أهلا
توحشنا يمات الهول
مانعرف جماعتنا الى مزالهم ولا نساونا ولا كبرو علينا ولا تزوجو وخلاونا هههه
السمانة الأخيرة من العام قررت ندير سلسة تاع توسويس
ونوسوسو الناس لي بكلمة توسوسها ونوسوسو
ونوسوسو ناس فالمستقبل كي يوصل وقتو فالتوسويس
كاين لي كي يجي يخدم كاش شغل بيه بيه يزدم براسو
وكاين ماشاء الله ناس موسوسة
كاين لي مهبلو
يتأكد بلي العفسة هذي مليحة
كاين لي يجي يخدم يتوسوس
وكاين لي يجي يتزوج يتوسوس
وكاين لي يكون يمشي يتوسوس
وكاين لي موسوس دوريجين
وكاين لي يلعبها موسوس
وكاين لي ماشي موسوس مي ان شاء الله حنا نوسوسوه ههههه
هذي سلسلة من المواضيع نكتبها كل يوم موضوع نتحدثو على موضوع نوسوسو به ناس
بلاك كاين لي يشوفها توسويسة وكاين لي يشوفها نصيحة باش مايطيحش فالغلطة
كاين لي ننصحوه
وكاين لي نقولولو روح اخطينا يرحم والديك
على كل حال أنا نكتب هذو المواضيع في هذي الخمس أيام الأخيرة من العام
الى كاش واحد حب يبدعنا بتوسويسة
ماعليه الا فتح موضوع جديد ويكتب عنوان موضوعو
هذا الموضوع برعاية
أوبي حليبي
** أنا من وهران جاية علاما - خويا لوGو لوشوكولا لو فراز - مليح لريجيم ومليح لكلشي **
