتلام خخخخ
والله عجبتيني حنونة انا والله نكون جاقفة بالعطش باه نروح نشري قرعة ماء من لفوايي يحبلي اي يركبو فشايلي وسيرتو كي نشوف الرجال مستفين ثما
اااو ربي يبقي الستر وخلاص
​

خخخخ اهلا خيتو
هههه لالا يا الزينة المقهى فكرة و ملك ل2 نساء داروهم هههه يعني الرجال خاطيهم هاذي الخطرة
معليه قا يدي مرتو للقهوة تسطالي و كي تكمل هاراه يروح يجيبها هو و لا تحكم كلونديستان دبر راسها مدغغ خخخخ
هههه و الله العظيم انا كي نقول كلمة قهوة برك يجيني في راسي منظر مهيب كرعيا يتكروازاو ههههه
اللهم اميين
صحيتي الزينة ^^ ​

 

[yasmine 4ever]

رد: بخاس ليجي سينفوبلي خخخ

يا اختي فرق ما بين تروح المرا تتنزه و ما بين تروح تريح في قهوة في مجتمع كيما مجتمعنا
و مام انا ما أفتيت و ما قلت حراام مي كلمة عيب نديرلها حساب اختي ..
و كيما قال الرسول عليه الصلاة و السلام إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام
و الباقي كيما قاتلك مريومة راهي كفات و وفات خيتو
بارك الله فيك ^^​

ختي هذا هو المشكل الكبير: المجتمع, علابالي بللي المجتمع نتاعنا مش ساهل, علابيها راني نبذل في مجهود هنا , حابة مجتمعنا يتغير قليلا, يحسن العقلية, اريد التغيير, يتوقف عن الاهتمام بنفسه و يحاسب نفسه قبل الآخرين, لذا احببت ان اناقش هنا , لاعبر عن رأيي و ارى ماذا يظن من حولي, و لاصحح اخطائي اذا تبين انني مخطئة
مثلا كم اتمنى مجتمع مبني على حلال و حرام بدل عيب
انتي حرة ^^,و انا لا اريد ان افرض شيئا استغفر الله, فقط رانا نتناقشو ^^ اصلا انا كذلك اهتم بكلمة عيب خخخ ليس بمقدور اي شخص يختلط بالناس ان يتجاهل كلامهم بشكل مطلق , و لكن بالنسبة لي ليس في مثل هذه الامور, ليس في امر عادي (بالنسبة لي) ,هناك اشياء لا احب السكوت عنها
نعم يجب اتقاء الشيهات, لكن صراحة ما زلت على رأيي, لا أرى للدخول في "محل" يبيع القهوى فيه مقاعد للراحة و خاص بالنساء اي شبهة
و فيك بارك ^^

 

["viola"]

رد: بخاس ليجي سينفوبلي خخخ

ختي هذا هو المشكل الكبير: المجتمع, علابالي بللي المجتمع نتاعنا مش ساهل, علابيها راني نبذل في مجهود هنا , حابة مجتمعنا يتغير قليلا, يحسن العقلية, اريد التغيير, يتوقف عن الاهتمام بنفسه و يحاسب نفسه قبل الآخرين, لذا احببت ان اناقش هنا , لاعبر عن رأيي و ارى ماذا يظن من حولي, و لاصحح اخطائي اذا تبين انني مخطئة
مثلا كم اتمنى مجتمع مبني على حلال و حرام بدل عيب
انتي حرة ^^,و انا لا اريد ان افرض شيئا استغفر الله, فقط رانا نتناقشو ^^ اصلا انا كذلك اهتم بكلمة عيب خخخ ليس بمقدور اي شخص يختلط بالناس ان يتجاهل كلامهم بشكل مطلق , و لكن بالنسبة لي ليس في مثل هذه الامور, ليس في امر عادي (بالنسبة لي) ,هناك اشياء لا احب السكوت عنها
نعم يجب اتقاء الشيهات, لكن صراحة ما زلت على رأيي, لا أرى للدخول في "محل" يبيع القهوى فيه مقاعد للراحة و خاص بالنساء اي شبهة
و فيك بارك ^^

ههه اوكي يا ختي و يبقى رأيك و نحترمو
يعطيك الصحة ​

 

[yasmine 4ever]

رد: بخاس ليجي سينفوبلي خخخ

وعليكم السلام ورحمة الله وبركاته
ونتي قلتيها بنفسك بشروط، ماش محمرة والعطر تاعها يضرب من بعيد هادا في حالة كات هي الظالمة اما اذا كانت هي المظلومة
اي بتعرضها للمضايقات فهنا نظن وجوب خروج المحرم شكون درك الطفلة لي تقدر تخرج تشري ومايعترضش طريقها كاش واحد
وماتقوليليش محترمة وكلشي خاطر رانا ساترين رواحنا وغير تدخلي حانوت تشري برك يضايقك يا لوكان بالنضرات تاعو غير
المحترمة مالا نخليو حكاية المحرم جانبا لانو ماراهيش موضوعنا

مرحبا ختي
ايه بيانسور بشروط, انا ضد التبرج طبعا!
اوكي نتي قلتي تدخلي للمحل يضايقك بالنظرات تاوعو راهم دارولك الحل اختي! مقهى للنساء, و السيرفور ولا البائع اكيد امرأة سينو ينحيو خاص بالنساء
ختي انا شخصيا لا اتعرض للكثير من المضايقات, و حتى اذا ضايقوني ما نلقيش اللوم على روحي و ما نبطلش خرجة ما دمت عندي اسباب و ما دامني استوفي الشروط و ساترة روحي و الحمد لله, هاذاك الشخص نوكل عليه ربي و الخطأ نتاعو لان غض البصر واجب


قالك لا ينبغي الاكثار من الخروج يعني تخرجي لضروريات، فهل الجلوس في المقاهي ضرورة؟؟ وماتقوليليش تنزه لأنو ارض ربي
واسعة كاين حدائق و مناظر خلابة اجمل من 4 حيوط نشرب فيهم كاس عصير يعني الجلوس في المقهى ماعندوش علاقة
بالتنزه خلاص ولا انك تنحي بيه ضيقة الخاطر في رايي نقعد في داري خير نشرب كاس عصير بارد وشعري مطلوق ومتنفسة
خير من الخيمار على راسي ومحبوسة بين اربعة حيطان

خخخخخ انا ما قلتش تخرج سبيسيال غير باش تروح تشرب قهوة برا, راني نقول كي تكون برا لاي سبب ما دخلنيش فيها انايا عادي لو تدخل


ونتي قلتيها نخرج من اربع حيوط باه نشوف ارض ربي ونشوف الشمس والحشيش ماش نزيد ندخل لربع حيوط خلاف
هكاك ندير خيمار في نص الدار ونعرض صحاباتي وكلي راني في مقهى هههه وبالاك آلاز كتر

حبيبتي عام وسنين وحنا نتعبو سواءا من القراية ولا الخدمة ولا اي شي وماكانتش عندنا مقاهي وعايشين والحمد لله

حبيبتي انا تاني عايشة بلا مقهى و لكن خخخ واش فيها لو يتحسنو الظروف كثر؟ مثلا يحبو يحسنو الطريق او يصبغو التروتوار نقوللهم لالا ما كان لاه راني عايشة و الحمد لله :s
كي نشوف روحي تعبانة نشري من برا كاس عصير نبرد بيه عطشي ونكمل للدار نرتاح ماش نضيع وقتي في المقاهي

ختي خطراة نحتاج مكان للجلوس و مكان مغلق غير مختلط هو الاحسن برأيي!

وهنا ختي راكي نفسك وبكلامك توضحي بلي المقهى ماش مكان للتنزه

ختي انا ما رانيش حابة نثبت بللي المقهى مكان للنزهة بل هو مكان للراحة و هو جزء من النزهة ان كنا في نزهة و دخلنا,
و ربما المقهى شباب و حطة خخخ اذن انا عن نفسي يمكن ان اعتبره هو في روحو نزهة خخخ
هو يبقى كأي محل و المحلات أمر عادي :s

حنا قلنا كاين اماكن لازم تزورهم المرأة وكاين اماكن لالا الخروج ماهدرناش عليه خلاص
اخبريني من فضلك ما هو الفرق بين التنزه و الجلوس و شرب كوب عصير دون اختلاط من الناحية الدينية
التنزه انك تخرجي مع عايلتك وين باباك وزوجك بجنبك ولا يا سيدي مع صديقتك باه ماندخلوش في موضوع المحرم
وتروحي لحديقة تشمي هواء نقي ماش تدخلي لمقهى هادا سامحيني ماش تنزه هادي غبينة ههه

مممنفس كلامي السابق

حبيبتي كلمة مقهى ماش هي لي تخلع، راهي خالعتني المرأة لي كلشي عندها نورمال ورايحة تقتحم عالم الرجل بالقوة

ختي مش مكتوبة في القرآن او في السنة بللي المقهى امر خاص بالرجال فقط ^^ و انا عندما ادخل في مقهى نسوي ما زلت في عالمي


ختي لعزيزة اكيد كلام الناس مايهمش ولكن ماش نخرج من مكان مشبوه ونقول كلام الناس مايهمش
بالاك تقوليلي المقهى مافيها والو وماش مكان مشبوه لكن من بكري نعرف بلي كلمة مقهى تفكرني بالدومين والكارطا
حتى ولو درك ولات لاغوز بون بون وغير للنساء، وزيد ختي حنا لدرجة ولينا واش عندي في الناس وخلي يهدرو رحنا للهلاك
بكري كان الجار كي الاب كي يشوف بنت جارو خارجة بلبسة ماش مليحة يعاتبها وكي يشوفها واقفة مع واحد يعاقبها
وزيد كي يجي باباها يعاقبها من فوق، لكن حنا درك ديري برك وواش عندي في الناس حتى ولاو النساء يشطحو على
الهواء مباشرة ويتفرج فيهم لي يسوى ومايسواش وحنا نقولو خلي برك واش عندي في الناس


وصلنا للمسقي خخخ , لماذا تعتبرينه مكان مشبوه رغم انك تدركين انه ليس كذلك؟ اذا توقفنا عن مناداته مكان مشبوه ببساطة لانه ليس مشبوه لتوقف الناس عن الحديث عن مرتاديه
و لست افهم, لا اظن ان القهوة تعني مجرد كارطا و دومين :s ختي هاهوم القهاوي تاعالرجال محلولين, هل قاع يظلو يلعبو بالكارطة و الدومين؟ لا ابدا, اا نفس الشيئ للنساء
ختي انا بالنسبة ليا الناس قاع عندها عقل, و تقدر تخمم, يعني راني نطالب بشيئ على اساس الناس عندها عقل و تعرف الحدود و اللي ما يخدمش عقلو أو يتجاوز حدودو بشكل متعمد بينو و بين ربي, وين تروحي راح تلقاي الصالحو الطالح حتى فالمسجدكيما قلتي


صلاة المرأة في بيتها خير لها، ماقلناش مكروهة بصح الصلاة في المسجد ماش واجبة عندها اطفال وبيت ومسؤولية
ونتي بنفسك قلتي دين الاسلام دين يسر وعلى هادي سهل للمرأة وفضل انها تصلي في بيتها احسن لانو نساء اليوم ولاو
مدايرين المسجد كتر من المقهى تروح تحكي فيه على عجوزتها وعلى كنتها ومن بعد تقولك ندي الاجر

يا اختي فهمتيني غالط
شكون قالك المرأة مكتب عليها الشقاء؟ قتلك اذا المرأة في الطريق تعبت ولا وشقات تكمل شقاها للدار وترتاح ضربة وحدة
خير ماتضيع وقتها في المقاهي

يعني وعلاش لازم تكمل شقاها للدار خخخخ هذا ما لا افهمه ابدا! حسنا اذا هي حبت تشقى دبر راسها دير كيما حبت, بصح الوحدة لي حابة تريح علاش ما تخلوهاش تريح !
بالنسبة لي الوقت الذي ارتاح فيه ليس ضائع, ثم انني لا اطلب من امرأة عليها واجبات ان تتركها و تدخل, او اذا كان الوقت متأخر؟ طبعا لا

المشكل كي ماتبعناهمش حللنا كلش راني نشوف العكس صاير

ختي حنا ما نتبعوهم ما ما نتبعوهمش ههه يمكننا البقاء في الوسط, لن نفسد الامور على الناس المحترمين بسبب غير المحترمين, هذا مبدأ
و يعني مقهى مثل تحليل بيتزيريا لا؟لست هنا لاحلل او احرم استغفر الله و لكن اظن ان الامر ليس بهذه الخطورة بالنسبة للاغلبية من الناس, اماهادوك اللي راح يفسدو بسبب مقهى قلتها و نعاودها بينهم و بين ربي


مالا ختي لعزيزة لأنو رانا نمشيو بعقلية نورمال وواش عندي في الناس راهم ولاو رجال يخدمو في صالونات الحلاقة

ختي هاذي حالة خاصة و راني ضدها
وتروحلو ست الحسن والجمال تنحي خيمارها وتقعد معاه في غرفة وحدهم ويمشطلها شعرها عادي ونوورمال حتى هي ماش سامعة بالناس وحابة تعيش حياتها
نحرمو الدراسة في المدرسة و الجامعة و حتى الطفلة الطيبة اللي حابة تتعلم و خاطيها مشاكل (راهوم كاينين و بعدد كبير ) تروح مع التيار و تحرم من طلب العلم مع انها لا ترتكب اي شيئ,

ختي لعزيزة التعليم واضح نهار يجي واحد يقولك المرأة ماتروحش تقرا تقدري توقفي في وجهو وتقوليلو ربي نهار نزل الوحي
على سيدنا محمد بدا بكلمة إقرأ، بصح كي يقولك على المقهى واش تقوليلو؟؟

بالنسبة للتعليم راني معاك, بالنسبة للمقهى نقولو هل انا مستورة؟ هل المكان غير مختلط؟ هل انا آتي بهدف الغيبة و النميمة او التبرج او الفتنة؟ لا لا لا اذن انا استوفي الشروط اذن يمكنني الخروج و الدخول للمقهى
ترين اختي؟ حتى في الفتوى قالوا بللي المرأة تخرج حين تستوفي الشروط, و لكن يحرم عليها اذا تبرجت او اخلت باحد الشروط, يحرم عليها هي فقط, لم يتم تحريم الخروج لكل النساء بدافع درأ الفتنة و منع غير المتدينات منهن من التبرج و الحرام, تم منعه فقط عن الشاذة, كذلك الحال بالنسبة للمقهى اظن انه محل نقاش لمن لا تستوفي الشروط دخوله, ليس على الاخريات

المشكل ختي رانا ولينا نحللو ونحللو حتى ولا كلشي عندنا عادي وحتى ولاو الرجال بلا كرامة والنساء بلا حياء للاسف

ختي الامر ما راهوش حرام باش نحللوه :s


واش راكي تقولي درك؟ قلتي المقاهي على الرجال وحرام خاطر فيهم نميمة فمابالك بالمرأة لي لسانها زوج امتار

خخخ ختي انا مرأة و لساني ليس 2 امتار, اذا اخذنا مبدأ المرأة نمامة و لسانها طويل نحرمو كل التجمعات النسوبة و خلاص و هي ليست تقام في المقاهي, بل في البيوت و المساجد

ختي لعزيزة لما المرأة تحب تلاقى بصاحبتها تعرضها على غداء ويحكيو كيما يحبو وعلى راحتهم ماش شرط تروح
للمقهى باه تنحي على خاطرها

صراحة لم أقتنع بما تقولينه بعد, لا زلت متمسكة برأيي البسيط
بارك الله فيك و ربي يغفرلي اذا ارتكبت خطا ما

 

[لؤلؤة قسنطينة]

رد: بخاس ليجي سينفوبلي خخخ

ختي لعزيزة عندي جواب على كل كلام قلتيه
ولكن رايحة نكتفي بهاد القدر لأنو انتي في نفسك حابة تقنعي روحك بلي دخول المقاهي نورمال
مالا كل واحد حر في نفسو. انا عن نفسي كي نحب نروح نزهة نروح نتبحر ونروح نشوف ارض ربي الواسعة
ماش نحبس روحي في 4 حيوط
المهم لا علينا ربي يهني بناتنا بالفكرة الجديدة هادي لعقوبة لحاجة خلاف
وشكرا على مداخلاتك بارك الله فيك
تحياتي​

 

[yasmine 4ever]

رد: بخاس ليجي سينفوبلي خخخ

ختي لعزيزة عندي جواب على كل كلام قلتيه
ولكن رايحة نكتفي بهاد القدر لأنو انتي في نفسك حابة تقنعي روحك بلي دخول المقاهي نورمال
مالا كل واحد حر في نفسو. انا عن نفسي كي نحب نروح نزهة نروح نتبحر ونروح نشوف ارض ربي الواسعة
ماش نحبس روحي في 4 حيوط
المهم لا علينا ربي يهني بناتنا بالفكرة الجديدة هادي لعقوبة لحاجة خلاف
وشكرا على مداخلاتك بارك الله فيك
تحياتي​

ختي لعزيزة من فضلك اذا كان عندك جواب انا مستعدة لقراءته و تقبله اذا قنعني, إذا اردت طبعا, أنا لست متعصبة لرأيي, و لدي رغبة في تصحيح فكرتي ان كانت خاطئة, فقط اقتنع لكن انت تظنين بللي راني نهدر برك و متمسكة بهذا الفكرة عبثا و راني حابة نخرج برك رغم اني اتكلم بمنطقية
خخخخ و يعني انا فارغة شغل و ما عنديش فاش نخمم باش نحب نقنع روحي بللي المقهى حلال خخ أنا فقط أتبع الحجة, و القضية قضية مبدأ و ليس هل أدخل المقهى او لا
المبدأ هو الحرام حرام و الحلال حلال و الشبهة يجب اتقاؤها و الأصل في الأمور الجواز و كل واحد حر في نفسو ما نتكلمش عليه نلتهى بنفسي
ما رانيش حابة نقنع روحي بللي دخول المقاهي النسوية التي ليست فيها محرمات نورمال! لأني مقتنعة أصلا!
و راني فسرت وجهة نظري و بينت علاش راني مقتنعة على حسب ما أظن
آآه هذا ما اريد الوصووول اليه! كل واحد حر في نفسو, و كي تشوفو طفلة دخلت للمقهى ماشي "شوفو شوفو بنات آخر زمن يدخلو للقهاوي :down:" لانو هذا بالنسبة لي تكلم في العرض, نتي ما تحبيش تدخلي لمقهى نسوي انتي حرررة و لكن مش معناها عيب و ماشي مربية لي تدخل خاصة او يجب غلقه, او انو المقهى هاداك مكان للشرور الا اذا كان كذلك(في هذه الحالة انا معك يجب غلقه, مثلا اا كانت معظم مرتاداته من المتبرجات الكاسيات العاريات, و فيه الأغاني المحرمة, هنا بالنسبة لي انا شخصيا لا أدخله و سأفرح لغلقه!و لكن ليس مجرد مقهى ديكوره جميل مرتادوه عاديون يشبه البيتزيريات او المطاعم للي عندنا), الأصل في الأمور الجوااااااااااز حتى تصدر فتوى رسمية للتحريم

و كيما قلتي نتي كل واحد حر
خخخ سااامحيييني ختي و لكن ما قدرتش ما نعقبش و نتي اذا حابة تحبسي الهدرة تجاهلي ردي نتي حرة و في النهاية لك رأي و لي رأي و كل منا يحترم وجهة نظر الآخر ^^
بارك الله فيييك أختي العزيزة

 

[لؤلؤة قسنطينة]

رد: بخاس ليجي سينفوبلي خخخ

ختي لعزيزة من فضلك اذا كان عندك جواب انا مستعدة لقراءته و تقبله اذا قنعني, إذا اردت طبعا, أنا لست متعصبة لرأيي, و لدي رغبة في تصحيح فكرتي ان كانت خاطئة, فقط اقتنع لكن انت تظنين بللي راني نهدر برك و متمسكة بهذا الفكرة عبثا و راني حابة نخرج برك رغم اني اتكلم بمنطقية
خخخخ و يعني انا فارغة شغل و ما عنديش فاش نخمم باش نحب نقنع روحي بللي المقهى حلال خخ أنا فقط أتبع الحجة, و القضية قضية مبدأ و ليس هل أدخل المقهى او لا
المبدأ هو الحرام حرام و الحلال حلال و الشبهة يجب اتقاؤها و الأصل في الأمور الجواز و كل واحد حر في نفسو ما نتكلمش عليه نلتهى بنفسي
ما رانيش حابة نقنع روحي بللي دخول المقاهي النسوية التي ليست فيها محرمات نورمال! لأني مقتنعة أصلا!
و راني فسرت وجهة نظري و بينت علاش راني مقتنعة على حسب ما أظن
آآه هذا ما اريد الوصووول اليه! كل واحد حر في نفسو, و كي تشوفو طفلة دخلت للمقهى ماشي "شوفو شوفو بنات آخر زمن يدخلو للقهاوي :down:" لانو هذا بالنسبة لي تكلم في العرض, نتي ما تحبيش تدخلي لمقهى نسوي انتي حرررة و لكن مش معناها عيب و ماشي مربية لي تدخل خاصة او يجب غلقه, او انو المقهى هاداك مكان للشرور الا اذا كان كذلك(في هذه الحالة انا معك يجب غلقه, مثلا اا كانت معظم مرتاداته من المتبرجات الكاسيات العاريات, و فيه الأغاني المحرمة, هنا بالنسبة لي انا شخصيا لا أدخله و سأفرح لغلقه!و لكن ليس مجرد مقهى ديكوره جميل مرتادوه عاديون يشبه البيتزيريات او المطاعم للي عندنا), الأصل في الأمور الجوااااااااااز حتى تصدر فتوى رسمية للتحريم

و كيما قلتي نتي كل واحد حر
خخخ سااامحيييني ختي و لكن ما قدرتش ما نعقبش و نتي اذا حابة تحبسي الهدرة تجاهلي ردي نتي حرة و في النهاية لك رأي و لي رأي و كل منا يحترم وجهة نظر الآخر ^^
بارك الله فيييك أختي العزيزة

يا ختي لعزيزة، كي نتكلم انا ونقولك هكا وهكا ونلقى الصد منك كيفاه تحبيني نكمل الاجوبة، هكا راني نحسها مناظرة وكل طرف يدافع على فكرتو مانحسوش نقاش
وكيما قتلك من قبل كل انسان حر في نفسو، لي يحب يدخل مقهى يتفضل ولي يحب يجبد روحو تاني حر
لكن انا الشي لي خلاني نتكلم هو انو المرأة تحلتلها العين بزاف حتى تجردت من الحياء ومن الحشمة، هنا ماش نقصد المقهى ولكن نقصد لوين رايح يلحق المقهى من بعد
نتي قلتيلي المقهى اذا كانت فيه ضوابط ندخلو واذا فيه تبرج وكلشي ماندخلش، نسقسيك برك هل الزمن لي رانا عايشين فيه مافيهش تبرج؟
اذا كانت المدارس والجامعات لي راهي مكان للدراسة والعلم يجيو بالميني واللبسة الفاضحة تحبي المقهى يكون محترم؟؟ اذا المساجد يروحو يصليو فيها بالسروال والتريكو
تحبي المقهى يروحو ليها بالجلباب؟؟ربي يهديك ختي لعزيزة راهم للسوق يروحو ماكياج كومبلي وفتنة تمشي فوق الارض لي زعما خضرة وتعب وين لي مقهى؟
تولي تلقاي المرأة عند الباب رجل فوق رجل والقارو في فمها وواحد مايقدر يقولها علاه وكيفاه خاطر من الاول بعد كي بدات الفكرة قالو نورمال مافيها والو
اما بالنسبة للغناء صار في الحافلات وفي الدكاكين وفي الشوارع والغناء الفاسق تلقايه تحبي في المقهى ماكانش؟ اصلا شكون المرأة ليوم لي كي تدخل لمقهى مثلا وتقول طفيو
عليا الغناء حرام ولا ماتلبسوش لبسة فاضحة ولا ماديروش عطور، صار قدام الحفافات وتلقاي الرجال يستناو باه يعسو البنات كي يخرجو قدام الليسيات كيف كيف
قدام المساجد ويستناوهم يخرجو تحبي قدام المقهى يترباو ويديرو احترام؟؟على هادي قتلك مكان مشبوه حتى ولو الاساسيات تاوعو مافيهم والو لكن يعتبر شبهة
اما لو نتكلمو على الدين تاعنا واش يقول، الدين تاعنا سمح للمرأة تخرج للضرورة ماش حرمها ولا حبسها بصح سمحلها تخرج تتنزه ولكن في اماكن مليحة ومريحة
المقهى اول شي يجيب الشبهة وزيد واش هي فايدتو يعني اعطيني فوائد تاعو برك خاطر الدين تاعنا لما يسمح بحاجة غير انو فيها فايدة للشخص
تقوليلي فايدتها التنزه نقولك التنزه ماش ندخل لبلاصة نشرب كاس عصير خاطر التحواس الحقيقي او باين كيفاه، تقوليلي نرتاح من التعب هادا يعتبر تضياع وقت
انا متعبة من الطريق كي نلحق لداري نرتح ضربة وحدة علاه عليا نتنقل من بلاصة لبلاصة انا وحدة من الناس كي نكون تعبانة نعود نزرب ندخل للدار برك خاطر تما
نلقى راحتي ولو نلقى واش نلقى في طريقي مانحبسش خاطر ماكانش اامن واريح من البيت، يعني اختي اذا كانت المقاهي للرجال ومكروهة لدرجة فيها تضياع وقت
وفيها لي يعس في لي رايحة وجاية وفيها شجارات وخلي وخلي وهي للرجال كيفاه تحبيها تصلح للنساء
المشكل تاعنا انو المرأة حابة تعاند الرجل وخلاص وهادا ماش صح المرأة عندها حقوق وعطاهملها ربي سبحانو قبل قرون ماش من اليوم وماش بالخروج والجلوس في المقاهي
على كل حال الموضوع شائك وطويل وعريض وانا حبست الرد على مداخلاتك ماش لأني تجاهلتها وماش من عادتي نتجاهل اي شخص ولكن علاه قتلك نتي حابة
تقنعي روحك خاطر ساعات في رد تقوليلي نخرج نتنزه في المقهى وساعات ماتعتابريهش نزهة تعتابريه مكان تريحي فيه على هادي قتلك هكا
على كل حال كيما قلت وقلتي كل شخص حر في نفسو مادام رايحين يفتحو مقهى للنساء خلي مليحة لبناتنا ينحيو على بالهم لي تحب تتفضل وتروح ربي يسعدها
ولي ماتحبش ربي يسعدها في دارها حتى هي، كل واحد حر في حياتو ولكن فقط كلمة ربي يبقي الستر على بناتنا خاطر الاحوال لي لحقنالها ماتبشرش بالخير وهنا نتكلم على العموم
باه ماتقوليش راهي تقصد المقهى هههه ولكن الحرية الزائدة للمرأة راهي رايحة تغرقها وراهي غرقتها بالفعل
ربي يهدينا ويهدي الجميع ان شاء الله

بالتوفيق
​

 

[يونس قاسم]

رد: بخاس ليجي سينفوبلي خخخ

يا مجنونة انت ناضلك الثوم في راسك ياو انا ناضلي جنان تاع ثوم
المشكل في الجلفة يا بن عمي واش هذا نحكي ولا نسكت
تبهديلة و لي شادين القهوة نسا و لا رجال يا مخرفة؟
رجل فوق رجل و تعيط قهوة بيان سيري ااااااه راسي خرجت ثومة علابالك
فيولا مختصر الهدرة رانا في الدوميل ديسات خلاص رانا في وقت لافيريتي يا وسمك
يعطيك الصحة فيولا

 

[yasmine 4ever]

رد: بخاس ليجي سينفوبلي خخخ

يا مجنونة انت ناضلك الثوم في راسك ياو انا ناضلي جنان تاع ثوم
المشكل في الجلفة يا بن عمي واش هذا نحكي ولا نسكت
تبهديلة و لي شادين القهوة نسا و لا رجال يا مخرفة؟
رجل فوق رجل و تعيط قهوة بيان سيري ااااااه راسي خرجت ثومة علابالك
فيولا مختصر الهدرة رانا في الدوميل ديسات خلاص رانا في وقت لافيريتي يا وسمك
يعطيك الصحة فيولا

أخي هل لي أن أسألك الا من توجه كلامك فيولا او أنا؟ رغم أنه جارح في كل الأحوال

 

[yasmine 4ever]

رد: بخاس ليجي سينفوبلي خخخ

يا ختي لعزيزة، كي نتكلم انا ونقولك هكا وهكا ونلقى الصد منك كيفاه تحبيني نكمل الاجوبة، هكا راني نحسها مناظرة وكل طرف يدافع على فكرتو مانحسوش نقاش
وكيما قتلك من قبل كل انسان حر في نفسو، لي يحب يدخل مقهى يتفضل ولي يحب يجبد روحو تاني حر
لكن انا الشي لي خلاني نتكلم هو انو المرأة تحلتلها العين بزاف حتى تجردت من الحياء ومن الحشمة، هنا ماش نقصد المقهى ولكن نقصد لوين رايح يلحق المقهى من بعد
نتي قلتيلي المقهى اذا كانت فيه ضوابط ندخلو واذا فيه تبرج وكلشي ماندخلش، نسقسيك برك هل الزمن لي رانا عايشين فيه مافيهش تبرج؟
اذا كانت المدارس والجامعات لي راهي مكان للدراسة والعلم يجيو بالميني واللبسة الفاضحة تحبي المقهى يكون محترم؟؟ اذا المساجد يروحو يصليو فيها بالسروال والتريكو
تحبي المقهى يروحو ليها بالجلباب؟؟ربي يهديك ختي لعزيزة راهم للسوق يروحو ماكياج كومبلي وفتنة تمشي فوق الارض لي زعما خضرة وتعب وين لي مقهى؟
تولي تلقاي المرأة عند الباب رجل فوق رجل والقارو في فمها وواحد مايقدر يقولها علاه وكيفاه خاطر من الاول بعد كي بدات الفكرة قالو نورمال مافيها والو
اما بالنسبة للغناء صار في الحافلات وفي الدكاكين وفي الشوارع والغناء الفاسق تلقايه تحبي في المقهى ماكانش؟ اصلا شكون المرأة ليوم لي كي تدخل لمقهى مثلا وتقول طفيو
عليا الغناء حرام ولا ماتلبسوش لبسة فاضحة ولا ماديروش عطور، صار قدام الحفافات وتلقاي الرجال يستناو باه يعسو البنات كي يخرجو قدام الليسيات كيف كيف
قدام المساجد ويستناوهم يخرجو تحبي قدام المقهى يترباو ويديرو احترام؟؟على هادي قتلك مكان مشبوه حتى ولو الاساسيات تاوعو مافيهم والو لكن يعتبر شبهة
اما لو نتكلمو على الدين تاعنا واش يقول، الدين تاعنا سمح للمرأة تخرج للضرورة ماش حرمها ولا حبسها بصح سمحلها تخرج تتنزه ولكن في اماكن مليحة ومريحة
المقهى اول شي يجيب الشبهة وزيد واش هي فايدتو يعني اعطيني فوائد تاعو برك خاطر الدين تاعنا لما يسمح بحاجة غير انو فيها فايدة للشخص
تقوليلي فايدتها التنزه نقولك التنزه ماش ندخل لبلاصة نشرب كاس عصير خاطر التحواس الحقيقي او باين كيفاه، تقوليلي نرتاح من التعب هادا يعتبر تضياع وقت
انا متعبة من الطريق كي نلحق لداري نرتح ضربة وحدة علاه عليا نتنقل من بلاصة لبلاصة انا وحدة من الناس كي نكون تعبانة نعود نزرب ندخل للدار برك خاطر تما
نلقى راحتي ولو نلقى واش نلقى في طريقي مانحبسش خاطر ماكانش اامن واريح من البيت، يعني اختي اذا كانت المقاهي للرجال ومكروهة لدرجة فيها تضياع وقت
وفيها لي يعس في لي رايحة وجاية وفيها شجارات وخلي وخلي وهي للرجال كيفاه تحبيها تصلح للنساء
المشكل تاعنا انو المرأة حابة تعاند الرجل وخلاص وهادا ماش صح المرأة عندها حقوق وعطاهملها ربي سبحانو قبل قرون ماش من اليوم وماش بالخروج والجلوس في المقاهي
على كل حال الموضوع شائك وطويل وعريض وانا حبست الرد على مداخلاتك ماش لأني تجاهلتها وماش من عادتي نتجاهل اي شخص ولكن علاه قتلك نتي حابة
تقنعي روحك خاطر ساعات في رد تقوليلي نخرج نتنزه في المقهى وساعات ماتعتابريهش نزهة تعتابريه مكان تريحي فيه على هادي قتلك هكا
على كل حال كيما قلت وقلتي كل شخص حر في نفسو مادام رايحين يفتحو مقهى للنساء خلي مليحة لبناتنا ينحيو على بالهم لي تحب تتفضل وتروح ربي يسعدها
ولي ماتحبش ربي يسعدها في دارها حتى هي، كل واحد حر في حياتو ولكن فقط كلمة ربي يبقي الستر على بناتنا خاطر الاحوال لي لحقنالها ماتبشرش بالخير وهنا نتكلم على العموم
باه ماتقوليش راهي تقصد المقهى هههه ولكن الحرية الزائدة للمرأة راهي رايحة تغرقها وراهي غرقتها بالفعل
ربي يهدينا ويهدي الجميع ان شاء الله

بالتوفيق
​

مممم لم أصدك كنت أعقب على ردودك, و هذا نقاش عندي
المهم رأيك و أحترمه و شكرا جزيلا لك
و ربي يهدينا كامل
دمت في حفظ الرحمان ^^

 

[GI Joe]

رد: بخاس ليجي سينفوبلي خخخ

yaa djma3a hadi ta3 placa l nssa interdit rdjel nrmlment interdit fel 9anoun, prc l 9ahwa li na3erfouha ta3 rdjel mich interdit 3la nssa hna bark li mel horma manedokhlouch
w kayen 9ahwa fi ville touristique wala fi trig l les voyageurs tedkhol mra nrml prk pas !!
3andna 3a9lyet 9ahwa f trotoir w domino w l t9ar3idj, nhar yetrabaw rdjel yroho nssa yest9ahwaw nrml

hna nn tarbia bach ykhalou tofla tranquil makanch, w zid li tedkhol l plaça darouha special nssa maya9eblouhech w ykhardjou 3liha hadra !!

​