- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
تحية سعيدة اليوم على غير العادة البائسة نحن في الويكاند اخخخ كم اعشق هدا اليوم المقدس خاصة حين نرقد حتى نص نهار ونوض وشعري صاريلو كي البارابول حاكم الطليان ... كي شغل ليام لخرين موالف ندير الكيراتين (اعععع بعد بحث معمق باه عرفت هذا الكيراتين تحية لكل من لم يستعمله ) .. اخخخ انا اصلا ما يصلحليش علخاطر شعري مكشرد من عندهم تحساب سيلان حتى كي ندخل نعوم ما يتشمخش .. المهم في هذا اليوم من كل اسبوع نوض صباح ندير 15 لي بومب نفشل نعاود نرجع نرقد اخخخ وتحلى الحياة ..
نتكلم اليوم على حياة الشيكور .. كيما انا اصلا عايش شيكور وندير فيزا وباصبور ونقطع البحور ومنبقاش هنا ندور
انا شيكور علخاطر ما قريتش ونجحت .. وكنت نعرف نقرا بالصح ضربت معلمتي في السنة سادسة من داك النهار وانا نطيح نوض ودرت كومارس وشريت فورgووو ومبعدا شريت سيمي رومورك ومبعدا وليت انتربرونور اخخخ يعجبني الشيكور كي تصرالو حاجة يدير القلب وينجح في حياتو طبعا بعد ما ينوض ويطيح حسب رواياتهم ..
الشيكور كي تتفرج معاه تشوف وزير مدير اي واحد شخصية عندو جملة مشهورة " هدا لي راك تشوف فيه عييت مجمع انا وياه في طابلة وحدة ..
الشيكور هو معشوق الفتياة :love01: هو جامي يديها فيهم بالصح هوما يجيبو الفايس بوك تاعو وياجوتيوه وهوما لي يبداو يحكو معاه .. براد بيت شخصيا معاكم وانتم لا تعلمون ..
الشيكور يعرف كل الرياضات ولو كان ماشي باباه لي حبسو في يوم من الايام من اجل الدراسة دوك راهو في ليستر مع محرز وسليماني .. اييه مسكين زهر معندو ..
الشيكور ولا كنت تحكي معاه وقتلو على فلان اكيد راح يقلك نعرفو حتى وما يعرفروش ببساطة لانه شيكور ويفهم في كلش ..
الشيكور سائق ماهر ومرة تغانن معاه واحد مولا اودي وهو بالكومبيس في لوطورود وسبقو نورمال .. حتى كي يحبسوه لي جوندارم ولا لابوليس في باراج يلقاوه بلا سانتورة مي هو ديما يغلبهم بالهدرة وميدولوش البيرمي ..
ديما يقلك تضاربتك ومن هداك اليوم منين يشوفوني جايز على هاديك الطريق يتخباو ايه خوكم بروسلي .. تاني كي تحكيلو كاش حاجة راحت عليك يقلك كون عيطلتي نفريهالك سير بلاص صاحبي هو لي شاد كلش تماك اخخخ وكون تعيطلو قبل زعما يقلك بلي صاحبو راه كونجي ومطفي التلفون ..
ما نطولش بزاف علخاطر المديرة تاعكم قاتلي راك تطول بزاف -___- كملو نتوما كاش ما تعرفو على الشواكرة ..
نوما هنيئا
