ركبت فالكار وتلاقيت بمالك والجماعة ارواحو

[ليليا مرام]

رد: ركبت فالكار وتلاقيت بمالك والجماعة ارواحو

السلام عليكم

بصراحة دخلت قلت نشوف الموضوع برك
ايا انا موالف نقرا جملة و لا زوج نفهم الموضوع على واش يهدر
اما ضروك ما فهمت والو
هه
عذرا
و
السلام

​

السلام عليكم
اهلا صلاح الدين على سلامتك مي وين كنت حتى رجعت ما تفهمش
يا خويا واذا المشكل فيك راه واضح انو موضوع نحكو على شخصية الانسان فالافتراضي وفالواقع برك انا طرحتو بطريقتي ودخلت الاعضاء حتى نبدلو نوعية المواضيع وبرك
نصيجة كول المسوس ما تكثرش الملح راك بديت تلاشي
سلام وميرسي انك دخلت وما فهمتش المهم المشاركة

 

[ليليا مرام]

رد: ركبت فالكار وتلاقيت بمالك والجماعة ارواحو

ههه لا لا ما يخرطوش على بعضاهم اما على الغاشي لاخر يخرطو مليار سنتيم في السااعة ماشي كامل :p ​

ايه فاقو ماكانش راجل ما يخرطش قالو ما يخرطوش على بعضاهم ياو نسمع حكايات يقتلو بالضحك والكارثة جماعة تكذب على جماعة ياو يكذبو اونغرو هههه7

 

[الامين محمد]

رد: ركبت فالكار وتلاقيت بمالك والجماعة ارواحو

جات نسيبتك يا حوجي هذي سامطة كل يومين عندك ههههه حاوزها الامين ياخي حالة علاه يزوجو بناتهم كي يظلو عندهم هههه
راك ما رجعتش وين راك ضرباتك هي ويماها :d
:d:d:d:d

ههههههههههههههههه يالمهبووولةانت معايا و لا معاها
أنا خوك و هي مرت خوووك
لازم تكوني معايا ظالم او مظلوووم هههههههههههه

شفتي واش عملوا فيا
ههههههههههه

 

[باتنية و نص]

رد: ركبت فالكار وتلاقيت بمالك والجماعة ارواحو

سلام عليكم
صراتلي حقيقة هه
تلاقيت بصديقة وصديق تعرفت عليهم فالعالم الافتراضي
هو ما حكيتش معاه بزاف خاطر حشمت منو
مي هي ملي تعرفت عليها وحنا كي القط والفار حتى كي تلاقينا فالواقع
كنت مروحة من الجامعة عيطتلي قاتلي اني قريبة اسنايني ضك نجيك بالطوموبيل
وتبهدلت بسبتها خلاتنؤ نسنا نص ساعة حذا الرومبوا في جرة السركيلاسيو والشمس حارقتني وحالتي حالة ..كي وصلت حليت الباب تع الطاكسي دخلت شفت معاها شنفت قتلها منسلمش ودورت راسي للطاقة
قاتلي الله لا سلمتي
مزدناش خمس دقايق تصالحنا وجبناها غير ضحك + قريب دارت بينا اكسيدو مي حمد لله وصلت للدار سالامات
وكنت كل دقيقة نقولها ازربي لازم نروح قاتلي تقول رح نخطفك ههه
ولحد الان كل منتفكر هذاك النهار نقعد غير نضحك
صراحة من اجمل الاشياء انك تتلاقاي باخوة اهداهملك العالم الافتراضي
ان شاء اللي متلاقيناهمش فالدنيا
نتلاقاو بيهم فالجنة
انتي كي نشوفك ماشية مع واحد يحكي بشاوية ونتي زي الاطرش في الزفة نعرفك بلي نتي هي ههه
تحياتي

 

[ليليا مرام]

رد: ركبت فالكار وتلاقيت بمالك والجماعة ارواحو

ههههههههههههههههه يالمهبووولةانت معايا و لا معاها
أنا خوك و هي مرت خوووك
لازم تكوني معايا ظالم او مظلوووم هههههههههههه

شفتي واش عملوا فيا
ههههههههههه

اهلا
اييه والله يديهم صحاح هذو يديرو المصارعة
او راني معاك وانا علاه قتلك حاوزها النسيبة اللي سامطة يا خويا بزاف لو تجيب معاها استقبلها لو تاكل وتروح قولها كي انت كي يماك الباب يفتوكم
مي كي شفت حالتك ووين وصلوك اواه غير سايسهم هههه

 

[ليليا مرام]

رد: ركبت فالكار وتلاقيت بمالك والجماعة ارواحو

سلام عليكم
صراتلي حقيقة هه
تلاقيت بصديقة وصديق تعرفت عليهم فالعالم الافتراضي
هو ما حكيتش معاه بزاف خاطر حشمت منو
مي هي ملي تعرفت عليها وحنا كي القط والفار حتى كي تلاقينا فالواقع
كنت مروحة من الجامعة عيطتلي قاتلي اني قريبة اسنايني ضك نجيك بالطوموبيل
وتبهدلت بسبتها خلاتنؤ نسنا نص ساعة حذا الرومبوا في جرة السركيلاسيو والشمس حارقتني وحالتي حالة ..كي وصلت حليت الباب تع الطاكسي دخلت شفت معاها شنفت قتلها منسلمش ودورت راسي للطاقة
قاتلي الله لا سلمتي
مزدناش خمس دقايق تصالحنا وجبناها غير ضحك + قريب دارت بينا اكسيدو مي حمد لله وصلت للدار سالامات
وكنت كل دقيقة نقولها ازربي لازم نروح قاتلي تقول رح نخطفك ههه
ولحد الان كل منتفكر هذاك النهار نقعد غير نضحك
صراحة من اجمل الاشياء انك تتلاقاي باخوة اهداهملك العالم الافتراضي
ان شاء اللي متلاقيناهمش فالدنيا
نتلاقاو بيهم فالجنة
انتي كي نشوفك ماشية مع واحد يحكي بشاوية ونتي زي الاطرش في الزفة نعرفك بلي نتي هي ههه
تحياتي

السلام عليكم
اهلا الشاوية الفحلة
ييه والله جربت الشعور هذا وتلاقيت مع اصدقاء وصديقات وعندي وحدة رانا خوتات نروح ليهم للدار وفالمناسبات وخلاص كل اهلها يعرفوني ويقولها اعرضيها فالاعراس رانا كالخوتات والحق اهلها يعاملوني كانو راني بنتهم كاين ناس بزاف ملاح فالنت مش لازم الكل يكونو مش ملاح على العكس
يا ريت نتلاقى بيك مي ما تخميش راني نتعلم فكلام منو قتلو ما نبقاش انا تقطعو فيا وما نفهمش هههه
ما تخميش وانت وين راكي نورمالمو تبداي ديرلي دروس
ههه
نورتيني

 

[همس الوُرود]

رد: ركبت فالكار وتلاقيت بمالك والجماعة ارواحو

السلام عليكم
مركيني فلاليست ليليا..جيت ندير رونديفو..ممبعد نرجع للموضوع إن شاء الله

 

[اميرة في مملكة العلم]

رد: ركبت فالكار وتلاقيت بمالك والجماعة ارواحو

و انا وين راني ههههه متعرفونيش اكياوعدي ياه هههههههه ...مي بصراحة انا هنا و لهيه اختلاف كبير ...هنا نزعق نضحك نلعب نعاير نورمال نعرفهم ميزعفوش مني كيما قالولي لساني طويل ههههه مي في الاصل نحشم منزعقش بزاف بزاف بزاف ههههه يعني ذيبة بجلد النعاج ههههه هنا مهبولة لهيه معقولة هههه ...

 

[ليليا مرام]

رد: ركبت فالكار وتلاقيت بمالك والجماعة ارواحو

السلام عليكم
مركيني فلاليست ليليا..جيت ندير رونديفو..ممبعد نرجع للموضوع إن شاء الله

السلام عليكم
اهلا اختي واش راكي
مي يا لالة الورنديفو نهار ماشي شهر راني ماركيتك البارح اليوم نستناك وبعدو الكار تقلع ما نبقاوش نستناو فيك السي مالك راه مقلق الطفلة راحت وخلاتو ثاني يرمي روحو ونلبقاو حاصلين هايا خفي خليتلك كرسي فارغ
تنوريني فاي وقت

 

[همس الوُرود]

رد: ركبت فالكار وتلاقيت بمالك والجماعة ارواحو

السلام عليكم
اهلا اختي واش راكي
مي يا لالة الورنديفو نهار ماشي شهر راني ماركيتك البارح اليوم نستناك وبعدو الكار تقلع ما نبقاوش نستناو فيك السي مالك راه مقلق الطفلة راحت وخلاتو ثاني يرمي روحو ونلبقاو حاصلين هايا خفي خليتلك كرسي فارغ
تنوريني فاي وقت

وعليكم السلام ورحمة الله وبركاته

وبيك أختي ليليا يعيشك والله الحمد لله وأنت وش أحوالك؟

هههههههههه أسمحيلي والله مالقيت الوقت بش نريبوندي على الموضوع وكيما نكونيكتي أغلب الأوقات بالتلفون ونتعذب كيما نكتب بيه

دوك وين دخلت بالميكرو

ياك والله أنت هايلة ههه وحلوة الله يبارك وتدخلي للقلب فيساع

حبيت نقوللكم بلي حتى أنا كنت معاكم فالكار وشوا محبيتش نبين روحي بش ماتفيقوليش هههه:d لأني مشي توينكل ستارز بصح عبير:p

والله صح أختي الإفتراض بعيد بزاف على الواقع تع الإنسان

ربما عضوة تلقايها إجتماعية بزاف فالمنتدى فالواقع تلقايها منعزلة

وحدة تبان طيبة فالمنتدى فالواقع مشركة اللسان وهكذا

لأنو الإفتراض هو الصورة الي يرسمها الإنسان كيما يحب هو

بالنسبة ليا فالإفتراض كامل يشوفوني حزينة وكئيبة ويائسة أما فالواقع يشوفوني الناس عكس ذلك لدرجة أنو كاين بنات يجيو عندي يقولولي عبير والله دبرتيها أنت ماعندكش هموم:p

فالواقع أنا نحشم بزاف من الناس أما فالإفتراض نقدر نحكي بلا حشمة :$

فالإفتراض منحكمش روحي كيما نزعف نرد الكلام أما فالواقع أغلب الأحيان تلقايني نسكت على الناس ..نحكي على الناس أبار لافامي:d

فالإفتراض نبان وحدة جدية بزاف أما فالواقع مع صحاباتي تع الصح نضحك ونتمهبل عادي

وهكذا عبير فالواقع تبان حاجة وفالإفتراض حاجة

بصح الإختلاف مايعنيش أنو الإنسان كاذب

لأنو مثلا فالإفتراض لما أنا نكتب على الحزن نكون صح حزينة أما فالواقع منعرفش نعبر على حزني سوى بالضحك :d

وهكذا كيما كاين ناس تلقايهم يبينو أنفسهم أقوياء ولكنهم ضعفاء

و و و .... وكاين الكذاب وكاين الي على نياتو وكاين الخبيث وكاين الطيب

كاين حتى الي يحط نفسو عضو وهو فالواقع فتاة والعكس صحيح

وتختلف الأمور باختلاف الناس والحقائق

لأنو الإنسان وحدة بيولوجية معقدة من الداخل والخارج تلقاي إنسان مع نفسو مش فاهم وشبيه لذلك متقدريش تعرفي الإنسان هذا ويلا راهو مليح ولا لالا سواء فالواقع أو فالإفتراض ربما بعد فترة طويلة من التعارف إيه

وبارك الله فيك أختي ليليا

كرسيك مريح وموضوعك جميل

في رعاية الله​

 

[ليليا مرام]

رد: ركبت فالكار وتلاقيت بمالك والجماعة ارواحو

وعليكم السلام ورحمة الله وبركاته

وبيك أختي ليليا يعيشك والله الحمد لله وأنت وش أحوالك؟

السلام عليكم اهلا وسهلا عبورة جيتي والله مالك من قبيل يقلق فيا قلعو قلعو وانا نقولو استناها شوي
يا الله ديماري الشوفور
انا لاباس وانت وداركم


هههههههههه أسمحيلي والله مالقيت الوقت بش نريبوندي على الموضوع وكيما نكونيكتي أغلب الأوقات بالتلفون ونتعذب كيما نكتب بيه

دوك وين دخلت بالميكرو

معليش المهم جيتي وانا قلت والله ما نديمارو حتى تجي


ياك والله أنت هايلة ههه وحلوة الله يبارك وتدخلي للقلب فيساع

اممم حشمتيني مع انو نادر وين نحشم انا هههه
الله يفرحك يا رب حنونة ميرسي


حبيت نقوللكم بلي حتى أنا كنت معاكم فالكار وشوا محبيتش نبين روحي بش ماتفيقوليش هههه:d لأني مشي توينكل ستارز بصح عبير:p

لالا انا ما شفتكش ياخي ما نعرفوش بعضانا وانا اللي مرقتها لما فقت لمالك وناضت مريومة وزاد حكيم وليتو تبانو بالواحد ههههه
ايه راكي ستارز عليها قعدت التالية ههههههههه


والله صح أختي الإفتراض بعيد بزاف على الواقع تع الإنسان

لا مش لدرجة بعيد بزاف خلينا نقولو فالنت تعيشي عالم وحدك خاص بيك وتوالفي هذاك العالم وفالواقع كاين ناس تشاركك العالم هذا


ربما عضوة تلقايها إجتماعية بزاف فالمنتدى فالواقع تلقايها منعزلة

وحدة تبان طيبة فالمنتدى فالواقع مشركة اللسان وهكذا

لأنو الإفتراض هو الصورة الي يرسمها الإنسان كيما يحب هو

قتلك هو عالم خاص قادر يكون نسخة على عالمك برا مع افكارك انت وعقلتيتك انت يولي تشابه كبير وقادرة تولي هنا بشخصية وبرا اخرى وهذا ما يعنيش نفاق او كذب مي يعني انو عالم خاص انا هاكا نفسرو مع انو انا نفس الشي هنا وبرا كيفكيف


بالنسبة ليا فالإفتراض كامل يشوفوني حزينة وكئيبة ويائسة أما فالواقع يشوفوني الناس عكس ذلك لدرجة أنو كاين بنات يجيو عندي يقولولي عبير والله دبرتيها أنت ماعندكش هموم:p

فالواقع أنا نحشم بزاف من الناس أما فالإفتراض نقدر نحكي بلا حشمة :$

فالإفتراض منحكمش روحي كيما نزعف نرد الكلام أما فالواقع أغلب الأحيان تلقايني نسكت على الناس ..نحكي على الناس أبار لافامي:d

فالإفتراض نبان وحدة جدية بزاف أما فالواقع مع صحاباتي تع الصح نضحك ونتمهبل عادي

وهكذا عبير فالواقع تبان حاجة وفالإفتراض حاجة

بصح الإختلاف مايعنيش أنو الإنسان كاذب

لا الاختلاف مش كذب كل واحد عندو اسرارو وشخصيتو وعقليتو

لأنو مثلا فالإفتراض لما أنا نكتب على الحزن نكون صح حزينة أما فالواقع منعرفش نعبر على حزني سوى بالضحك :d

وهكذا كيما كاين ناس تلقايهم يبينو أنفسهم أقوياء ولكنهم ضعفاء

و و و .... وكاين الكذاب وكاين الي على نياتو وكاين الخبيث وكاين الطيب

كاين حتى الي يحط نفسو عضو وهو فالواقع فتاة والعكس صحيح

وتختلف الأمور باختلاف الناس والحقائق

لأنو الإنسان وحدة بيولوجية معقدة من الداخل والخارج تلقاي إنسان مع نفسو مش فاهم وشبيه لذلك متقدريش تعرفي الإنسان هذا ويلا راهو مليح ولا لالا سواء فالواقع أو فالإفتراض ربما بعد فترة طويلة من التعارف إيه

وبارك الله فيك أختي ليليا

كرسيك مريح وموضوعك جميل

في رعاية الله​

ردك واقعي الف بالمية مع انو انا مع التشابه بزاف لانو انا هنا نفسي برا مع الاحتفاظ باسراري اكيد
في رعاية الرحمن الله يفرحك

 

[YOUCEFCRIPCHO]

رد: ركبت فالكار وتلاقيت بمالك والجماعة ارواحو

بالتوفيق

 

[ليليا مرام]

رد: ركبت فالكار وتلاقيت بمالك والجماعة ارواحو

بالتوفيق

السلام عليكم
اهلا وسهلا خويا
امين الله يوفقنا اجمعين

 

[Smile Queen]

رد: ركبت فالكار وتلاقيت بمالك والجماعة ارواحو

موضوع جميل ههههههههههههههه
ياختي وش نقولك صح كاين عباد عرفناهم من النت وماشاء الله شخصيتهم في الواقع احسن واحسن
هنا في اللمة مازال ما عرفت حتى وحدة في الواقع مي من الفيس بوك تلاقيت بزاف بنات والحمد لله رانا مدايرين بروجي مع بعض
برأيي مهما الانسان بدل شخصيتو مش رح يقدر يخبي بزاف وحتى لو كان انسان كذاب رح ينكشف لان افة الكاذب النسيان
شكرا ولك اجمل تقييم