مشكل الغسالة لحق حتى ....

[لاريمان]

رد: مشكل الغسالة لحق حتى ....

السلام عليكم

لعجوزة الا حبت تغسل لحوايج بيديها فهدا شغلها
و لعروسة ايضا تغسلهم بالغسالة ولا بيديها شي شغلها

لعجوزة اذا كان عندها بنت و لديها نفس المشكلة مع عجوزتها تتدخل و تقول لنسيبها يشري لبنتها غسالة

مشاكل العجوزة و العروسة عمرهم ما يخلاصو

تحياتي

وعليكم السلام
صح اختي من المفروض كما تحب تعامل بنتها هي تاني تعامل الكنة
لكن كاين معاندة وسكارة وخلاص ولا ممكن هي تشوف فيهم من وجهة نظرها راهي تعلم فيها
نشكرك بزاف على مشاركتنا الموضوع

 

[لاريمان]

رد: مشكل الغسالة لحق حتى ....

السلام عليكم

أسمحيلي أختي مانقدرش نكتب بزاف بالبورطابل

برك حبيت نقول حاجة وش الي المرأة عادت ماتدير والو ههه

كي عادو حابين نخسلو بيدينا ؟ أوكي مكانش مشكل ليسونسيال هوما مايسلكوش فاتورة الماء وكل يوم يروحو رافدين بيادن على ظهورهم ويجيبوا الماء
+
علاش يشريو طوموبيل؟ خليهم يمشو على رجليهم يقضيو

+ مكالاه الضو يجيبو الشمع برك

ما يبحثوش فالميكرو خليهم يبحثوا فالكتب أفضل

يعرفوا غير يحصلوا فالمرأة ههه

ليسونسيال تزيدوا تحسبوني هاجمة نتقابض لالا يا أختي راني غير نضحك

صراحة المرأة لازم تدعي توجور تكون علاقتها مع زوجها وعائلته مليحة

أما كيفاش لقى الحل هذاك الرجل نظن قاللهم أنا الي نغسل القش؟ هههه

أيا سلام أختي وبارك الله فيك

هههههههه مقدرتيش تكتبي بصحت حطيت نقاط بزاف
اذن المعاملة بالمثل
يعني كل واحد يشوف فيها من وجهة نظره المهم مايخسروش بعضاهم

تحوسي على الحل

ماكسر راسو ماوالو لما لقى النار شعلت
خلاها مساكرة في لمبلاج الى حين يتفاهمو:p
يعني ماحبش يخسر امو وفي نفس الوقت راهو يسعى لايجاد حل
شكرا اختي

 

[لاريمان]

رد: مشكل الغسالة لحق حتى ....

السلام عليكم

الحماة التي تتعارك مع كنتها من أجل غسالة هي غيرة لأنها تقارن حياتها السابقة التي عاشتها في تعب وقسوة وتريد

ان تعيش زوجة الإبن مثلها ، لكن أظن أن مشكلة الغسالة قليلة عند الزيجات لان أغلب الحموات اليوم لديهم غسالة في البيت

فهي من الضروريات القسوة اللهم إذا كانت من الريف بعضهم لا يزال يغسل الملابس باليد .

على العموم الزوجة بحاجة إلى واحدة خصوصا لما تكون عاملة تزيل عنها عبء كبير

وسائل الكهرومنزلية هي راحة الإنسان اليوم فالأمر لا يتعلق بالكسل هذا هو التطور لكل زمن وطريقة العيش فيه..

تسلمي
​

وعليكم السلام
هو صراع ازلي وراك تشوف حتى في امور ممكن قد تجاوزتها الاسر كون الغسالة
من الضروريات هي حبت ممكن تعلمها ولا تفحلها من وجهة نظر الحماة الله اعلم او راهي معاندة
والغسالة اخي ميش غير ضرورية بالنسبة للعاملة حتى لقاعدة في الدار تعاونها وتربح الوقت تخدم حوايج خلاف
يعطيك الصحة على الاظافة ومشاركتنا
تعيش

 

[لاريمان]

رد: مشكل الغسالة لحق حتى ....

العجوز ما تحبش الكنة تشري غسالة
اما بنتها لازم تشري غسالة و عجّانة
و روبويات و .......و..............و............
يعني كل حاجة مصنوعة
و الله هذا ظلم
ليش لعجوز ما تنعلش بليس و تفكر في عمرة و تعيش مقلشة كي السلطانة
ليش دايما تحشر روحها بين ابنها و زوجته و بين بنتها و زوجها​

​

واشراك تقول خويا هذا راهو كاين كاين حماوات ماشاء الله تعامل الكنة كابنة
لكن كاين الي متحملش كنتها ربما لاسباب لا نعلمها
وهي معاندة وتحب تكون الامر الناهي هي خبايا نفسية لايعلمها الا الله
نشكر خويا على مشاركتنا الموضوع

 

[لاريمان]

رد: مشكل الغسالة لحق حتى ....

الحماة تغير من كنتها لانها سرقت منها ولدها بعد ماجابت سنين و هي تكبر فيه ، تجي الكنة و تأخذ الجمل بما حمل ، و نتي اكيد في يوم من الايام راح تصبحي حماة و راح تحرمي كنتك من الاشياء اللي تحرمتي منها ايضا .
انا في رأيي الزوج راح يرضي زوجته و يطلب السماح من امه الا من رحم ربي
تحياتي

هذا هو اهم سبب في تغير العلاقة حماة كنة
بصح كاين حماوات الله يبارك واش يحبو لبناتهم يحبوه لكناتهم
والزوج في موضوعنا انو طاع امو وخلاها مسكرة مع محاولة اقناعها باستعمالها
تعيش اختي على هذا المشاركة

 

[لاريمان]

رد: مشكل الغسالة لحق حتى ....

اديييي العجوزة راهي غايرة مالكنة و صايي
بكري مكانش هاذ التطورات مي ضرك الحمد الله
والكنة عندها الحق في هاذي بسك لاماشين راهي من الاساسيات تاع الدار
و بلاك تاني ماهيش موالفة تغسل في يديها
والحل انو الراجل يشري لاماشين و يماه تعيا وتقبل
ويدا ماقبلتش راهم كاينين الحيطان
بسك راهي باينتلي بلي هاذي العجوزة خصها قتلات
ههههههههههه

هههههههه
هنا اختي العقليات راهم يختلفوا ممكن لعجوزة كانت محرومة دونك الكنة لازم تعيش وتخدم مثلها
معاندة هو شرا وخلاها حتى يلقى حل هكدا قال للشيخ في الحصة
شكرا اختي على مشاركتنا

 

[لاريمان]

رد: مشكل الغسالة لحق حتى ....

السلام عليك
والله عندنا غسالة و كي نغسل بيها ميجينيش كيما نغسل بيديا
شحال من خطرة لم قشي و نقولهم خلوني نغسله بيدي أحسن من الغسالة
ممكن عندك حق في نتاع كون توفرت ليهم بكري الغسالة كون مبقاو يقولو ان مكانش لي تغسل بيها
الغسالة نفضلها كي تكون الوحدة عيانة و عندها قش بزاف لأن تربح الوقت فيها

وعليكم السلام
هنا اختي اميرته كل واحد يشوف فيها من وجهة نظره انت مثلا ماتحبيش تغسلي بيها لاسباب
وكاين الي مايقدرش لاسباب هنا هو تدخل الحماة في منع استعمالها مع انو نتفقو كامل على اهميتها
نشكرك اختي بزاف على مشاركتنا الموضوع

 

[لؤلؤة قسنطينة]

رد: مشكل الغسالة لحق حتى ....

السلام عليكم
واعتذر على التأخير عزيزتي لاريمان كانت عندي بعض الظروف برك
وراني رجعت كيما وعدتك
وبالرجوع لموضوعك نوافق الاخوة والاخوات لي قبلي في واش قالو يعني لما يكون الزوج ميسور الحال وقادر ماديا
علاه مايشريش غسالة؟ وعلاه مايشريش سيارة؟ وعلاه مايشريش كويزينيار؟ وعلاه مايشريش عجان؟
لي ماعندوش معليش بصح عندو ويحب يعيش مرتو ظروف ناس بكري هادي ما يقبلهاش العقل ولو اتبعنا ناس بكري
كيفاه كانو عايشين مالا نبيعو التلفاز واش نديرو بيه ونحيو الضوء نعيشو بالشمع هكا نقصو علينا التريسيتي ونبيعو تيليفوناتنا
نعودو نتراسلو بالرسائل الورقية ،كاين امور بالاك زيادة كيما آلة غسل الاواني لكن لي تغسل القش نورمال، صح الانسان
مايكلفش نفسو ويعيش بمقدورو ويحافظ على بعض التقاليد معليش ولكن لي عايش في مجتمع تطورت فيه التكنولوجيا
وعادت تلعب فيه دور كبير وتسهل حياة الناس وهو حارم روحو باه يبقى في الماضي هادا خطأ
واشوا قوليلي برك واش دار الرجل باه رضاو عليه فيزوج؟ قوليلي او قتلني الفضول هههه
شكرا غاليتي لاريمان على الموضوع ربي يحفظك واعتذر على التأخير
تحياتي

​

 

[Malika Tlm]

رد: مشكل الغسالة لحق حتى ....

السلام عليكم
لا لا هدي تبهديلة وكبيرة واش فيها الكنة تستعمل الغسالة
بكري وضروك مش كيف كيف

الله يهديها