كيفاش دايرين

[محمد إبن الصحراء]

السلام عليكم ...

في هدا المنتدى عرفنا بزاف إخوة والحمدو لله من مختلف جهات الوطن
طلبة جامعيون وثانويون
موظـفـيـن و حرفـيـون
عزاااااااااب ومتزوجون
نساء ماكثات في البيت
......................الخ
وكل واحد فينا طرح موضوع مفيد وهادف
تناقشنا وتخلفنا , زعفنا وضحكنا وفي النهاية ستفدنا كاملين
لكن
من باب الفضول بغيت نعرف نتوما اللامويين كيفاش دايرين ؟؟؟
ماشفناكم ماسمعنا صوتكم

وصفونا رواحكم ​

طوالا - قصار - رقاق - سمان - زوعر - بويض - سومر - خمرين ......... الخ

سطحيا وبإختصار خبرونااااااااااا​

 

[Skor m@k]

رد: كيفاش دايرين

السلام عليكم
واش حبيت نقولك اصبر نبعثلك تصويرتي وخلاص ههههه
ماعنداك لو انا نقولك مواصفاتي نعجبهم كامل هههه
ونحصل بيهم لي مزوجة دير الخلع ولي راح تزوج تحبس ولي راهي تمشي تليكيديه
غير على جال تصويرتي خخخخخخ
وخوفا من مشاعر العضووات مانقولش على مواصفاتي ههههه
سورتو كاين لي يغيرو ممبعد يعاينوني ديجا زكاره فيهم نقول شويا برك
خويا محمد تعرف مهند انا شباب عليه ههههه
ايه علبالي بلي غرتو نزيدلكم شويا
جاك تاع التيتانيك نشبهلو برك عندي السر في وجهي انا ههههه
واش نقولك ياخويا محمد والله ماعرفت كيفاه نوصف روحي
انسسان عادي ككل جزائري مغترب في بلاده هههه​

 

[يونس قاسم]

رد: كيفاش دايرين

ههههههههه اسمر الطول متوسط متر و اربعةوسبعين
نطلع شعري هههههه
عيني قهوي و حواجبي كبار
رقيق شوية
المهم مكرفص هههههههههههههه

 

[yasssine]

رد: كيفاش دايرين

هههههههه
عجبني الموضوع
الطول 178 زدت 2 سم في الصيف و عمري 16
لون البشرة ابيض و عينيا قهويين و شعري قهوي مائل للاشقر و شنو تاني ههههه
باختصار نشبه لشاتاي اولسوي:-h ما نعرف لا تعرفوه كي شافوه قالولي يتشبهلك و خير منو

 

[miss victoria]

رد: كيفاش دايرين

هههه معليهش نوصفلكم وحي بصح م تتخلعوش
متوسطة القامة و بيضاء البشرة و نحيفة شويا و عينيا مارون وشعريي اصفر و هادا ما كان هه

 

[زاد الرحيل]

رد: كيفاش دايرين

اجمل ما في ناس اللمة انهم جنود الخفاء يتلموا على مائدة مستديرة فيها : الڜريعة و الحياة ...... الثقافة و العلوم و المعرِفة ....... و اكيد التسلية . و يحكمها الاحترام المتبادل ، و ما تهتمش بالعمر و الشكل لانو العمر شجرة كل يوم تسقط منها ورقة ، و الشكل خلق الله و الجمال يزول ، يعني يبقى مافي المائدة . و اجمل مايزينها الاخوة في الله .
فيا لها من لمة ...!!

 

[محمد إبن الصحراء]

رد: كيفاش دايرين

اجمل ما في ناس اللمة انهم جنود الخفاء يتلموا على مائدة مستديرة فيها : الڜريعة و الحياة ...... الثقافة و العلوم و المعرِفة ....... و اكيد التسلية . و يحكمها الاحترام المتبادل ، و ما تهتمش بالعمر و الشكل لانو العمر شجرة كل يوم تسقط منها ورقة ، و الشكل خلق الله و الجمال يزول ، يعني يبقى مافي المائدة . و اجمل مايزينها الاخوة في الله .
فيا لها من لمة ...!!

واش بيك صارمة ؟؟؟؟؟؟؟؟؟
جنود الخفاء لي تحكي عليهم بغينا نعرفو من باب الفضول
سطحيات عن مواصفات بنيتهم , ونتي وحدا منهم .
وعليه ومن باب الأخوة قولينا كيفاش داير
الأخت المخفية ميلينا
​

 

[محمد إبن الصحراء]

رد: كيفاش دايرين

السلام عليكم
واش حبيت نقولك اصبر نبعثلك تصويرتي وخلاص ههههه
ماعنداك لو انا نقولك مواصفاتي نعجبهم كامل هههه
ونحصل بيهم لي مزوجة دير الخلع ولي راح تزوج تحبس ولي راهي تمشي تليكيديه
غير على جال تصويرتي خخخخخخ
وخوفا من مشاعر العضووات مانقولش على مواصفاتي ههههه
سورتو كاين لي يغيرو ممبعد يعاينوني ديجا زكاره فيهم نقول شويا برك
خويا محمد تعرف مهند انا شباب عليه ههههه
ايه علبالي بلي غرتو نزيدلكم شويا
جاك تاع التيتانيك نشبهلو برك عندي السر في وجهي انا ههههه
واش نقولك ياخويا محمد والله ماعرفت كيفاه نوصف روحي
انسسان عادي ككل جزائري مغترب في بلاده هههه​

ماشاء الله على ملك جمال رجال اللمة
ربي يحفظك​

 

[محمد إبن الصحراء]

رد: كيفاش دايرين

ههههههههه اسمر الطول متوسط متر و اربعةوسبعين
نطلع شعري هههههه
عيني قهوي و حواجبي كبار
رقيق شوية
المهم مكرفص هههههههههههههه

الله يبارك
أنا وأنت لنا نفس المواصفات تقريبا
أختلف معك في تصريحة الشعر والحواجب
ربي يحفظك . بالاك يتعينو فيك ​

 

[محمد إبن الصحراء]

رد: كيفاش دايرين

هههههههه
عجبني الموضوع
الطول 178 زدت 2 سم في الصيف و عمري 16
لون البشرة ابيض و عينيا قهويين و شعري قهوي مائل للاشقر و شنو تاني ههههه
باختصار نشبه لشاتاي اولسوي:-h ما نعرف لا تعرفوه كي شافوه قالولي يتشبهلك و خير منو

الله يبارك
عجبتني العبارة ( زدت 2 سم في الصيف )
باينا دخلتها في الصيف غي باسكيت هههههههههههههههه
قلت بلي تشبه لـ ( شاتاي يولسوي)
الممثل وعارض الأزياء التركي . ماشاء الله
عس روحك كي تروح للترك يمشي يوقعلك كيما وقع
لعادل إمام في مسرحية الزعيم ( الشبه )
تشرفت بمعرفتك . الله يحفظك .
​

 

[محمد إبن الصحراء]

رد: كيفاش دايرين

هههه معليهش نوصفلكم وحي بصح م تتخلعوش
متوسطة القامة و بيضاء البشرة و و عينيا مارون وشعريي اصفر و هادا ما كان هه

ماشاء الله .
درك نبعتلك خلطة تقليدية عجيبة
ومعاها جمل سمين من الصحراء
نحريه وشويه وكوليه وحدك
باش تقضي على ( نحيفة شويا )
ربي يحفظك من العين . تشرفت بمعرفتك .​

 

[ahlam 99]

رد: كيفاش دايرين

ههههه والله لا عجبتني هاذي
عندي 17 سنة
ليسونسيال جاية بلوندة
شعري طويل شاتان
ما سمينة ما رقيقة
ما طويلة ما قصيرة
عينيا كحلين صغار
وهاذا مكان

 

[الديباج الرقيق]

رد: كيفاش دايرين

طولي 1،62
شعري طويل ياسر اكحل
عينيا كحولة
بشرتي بيضاء تقولو الدم نشف ههه
وزني والله كنت متحوفة وفقدت شهيتي وضرك راني وليت يابسة بالجوع هههه
راني ندوور في 30-28ههههه
عندكم حاجة تفتح الشهية ....