غادي نقطعك ديتي راجلي

[ليليا مرام]

السلام عليكم
جماعة الخير واش راكم وشعال راكم ومحلاكم امممم ضرك اليوم نحكو على سوجي
قالك يا شباب ويا شابات اسمع وجاني اتصال

الو ؟

ليليا : نعم الو شكون معايا ؟

: إسمعي انت ما تحشميش تديلي راجلي ؟ غادي نقطعك غادي نلحقك لداركم شاولا ما تعرفينيش انا شكون ؟
انا يقولولي هوارية محال تجي شيرا تديلي راجلي

ليليا : ياو شكون انت وشكون راجلك هذا اللي ديتو ؟ وهوارية انا حزيم ومن بعد انت هوارية وشيرا والا كاشيات واشبيك مهبولة واقيل
هنا ضربني الناقوس اواه مون شاوي متزوج محال هذي ...
قاتلي انا مرته وراني بالكرش وعندي غليان ونيميرو نتاعك غادي نافيشيه وغادي نمده لخاوتي ياكلوك ؟

ليليا : لقاك عزرين على البكري يا بنتي افيشاوك ان شاء الله فلاليست الموتى كليتي اذاعة الله يعطيك غمة عندو الحق كي خدعك هاتي خاوتك ياكلوني علاه شاورما اللي تاكلو الرهج
فهميني راجلك هذا شكون وانت شكون ؟

قاتلي كريم نتاع وهرن باينة بباينة انت من دزاير وتحكي واقيل مع امها
قتلك كي راه يروح يدي السلعة
قتلك اه خادعني وبدات تصادي على راسها
قتلها شوفي نقولك كلمة راه يدوش كي يكمل نقولو يعيطلك ايا بالسلامة هوارية وسلميلي على مصطفى

كوبيت عليها وقلت هذي مهبولة على روحها فارغة شغل
وبدات تعيط وتعيط وانا كرهت جد حياتي وقلت اليوم نولدها قبل وقتها
ريبونديت قاتلي وين راه ؟ وين راه قوله يجي لدارنا غادي نروح لدار أبّااااااا هناك يجي وراح نوصلك وغادي نقطعك
ليليا :... اسمعي يا بايونات نتاع رومبو قطعك تران 700 مورسو ان شاء الله بعدي جد جدي انت وكريم نتاعك كلاتكم الأرض
ان شاء الله ما نعرفو ما يعرفني واخطي عزريني مع العشية هذي يا بن عمي عندو الحق كي خدعك انت آفة راكي فيروس كورونا مديقيزي الله يعطيك حبوبة اخطو جدي

كوبيت واحد ربع ساعة تعيط تعيط وانا تكوبي عليها بعثتلي مساج ريبوندي عليا
ريبونديت شوفي قاتلي استني استنى اختي اسمحيلي راني غلطت فالنيميرو اسمحيلي
راكي عارفة مرا تعرف راجلها خادعها
قتلها شوفي هي باه تقولي ظلمك اذا ما خدعكش ماراهش بنادم انت مش مرا انت عشر رجال فمرا وحدة
يا بنتي واشبيك وهوارية وشيرا ونقطع وخاوتي واشبيكم ليمافيا؟ ضحكت وقاتلي اسمحيلي
قتلها شوفي تحقي من راجلك ومن اللي خدعك معاها وعيطي للناس
ويا سيدي فرضا لقيتي رقم ديري هاكاك
المهم رانا ضرك صاحبات انا وهي ههه القصد من هذا كلو يا جماعة
المرا عندها حق تقلب تلفون راجلها وتتصرف هذا التصرف
وكيفاه تتهمو الناس يعني يجونا امور فالتلفون الواحد يبقى مشوكي
هذا راه غالط ولاخر مرة ريبونديت عليه
الو قالي الو راني نحبك
يا حوجي حباتك حبة وعضاتك كلبة مينن تحبني فالفاكس
ومن بعد قالي اسمحيلي غلطت وكي تغلط تقول الو ماشي نحبك ههههه
ومرة انا اللي غلطت وعيطت ريبوندا راجل وانا قبل ما يقول الو بديت
جيبي الحليب والبطاطا والحمص والطماطيش وكذا وكذا ... قالي داكور هذو قاع مت بالضحك على روحي كوبيت نجري هههه

قولولي
نتوما نسا عندكم الحق تقلبو تلفون وانت متزوجة فالحالة هذي ديري واش دارت المخلوقة معايا
ونتوما رجال زعمى تغلط عندكم مرا تلصقو والا لالا ونعرفكم تلصقو باينين
الموضوع ليكم

​

 

[لؤلؤة قسنطينة]

رد: غادي نقطعك ديتي راجلي

هههههههههه يخي مهبولة قتلتيني ضحك
تم الاعتماد وسامحيني على التاخير
وسامحيني هاد الايام محشورة وكونيكسيو معوجة
لي عودة لرد مناسب للموضوع ان شاء الله
شكرا ليلوشة
​

 

[Smile Queen]

رد: غادي نقطعك ديتي راجلي

ههههههههههههههههههههههههه مهبولة والله
ياو خلعتيني حسبت خويا خداع
الشاوية تاعنا خاطيهم الخدع احم احم ههه
حوار هايل وكاين بزاف نسا هكا يقلبو ورا رجالهم وهذي اكبر غلطة
احسن شي حتى ولو كشفتيه وبالدليل انو يحكي مع مرة ثانية مالازمش تقوليلو
علابالي بلي صعيبة مي لازم الوحدة تسكت وتكون ذكية وتحاول تفكر وتشوف وش هو الشي لي ناقصها حتان هو شاف لغيرها

بالنسبة لغلطات التيليفون
ياحسراااه ههههه انا يضلو غير يفليكسيولي ويعيطو يقولو رديلنا الدراهم رانا غلطنا

 

[(منير)]

رد: غادي نقطعك ديتي راجلي

بسم الله الرحمن الرحيم
السلام عليكم ورحمة الله وبركاته.
خيتو ليلو واش راك يارب تكون بخير
وتنشكرك بزاف على الموضوع رآه مزيون
وربى يزين مقامك ويعلى شانك .
خيتو ليلو.
واش نقوليك.
من حيث المكالمات رآهم يتصلو بيا ويقولو شكون لى معنا على الخط.
منعرف من قول وخصوصا في منتصف الليل.
مكالمة تلقيتها.
الو.
وعليكم السلام ورحمة الله وبركاته من معى
حسن.
لاياسيدتى احسن الله اليك
ومن عبد الرحيم
لاياسيدتى ارحم الله بحالتك.وأحوال
الحبيب
صلى الله عليه وسلم
واش تتفلى تتمزح أشكون معي
سيدتى انت المتصلة
ماهو شانك.وماهى حاجتك
مالك مقلق مافيك (ماتقصر ) تتحدث..
ماخقلت لهذا... ياسيدتى
كلامك حلو ومعسل.
سيدتى سؤال.
تفضل.
بالله عليك خلينى نعس. انام
تنعس ماتفيق أن شاء الله
سيدتى هل بك مس أو جنون
اسكت اصمت العفريت
أعوذ بالله سيدتى اتق الله
ومالى قالو ليك نسرق
بغيت نقول ليك رآه طار نعاسي نومى...
.وبغيت مع من نقصر.
ربى يسر ليك لالتى.
نصحك بذكر ربى.
وحاولى تنعسى تنام
قطعت الخط عليها.
مى هي تعاود تصل.
ديرونجاتنى.وبزاف ومابيقيتش نعست
الله يسمحها.
منفعنى معها الا البلوكاج
وارتاحت.

 

[Skor m@k]

رد: غادي نقطعك ديتي راجلي

السلام عليكم
مرجبا ختي ليليا اسمجيلي كاسيطة الله يكون مع الشاوي هههه
راني ندعيلو ان شاء الله مايغلطش معك ولا مايلبيلكش كاش طلب هههه
على بالي المصير تاعو كيفاه يكون ههههه
هذسك المرا جادورة وأنت أكثر منها خخخ
بصح الأولى أنت لي تقولينا أسكو ديري أنت كيفها ولالا
على بالي تخربي فالتيليفون تاع الشاوي والفايس والفايبر وكلش تاع تواصل تخربيلو فيه هههه
من هذا المنبر أوجه نداىي للشاوي الى راك تسمع فيا يرحم والديك ماتقلقهاش هههه
ياو الله تخلاص عليك مال هههههه

نولو للموضوع انا عن نفسي اذا مكانتش حتى حاجة نخبيها على الزوجة تاعي نخليها تحوس كيما حبت
مكانش حتى حاجة نخاف عليها
عندها برك ماتقوليش ما تدخلش للمة خاطرش ناكلها هناك هههه
على كل حال كي يغلطو ويعيطولي أصلا قليل وين نرفد هههه التليفون يضل مرمي هههه
نلقى ليزابال ومانعاودش هههه مشحاح أبار يما ولا خاوتي خخخخ
يعطيك الصحة ختي​

 

[سجينة الصمت]

رد: غادي نقطعك ديتي راجلي

ههههههههه قتلتيني بالضحك
اضحك الله سنك
انا عن نفسي فتشت تليفون راجلي مانقدرش يكون قدامي ومانفتش فيه ودارلي حالة كي فاق بلي فتشت فيهومن تما فتشت خطرة وحدة وحبست هههه
ولوكان جيت في بلاصتها ندير كثر منها
مشكورة حنونة
​

 

[ليليا مرام]

رد: غادي نقطعك ديتي راجلي

هههههههههه يخي مهبولة قتلتيني ضحك
تم الاعتماد وسامحيني على التاخير
وسامحيني هاد الايام محشورة وكونيكسيو معوجة
لي عودة لرد مناسب للموضوع ان شاء الله
شكرا ليلوشة
​

السلام عليكم اختي مريومة اهلا وسهلا
علاه المسامحة نعرفك مشغولة شكرا على العتماد الغالية
ايه نستنى ردك وهاتي نشوفو انت شكون ديتي واقيل راجل هوارية:d
:d:d
العفو مريومتنا

 

[ليليا مرام]

رد: غادي نقطعك ديتي راجلي

ههههههههههههههههههههههههه مهبولة والله
ياو خلعتيني حسبت خويا خداع
الشاوية تاعنا خاطيهم الخدع احم احم ههه
حوار هايل وكاين بزاف نسا هكا يقلبو ورا رجالهم وهذي اكبر غلطة
احسن شي حتى ولو كشفتيه وبالدليل انو يحكي مع مرة ثانية مالازمش تقوليلو
علابالي بلي صعيبة مي لازم الوحدة تسكت وتكون ذكية وتحاول تفكر وتشوف وش هو الشي لي ناقصها حتان هو شاف لغيرها

بالنسبة لغلطات التيليفون
ياحسراااه ههههه انا يضلو غير يفليكسيولي ويعيطو يقولو رديلنا الدراهم رانا غلطنا

السلام عليكم اهلا وسهلا اختي نورنتيني ايه مهبولة مي بكوارطي ههه مش اونوار
ايه راني قلت نصف واش صار بيني وبينها الحرب العالمية وهي غالطة فالرقم نسا مهابل قالو هوارية وتقطعني وخاوتها ثاني جابتلي كامل دوارهم
اواه مون شاوي مش متزوج وما يخدعوش نتاع الشرق صح وبالخاص راجلي انا راه راسو خشين وواعر يعني العين الحمرا متاكدة منو مش من نوع راخي روحو بالاخص مع النسا نعرف واش عندي الحمد لله ربي يخليهولي
والله لو انا ما نقدرش نفتش انا من نوع نسقسي ونحب جواب صريح فمرة يحكي معايا وسمعت مساج سقسيتو قالي نتاع جيزي انا سكتت وما قتلو والو شوي بعثو عندي وقالي راني خبيتو وكي نجي راح نوريهولك وتفكري الساعة ووالنهار قتلو ما قلت والو قالي لالا عارف كي سكتي ظنيتي حاجة نحي من راسك هذا انا النسا ما ندورش بيهم وما نحوسش نفهم لانو مادارش امور تخليني نشك فيه ومنا وجاي ما نعرف راني نقول هاكا بلاك على جال مازال مخطوبين ممكن لو عندو نلحق نفتش مش عارفة
ايه انا مرة واحد عيطلي قالي بعثت ليزونيتي جاو عندك هي صح مي 10 ميل وهو قالي 20 ميل قتلو خويا والله دخلت 10 ميل ضرك نرجعهالك قالي سراقة دخلت 20 مسل قتلو املا انا كي سراقة روح تشكي 10 ميل والله ما تديها بصحتي نعيط لمون شاوي نقسر بها هههههه قعدت حوالي ساعة ورجعتهالو بالعاني نيرفيتو هههه
ناس مهابل تلقاي واحد الاشاكل ربي يستر برك
شكرا نورتي الموضوع

 

[ليليا مرام]

رد: غادي نقطعك ديتي راجلي

بسم الله الرحمن الرحيم
السلام عليكم ورحمة الله وبركاته.

السلام عليكم خويا منير يومك مبارك ان شاء الله امورك بخير

خيتو ليلو واش راك يارب تكون بخير
الحمد لله السوال عليكم


وتنشكرك بزاف على الموضوع رآه مزيون
وربى يزين مقامك ويعلى شانك .

امين خويا ويزين ايامكم يا رب ويعطرها بذكر الرحمن يا رب

خيتو ليلو.
واش نقوليك.
من حيث المكالمات رآهم يتصلو بيا ويقولو شكون لى معنا على الخط.
منعرف من قول وخصوصا في منتصف الليل.
مكالمة تلقيتها.
الو.
وعليكم السلام ورحمة الله وبركاته من معى
حسن.
لاياسيدتى احسن الله اليك
ومن عبد الرحيم
لاياسيدتى ارحم الله بحالتك.وأحوال
الحبيب

هذي ترمي فالراشي باه انت تقولها اسمك الحقيقي اييه مرة انا واحد قالي ليندة قتلو خويا غالط آمال قتلو غالط خويا يسمين قتلو نونو خويا قتلك غالط
قالي اسماء قتلو سماوك جن ان شاء الله واسمني لالفابي راك تتسمخر بيا كملت قاع الحروف ادخل لالفابي نتاع شناوة ياخي كي دايرين هنا ههههه خلعتو كوبا يجري ههه


صلى الله عليه وسلم
واش تتفلى تتمزح أشكون معي
سيدتى انت المتصلة
ماهو شانك.وماهى حاجتك
مالك مقلق مافيك (ماتقصر ) تتحدث..
ماخقلت لهذا... ياسيدتى
كلامك حلو ومعسل.
سيدتى سؤال.
تفضل.
بالله عليك خلينى نعس. انام
تنعس ماتفيق أن شاء الله


قاتلك تنعس ما تفيق قولها في راسك ان شاء الله هههههههههه ياخي ناس مهابل والله

سيدتى هل بك مس أو جنون
اسكت اصمت العفريت
أعوذ بالله سيدتى اتق الله
ومالى قالو ليك نسرق
بغيت نقول ليك رآه طار نعاسي نومى...
.وبغيت مع من نقصر.
ربى يسر ليك لالتى.
نصحك بذكر ربى.
وحاولى تنعسى تنام
قطعت الخط عليها.
مى هي تعاود تصل.
ديرونجاتنى.وبزاف ومابيقيتش نعست
الله يسمحها.
منفعنى معها الا البلوكاج
وارتاحت.

ايه خويام نير ما تتستغرب رجعو النسا يتبلاو فالرجال طار نعاسها جات ليك هههه علاه انت رافاي هههه الله يهدي ما خلق
شكرا ضحكتني بارك الله فيك نورت الموضوع

 

[ليليا مرام]

رد: غادي نقطعك ديتي راجلي

السلام عليكم
مرجبا ختي ليليا اسمجيلي كاسيطة الله يكون مع الشاوي هههه
راني ندعيلو ان شاء الله مايغلطش معك ولا مايلبيلكش كاش طلب هههه
على بالي المصير تاعو كيفاه يكون ههههه


سلام عليكم يا الغيور مني
مون شاوي والله ما نتهند قدامو قاع قفازتي يشوف فيا نموت نخاف منو هههه
لالا والله نطلب منو وفوجهي يقول لالا ويقول يزي خلاص قلت لا لا ما نعاودش نبلع فمي هناك ما نتحرك وما نعاودهاش مي من ببعد ما يحبش على زعافي ويلبيلي واش نحب مي وقت يقولو راسو مش وقت نحب انا يؤبشني ربي يخليهولي

هذسك المرا جادورة وأنت أكثر منها خخخ
بصح الأولى أنت لي تقولينا أسكو ديري أنت كيفها ولالا


انا مش جادورة انا اللي يحلقني يخلص وهذا فرق مع جادورة خلقت ربي وبلا سبب تاكل الناس
اما انا نديرها شوف كل راجل وكيفاه انا نعرف مون شاوي الفحل ونعر ف طباعو انا نسقسيه هو ولملا يجاوب راح نامنو اما نفتشلو صوالحو يقتلني والله ما نمسهم مي اذا فيوم تحطيت فموقفها بعيد الشر ممكن ندير كيما هي مي انا ما نقولش الشفرة والسيف وخاوتي ونقطعك نونو مهم نسمع صوت مرا والباقي نديرو في داري لانو الطفلة راهي بعيدة او نهفها نقولها انا اختو وحابة نتلاقاك نتعرف بيك
هناك نعيطلك تتفرج هههههه


على بالي تخربي فالتيليفون تاع الشاوي والفايس والفايبر وكلش تاع تواصل تخربيلو فيه هههه
من هذا المنبر أوجه نداىي للشاوي الى راك تسمع فيا يرحم والديك ماتقلقهاش هههه
ياو الله تخلاص عليك مال هههههه

لالا ياحي والله ما نمسهم راهم خط احمر وموصيني من ضرك انا ما نفتش وهو ما يفتش هو من حقو كان يدي تلفوني وانا عارفاتو لما يجي يشوفني تلفون يصوني ويحطو قدامي مش لازم انا نفتشو لانو راسو خشين لو يدير حاجة يقولهالي فوجهي درتها وصدقني لو نقولك انو ما يحملش النسا مرات نحير نقولو كيفاه خطبتني وراح تتزوجني ههه ربي يستر
ما تخلاص عليه ما والو راهو واعر يا مالك تخلاص عليا انا ههه دعوتك راح تخرج فيا

​

نولو للموضوع انا عن نفسي اذا مكانتش حتى حاجة نخبيها على الزوجة تاعي نخليها تحوس كيما حبت
مكانش حتى حاجة نخاف عليها
عندها برك ماتقوليش ما تدخلش للمة خاطرش ناكلها هناك هههه


ايوا هذا الانسان الصافي ما عندو علاه يخاف
اما اللمة غير وصيها قولها عندي اللي نغير عليها قبل ما نجيبك خسارة راح الشاوي دهالي وخلاني نسوفري وجبتك انت نحاول ننساها هههههه قولها حبي الاول والاخير ليلوش ههههههه
وتزيد تدخل تقرا وتلقاني نعبرلك هههه تهدرت عليك نديرهالك غير زكارة


على كل حال كي يغلطو ويعيطولي أصلا قليل وين نرفد هههه التليفون يضل مرمي هههه
نلقى ليزابال ومانعاودش هههه مشحاح أبار يما ولا خاوتي خخخخ
يعطيك الصحة ختي​

يا لطيف مشحاح باين تعيط غير لداركم واقيل تبيبيلهم برك يا ويلي لمن تخليهم فليكسي وفحشش روحك
ويعطيك الصحة سكر محروق

 

[ليليا مرام]

رد: غادي نقطعك ديتي راجلي

ههههههههه قتلتيني بالضحك
اضحك الله سنك
انا عن نفسي فتشت تليفون راجلي مانقدرش يكون قدامي ومانفتش فيه ودارلي حالة كي فاق بلي فتشت فيهومن تما فتشت خطرة وحدة وحبست هههه
ولوكان جيت في بلاصتها ندير كثر منها
مشكورة حنونة
​

اهلا وسهلا اختي
الله يدوم ضحكتك يا رب امين اختي الله يفرحنا جميعا شكرا
ايه الحمد لله صارحتينا فتشتس تلفونو احنا النسا والله ما نتسقمو وانا عليها عذرت المخلوقة مي هي كثرتها وانا كملت علها انا قتلها راه يدوش ضرك يكمل نقولو يعطيلك هههههه خليتها تكلاطي قريب ولدت قبل الوقت ههه
وشفت ما حبش مش ما حبش لانو عندو حاجة مي هي ت ماجاتش انو تشوفي حاجتو الخاصة الصح انا خطيبي وصاني قالي حاجتي ما نحبش تخربي فيها ونخافو ممكن منا وجاي بالسريقة نفتش ولو نعرفو مي راكي عارفة الراجل منين ذاك يخرج على الطريق
وعارفة مالغري دارلك حالة مي تعاوديها ههههه ايه خنا مخلوقات رائعات هههه الله يهنيكم يا رب
ايه ديري مهم ما تعيطيش عندي برك ههههه

 

[ahlam 99]

رد: غادي نقطعك ديتي راجلي

هههههههههههه
مهبولة قتلتيني بالضحك

 

[بنقابي افتخر]

رد: غادي نقطعك ديتي راجلي

سلام ليليا
استناي نضحك ههههههههههه
هههههههههههه
الوهارنا هادو هما ههههه مهاب وهدرتهم هي بذات هههه
المووووهم
انا عن نفسي وعلاش الكدب فتشت شحال من مرة
وثلاث سنين زواج مزال مافاق بلي نفتشو خيانة عليه عمبالو نشوفو قدامو ههههههه
ايه حنا النسا هاك نحبو نتفقدو صوالحنا( حاجياتنا )
والراجل ( الزوج ) من حاجياتنا هيهيهي هيه

 

[ليليا مرام]

رد: غادي نقطعك ديتي راجلي

هههههههههههه
مهبولة قتلتيني بالضحك

السلام عليكم اهلا وسهلا اختي احلام
واش راكي
ايه الشعب كلو يقولي مهبولة تتهمو فيا ضرك مون شاوي خليني ويهرب فجرتكم ونهبل صح ونذبحكم
مم شكرا نورتيني

 

[ليليا مرام]

رد: غادي نقطعك ديتي راجلي

سلام ليليا
استناي نضحك ههههههههههه
هههههههههههه
الوهارنا هادو هما ههههه مهاب وهدرتهم هي بذات هههه
المووووهم
انا عن نفسي وعلاش الكدب فتشت شحال من مرة
وثلاث سنين زواج مزال مافاق بلي نفتشو خيانة عليه عمبالو نشوفو قدامو ههههههه
ايه حنا النسا هاك نحبو نتفقدو صوالحنا( حاجياتنا )
والراجل ( الزوج ) من حاجياتنا هيهيهي هيه

السلام عليكم
اييه ياه لادوان شوفو النسا اللي يعرفو يخدمو تقلب 3 سنين ومازال ما فاق والشابة هو حاطها ماراهيش فايقة هههههه بلاكي راجلك يعرف المنتدى سينو تروحي غضبانة ويا مرا شكون يجي يردك لدارك هههه وتقولي ليليا سبابي انا راني خاطيني
ايه الوهارنة يهدرو تقولي راهم يتقاتلو انا تعجبني لهجتهم تهبل مي يا اختي طاحت عليا غادي نقطعك غادي نوصلك لداركم ارواحي لدارنا حتى انا مارانيش ساهلة نجيب مون شاوي لفحل يريحي خاوتها فالميكسور ههه
ايه الزوج من حاجياتنا اكيد وماشي حتى يرجع زوج لالا الحق نقولوه من نحطو عليه العين صايي منطقة محذورة اللي تقرب ماتت هههه
نورتيني وحلي عينك يحكمك تفتشي ههه

 

[بنقابي افتخر]

رد: غادي نقطعك ديتي راجلي

ههه ماتخافيش اختك فهيم
وعلى المنتدى مايعرف فيها والو
من غير المواضيع
ما محلباتوش في ميزك ههه
هدي نسخة من لهجة الوهارنا الله يخليهملنا
بوركت على الموضوع كنت مغمومة وفاجيتي عليا

 

[ليليا مرام]

رد: غادي نقطعك ديتي راجلي

السلام عليكم
هي ترجمة للموضوع للاخ باسم المصري لانو ما فهمش موضوعي وحاب يحط رد

اخي باسم المووع انو في ست متصلة علي وكلمتني واول ما رديت لتهمتني اني اخذت جوزها منها
والكلام والحوار كان انو هي بتهددني انو خاوتها يقطعوني ههههه بلهجتهم بوهران وانو ماراح تتركني اتهنى
انا عملت ايه انو انا نرفزتها وقلتلها انو بالدش ياخذ حمام وراح اخليه يكلمها بعد ما يخلص
اكيد الست جن جنانها و على فكرة هي حامل واول ما كلمتني قالتلي انو انا حامل واخذت جوزي طيب انت حامل وانا مالي
المهم انو انا معرفش جوزها ولا اعرفها قالت كلام وقلت كلام وسبتني وسبتها هههه
وبعدين عرفت انو هي غلطت في الرقم وهنا انا طرحت الموضوع
انو حيكون رايك ايه لو مراتك تفتش تلفونك وتتصل على ارقام موجودة بتلفونك
وكمان ايه رايك في ناس تتصل عليك ما تعرفهاش وتقولك كلام غريب بنت بتعاكس راجل يتهمك بشيء
حصل خطأ ظريف متصل غريب
هذا هو كل الموضوع وطرحتلو باسلوب فكاهي
بتمنى انو الفكرة وصلت

 

[ليليا مرام]

رد: غادي نقطعك ديتي راجلي

ههه ماتخافيش اختك فهيم
وعلى المنتدى مايعرف فيها والو
من غير المواضيع
ما محلباتوش في ميزك ههه
هدي نسخة من لهجة الوهارنا الله يخليهملنا
بوركت على الموضوع كنت مغمومة وفاجيتي عليا

اهلا لادوان
اواه ما نخافش عليك قافزة خفت على راجلك مسكين هههههه
ايوا خليه كالاطرش فالزفة بلاكي تحلبيه هههه
ايه نسخة منها برك نحاول نقلد هههه
وبارك الله فيك والله يفاجي عليك ديما يا رب والله لا يغم قلبك
شكرا

 

[باسم1]

رد: غادي نقطعك ديتي راجلي

السلام عليكم
هي ترجمة للموضوع للاخ باسم المصري لانو ما فهمش موضوعي وحاب يحط رد

اخي باسم المووع انو في ست متصلة علي وكلمتني واول ما رديت لتهمتني اني اخذت جوزها منها
والكلام والحوار كان انو هي بتهددني انو خاوتها يقطعوني ههههه بلهجتهم بوهران وانو ماراح تتركني اتهنى
انا عملت ايه انو انا نرفزتها وقلتلها انو بالدش ياخذ حمام وراح اخليه يكلمها بعد ما يخلص
اكيد الست جن جنانها و على فكرة هي حامل واول ما كلمتني قالتلي انو انا حامل واخذت جوزي طيب انت حامل وانا مالي
المهم انو انا معرفش جوزها ولا اعرفها قالت كلام وقلت كلام وسبتني وسبتها هههه
وبعدين عرفت انو هي غلطت في الرقم وهنا انا طرحت الموضوع
انو حيكون رايك ايه لو مراتك تفتش تلفونك وتتصل على ارقام موجودة بتلفونك
وكمان ايه رايك في ناس تتصل عليك ما تعرفهاش وتقولك كلام غريب بنت بتعاكس راجل يتهمك بشيء
حصل خطأ ظريف متصل غريب
هذا هو كل الموضوع وطرحتلو باسلوب فكاهي
بتمنى انو الفكرة وصلت

ههههههههههههه
ده انتى تفرسى بلد
بتقولى لها انه بياخد حمام
دى ممكن تموت فيها

وبدات تعيط وتعيط وانا كرهت جد حياتي وقلت اليوم نولدها قبل وقتها
طب ما صعبت عليكى وهى بتعيط وكمان حامل قلبك ما حن ورق يا قاسية القلب هههههه
وتقولى لها يجيلك فيروس كورورنا


نروح لاسألتك
طبعاً مرفوض انها تفتش لأن ده بتكون عدم ثقه
والثقة اساس الحياة لو راحت يبقى احنا بنخون بعض
اما بقى لو اتصلت على حد فهنا اكيد عقابها هيكون آليم

لو حد اتصل علية وكان الرقم غلط بوضح له يتأكد من الرقم
مش هعمل زيك يا مفترية هههه اما لو شتم وتمادى فهعمل زيك وافرسه ههه

كالعادة موضوعك جميل وروحك حلوة
مع لمة الناس بتعمل جو جميل اوى للمنتدى وكتير بنحتاج للبسمة والترويح
تعبتك معاى فى الترجمة بعرف بس حقيقى انا عندى فضول افهم لهجاتكم
كملى جميلك بقى وترجمى لى هذة الكلمات



وشيرا والا كاشيات
ونيميرو
كوبيت عليها
ريبونديت

 

[ليليا مرام]

رد: غادي نقطعك ديتي راجلي

ههههههههههههه
ده انتى تفرسى بلد
بتقولى لها انه بياخد حمام
دى ممكن تموت فيها

بشكرك لانك حكيت رد راح اقولك حاجة
انا بفرس اللي بيفرسني يعني هي بتهدد اول ما رفعت السماعة وعلى ايه طيب ما تتاكد الاول من الرقم وتسأل بهدوء بكلمها بهدوء واوضح لها بس انها تجيني وتهدد وتشتم لأ بعنها دي
ايه قلتلها انو بالحمام واول ما يخلص حفكر اذا اخليه يكملك هههه
وتموت حد قلها اتهمي الناس

وبدات تعيط وتعيط وانا كرهت جد حياتي وقلت اليوم نولدها قبل وقتها
طب ما صعبت عليكى وهى بتعيط وكمان حامل قلبك ما حن ورق يا قاسية القلب هههههه
وتقولى لها يجيلك فيروس كورورنا

​

تعيط معناها تتصل مش تصرخ بالصوت
لأ ما حن قلبي لانو طريقتها فالكلام معاي همجية فعاملتها باسلوبها
قلتلها انت فيروس كرونا هههه يعني ما بتنطاق


نروح لاسألتك
طبعاً مرفوض انها تفتش لأن ده بتكون عدم ثقه
والثقة اساس الحياة لو راحت يبقى احنا بنخون بعض
اما بقى لو اتصلت على حد فهنا اكيد عقابها هيكون آليم

لو حد اتصل علية وكان الرقم غلط بوضح له يتأكد من الرقم
مش هعمل زيك يا مفترية هههه اما لو شتم وتمادى فهعمل زيك وافرسه ههه

ايوا ما انت حيت لحد عندي وقلت لو شتم حفرسو وده بالضبط اللي انا عملتو ماهي اللي جبتو لنفسها


كالعادة موضوعك جميل وروحك حلوة
مع لمة الناس بتعمل جو جميل اوى للمنتدى وكتير بنحتاج للبسمة والترويح
تعبتك معاى فى الترجمة بعرف بس حقيقى انا عندى فضول افهم لهجاتكم

تسلم ومافيش تعب ولا حاجة على العكس تتعلم لهجتنا وتعرف المواضيع وتشاركنا في الردود
كملى جميلك بقى وترجمى لى هذة الكلمات



وشيرا والا كاشيات .... في ولاية وهران وهي ولاية في الغرب الجزائري بيسمو البنت الشيرا واحنا بالعاصمة الشيرا معناها مخدرات ههههه فقتلها انت شيرا والا كاشيات الكاشيات بقا هي اقراص مهلوسة ههههه

ونيميرو.... النيميرو معناها الرقم رقم هاتف رقم الباب كلمة نيميرو معناها الرقم بالفرنسي تقال نيميرو
كوبيت عليها.... هنا معناها قطعت الاتصال في وشها دغري
ريبونديت ... ريبونديت معناها رديت على اتصالها

ان شاء الله الشرح كافي ووافي ونشوفوك جزائري اللهجة عن قريب ههه
شكرا