أنا شيكـــــــــــــــــــــــــــــــــــــور ..

[قرصان الساحل]

رد: أنا شيكـــــــــــــــــــــــــــــــــــــور ..

ا

لسلام عليكم خويا شيكور الساحل ههه
وعليكم السلام مرحبا بيك ختي
واه شيكور الساحل قوليها وعاوديها يقدم واحد يصيد حوتة نقصلو يدو اخخخ
حسيتك تحكي على وليد عمي خخخ
واش نجبدله على حاجة جديدة يقول يا حسراه انا اول واحد جربتها
وقيلا كون نجبدلو على الكيراتين يقلي جربتو انا لول خخخخ
نحكيلو على واحد واش يدير يقولي هذاك قدامي يبان بوجادي ههه
متعدد المواهب مستر شيكور تاعنا
ههه وليد عمك هدا شيكور بامتياز نستعرف بيه شيكور زمانو
لازم تكون تعرف كلش وتعرف خير من الناس باه تكون شيكور زمانك
كيما قلتي انت متعدد المواهب مشكلتهم حتى في صوالح ماشي ملاح يحبو يبينو لي موهوبين تاني
المهم قبطان مشكور شيكور على الموضوع
عفوا ختي
تحياتي​

هههه ايا مزية لقيتيلنا مثال من الواقع ختي سوزي ندعمو بيه هدا الموضوع علخاطر صح كيما قالت لؤلؤة مصطلح شيكور احنا نتعايشو معاه مي منجموش نمدولو تعريف
مشكورة جدا ايتها الشيكورة -__-
​

 

[أم أُنٌَيسة]

رد: أنا شيكـــــــــــــــــــــــــــــــــــــور ..

السلام عليكم
ههههههه والله الرد تاعي رايح يكون مزيج بين رد الغالية أم منير والحبيبة ملك له
أولا شبعت ضحك على المقدمة وخاصة الويكاند عجبني السرد تاعك عليه خاصتو غير في يوم من الايام المشمسة هههه
المرة الجاية ديرلنا موضوع على الويكاند والله يجي هايل هههه ماتجبدش على شعرك برك ههه لأنو الشعب كامل
يعاني من نفس المشكلة كامل نوضو شعرنا منارفي ومشنف غير كي نجبدو بالسيشوار والله ينود كالم المخلوق يعني مانكدبش
على ولد الناس هههه غير نضحك بالاكم تأمنو
درك نولي للرد المشترك بيني وبين ملك له وهو أني نظن حتى انا راني من كوكب زمردة هههه هي نعرف الشيكور
بصح ماقدرتش نمد تعريف عليه ههه نعرفو ككلمة بصح مانعرفوش كمخلوق او ككائن حي هههه
المهم تعرفت على المخلوق هادا من خلال موضوعك واكتشفت انو انسان زعما يعرف كلشي ويعلم بكلشي
وقادر على كلشي واي حاجة تعدي عليه وتجوز تحت عينيه تحسو عندو مال قارون ومُلك فرعون
المهم الحمد لله لقيت شوي مفردات نعبر بيهم كن راني ديت صفر في التعبير هههه
المهم خلصت الرد تاعي لا داعي للتصفيق :d
شكرا خويا هشام على الموضوع والله ضحكت من قلبي خاصة المقدمة
ورايحة نحاول ان شاء الله في الايام القادمة نزور كوكب اكشن ونجيب معايا ختي ملك له هههه
بارك الله فيك
تحياتي
​

هدا وين قريت
ايه الحمد لله ماش انا برك اللي عايشة في كوكب زمردة كيما قال الاخ القرصان معايا انت وحبيبتي بيلا :d:d:d
المشكل اكره لون عندي الغوووووووووووز كي نشوفو يضربني لهبال تع الصعار تع الغضب هداك كي شغل هههههههههههه
ايه كوكب مغامرات احسن خلينا من الاكشن يا بنتي​

 

[الورد الأحمر]

رد: أنا شيكـــــــــــــــــــــــــــــــــــــور ..

السلام عليكم

ايييه الشيكور شغل تتخيلو آكثوغ ما يموتش منين تدور لافخيكونس يكون عندو قمر صناعي في هذاك المدار حي فوق لرض وتحت الماء ... قافز بسلامتو حقو ما يضيعش ويفري شغالو ليه ليه على خاطر الوزير الأول لي يشوفو في لاتيلي برك عيا قاعد معاه في طابلة وحدة وبوتف قبل ما يمرض كان يلعب معاه برا ... بصح ما حكيتلناش على الشيكورة لي papaha و mamah كالكوشوز في المجتمع وعمها كالكان وخالتها في الطليان برك البوط بصح تشوفها حاجة كبيرة وخوها عايش في فخونسا وهي بكلمة منها تتزعزع النواة تاع الكرة الأرضية على خاطر عندها معرفة مام تم والكل عايشين برحمتها مش برحمة ربي على خاطر مازالت هي عايشة وموصية معارفها في نواة الأرض يحبسو الخدمة كي تموت باه تحبس اللرض وما تبقاش تدور ويختل الكون ونموتو كيما ماتت !!

المهم مغسي على الموضوع ومن اليوم انا تاني شيكورة لي يفوت موضوعو 10 سطورا نحذفلو الزايد ولا تخلصو ضريبة 100 دج على كل سطر زايد .

سلام .

 

[Malika Tlm]

رد: أنا شيكـــــــــــــــــــــــــــــــــــــور ..

السلام عليكم
واش خبارك وخبار لافريك
الشيكور ويا اخي شحال نكرهوا
تعرف والله تلقاهم الشيكي قاتلهم وهوما زيروا ويلا كنت قاعد معاهم في جماعة سكت وخليهم يديو هوما كامل الوقت والكدب والفشير ايا تعرف انا منحبش نقعد معاهم ويلا قعدت زعما بسيف عليا منعطيهمش اهتمام لاخاطر كدابين وزواخين علي الفاضي
ايوا الله يهديهم
يعطيك الصحة ونتمني متكونش نت شيكور هههه
تحياتي​

 

[خديجة ph]

رد: أنا شيكـــــــــــــــــــــــــــــــــــــور ..

وعليكم السلام اخي
اما عن الشيكورين فشخصيا نعتبرهم شباح القعدة خاصة لو يكون فيها واحد كاميكازي(يسما انتحاري للزمرديات هههه) و اللي في قلبو على لسانو و الشيكور يهدر و الكاميكازي يعلق والله يخرج وجهو طاجين و الضحك هذاك النهار يوصل دار الجيران و يتشجعو باقي المدعوين و تحس روحك في افغانستان بوووووم واحد تغاشى من الضحك بووووم واحد تصرع حتى يستسلم الشيكور و يخرج من رحمة ربي و تتبرأ منو الانسانية و يبدأ يخرج أصوات أقرب للاصوات الحيوانية هههههه و هنا تسمع غير طييييط طيييييييط المراقبة تحذف الكلام هههه وهنا يتغشش و يخلي القعدة و ما يرقدش في الليل لانو علابالو باللي بعد ما راح بقينا نمنشرو فيه ثلاث سوايع من بعدو ههههه
الله يهدينا و يبعد علينا الشواكرة في الحياة و في المنتدى ولا ماكانش شواكرة في المنتدى

 

[ام راس يابس]

و آآنت شيكـور ؟!