شفتو المستوى نتع ولادنا ؟!!!!

[oussama9694]

ما كان لا مؤامرات و لا شي
قلة التربية و عدم الوعي لي راهم فيه ولادنا وحبهم للشغب و التعطش للعنف هو لي خرجهم برا
راني معاك في الدول المتطورة يطالبوبالحقوق نتاعهم بصح كفاش؟
بطرق سلمية وحضارية لا تكسار لا حريق لا والو
لافتات معبرة و يمشيو فالطريق لاخاطر واعيينم بلي كل ما يكسروه هم الخاسرين ماشي الحكومة
احنا عندنا اول شي يديروه يروحو يكسرو ممتلكات الشعب و لبلايص لي فيهم مصالحهم كما البلدية و غيرها
رانا بعاد بزاف عليهم و لا مجال للمقارنة اطلاقا
شكرا لك على المرور

أؤكد لك بأن هناك مؤامرات و لكنها من اجل اشخاص يريدون قضاء مصالحهم و ليست مؤامرات مثلما تتخيلونها ..لأن لي اتصالات ببعض التنظيمات الطلابية و لهم من الحيل و الأساليب العجب الكبير فما بالك بالاحزاب السياسية الوطنية / الأمر أكبر بكل تأكيد/
و انا أوافقك الرأي
و لكن نعطيك مثال بسيط لفكرتك ...بعض الناس كي تروح للحج و يتزاحمو و يفعسو على اخرين و ربما يتسببون في مقتل الاخرين و يديرو ضجيج حتى انو عالم قال / ما أكثر الضجيج و ما أقل الحجيج / يعني هل هذي اسباب تخلينا نقولو لازم نحبسو الحج و لازم الناس ما تحجش لانهم يديرو كذا و كذا ؟؟؟

الخلل ليس في المظاهرات بذاتها و هي أمر مطلوب و انما الخلل في التصرفات التي تقع في المظاهرات
و بالتالي لازم توعية و تنبيه و مراقبة للمظاهرات من طرف اشخاص و سلطات مشي نتفرجو من بعيد و نبداو نسبو فيهم .. ياخي اغلبهم ما بلغوش سن الرشد و بالتالي مشي مسؤول على تصرفاتو 100بالمية .. يا اختي نبذلو مجهودنا و نتحركو من الكراسي و نشمرو على ذرعينا شويا مشي نقعدو نسبو فيهم من بعيد

تقبلوا رايي

لكم فائق الاحترام

 

[Hakan]

@امين احمد ههه انا خيك واش علاقة الزين هههه
بالنسبة لـــ @أم منيــــــر التلاميذ الاخلاق ماش كاامل لانو من بكري نشفى انو القرايين راهم يتبعو في الناس الفاسدين كيما حالة الجامعات
الطلبة يتبعو في اصحاب المنظمات اللي همهم الوحيد الفساد لاغير لكن القراي والمتخلق ما يقدر يدير والو اذا كان الصوت نتاعو ما يوصلش للناس الضعفاء
وهذي حالة كل حضاارة الاصلاح يبدا من الفقراء والضعفاء ومن بعد يروح للاسياد عن طريق القلع من المكانة نتاعو ربي يهنيكم ​

 

[Malika Tlm]

السلام عليكم
يعطيك الصحة اختي
واسم نحكي واسم نخلي المستوي لي رجعنا فيه بزاوز يحكموا فوزيرة يا للعجب
نهار كانوا المعلمين والاساتذة يطالبوا بحقهم خلاتهم مغبونييين ومداتهاش فيهم وكي البزاوز ناضوا علاش علي عطلة استاجبت لطلبهم
وشكون لي خرجوا وداروا فوضي برك الحمير لي ميحبوش الدراسة لانوا المجتهدين لي يحوسوا علي صلاحهم مدابيهم يقراو ويستفادوا
كارثة وكبيرة سما المرة الجاية ينوضوا يطالبوا بحاجة كبيرة تقبلهم
ديجا هوما فاليوتوب قالوا بن غبريت خافت واستجابت لطلباتنا
الله يجيب الخير الجيل هدا هو عمي وراهم يزيدوا يعميو فيه
الله يهدينا لطريق الخير يارب
رحمتك يارب
تحياتي اختي

 

[امين احمد]

السلام عليكم خوانتا اعذروني لاني اتصل من الهاتف
اممم ،،، من اين ابدء من المعلم او المتعلم
منذو وقت وجيز اقدمت معلمة على اضافة مادة سمتها المادة الاخلقية باسلوب كنا ننتظر ممن يمتلكون مقاعد راقية في السلطة ان يكافؤها على البدعة الحسنة لكنهم فجاءوها بتحقيق كادا يودي بها الى السجن
والان هانحن نرى تخبط في الوسط التعليمي الذي لا يزال يحدث المفاجات والظاهر يبدي ان الجانب التعليمي في بلادنا ماضي نحو المجهول وبما ان المنظومة التعليمية التي الغتها بعض الدول الغربية اتخذناها نحن كمبدا حتى اصبحوا خريجو جامعاتتنا لا يعترف بهم وهذا مما يادي الى تجاوزات خطيرة تخدش في جانبنا المعرفي والتعليمي
تارة التلميذ يعارض من اجل عطلة الفرق فيها اسبوع تحت ذريعة حقي كتلميذ ، وتارة نرى المعلم يحتج من اجل المال دون مراعات الجانب المعنوى ..
في خلاصة القول نقول لبدا من ترتيب الاوراق من جديد ونتماشى مع مقولة عمر بن الخطاب رضي الله عنه " نحن قوم اعزنا الله بالاسلام فان ابتغينا الغزة من دونه اذلنا الله