السلام عليكم ورحمة الله وبركاته
وعليكم السلام اهلا وسهلا اختي
أهلا بيا عندك أختي مرام راني نشوف فيك كل يوم تديري مواضيع هنا وجامي رحبتي بينا بكاش مقروض ولا يا بن عمي وش هاد البخل ^^
نورمالمو انتوما تجبولي البخلاء نورمالمو انا مزهيتكم ومنحية على خاطركم تجيبولي
أيا من عندي كش ماتحتاجي راني مانمدش ههههه
ايه جيبلي جو نتاع شينة راني عطشانة
إيه وش رايحة نقووول إيه إن شاء الله تكوني مليحة و لاباس عليك
الحمد لله اختي الله يخليك نورتيني
شوفي أختي نرجع لموضوعك أنا صراحة تغيضني روحي لما نشوف جزائري تزوج وحدة من الخارج أووو بعد ملايين هنا ماعباوش العين ما شافو لا تربية لا والو شافو غير مال القاورية هههه
وانا واش مفقعلي مرارتي انو ولادنا يجرو للنسا نتاع الخارج ولما يفوح لحمهم يجو لبنت البلاد هنا ختو طيب وتحط وترفد وما تعجبوش ولهيه يروح يغسل الماعن وراضي لانو داها قاورية ياخي حالة
نتي رحتي للهند والترك ونسيتي ناس هنا يديو فالسوريات وزيد حاسبينهم أقمار على سطح الأرض هههههه تقوللهم أجيبلك شاي إبن عمييي ههههه
ايه يحبو اسوريات تقولهم ابن عمييييييي كيفاه انا نقول لراجل ابن عمي وهو ماشي وليد عمي معناها يحبو الكذابات ههههههههههههه ياخي رجال
ولك شو هالخربطة هاااي يا بنتي حنا بنات الجزائر فينا كلش السمراء و البيضاء والشقراء والحمراء والصفراء
الزينة والشينة المسرارة والمطبزة ههههه راني غير نخلط متلوميش
هاهي الهدرة الزينة كل شي كاين هنا وهوما يروحو سوريات صفرات مصريات سمرات خليجيات تقوليهم رجال هعهههه
وحنا نسا ماشاء الله كل شي عندنا مي هوما عورين واش نديرلهم وكي حنا ندو الاتراك يموتو بالغيرة
شوفي أختي هي كلش كلش لازم الإنسان يعرف وش يختار. ميشوفش للزين والمال والشي الي مايدومش و يبقى الدين هو كل شيء
الدنيا متاع وخير متاع الدنيا المرأة الصالحة
ليسونسيال الإنسان يشوف المرأة الي تربيلو ولادو وتدعمو و تقويه تع الصح
هذاك هو الصح أما الباقي كلش تفاهات
أيا وتحيا بنت البلاد هههه
يا أختي بيناتنا خليك من التحريض على التعدد سينو يشوف خطيبك كلامك ويهبلك بالموضوع تولي أنتي الي تبكي وتطيحيلنا فالخناين من دوك بعد راني مانعطيكش بابيي موشوار شوفي غير أشري واحد راني فسياسة التقشف ههههه
المهم واحد صالح والمرا صالحة هي ما تعرفيش وين يكون الخير
اواه مون شاوي ما يعددش عليا واش تساليني الله يعطيك غمة وما نديرلكش الريحة راني فالتشقف
نونونو محال يعدد عليا وحكينا فالموضوع هذا اصلا خطيبي صعيب وواعر يعني انا وبالذراع هههه يعني ما جا ينحي فكرة نتاع ما نتزوجش بالذراع الحمد لله وانا اختك 5 في 1 فيا كل شي علاه يعدد عليا احم احم واقيل تحسابي يماه نعيمة صالحي نونونو ذيك المخلوقة تبانلي نلاقيلها ندقدها بطريحة ونطلقها هه
أيا سلام أختي في رعاية الله
