ركبت فالكار وتلاقيت بمالك والجماعة ارواحو

[ليليا مرام]

السلام عليكم
راكم عارفين مع من تلاقيت اليوم ارواحو نقولكم
راكبة فالكار حتى نسمع واحد مع وحدة
نقدر نعرف وين تسكني راني ناوي الحلال

يسموني مالك ونسكن فبومرداس

آآآآآو قلت هذا مالك نتاعنا نتاع المنتدى خليني نسمع مليح ونعرف
اييه انا مالك المشهور بسكر المهم هذي من بعد تعرفيها مديلي النيميرو

وما تخميش انا مع لبنات وجامي كنت كونتر عليهم وما نقولكش شعال المرا نحترمها اييه ونهدر فيكم غير الخير

ونطقت ختنا ياخي انت معليكش ما عرفتنيش وانا نظل نعتمد فمواضيعك ياخي نسيتني اختك مريومة

اييه وينطق خونا حكيم اهااااا مالك راكب هنا ما عرفتنيش ارواح ارواح هات بوسات وتعنيقة انا خوك حكيم

وكيفاه هذي انت دايما مع البنات نسيت يا مالك ماشي قلت النسا ما يعرفوش ينقو الدوارة

وهذا جيل معيوف
العروسة ناضت وشافت فمالك الله يجيبلك وحدة اخرى انا نبغي هامبوغرغرررر روح حوس على اللي تنقي الدوارة

ونسمعو ضحكة ترعد فالكار خونا الامين يضحك على مالك ههههه

البنات شدو الدربوكة .... عرس شكون ياو ...
نونونو مش عرسي انا قتلكم نديرو فالستاد مش فالكار

..... مي استنو دقيقة
نرجعو لمالك وانو كامل واش كان يحكي فالمنتدى خرطي وانو برا يبدل عقليتو هنا يكره النسا وبرا يحبهم
اييه يسامحني خويا مالك وسامحوني كامل ذكرتكم مجرد تنويه حتى نوصلكم للفكرة
الخلاصة يا جماعة تخيلو تلاقينا فبلاصة بالصدفة ومن بعد تعرفو انو الشخص اللي كان هنا راه عندو افكار كونتر افكارو هناكل انسان فينا عندو عقليتو الخاصة واسرارو وحياتو مش لازم يكتبها فالمنتديات او تكون صح لكن كاين افكار الانسان تربى عليها وكبر عليها ومحال يبدلها مهما يصير هنا وبرا ووين يروح

احكولي فرضا تلاقيتوني واش حابين تكتشفو فيا؟
واذا انتم هنا وبرا نفس العقلية
الخط ليكم

اممم انا كنت ناكل فالبيتزيريا حتى تعيط وحدة فالبرتابل وصونا التلفون نتاعي ريبونديت
حبيبتي نهاد واش راكي ؟ الطفلة شافت فيا واانا شفت فيها ونضنا هات يا تعناق ويا بوس
اييه تلاقيت بحبيبتي نتاع المنتدى اهلا اهلا قسرنا وضحكنا حتى شبعنا قاتلي والله يا ليليا مجنونة اكثر مت المنتدى واليوم رانا كالخوتات واكثر
اليكم الخط واعطوني رايكم ؟
​

 

[Skor m@k]

رد: ركبت فالكار وتلاقيت بمالك والجماعة ارواحو

السلام عليكم
واش بيك ختي ليليا ماقلتيلهمش شكوون خلص عليكم كاملين ياخي مشحاحة خخخخ
بصح غرتي من لي كانت مريحاا معايا علبالك شكونها خخخخخ نبعثلك اسمها فسمعة ههههه
باش لايمرgوو بنا احد هةهههههه
وااش حبيتيني نقولك يا ختي وكاين لي مايحبش الننساء يا وجه البق حسبتينا حجر ههههه
حبيتي نضربك بالبشماق كيما تقول عبير خخخخخ
انا بلاك نقولك نسبة شخصيتي هنا فاللمة وفالواقع نسبة 95 % متشابها
وهذيك ال 5 هي زيادة تاع الهدرة الاخوات البنات خاطرش فالواقع مانهدرش معاهم بزاف
خاطرش مانحبش نحلبهم بزاف يعودو يقولو مشتاق هدرة خخخخخ
بصح لي مداسرهم بدون حرج ياو مهبلهم كامل هههههه نظل نهبل فيهم
اما شخصيتي فالهدرة او الضحك والتمسخير هي هي بلاك لو تشوفيني نحكي تعرفيني بلي انا ههههه
وتاع نكره عقليت النسا الفاسدة ليماعندها حتى فايدا ولا مغزا منها
ولا باش نقولك نكرهم موحال خاطرش كاين يما مرأة واختي وخالاتي وجداتي
وخاصة زوجتي العزيزة تاع المستقبل نوجهلها تحية هههههه
ماتغيريش ختي ليليا وين تعرفي المكتوب انت ههههه انت الشاوي والقدام ههههه

حبيت نعرف برك حاجة عليك ههههه
كي يقلقوك تبداي تعايري كيما كتبتي الموضوع هذيك النهار صح تكوني هكذاك فالمعايرا هههه
خاطرش فالاول والله غير كنت نخافك نشبهك لمرت عمي ههههه الى بدات تعاير ماتسكتش ههههه
سورتو كي دخالتي جديدة بديتي بالمواضيع ماحبستيش
ممبعد دخلت نتمسخر انا كنت حاسبك سيريو انت هههههه
كي كتبت اول رد بلاك اول رد ماضحكتش فيه ههههه
ممبعد مع الوقت عرفت بلي المرا هذي ساكنها جن مهبول كيفي ههههه
اسمحيلي الله يكون مع الشاوي هههههه
يااك معادش يدخل للمة نزيد نحصل معاه تانيت خاطرش مالف بالمشاكل انا هههههه
اياي سلام​

 

[Hakan]

رد: ركبت فالكار وتلاقيت بمالك والجماعة ارواحو

هههههه ياسبحان الله يعني وين نروح نلقاكم مباصيني مع مالك علاه انا خاطيكم ياك مانيش نحكي ضد
النسا خخخخ والله يااختي الكريمة صراحة النظرة تتغير من الواقع للعالم الافتراضي
باسكو مستحيل يعطي الانسان انطباعاتو الشخصية ولا يعطي الشخصية نتاعو 100 في المئة لكن تبقى
نسبة مصداقية من ناحيتي نقدر نقول ممكن ما تتوقعوش انو انا هو شخصيتي في الخاج وذالك راجع لعدة اسباب
اولا يعني تحبي تصدقي ولا تكذبي في الواقع نتاعي ما نتعاملش مع الجنس اللطيف ابدا يعني حتى زميلاتي في الدراسة
ما نحكيش معااهم وهنا رايح يحصل تغيير لانو هنا في المنتدى يقدر يعبر الواحد ويحكي مع العضوات بدون اي حواجز
ثاني حاجة في شخصيتي واللي ممكن ما تتوقعوهاش ابدا هي انو نسبة الظرافة نتاعي في الوااقع يعني والله غير كبيرة
بالبزااف لدرجة انو الناس كامل تحبني مي هنا في المنتدى ممكن كاين اللي يحبني وكاين اللي يكرهني او لنقل
عندو نظرة سلبية عليا ونزيدك حاجة تعرفت في العالم الافتراضي على مجموعة من الرجال يعني باش ما نقولوش ذكور خخخ
والحمد لله لما تعرفو عليا زادو حبوني اكثر واكثر لانو بكل صراحة يعيطولي سيد اللباقة خخخخ نعرف نهدر خاصة في مجالس الرجال
لانو النساء خاطيتني المجالس نتاعهم
اما النظرة نتاع الصورة نورمالمون شحال من مرة حطيت الصورة نتاعي هنا في اللمة يعن ما عنديش مشكل
اشياء اخرى اكيد يضل الانسان عندو اسرار ممكن مخبيها حتى على الناس اللي يعرفوه في الوااقع
اما بالنسبة للفتيات الحمد لله نحمد ربي صبحا وعشية انو مكانش طفلة تعرفني من الابتدائي حتى للجامعي الا وكانت تحترمني فوق الحد
يعني ما نقدرش نقلك شحال يحترموني ويقدروني يعني حتى انو ممكن طفلة تكون قاعدة على وضعية معينة تبدل الوضعية نتاعها حياءا مني وهذا شيء فخر ليا ...
اما بالنسبة لخاوتي وزملائي كل واحد وقوسطوه كاين اللي نقصر معاه في جميع السوجيات الرجالية خخخخ وكاين لا بيناتنا قدر وحشمة زعما ههه
ربي يهنيك ختي مام انا علابالي بلي كاين شيء عضوات ممكن نتلاقى بيهم ونفتجأ منهم علابالي بلي تخيل نتاعي عندو نسبة مصدااقية
تعادل 50/100 برك اما الباقي دايما غالط فيه وصراتلي مرة تلاقيت بعضوة من وحد المنتدى وكانت تقرى في ثانوية من ثانويات المدينة نتاعنا والحمد لله بكل احترام وقدر ولقيتها نسبة 50/100 هي نفسها في الواقع لانو صراحة صعيب تميز طفلة من النت مش كيما الراجل
تكون توقعاتك عليه 80/100 لانو اغلب الرجال ما يخرطوش نهار يحكيو مع الرجال لخرين
ربي يهنيك ختي سلاام​

 

[wissam 47]

رد: ركبت فالكار وتلاقيت بمالك والجماعة ارواحو

ههههههههههههههه والله لا ضحكتيني اختي ليليا هههههههههه
معليه يا مالك ويا حكيم هههههههههههههههه
صح كاين اللي هنا عقلية والبرا قلية اخرى لواحد دايما يهدر على نفسوا انا عقليتي كيما هنا كيما برا نورمال يا عمري كان نتلاقى مع وحدة من المنتدى نحطها فوق راسي من لفوق ههههه
على خاطر كاين اعضاء هنا في المنتدى والله لا كي نهدر معاهم نرتاح كيما حبيبتي وغاليتي مريووومة وجيهان تاني وكاين وكاين بلا من نحسبهم انا عقليتي تقدري تقولي 99 بالمئة كيما هنا كيما البرا هههههههههه ان شاء الله كل واحد يتلقى مع العضو اللي باقي يشوفوا هههههههه ايا قولوا امييييييييييييين هههههه
مشكورررة حبيبتي على الموضوع
​

 

[{مُدَلَّلَتُهُ}]

رد: ركبت فالكار وتلاقيت بمالك والجماعة ارواحو

السلام عليكم

مرحبا بليليا و مواضيعها المتحوفين . . . و الله غي ضحكت من قلبي يعطيك النو . .

مالك وين ما راح داير المشاكل كن خليتيه يدير لافار و انت مدخلة راسك في الوسط هاكي طيرتي العروسة و خليتي خيك مسكين يندب على زهره و على النهار الي عرفك فيه -__-

من جيهتي انا تبانلي بلي شخصيتي هنا في اللمة تقريبا هي نفسها في الواقع . . الي نعرفهم نحكي معاهم الي ما نعرفهمش نحشم منهم تصيبيني gـآبضة القنت و وجهي يتلون خخخخ

بالاك الحاجة الي مبدلة فيا اني ندير بزاف حدود بيني و بين الناس رجال و نسا ما عدا القراب ليا في الواقع مشي كيما في الإفتراضي على بيها يقولو عليا متكبرة ! :p بصح ولا يهمني

و في خااااااطري نتلاقا باحبابي تع اللمة كنت ناوية السنا نتلاقا بشحال من وحدة كي نروح نقرا مي ضوك صايي هاذيك الحمامة طارت تلاقيت بـ'هآلة' تع قسم البوح في الجامعة العام لي فات و الباقي ما كتبليش ربي . . نتلاقاو في عرسك ان شا الله :d

كثرت الهدرة ياك ؟معليش الله غالب عندي شحال ما رديتش في هاذ القسم :p

سلآموو
​

 

[لؤلؤة قسنطينة]

رد: ركبت فالكار وتلاقيت بمالك والجماعة ارواحو

السلااااام عليكم ومساؤكم خير وسرور واحلى المسك والعطور
هاد الترحيب لختي ليليا برك واحد مايديه هههه غير نضحك برك صباح النور ليكم كامل
وختي ليليا سامحيني البارح الكونيكسيو كانت تعيف تعيف -_- ماقدرت نعتمد الموضوع ولا قدرت نقراه غير نجي ندخل تبلوكي لاباج والمشكل ماقدرتش حتى نخبر خويا مالك
يعتمدلك الموضوع على هادي اعتذر على التأخير
المهم نوليو للموضوع شفتي المافيا تاع الجزائر كامل انا هي الزعيمة تاعهم كامل ههههه ماتخلعكمش عقالتي هنا :d ،غير نتمسخر لا تجي لابوليس تديني ويقولو تصريح من عند رئيسة المافيا،
والله يا ختي ليليا بالاك ماكانش لي عاقل كتر عليا في الواقع راني عاقلة لدرجة لا يتصورها العقل في الدار برك نقباح شوي هههه نولي مهبولة وصاحبة مقالب
اما برا والله الريح لي يجي يديني حتى البنات لي يقراو معايا كن يهدرو على مشاكل بيناتهم ولا شجارات ويبداو يلومو في بعضاهم يقولو استبعدو مريم خاطيها الامور هادو، يعني بين الواقع والعالم الافتراضي كاين تشابه في العقالة (مع اني في اللمة قبيحة شوي ومشاغبة هههه) وتاني فيا طبيعة نسامح بزاااف ونحكي مع الشعب كامل ماعنديش مشكل ندخل للمدرج البنات لي قاعدين كامل
نسلم عليهم ونقولهم صباح الخير ونسقسي على احوالهم حتى ولو مانعرفهمش الشيء الوحيد لي يختلف بين الواقع والعالم الافتراضي هو الخجل هنا في اللمة مادامني خلف شاشة نتكلم براحتي ماش كيما في الواقع تلقايني نحشم بزاااف حتى تجيك راني ساكتة ولا جابدة روحي خاصة الرجال هنا كاين خاوا بزاف نتكلم معاهم براحتي ساعات ناقشهم في موضوع نقولو راك غالط مثلا يعني ندي ونجيب معاه في الهدرة بصح في الواقع الجنس الآخر خط احمر هههه يعني عندي ولد خالي اقل مني بعام بصح لدرجة طويل وعريض يدير مني الدوبل نحسو كبير عليا ب 10 سنين
غير نشوفو مساء الخير ولا صباح الخير ونهرب بعد وبلا مانشوف مع وجهو هههه نحشم بزاااف وراهو زعما من عايلتي اصلا ازواج خالاتي لي راهم كبار وفي عمر بابا تقريبا وكي نلقاهم باه نقولهم مساء الخير ولا عيدك مبارك نموت بالحشمة وجهي يولي طماطم، واصلا البنات لي يقراو معايا كي يحبو يتمسخرو بيا يجبدو قدامي مواضيع حساسة وجهي يولي طماطم يوليو يضحكو
يقولو بركاو الطفلة رايحة تنفجر نحشم بزاااف مرة لقاو مكتوب في حيط الجامعة مريم +احمد ودارو فيا حالة حتى وليت منين نكون تايهة يقولولي احمد راهو في البال وانا نزيد نحمار خلاااص حتى يتوسوسو مني، اصلا كن استاذ يسقسيني ويبقى يشوف معايا لاكثر من دقيقة وجهي يحمار غير كي نكون مع صاحبتي ولا ختي ولا بنات خالي تما نولي مهبولة هههه الضحك والتمسخير والهدرة يعني هادا هو الفرق بين الواقع والافتراضي يعني لي يعرف عقليتي ويكون قريب مني رايح يلقاني كيما هنا كيما في الواقع انسانة تحب تضحك تحب تحكي تحب تعاون الناس ولو على حساب راحتها ماعنديش العداوة ولا الحقد نحكي مع الشعب كامل حتى ولو عبد ظلمني نحب نحقد عليه ولا ندور وجهي ومانحكيش معاه مانقدرش نلقى روحي حكيت نورمال ونضحك مع الشخص هاداك نورمال قريب نندب في وجهي :p ويعرفوني محترمة يعني اتخيلي كاين بنات يقراو معانا كي يحبو يحكيو في حكايات خاطيين الطريق يقولولي مريم اجبدي روحك نتي خاطيك الاومورات هادي ونتي متربية حنا مسوفجين هههه و تبانلي الشعب يحبني ومعرف هههه يعني هاد العام كي دخلت نقرا كاين زوج بنات مع شافوني جاو يجريو من بعيد يحضنو ويبوسو وتوحشتك وهوما من النوع لي سروال مشبوح وماكياج يعني عقليتهم ماش كي عقليتي بصح يحبوني وحدة تقولي واش راكي ووحدة مريومة وين طحتي تقراي يعني يحبوني وبلا مايتجاوزو حدودهم يحكيو معايا غير في امور معقولة كي تعود حاجة خاطية الطريق يقولولي نتي متربية ماتسمعيش ماش حابين نسوفجوك هههه بالاك هنا في اللمة تلقايني نحب نقدم نصيحة للانسان ونشارك بافكاري لكن في الواقع لالا لما تكوني واقفة مع مجموعة وحدة تقولك تحب نتحكم في الراجل ونحطو تحت رجليا ووحدة تقولك نحب نمشيه كيما نحب تحسي نفسك في جو مايسمحش بالنقاش ساعات نمد بعض من آرائي ونسكت وساعات نسمع برك على هادي يحطوني جابدة روحي غير كي نشوف وحدة صاريلها مشكل ولا نحب ننصحها ونساعدها حتى ولو ماتاخدش بنصيحتي المهم ندير الواجب ، بصح درك ختي ليليا كي نشوف واحد في عالم افتراضي يضحك بزاف وفي الواقع ساكت ماتجينيش تغير في الشخصية ولا، قادر الخجل يلعب دور يعني كاين حوايج هي وين يبان الفرق لما تشوف
واحد يتكلم على شباب اليوم ويقولك لبستهم وشعرهم بطريقة غريبة وهو نفسو تلقاه مداير الشي هاداك ولا يتكلم على البنات وختو تلبس هكاك ولا عندو صديقة من النوع هاداك بعد
ولا طفلة تتكلم على حجاب اليوم وهي بعد خاليتها يعني كاين امور لي صح مايتقبلهاش العقل، انا شوفي كي نحكي كيما الواقع لما ننصح البنات بالحجاب ماش معناها معصومة على الخطأ وحتى انا بديت بحجاب فيه سروال كيما سبق وقلت في احد مواضيعي صح ماكانش مفضوح وكان الحجاب مع الركبة ولكن حتى انا كانو عندي هفوات حتى نهار درت حد لعمري ودرك راني بحجابات
طوال مستورة والحمد لله ولعقوبة للجلباب لا كتب ربي، لما نتكلم على الماكياج الحمد لله ختكم تخرج مصفارة من الدار هههه شوي صابون وخلاص، صح كل انسان عندو هفوات وغلطات ورانا نتعلمو انا في اللمة دخلت نتناقش باه نتعلم وباه نكتسب خبرة وباه يولي عقلي رزين والحمد لله راني كل يوم نتعلم انا بكري كنت دايما نقول المرأة لازم تكون خدامة ولازم تجيب دراهمها بيدها باه
ماتحتاجش تطلب من الراجل لكن لما دخلت لعالم راقي وواعي كيما اللمة بدا يتبدل تفكيري لقيت اخوات قاريات ومن المتفوقات وخدامات في مناصب مليحة تقولك نحكم داري نربي ولادي
مارانيش ضد لي تفكر تخدم حاشا بصح تقدري تقولي لقيت الاجوبة لي نحتاجها وعقلي كبار على هادي لما ندخل في نقاشات نحب نمد رايي ولو غالط وحب نقرا آراء البقية خاطر نلقى فيهم الشي لي نحتاجو مالا مليحة العبد لي يتكلم بصراحة ماش معناها يحكي كامل اسرارو خاطر الاسرار ماتتقال لا في الواقع ولا في العالم الافتراضي ولكن معليش لما تختلف خاطر من تم تتعلم وكامل نغلطو
المهم راني خرجت على الموضوع هههه وخونا مالك وخونا حكيم ماحبوش يسلكو عليا البيس مشحاحين -_- ماتأمنيهمش هنا واش يقولو راهم بخلاء في الواقع :p
غير نضحك، والله انا يا ختي ليليا مايهمنيش لي يبدل عقليتو بين الواقع والافتراضي خاطر غير هو لي رايح يتعب بزوج شخصيات يعني ربي يسهل على كل واحد وياريت يجي
نهار نتلاقاو علابالي تقتليني ضحك هههههه وكيما قتلك يا سعدو راجلك بيك درك يشبع ضحك
المهم نسكت خير راني درتلك جرنان وفقط ملاحظة لو يجي يوم ونطيح في وحدة مثلا من بنات اللمة ولا لقيتها عكس واش هنا والله ماتتبدل نظرتي جيهتها لاني نحب نحتفظ باللحظات المليحة
لي فوتناها هنا ولي ختارت التغيير بينها وبين مولاها
المهم كترت عليك هههه صحيتي ليليا على الموضوع ربي يهنيك :love01:
​

 

[لؤلؤة قسنطينة]

رد: ركبت فالكار وتلاقيت بمالك والجماعة ارواحو

كثرت الهدرة ياك ؟معليش الله غالب عندي شحال ما رديتش في هاذ القسم :p

عجبتني كترت الهدرة مالا كي تشوفي ردي واش تقولي؟ مقال صحفي مثلا هههههه
عينيك يطلبو وقت مستقطع للراحة ههههه
​

 

[Hakan]

رد: ركبت فالكار وتلاقيت بمالك والجماعة ارواحو

مريم قامت بتأليف كتاب :
عن سيرتها الذاتية هههه تحت عنوان
مريم في الباص مع مالك وحكيم اللي ما خلصولهاش الترونسبور
خخخ عنوان طويل مي يليق بسيرة ذاتية​

 

[لؤلؤة قسنطينة]

رد: ركبت فالكار وتلاقيت بمالك والجماعة ارواحو

ههههههه هيه هاديك هي
الله غالب تخاف يدخلو يغلطو يحطو ردي هو الموضوع ماش موضوع ليليا ههههه
​

 

[wissam 47]

رد: ركبت فالكار وتلاقيت بمالك والجماعة ارواحو

مريوووومة وجدي كادو علا واش

على خاطر راني قرايت ردك كااااامل والله عينيا بقاو يحوالوا هههههههههههه
​

 

[الامين محمد]

رد: ركبت فالكار وتلاقيت بمالك والجماعة ارواحو

مريووومة أنا نسلك على أختي الصغيرة
لكن عينيّ دمعوا ليس حزنا بل ألما ياك راني أصلا بديت نعمى و زادني
ردك ههههههههههههه

توأمي موضوعك دايما مهبول كيفك هههههههههههه
للأسف انا دخلت منتدى قبل هذا وضعت صورتي و حكيت على حياتي و
وضعت حتى أدق التفاصيل و حتى كانت أخت تحكي مع زوجتي في هاتفها
لكن للأسف جرحوني و طلبوا من زوجتي تشتغل عندهم طباخة

هاذ الشي جرح كرامتي
لما دخلت اللمة خبيت أمور خفت تجربتي تكرر
الحمد لله لقيت ناس أكثر من رائعين
اخوة و أخوات رووووعة
هنا وقعت في حرج كيف نصحح ما خبيته سابقا
و الله وعد يجي يوم نخبركم على كل حياتي

أما من ناحية العقلية
ففي الواقع انا جدا نكتي نحب الضحك و الهبال و التعليقات
و نحب الفوضى و نكره الكالم
نبكي بسرعة و ما نحقدش و مسامح كل الناس
علاقتي بصحابي روووعة
و بالجنس الناعم أروّع خصوصا نخدم في الثانوية
التلاميذ كلهم علاقتي بيهم ممتازة
و كلهم يزوروني في البيت سواء بنات او بنون
و ما عنديش مشكل نحكي معاهم في الشارع
و بيتي مفتوح للضيوف

لحظة و الله نسيبتي جاتني ضيفة
نصرف و نرجع هههههههههههه
​

 

[لؤلؤة قسنطينة]

رد: ركبت فالكار وتلاقيت بمالك والجماعة ارواحو

مريوووومة وجدي كادو علا واش

على خاطر راني قرايت ردك كااااامل والله عينيا بقاو يحوالوا هههههههههههه
​

هههههه صار هكا يا ستوتة
وليتو كامل تتكلمو على ردودي -_- ماتقلقونيش
خاطر كن نتقلق نعود نكتب زوج صفحات :p
بصح قولو الصح برك ياك ردودي ينحيولكم على خاطركم ههههه حتى لي قلقان مسكين يجيب بيهم الوقت
يحس روحو قرا رواية ههههه
شكرا وسام بما انك وفية لردودي هديتك خمس مواضيع من عندي تقرايهم بيهم بالردود هههههه :d
ربي يهنيك
​

 

[Salah eddin]

رد: ركبت فالكار وتلاقيت بمالك والجماعة ارواحو

السلام عليكم

بصراحة دخلت قلت نشوف الموضوع برك
ايا انا موالف نقرا جملة و لا زوج نفهم الموضوع على واش يهدر
اما ضروك ما فهمت والو
هه
عذرا
و
السلام

​

 

[ليليا مرام]

رد: ركبت فالكار وتلاقيت بمالك والجماعة ارواحو

السلام عليكم

وعليكم السلام اهلا وسهلا

واش بيك ختي ليليا ماقلتيلهمش شكوون خلص عليكم كاملين ياخي مشحاحة خخخخ
بصح غرتي من لي كانت مريحاا معايا علبالك شكونها خخخخخ نبعثلك اسمها فسمعة ههههه
باش لايمرgوو بنا احد هةهههههه

ايه وانا علاه خيرتك انت نعرفك عندك امر خاص قلن ندخلو المخلوقة معانا ونقوللها بواش عايرت البنات قلت خلي نحرشو عليكم شوي نديرو فتنة بيناتكم هه
قالو خلصت علينا الكار ياخي كل واحد ركب من دارهم وتلاقينا صدفة انا نسمع مالك بومرداس عرفتك انت وزيد قلت خلي يا ليليا يكمل للتالي زاد حكيم ناض هناك عرفت روحي ركبت مع المهابل
وااش حبيتيني نقولك يا ختي وكاين لي مايحبش الننساء يا وجه البق حسبتينا حجر ههههه
حبيتي نضربك بالبشماق كيما تقول عبير خخخخخ

يا يمى يعاير كالعجايز انا وجه البق يا قصعة البارابول ههه
واش من بشماق والله ونقول عليك لمون شاوي يذبحك ذبيحةو نتاع داعش هههه

انا بلاك نقولك نسبة شخصيتي هنا فاللمة وفالواقع نسبة 95 % متشابها
وهذيك ال 5 هي زيادة تاع الهدرة الاخوات البنات خاطرش فالواقع مانهدرش معاهم بزاف
خاطرش مانحبش نحلبهم بزاف يعودو يقولو مشتاق هدرة خخخخخ

ايه فاقو زعمى ما تحبش تحلب اسكت اسكت والله ماكان حلاب قدك وانا علاه كتبتك راني عارفة بخرايبك انا قالولي العجايز فايتين عليك وما تطلقهمش ههه

بصح لي مداسرهم بدون حرج ياو مهبلهم كامل هههههه نظل نهبل فيهم
اما شخصيتي فالهدرة او الضحك والتمسخير هي هي بلاك لو تشوفيني نحكي تعرفيني بلي انا ههههه
وتاع نكره عقليت النسا الفاسدة ليماعندها حتى فايدا ولا مغزا منها
ولا باش نقولك نكرهم موحال خاطرش كاين يما مرأة واختي وخالاتي وجداتي
وخاصة زوجتي العزيزة تاع المستقبل نوجهلها تحية هههههه

زوجتك توجهلها التجية هاهو التحلاب بام عينو وينها زوجتك راك مخبيها فدارهم والا مسلفهالهم هههه ياخي مسكين ماك هههه

ماتغيريش ختي ليليا وين تعرفي المكتوب انت ههههه انت الشاوي والقدام ههههه

ايه انا ما ني نشوف فحتى واحد عمية ومون شاوي يوريلي الطريق هو وبعدو الطوفان هههه احم احم الله يخليهولي ثاني تضربو بعين نعرفك راك ميت مني بالغيرة باين وتقول فقلبك لوكان غير يخليها بوس عيينيك لو هو يخليني انا محال نسرقو ههه

حبيت نعرف برك حاجة عليك ههههه

قول برك راني نسمع ههه
كي يقلقوك تبداي تعايري كيما كتبتي الموضوع هذيك النهار صح تكوني هكذاك فالمعايرا هههه
خاطرش فالاول والله غير كنت نخافك نشبهك لمرت عمي ههههه الى بدات تعاير ماتسكتش ههههه

اسمع نقولك حاجة عليا انا ما نكثرش المعاير لانو زوج كلمات يطيحوك كومة 3 اشهر هذا لو عندك احساس لو ما عندكش ما تخافش نحب النوع هذا عندي معاير خاصين بيه هههه
انا الصح نعاير مي مش نهدر وما نسكتش لالا انا من نوع نعاير بكلمة طيح الارض ومان عرف اللي يسمعوني علاه يضحكو يقوللي ليليا تعجبينا كي تكوني تعاير توب منين تجيبي الهدرة وانا عرفت من وين
واشبيها مرت عمك باينة قاطعتلكم الدصارة نستعرف بيها

سورتو كي دخالتي جديدة بديتي بالمواضيع ماحبستيش

ياخي غيور جيت لفيت الغبار هنا ضحكتكم ونحيتلكم على خاطركم جبتلكم نوع مواضيع جديدة وحبيتكم توالفوني بالخف نبقاو فالروتين كل يوم نكتب كلمة اواه لالا انا هاكا ديما فالمنتديات هاكا ندخل واجدة

ممبعد دخلت نتمسخر انا كنت حاسبك سيريو انت هههههه
كي كتبت اول رد بلاك اول رد ماضحكتش فيه ههههه
ممبعد مع الوقت عرفت بلي المرا هذي ساكنها جن مهبول كيفي ههههه
اسمحيلي الله يكون مع الشاوي هههههه

شفت كيفاه نجيت عليك وضحكت ايه هي الهبال انا نستعرف مهبولة
مون شاوي خموس عليه يموت عليا يقولي مهبولة كيما انت ما عندي وين نلقى كعبة وحدة ديتها انا هههه الله الله نورمالو ما نقولكش واش يرومنسي معايا هههه خاطر تغير نخاف تحكمك لاكريز غير تهنى يحبني بهبالي اصلا لوما راني مهبولة راهم النسا كامل عاقلات ما يحتاجش يحتاج مهبولة كيما انا تنحيلو على خاطرو تهنى انت
يااك معادش يدخل للمة نزيد نحصل معاه تانيت خاطرش مالف بالمشاكل انا هههههه
اياي سلام

نونو ما عندوش الوقت خدام ديما مي انا نحكيلو واش ندير عارف بالمنتدى واني مشاركة فيه ما تخافش لكن تهبلني راح نقولو وبحكم خدمتو راجح يعرفك وين تسكن امالا اقعد عاقل ههههه
وعليكم السلام وحقا قولي كي نزلت من الكار لحقتها فقتلك كي قتلو شوفور قاري هنا عرفتك لاحقها ياخي حلاب هههه
​

ربي يخليك ونورتني مستر مالك

 

[ليليا مرام]

رد: ركبت فالكار وتلاقيت بمالك والجماعة ارواحو

هههههه ياسبحان الله يعني وين نروح نلقاكم مباصيني مع مالك علاه انا خاطيكم ياك مانيش نحكي ضد
النسا خخخخ

السلام عليكم خويا حكيم اهلا وسهلا
ايه وانت علاه ركبت فالكار واش جابك من وسارة لهنا وانت غير قلنا مالك هات يا بوس وتعناق اسيدي حتى نلاقيكم انا ونتوما رجال علاه ما تتلاقوش ببعضاكم
ايه يحكي ضد النسا دايما علاه نكذب عليه يا حوجي المواضيع شاهدين عليه


والله يااختي الكريمة صراحة النظرة تتغير من الواقع للعالم الافتراضي
باسكو مستحيل يعطي الانسان انطباعاتو الشخصية ولا يعطي الشخصية نتاعو 100 في المئة لكن تبقى
نسبة مصداقية من ناحيتي نقدر نقول ممكن ما تتوقعوش انو انا هو شخصيتي في الخاج وذالك راجع لعدة اسباب
اولا يعني تحبي تصدقي ولا تكذبي في الواقع نتاعي ما نتعاملش مع الجنس اللطيف ابدا يعني حتى زميلاتي في الدراسة
ما نحكيش معااهم وهنا رايح يحصل تغيير لانو هنا في المنتدى يقدر يعبر الواحد ويحكي مع العضوات بدون اي حواجز


اكيد خويا حكيم الانسان ديما يحتفظ بأمور لنفسو وشخصيتو واسرور لكن لما ديما تشارك وتتعامل تعرف هذا الانسان كيفاه يخمم عصبي او لا عاقل او لالا ولو دير قناع ما تقدرش لابسو على طول تفكيرك وتعاملك ديما يبان ما تقدرش تخبيه
رانا كيفكيف انا فواقعي ما نحكيش مع رجال فالشارع او جيراني لالا تعامل المضطر مثلا طبيب او محل نشري او حاجةى لكن فالمنتديات تعرفت بزاف على اخوة ونحكي معاهم عادي ومحترمين الحمد لله واللي خارج طريق نعرف نوقفو عند حدو

ثاني حاجة في شخصيتي واللي ممكن ما تتوقعوهاش ابدا هي انو نسبة الظرافة نتاعي في الوااقع يعني والله غير كبيرة
بالبزااف لدرجة انو الناس كامل تحبني مي هنا في المنتدى ممكن كاين اللي يحبني وكاين اللي يكرهني او لنقل
عندو نظرة سلبية عليا ونزيدك حاجة تعرفت في العالم الافتراضي على مجموعة من الرجال يعني باش ما نقولوش ذكور خخخ
والحمد لله لما تعرفو عليا زادو حبوني اكثر واكثر لانو بكل صراحة يعيطولي سيد اللباقة خخخخ نعرف نهدر خاصة في مجالس الرجال
لانو النساء خاطيتني المجالس نتاعهم


لالا ما قلناش خاطيك الضحك والتمسخير لالا هي صح والله قضية لباقة راك لبق واناقة ثاني فالهدرة كلمة صراحة نقولها
الله يقوي محبينك يا رب هنا ولبرا






اما النظرة نتاع الصورة نورمالمون شحال من مرة حطيت الصورة نتاعي هنا في اللمة يعن ما عنديش مشكل


اواه انا ما شفتهاش لازم تعاود تحطيها خخخخخ باه كي نجي لوسارة نعرفك ههههه

اشياء اخرى اكيد يضل الانسان عندو اسرار ممكن مخبيها حتى على الناس اللي يعرفوه في الوااقع
اما بالنسبة للفتيات الحمد لله نحمد ربي صبحا وعشية انو مكانش طفلة تعرفني من الابتدائي حتى للجامعي الا وكانت تحترمني فوق الحد
يعني ما نقدرش نقلك شحال يحترموني ويقدروني يعني حتى انو ممكن طفلة تكون قاعدة على وضعية معينة تبدل الوضعية نتاعها حياءا مني وهذا شيء فخر ليا ...

هنا قلت حاجة مهمة صح لما يكون الواحد محترم وسيريو وعاقل والله قادرة نحترمو اكثر من خويا الحقيقي
وهذا الشي انا نحييك عليه لانو الراجل هذا هو يصنع لروحو قيمة لدرجة الكل يحترمو


اما بالنسبة لخاوتي وزملائي كل واحد وقوسطوه كاين اللي نقصر معاه في جميع السوجيات الرجالية خخخخ وكاين لا بيناتنا قدر وحشمة زعما ههه
ربي يهنيك ختي مام انا علابالي بلي كاين شيء عضوات ممكن نتلاقى بيهم ونفتجأ منهم علابالي بلي تخيل نتاعي عندو نسبة مصدااقية
تعادل 50/100 برك اما الباقي دايما غالط فيه وصراتلي مرة تلاقيت بعضوة من وحد المنتدى وكانت تقرى في ثانوية من ثانويات المدينة نتاعنا والحمد لله بكل احترام وقدر ولقيتها نسبة 50/100 هي نفسها في الواقع لانو صراحة صعيب تميز طفلة من النت مش كيما الراجل
تكون توقعاتك عليه 80/100 لانو اغلب الرجال ما يخرطوش نهار يحكيو مع الرجال لخرين
ربي يهنيك ختي سلاام​

الرجال ما يخرطوش هههههه عتدهم مصنع نتاع الخرطي قالو الرجال ما يخرطوش ياو فاقو
الله يهنيك خويا حكيم

 

[ليليا مرام]

رد: ركبت فالكار وتلاقيت بمالك والجماعة ارواحو

ههههههههههههههه والله لا ضحكتيني اختي ليليا هههههههههه
معليه يا مالك ويا حكيم هههههههههههههههه

السلام عليكم اختي وسام اهلا وسهلا نورتيني
الله يفرحك اكثر واكثر وديما تضحكي فمواضيعي منورتني


صح كاين اللي هنا عقلية والبرا عقلية اخرى لواحد دايما يهدر على نفسوا انا عقليتي كيما هنا كيما برا نورمال يا عمري كان نتلاقى مع وحدة من المنتدى نحطها فوق راسي من لفوق ههههه

راني هنا قوليلي وين ونتلاقو وبلاما تحطيني فوق راسيك نقعدو فالطابلة بزاف هههههه
ربي يخليك اييه وبلاك تتلاقي مع كاش وحدة علاه لالا


على خاطر كاين اعضاء هنا في المنتدى والله لا كي نهدر معاهم نرتاح كيما حبيبتي وغاليتي مريووومة وجيهان تاني وكاين وكاين بلا من نحسبهم انا عقليتي تقدري تقولي 99 بالمئة كيما هنا كيما البرا هههههههههه ان شاء الله كل واحد يتلقى مع العضو اللي باقي يشوفوا هههههههه ايا قولوا امييييييييييييين هههههه
مشكورررة حبيبتي على الموضوع
​

ايه آمين والله عندك الحق ان شاء الله نتلاقو وآيا انا نلاقيكم فعرسي ارواحو عندي وتتلاقاو كامل
العفو الشكر ليكم

 

[Hakan]

رد: ركبت فالكار وتلاقيت بمالك والجماعة ارواحو

الرجال ما يخرطوش هههههه عتدهم مصنع نتاع الخرطي قالو الرجال ما يخرطوش ياو فاقو
الله يهنيك خويا حكيم

ههه لا لا ما يخرطوش على بعضاهم اما على الغاشي لاخر يخرطو مليار سنتيم في السااعة ماشي كامل :p ​

 

[ليليا مرام]

رد: ركبت فالكار وتلاقيت بمالك والجماعة ارواحو

السلام عليكم

مرحبا بليليا و مواضيعها المتحوفين . . . و الله غي ضحكت من قلبي يعطيك النو . .

السلام عليكم اهلا اهلا نورتيني اييه النو اواه راهم فياضانات ضرك قولي يعطيك الحمان مازال شوي على الحمان قولي نسمة خفيفة نتاع خريف عاش الانتعاش



مالك وين ما راح داير المشاكل كن خليتيه يدير لافار و انت مدخلة راسك في الوسط هاكي طيرتي العروسة و خليتي خيك مسكين يندب على زهره و على النهار الي عرفك فيه -__-

انا بالصدفة نسمع فيه يبلعط فالطفلة شوف اسيدي هذا يظل يعاير فينا ما تعرفوش ما تعرفوش وقاعد يصفار ويحمار باه يدي نيميرو نتاع تلفون امالا قتلو اليوم نفسدهالك هو جايبها ورايا هنا وانا نحرمها عليه برا ههههه

من جيهتي انا تبانلي بلي شخصيتي هنا في اللمة تقريبا هي نفسها في الواقع . . الي نعرفهم نحكي معاهم الي ما نعرفهمش نحشم منهم تصيبيني gـآبضة القنت و وجهي يتلون خخخخ

يا اختي انا عييت كيفاه وجهي يتلون والو وجهي صحيح ههههه نقول الكلمة فالوجه ديركت وما نحشم ما والو هههههه الصراحة علاه نكذب


بالاك الحاجة الي مبدلة فيا اني ندير بزاف حدود بيني و بين الناس رجال و نسا ما عدا القراب ليا في الواقع مشي كيما في الإفتراضي على بيها يقولو عليا متكبرة ! :p بصح ولا يهمني

حاجة باينة الرجال الدصارة غير الخير اما البنات انا ما عنديش مشكل مي الحاسبة روحها عليها نفيكتيها للموزمبيق هنا ما عندهاش بلاصة انا اللي تحسب روحها عليا والله ما ني شايفتها ولو راهي تسونامي
لالا ما توصليش للتكبر يا حوجي

و في خااااااطري نتلاقا باحبابي تع اللمة كنت ناوية السنا نتلاقا بشحال من وحدة كي نروح نقرا مي ضوك صايي هاذيك الحمامة طارت تلاقيت بـ'هآلة' تع قسم البوح في الجامعة العام لي فات و الباقي ما كتبليش ربي . . نتلاقاو في عرسك ان شا الله :d

هاهي الهدرة الزينة اوراوحو لعرسي وتلاقو مرحبا بيكم لما نعرف لادات ونكري لاصال راح نقولكم ان شاء الله بلاك للربيع ان شاء الله


كثرت الهدرة ياك ؟معليش الله غالب عندي شحال ما رديتش في هاذ القسم :p

واش من كثرتي راكي ما قلت والو مرحبا بيك عندي احكي على روحك رانا كيفكيف من جماعة اللسان الزربية ههههه


سلآموو
​

شكرا نورنتيني وعليكم السلام

 

[ليليا مرام]

رد: ركبت فالكار وتلاقيت بمالك والجماعة ارواحو

السلااااام عليكم ومساؤكم خير وسرور واحلى المسك والعطور
هاد الترحيب لختي ليليا برك واحد مايديه هههه غير نضحك برك صباح النور ليكم كامل
وختي ليليا سامحيني البارح الكونيكسيو كانت تعيف تعيف -_- ماقدرت نعتمد الموضوع ولا قدرت نقراه غير نجي ندخل تبلوكي لاباج والمشكل ماقدرتش حتى نخبر خويا مالك
يعتمدلك الموضوع على هادي اعتذر على التأخير

اهلا مريومة معليكش واش احوالك شديلي بلاصة فالجسر المعلق نجي نعلق روحي على جال مالك ههه

المهم نوليو للموضوع شفتي المافيا تاع الجزائر كامل انا هي الزعيمة تاعهم كامل ههههه ماتخلعكمش عقالتي هنا :d ،غير نتمسخر لا تجي لابوليس تديني ويقولو تصريح من عند رئيسة المافيا،
والله يا ختي ليليا بالاك ماكانش لي عاقل كتر عليا في الواقع راني عاقلة لدرجة لا يتصورها العقل في الدار برك نقباح شوي هههه نولي مهبولة وصاحبة مقالب
اما برا والله الريح لي يجي يديني حتى البنات لي يقراو معايا كن يهدرو على مشاكل بيناتهم ولا شجارات ويبداو يلومو في بعضاهم يقولو استبعدو مريم خاطيها الامور هادو، يعني بين الواقع والعالم الافتراضي كاين تشابه في العقالة (مع اني في اللمة قبيحة شوي ومشاغبة هههه) وتاني فيا طبيعة نسامح بزاااف ونحكي مع الشعب كامل ماعنديش مشكل ندخل للمدرج البنات لي قاعدين كامل


واه مريومة مليحة الوحدة عاقلة مي مش للدرجة هذي يا بنتي كيفاه الريح يديك املا نعيط للحماية يجيبولك العفسة هذيك ترقدي بيها ثاني يديك الريح
الصراحة لالا مش واعرة للدرجة نقابح الناس مي الصراحة ما نكستش على امور من حفي وانا بطبعي ندير الجو ونحكي ونضحك وين نكون ندير موفمو مي فالزنقة ما تمانيش هذي انا مرة تلاقيت ببنات نتاع المنتدى فالواقع مشينا فالشارع بزاف وحكينا قالولي ليليا والله راكي عاقلة كيفاه تباني واعرة ههه قتلهم اصبرو نحكمو بلاص
شوفي متنا بالضحك قاولي لالا هذي ماشي وعارة راكي فور ودير جو مي فالزنقة والله ما نحكي مع حتى وحدة ولا اوحد اما اللي يوصلني يدي حقو

نسلم عليهم ونقولهم صباح الخير ونسقسي على احوالهم حتى ولو مانعرفهمش الشيء الوحيد لي يختلف بين الواقع والعالم الافتراضي هو الخجل هنا في اللمة مادامني خلف شاشة نتكلم براحتي ماش كيما في الواقع تلقايني نحشم بزاااف حتى تجيك راني ساكتة ولا جابدة روحي خاصة الرجال هنا كاين خاوا بزاف نتكلم معاهم براحتي ساعات ناقشهم في موضوع نقولو راك غالط مثلا يعني ندي ونجيب معاه في الهدرة بصح في الواقع الجنس الآخر خط احمر هههه يعني عندي ولد خالي اقل مني بعام بصح لدرجة طويل وعريض يدير مني الدوبل نحسو كبير عليا ب 10 سنين
غير نشوفو مساء الخير ولا صباح الخير ونهرب بعد وبلا مانشوف مع وجهو هههه نحشم بزاااف وراهو زعما من عايلتي اصلا ازواج خالاتي لي راهم كبار وفي عمر بابا تقريبا وكي نلقاهم باه نقولهم مساء الخير ولا عيدك مبارك نموت بالحشمة وجهي يولي طماطم، واصلا البنات لي يقراو معايا كي يحبو يتمسخرو بيا يجبدو قدامي مواضيع حساسة وجهي يولي طماطم يوليو يضحكو
يقولو بركاو الطفلة رايحة تنفجر نحشم بزاااف مرة لقاو مكتوب في حيط الجامعة مريم +احمد ودارو فيا حالة حتى وليت منين نكون تايهة يقولولي احمد راهو في البال وانا نزيد نحمار خلاااص حتى يتوسوسو مني، اصلا كن استاذ يسقسيني ويبقى يشوف معايا لاكثر من دقيقة وجهي يحمار غير كي نكون مع صاحبتي ولا ختي ولا بنات خالي تما نولي مهبولة هههه الضحك والتمسخير والهدرة يعني هادا هو الفرق بين الواقع والافتراضي يعني لي يعرف عقليتي ويكون قريب مني رايح يلقاني كيما هنا كيما في الواقع انسانة تحب تضحك تحب تحكي تحب تعاون الناس ولو على حساب راحتها ماعنديش العداوة ولا الحقد نحكي مع الشعب كامل حتى ولو عبد ظلمني نحب نحقد عليه ولا ندور وجهي ومانحكيش معاه مانقدرش نلقى روحي حكيت نورمال ونضحك مع الشخص هاداك نورمال قريب نندب في وجهي :p ويعرفوني محترمة يعني اتخيلي كاين بنات يقراو معانا كي يحبو يحكيو في حكايات خاطيين الطريق يقولولي مريم اجبدي روحك نتي خاطيك الاومورات هادي ونتي متربية حنا مسوفجين هههه و تبانلي الشعب يحبني ومعرف هههه يعني هاد العام كي دخلت نقرا كاين زوج بنات مع شافوني جاو يجريو من بعيد يحضنو ويبوسو وتوحشتك وهوما من النوع لي سروال مشبوح وماكياج يعني عقليتهم ماش كي عقليتي بصح يحبوني وحدة تقولي واش راكي ووحدة مريومة وين طحتي تقراي يعني يحبوني وبلا مايتجاوزو حدودهم يحكيو معايا غير في امور معقولة كي تعود حاجة خاطية الطريق يقولولي نتي متربية ماتسمعيش ماش حابين نسوفجوك هههه بالاك هنا في اللمة تلقايني نحب نقدم نصيحة للانسان ونشارك بافكاري لكن في الواقع لالا لما تكوني واقفة مع مجموعة وحدة تقولك تحب نتحكم في الراجل ونحطو تحت رجليا ووحدة تقولك نحب نمشيه كيما نحب تحسي نفسك في جو مايسمحش بالنقاش ساعات نمد بعض من آرائي ونسكت وساعات نسمع برك على هادي يحطوني جابدة روحي غير كي نشوف وحدة صاريلها مشكل ولا نحب ننصحها ونساعدها حتى ولو ماتاخدش بنصيحتي المهم ندير الواجب ، بصح درك ختي ليليا كي نشوف واحد في عالم افتراضي يضحك بزاف وفي الواقع ساكت ماتجينيش تغير في الشخصية ولا، قادر الخجل يلعب دور يعني كاين حوايج هي وين يبان الفرق لما تشوف
واحد يتكلم على شباب اليوم ويقولك لبستهم وشعرهم بطريقة غريبة وهو نفسو تلقاه مداير الشي هاداك ولا يتكلم على البنات وختو تلبس هكاك ولا عندو صديقة من النوع هاداك بعد
ولا طفلة تتكلم على حجاب اليوم وهي بعد خاليتها يعني كاين امور لي صح مايتقبلهاش العقل، انا شوفي كي نحكي كيما الواقع لما ننصح البنات بالحجاب ماش معناها معصومة على الخطأ وحتى انا بديت بحجاب فيه سروال كيما سبق وقلت في احد مواضيعي صح ماكانش مفضوح وكان الحجاب مع الركبة ولكن حتى انا كانو عندي هفوات حتى نهار درت حد لعمري ودرك راني بحجابات
طوال مستورة والحمد لله ولعقوبة للجلباب لا كتب ربي، لما نتكلم على الماكياج الحمد لله ختكم تخرج مصفارة من الدار هههه شوي صابون وخلاص، صح كل انسان عندو هفوات وغلطات ورانا نتعلمو انا في اللمة دخلت نتناقش باه نتعلم وباه نكتسب خبرة وباه يولي عقلي رزين والحمد لله راني كل يوم نتعلم انا بكري كنت دايما نقول المرأة لازم تكون خدامة ولازم تجيب دراهمها بيدها باه
ماتحتاجش تطلب من الراجل لكن لما دخلت لعالم راقي وواعي كيما اللمة بدا يتبدل تفكيري لقيت اخوات قاريات ومن المتفوقات وخدامات في مناصب مليحة تقولك نحكم داري نربي ولادي
مارانيش ضد لي تفكر تخدم حاشا بصح تقدري تقولي لقيت الاجوبة لي نحتاجها وعقلي كبار على هادي لما ندخل في نقاشات نحب نمد رايي ولو غالط وحب نقرا آراء البقية خاطر نلقى فيهم الشي لي نحتاجو مالا مليحة العبد لي يتكلم بصراحة ماش معناها يحكي كامل اسرارو خاطر الاسرار ماتتقال لا في الواقع ولا في العالم الافتراضي ولكن معليش لما تختلف خاطر من تم تتعلم وكامل نغلطو
المهم راني خرجت على الموضوع هههه وخونا مالك وخونا حكيم ماحبوش يسلكو عليا البيس مشحاحين -_- ماتأمنيهمش هنا واش يقولو راهم بخلاء في الواقع :p
غير نضحك، والله انا يا ختي ليليا مايهمنيش لي يبدل عقليتو بين الواقع والافتراضي خاطر غير هو لي رايح يتعب بزوج شخصيات يعني ربي يسهل على كل واحد وياريت يجي
نهار نتلاقاو علابالي تقتليني ضحك هههههه وكيما قتلك يا سعدو راجلك بيك درك يشبع ضحك
المهم نسكت خير راني درتلك جرنان وفقط ملاحظة لو يجي يوم ونطيح في وحدة مثلا من بنات اللمة ولا لقيتها عكس واش هنا والله ماتتبدل نظرتي جيهتها لاني نحب نحتفظ باللحظات المليحة
لي فوتناها هنا ولي ختارت التغيير بينها وبين مولاها
المهم كترت عليك هههه صحيتي ليليا على الموضوع ربي يهنيك :love01:
​

اواه مريومة لازم تنفضي روحك شوي يا بنتي راني نشوف فيك كاجو نتاع طماطم انا عيين نشوف خدودي ما يحمارو ما والو انا كي نحشم نتبسم وما نشوفش فالعينين الصراحة نولي مرات الدايم يجيني الضحك انا خطيبي والله ما نشوف فعينيه نضحك هههه ونحشم ولنما نحكي فالتلفون يقولي وعلاه كي نكون معاك تسكتي هههه الصراحة نخاف منو مي نحشم اول ما يعطيني الاشارة ونبدا
اييه يا حسراه البارح برك قالي وكيفاه معاك راني نجي نعيط عليك ونزعف ما نقدرش نضحك هههه
نورتيني كثري على روحك لانو كل فالمفيد
شكرا مريومتي
​

 

[ليليا مرام]

رد: ركبت فالكار وتلاقيت بمالك والجماعة ارواحو

مريووومة أنا نسلك على أختي الصغيرة
لكن عينيّ دمعوا ليس حزنا بل ألما ياك راني أصلا بديت نعمى و زادني
ردك ههههههههههههه

سلام عليكم
كيفاه تسلك على مريومة وانا ختك الله يعطيك النو
حنا قلنا راك ضحكت فالكار ما قلناش تبكي ويا حوجي علاه البكى


توأمي موضوعك دايما مهبول كيفك هههههههههههه
للأسف انا دخلت منتدى قبل هذا وضعت صورتي و حكيت على حياتي و
وضعت حتى أدق التفاصيل و حتى كانت أخت تحكي مع زوجتي في هاتفها
لكن للأسف جرحوني و طلبوا من زوجتي تشتغل عندهم طباخة

انا فت بها اللي تحكي عليها وحكيت على مرضي وحياتي رجعوني مسخرة في وقت صح ناس وقفت معايا مناك حلفت وندمت على اني حكيت ومحال نعاودها لو نموت الناس مش الكل صح تحس كاين ناس ما عندهاش ضمير
معليش خويا تولي خير منهم ان شاء الله
وهذا اللي يحكي للناس وضعو الشفايا كثر من العزايا يعزي ريسانهم ان شاء الله

هاذ الشي جرح كرامتي
لما دخلت اللمة خبيت أمور خفت تجربتي تكرر
الحمد لله لقيت ناس أكثر من رائعين
اخوة و أخوات رووووعة
هنا وقعت في حرج كيف نصحح ما خبيته سابقا
و الله وعد يجي يوم نخبركم على كل حياتي

حنا رانا اهلك وخوتاتك ومش كل الناس كيفكيف مي انا ننصحك ما تحكيش ولو تحكي اعرف لمن تقول حياة الانسان الخاصة يخليها ملكو وهذي نصيحة مجربة



أما من ناحية العقلية
ففي الواقع انا جدا نكتي نحب الضحك و الهبال و التعليقات
و نحب الفوضى و نكره الكالم
نبكي بسرعة و ما نحقدش و مسامح كل الناس
علاقتي بصحابي روووعة
و بالجنس الناعم أروّع خصوصا نخدم في الثانوية


الو اختي زوجة خونا آمين
ايه شكون معايا .....
انا وحدة تحب مصلحتك توأم راجلك شوفي حاوزيه من الدار على ضمانتي طلقيه هههههه
ديريلو الخلع ياو راه يتنعم بالجنس الناعم ما قالهش حتى نسا ياو نعمها ههه
طيط طيط .... اختنا زوجة الآمين ضرباتو بالمقلى الخاوة اللي يحب يتوجه لسطيف راه فالاستعجالات :p
:p:p:p

التلاميذ كلهم علاقتي بيهم ممتازة
و كلهم يزوروني في البيت سواء بنات او بنون
و ما عنديش مشكل نحكي معاهم في الشارع
و بيتي مفتوح للضيوف

ايه فاقو انت ما قلتش الاولاد قلت النواعم امممم فقنا خلاص

لحظة و الله نسيبتي جاتني ضيفة
نصرف و نرجع هههههههههههه
​

جات نسيبتك يا حوجي هذي سامطة كل يومين عندك ههههه حاوزها الامين ياخي حالة علاه يزوجو بناتهم كي يظلو عندهم هههه
راك ما رجعتش وين راك ضرباتك هي ويماها :d
:d:d:d:d