- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
تحية بائسة ازفها من هذا المنبر لكل البائسين امثالي عشاق الفاصوليا والفلفل الحار في هذا الجو البارد والمنعش اخخخ فاتت واحد السمانة كي نخرج صباح نحسد لي راقد في الفراش يا ودي البرد يخرجلك كيما صاحبك ويضرب فيك بالكف وانا تضحك نورمال زيديني بردا زيديني حتى تتجمد خنونتي اعععع اهم بداو يبانو العيافين ... المهم وش هي احوالكم هاذي مدة ما كتبتش واحد الوقت كنت مكرهلكم حياتكم موضوع يطبع موضوع ما خليت حتى حاجة ما حكيتش عليها لا الشجرة ولا الحجرة وما طلقتش حتى العصافير التي تزقزق ... المهم علابالي باللي توحشتو تقراو شوية على البائسين في افريقيا كيما انا توحشت اللوبيا في البرد القارس ولا كيما قال الشاعر الروس يسكرو بالفودكا باه يدفاو واحنا نسكرو باللوبيا اخخخخخ ايا وهادي شكون يعرف يشطح الواي واي يزهينا ...
حبيت نحكي اليوم علاه نحكيو امممم حبيت نحكي وخلاص زعما ايماجينيو بلي حياة الفايس بوك عايشينها في والواقع .. خدم معايا المخيلة تاعك ما تخليها عاطلة عن العمل اوووو الشوماج هذا ما خلانا في جيوبنا زاد لحقنا حتى لعقولنا اخخخخخ نحس بلي كاين عنكبوت عجوز عايش في راسي وحاكم بنص خيط .. المهم نتخيلو ما خسرنا والو حنا من بكري قاتلنا الفيد ...
ايا نكون نمشي في طريق نضت صباح نفوت على كل واحد نقلو صباح الخير عفسة تاع بارطاجي لي نتلاقاه في طريق نقلو صباح الخير طفل صغير شيخ عجوزة حتى هاديك الطفلة لي عندها لاطاي تاع فيونصاي وعينيها خضورة ونقلها صباح الخير ي الحنونة كاش مكتوب ولا حمام اخخخ ومبعدا يجوني لي كمونتار من عند الشعب ي الحلاب قيو قيو هههه نولي نخبي راسي تحت الفيستا ونهرب تاع زعما خاطيني ماشي انا لي بارطاجيتها ... ولا نلبس الرداء تاع باتمان ونخزر فيهم تاع الواثق بنفسه ونقلهم يا جماعة انا ماشي حلاب هادي لي تشوفو فيها اني نحبها كي ختي .. ومبعدا كامل كي يسمعو جملتي الشهيرة يجو يقولولي Tu as raison ويطلبو مني سماح ويبداو يعرضو فيا على قهوة وانا ونقول والله ما صرات بالصح في النهاية الجزائري اذا قالك والله ما صرات معناها والله غير تصرا ويشرب معاك قهوة وكاس جي وحبة ميلفاي وربما اكثر ....
صحا جماعة لي يظلو يطلعو في تصاور الماكلة زعما لو جات في الصح يديروها يجيبو هاديك السنيوة تاع البقلاوة ولا هداك العشا ويقولونا ارواحو انا واحد من الناس نديرلهم جام يعني نقلهم عجبتني ونزيدهم جادوغ تاع اني وليت نعشق في سنيوة البقلاوة واكثر من هدا نديرلهم كمونتار كبييييييييير يعني ناكل حتى ما نلقاش وين نزيد بالصح سامحوني غير عفسة بارطاجي نديزاكتيفيها في الماكلة نديرها برك في صباح الخير وجمعة مباركة اخخخخخ
جماعة الاخوة والاخوات لي قاتلينا بالاحاديث ويشوفو في رواحهم غير هوما مسلمين زعما كون جاو في الصح كيفاه يديرو يهزو ورقة فيها حديث ويقلك خويا هاك اقراها واحكم دير عليها فوطوكوبي ل 25 واحد قبل 12:00 وكون تزيد دقيقة راك تموت ازرب راح الحال ديجا وليد خالتي البارح دار 25 كوبي عليها كسب اودي العيطة الخرا .. ووليد عمتي نسا عليها دار اكسيدو غير غاول قبل ما تموت نولي انا نحوس على شكون يديرلي فوطوكوبي ونمد لورق للناس اعععع شبعتونا اوراق ...
ايا كاش نهار نحب ندير لي زامي نخرج صباح ولي نتلاقاه نقلو خويا معليش تولي صاحبي ولا ختي معليش تحبيني كيما خوك ومبعدا شهر نولو نردوها اون كوووبل اييييييييه ونديرو خاتم ونهولوها بالقهاوي وتحلى الحياة شهر موراها نتفارقو تولي هي تمشي كي المغبونة لي تلقاه في طريق تقلو عرفتو دمرلي حياتي ... ههه مليحة هادي خو خو وي مدام حبيت نقلك برك عرفتو دمرلي حياتي ... ومن غير بابا كامل رجال خداعين ... ايه وش نقلك انا يا بنتي .. ديرلنا جام برك هههههه حياة تمرميد ..
ولا زعما كي تعرف حاجة جديدة تمشي في طريق وتقول للناس سمعت خو ولا مزال ... او محرز ماركا اليوم طيح في هداك الجور السامط يقلك ايه علابالي ولا واش دخلني اخخخخ ولا تقول لواحد مانتيريسي ومعلابالوش وتقلو يا خو محرز ماركا اليوم .. ويقلك مكاش منها هدا خبر يفرح ويحضنك ويديرلك جام ويبارطاجيها لناس اخرين ايييييييييييه هدا وش يسموه سرعة تناقل المعلومات في الميتافيزيقية ..
اخخخخ والله حبيت نكتب برك علابالي بلاك موضوع معندو حتى معنى بلاك راحتلي اليد في الكتيبة مي معليش حشمتوني بالرسائل تاعكم اكتب اكتب بيناتنا جاوني زوج برك ههههه قلت نكتب اوووو
وسوقو بحذر عائلاتكم في انتظاركم ودمتم سالمين
حبيت نحكي اليوم علاه نحكيو امممم حبيت نحكي وخلاص زعما ايماجينيو بلي حياة الفايس بوك عايشينها في والواقع .. خدم معايا المخيلة تاعك ما تخليها عاطلة عن العمل اوووو الشوماج هذا ما خلانا في جيوبنا زاد لحقنا حتى لعقولنا اخخخخخ نحس بلي كاين عنكبوت عجوز عايش في راسي وحاكم بنص خيط .. المهم نتخيلو ما خسرنا والو حنا من بكري قاتلنا الفيد ...
ايا نكون نمشي في طريق نضت صباح نفوت على كل واحد نقلو صباح الخير عفسة تاع بارطاجي لي نتلاقاه في طريق نقلو صباح الخير طفل صغير شيخ عجوزة حتى هاديك الطفلة لي عندها لاطاي تاع فيونصاي وعينيها خضورة ونقلها صباح الخير ي الحنونة كاش مكتوب ولا حمام اخخخ ومبعدا يجوني لي كمونتار من عند الشعب ي الحلاب قيو قيو هههه نولي نخبي راسي تحت الفيستا ونهرب تاع زعما خاطيني ماشي انا لي بارطاجيتها ... ولا نلبس الرداء تاع باتمان ونخزر فيهم تاع الواثق بنفسه ونقلهم يا جماعة انا ماشي حلاب هادي لي تشوفو فيها اني نحبها كي ختي .. ومبعدا كامل كي يسمعو جملتي الشهيرة يجو يقولولي Tu as raison ويطلبو مني سماح ويبداو يعرضو فيا على قهوة وانا ونقول والله ما صرات بالصح في النهاية الجزائري اذا قالك والله ما صرات معناها والله غير تصرا ويشرب معاك قهوة وكاس جي وحبة ميلفاي وربما اكثر ....
صحا جماعة لي يظلو يطلعو في تصاور الماكلة زعما لو جات في الصح يديروها يجيبو هاديك السنيوة تاع البقلاوة ولا هداك العشا ويقولونا ارواحو انا واحد من الناس نديرلهم جام يعني نقلهم عجبتني ونزيدهم جادوغ تاع اني وليت نعشق في سنيوة البقلاوة واكثر من هدا نديرلهم كمونتار كبييييييييير يعني ناكل حتى ما نلقاش وين نزيد بالصح سامحوني غير عفسة بارطاجي نديزاكتيفيها في الماكلة نديرها برك في صباح الخير وجمعة مباركة اخخخخخ
جماعة الاخوة والاخوات لي قاتلينا بالاحاديث ويشوفو في رواحهم غير هوما مسلمين زعما كون جاو في الصح كيفاه يديرو يهزو ورقة فيها حديث ويقلك خويا هاك اقراها واحكم دير عليها فوطوكوبي ل 25 واحد قبل 12:00 وكون تزيد دقيقة راك تموت ازرب راح الحال ديجا وليد خالتي البارح دار 25 كوبي عليها كسب اودي العيطة الخرا .. ووليد عمتي نسا عليها دار اكسيدو غير غاول قبل ما تموت نولي انا نحوس على شكون يديرلي فوطوكوبي ونمد لورق للناس اعععع شبعتونا اوراق ...
ايا كاش نهار نحب ندير لي زامي نخرج صباح ولي نتلاقاه نقلو خويا معليش تولي صاحبي ولا ختي معليش تحبيني كيما خوك ومبعدا شهر نولو نردوها اون كوووبل اييييييييه ونديرو خاتم ونهولوها بالقهاوي وتحلى الحياة شهر موراها نتفارقو تولي هي تمشي كي المغبونة لي تلقاه في طريق تقلو عرفتو دمرلي حياتي ... ههه مليحة هادي خو خو وي مدام حبيت نقلك برك عرفتو دمرلي حياتي ... ومن غير بابا كامل رجال خداعين ... ايه وش نقلك انا يا بنتي .. ديرلنا جام برك هههههه حياة تمرميد ..
ولا زعما كي تعرف حاجة جديدة تمشي في طريق وتقول للناس سمعت خو ولا مزال ... او محرز ماركا اليوم طيح في هداك الجور السامط يقلك ايه علابالي ولا واش دخلني اخخخخ ولا تقول لواحد مانتيريسي ومعلابالوش وتقلو يا خو محرز ماركا اليوم .. ويقلك مكاش منها هدا خبر يفرح ويحضنك ويديرلك جام ويبارطاجيها لناس اخرين ايييييييييييه هدا وش يسموه سرعة تناقل المعلومات في الميتافيزيقية ..
اخخخخ والله حبيت نكتب برك علابالي بلاك موضوع معندو حتى معنى بلاك راحتلي اليد في الكتيبة مي معليش حشمتوني بالرسائل تاعكم اكتب اكتب بيناتنا جاوني زوج برك ههههه قلت نكتب اوووو
وسوقو بحذر عائلاتكم في انتظاركم ودمتم سالمين
احشمي راكي كبيرة 
