اوريفلام ولي بروبلام...

[الصحافية الساخرة]

سلااام ... واش راكم يا الهدارين في كل الاوقات هههه (وتنتقل العدوى منكم إلي )..

وهذا الزليف والخرطي ما يخلاصش.. منتجات اوريفلام ووراها يصراوا ليبروبلام

تشري صابون تجرب عام وانت تداوي ومتبراش وتزيد تسمع بيك النهار ياااااا تولي حدث الساعة

منتجات امريكية اصلية (خاطر محشية بالخنزير)

اسعار هايلة تناسب الزوالي (الاسعار فوق 500 الف هذا صابون برك , التخفيض بنسبة لا تسمن ولا تغني من جوع )

زمن التقشف ياااو المخير فينا في جيبوا 50 الف


وكي متشريش يعرضوا عليك خدمة معاهم والمسكين والمسكينة يبداوا يجروا ويحبوا يفهموا يااا تعرف صعيبة باش تلقى خدمة دوك وكي تجي الفرصة متراطييييش


والمفاجعة كحلة لازم تدفع دراهم باش تخدم لسوف تفشل ..

ولي معندوش معليش يسلف من عندكم

مزال الخير القدام ادفع 3 ملاين ونص , ودبر 3 معاك وكي تبيع تدي حقك

عاود ااا داود تسما تكلحوا الغاشي تربحوا غير انتم ب 3 ملاين تاعنا , وصحاب 3

ملاين يظلوا يحللوا فالناس باش تشري , والناس فايقة ايييه بحالي مرايحاش تبدل صابون دوف ااي لوووف بصابون الدود ب 500 الف باش يولي وجها اكثر جربا وكمشا من الاول

ومزال كاين لي يصدق ويشري هذي المنتجات ,, خاصة الفتيات, تحوس على رموش طويلة وبشرة بيضاء صافية وووو , وكي تجربي تسلكك اوريفلام زعما؟ نظن تخسري دراهمك فالطبيب .. ومنظنش يلقالك حل خاطر الخنزير عشش في العظم خنزير اصلي ذا جودة "صعيب يخرج منك"

ونسيت هذوك لي يجربوا منتجات اوريفلام ومتصلحش معاهم يبداوا يكذبوا على صحاباتهم وعلى الناس ويقولولهم : عن تجربة هذا فادنا بزااف جربوا وردولنا بالخبر..(يردولكم مساكن بالجرب نفس النتيجة تاع الاول )
عدوة الكذب والخرطي تنتقل من اوريفلام الى اوريناس

 

[Skor m@k]

السلام عليكم
علبالك قتلتيني هههه فكرتيني بهذي الجملة لي يحبوها النساء فالسوق
يامدام الصولد كلش بخمسالاف أشري ولا خلي هههه
صح راهو ضارب التقشف سورتو للجميلات تاعنا هههه
مساكن راهم يغيضو على كل حال ماعرفتش واشنو هذا اوريجي ولا اوريلي نسيت كيفاه كتبتيه وعجزت نولي نطلع ههههه
راكي مليحة كي خيرتي منتجات امريكية أصلية انا يخيقوني هذوك تاع الصينيين هههه
يصورلك عجوزة 100 سنة يقولك شوف الرشاقة غير 50 جنيه ههه تاع مصر هذي هههههه
بصح شحال مليح توالفي صابون ونيفيا وبومادات وليكرام وكلش ممبعد بقيسك تقشف يامحاينك هههه
العودة الى الأصل فضيلة دزيرية هههه
صابون حجرة ولا كيما يقولولو صابون طرف ههههه وتولي البشرة ناعمة كيما جلت التمساح هههه
ههه ويعجبوني لي مايخرجش عليهم الصابون ولا لكرام هذاك ممبعد صحبتها تسقسيها ههه
تقولك سقسي لمجرب وماتسقسيش الطبيب هههه
وهي معلبلهاش بلي سقسات ضحية حرب الهوريشيما ههههه
باينسور مليح زيديلو شويا طحلب في الأخير تولي تشبهي لكاساندرا نهار جاو ختشبوها هههه
شكرا لك ختي
راهيحلات المواضيع واقيل ههههه علبالك شبهتك لوحدة كانت في وحد المنتدى اسمها راضو هههه​

 

[الورد الأحمر]

السلام عليكم ورحمة الله وبركاته

نظن مش مفرقة بين اوريفلام وفور ايفر لأنو على حد علمي اوريفلام ثمن الانضمام 60 ألف ومش شرط تدخل معاك. والأسعار تاعها معقولة وأنا من مستخدمي أوريفلام من زمااان ولليوم ولا مرة لقيت مشكل معاها ومنتجاتها تعجبني ووفية ليها.

الشي لي قلتيه كامل ينطبق على منتحات فور ايفر.

 

[لاريمان]

السلام عليكم
صح واش قالت الاخت ورد انا شريت كريم واقي الشمس فوريفر ياحسرتي
خسارة الدراهم ماعندو حتى معنى ياكلو في الدراهم بلامتفكريني اختي
مانامن حتى في منتج

 

[الورد الأحمر]

لكن سؤال ...

ما الهدف من الموضوع ؟ بما أنو يحكي على ماركة بحد ذاتها ويشكر في ماركة أخرى حسيت روحي في دعاية

 

[السلطانة]

وعليكم السلام
تقدري تقولي من سنة 2012 ظهرت هاذي العفسة تاع اوريفلام وفوريفر
فوريفر مجربتهاش لكن اوريفلام جربتها والاسعار معقولة
ماكانش فيها صابون يدير 500 ألف !
شريت ديماسك هايلين وفادوني
وكاين بنات بزاف جربو المنتجات وفادوهم
واللولين لي انضموا ليها اكيد هوما لي استفادو والبقية ام يخدمو بيهم برك هههه المهم يربحو منهم شوي
صحيتي اختي

 

[Hakan]

الحمد لله الذي عفانا مما ابتليت به النسوة خخخخ
فيف لابواتي ناتورال احم احم ​

 

[الصحافية الساخرة]

السلام عليكم ورحمة الله وبركاته

نظن مش مفرقة بين اوريفلام وفور ايفر لأنو على حد علمي اوريفلام ثمن الانضمام 60 ألف ومش شرط تدخل معاك. والأسعار تاعها معقولة وأنا من مستخدمي أوريفلام من زمااان ولليوم ولا مرة لقيت مشكل معاها ومنتجاتها تعجبني ووفية ليها.

الشي لي قلتيه كامل ينطبق على منتحات فور ايفر.

وعليكم السلام نقصد كل الشركات لي تروج منتجات هكا ولعلمك حتى اوريفلام تطلب دراهم ولازمك تدخل 3 معاك غير ديك خطرة جات صحبة ختي تحوس على بنات مفرقة وعلابلي وكل هذه الشركات تروج منتجات تفسد خلايا البشرة وتساعد على نمو خلايا سرطانية ربي يستر \ ومنتجاتها غالية شفت شامبوا تاعها وبزاف حوايج كاين شامبو ب 400 مية وخمسين هذي قليلة؟ الشي لي قلته ينطبق على الكل ومدابينا نتجنبه شي لي يضر ويعطيك الصحة على مرورك

 

[الصحافية الساخرة]

السلام عليكم
صح واش قالت الاخت ورد انا شريت كريم واقي الشمس فوريفر ياحسرتي
خسارة الدراهم ماعندو حتى معنى ياكلو في الدراهم بلامتفكريني اختي
مانامن حتى في منتج

نههههههه يااو ياكلوا دراهم بلا فايدة وعلاه منروحوش لطبيب البشرات تختلف والحالات كذلك

 

[الصحافية الساخرة]

لكن سؤال ...

ما الهدف من الموضوع ؟ بما أنو يحكي على ماركة بحد ذاتها ويشكر في ماركة أخرى حسيت روحي في دعاية

يا ختي اسمحيلي نقولك منيش نشكر فحتى ماركة خيرت منتج دووف لانو رخيس فمتناول الجميع \ الى انتيا تستعملي منتجاتهم مقلناش حرام عليك فائدة الموضوع واضحة لكن لانك تستعملي منتجاتهم معجبكش اناا صريحة وهذا لي نقولك .. شكرا

 

[الصحافية الساخرة]

وعليكم السلام
تقدري تقولي من سنة 2012 ظهرت هاذي العفسة تاع اوريفلام وفوريفر
فوريفر مجربتهاش لكن اوريفلام جربتها والاسعار معقولة
ماكانش فيها صابون يدير 500 ألف !
شريت ديماسك هايلين وفادوني
وكاين بنات بزاف جربو المنتجات وفادوهم
واللولين لي انضموا ليها اكيد هوما لي استفادو والبقية ام يخدمو بيهم برك هههه المهم يربحو منهم شوي
صحيتي اختي

هههههه يا ختي كاين ومنتجاتهم من فوق 500 الف الطفلة وراتلي كاتلوج تخدم بيه ذخلي ليباج وشوفي منيش نجيب من راسي واكيد قاسهم تقشف بلاك يديرو تخفيضات ههههه

 

[الصحافية الساخرة]

الحمد لله الذي عفانا مما ابتليت به النسوة خخخخ
فيف لابواتي ناتورال احم احم ​

هههههههههههههه الحمد لله

 

[الصحافية الساخرة]

السلام عليكم
علبالك قتلتيني هههه فكرتيني بهذي الجملة لي يحبوها النساء فالسوق
يامدام الصولد كلش بخمسالاف أشري ولا خلي هههه
صح راهو ضارب التقشف سورتو للجميلات تاعنا هههه
مساكن راهم يغيضو على كل حال ماعرفتش واشنو هذا اوريجي ولا اوريلي نسيت كيفاه كتبتيه وعجزت نولي نطلع ههههه
راكي مليحة كي خيرتي منتجات امريكية أصلية انا يخيقوني هذوك تاع الصينيين هههه
يصورلك عجوزة 100 سنة يقولك شوف الرشاقة غير 50 جنيه ههه تاع مصر هذي هههههه
بصح شحال مليح توالفي صابون ونيفيا وبومادات وليكرام وكلش ممبعد بقيسك تقشف يامحاينك هههه
العودة الى الأصل فضيلة دزيرية هههه
صابون حجرة ولا كيما يقولولو صابون طرف ههههه وتولي البشرة ناعمة كيما جلت التمساح هههه
ههه ويعجبوني لي مايخرجش عليهم الصابون ولا لكرام هذاك ممبعد صحبتها تسقسيها ههه
تقولك سقسي لمجرب وماتسقسيش الطبيب هههه
وهي معلبلهاش بلي سقسات ضحية حرب الهوريشيما ههههه
باينسور مليح زيديلو شويا طحلب في الأخير تولي تشبهي لكاساندرا نهار جاو ختشبوها هههه
شكرا لك ختي
راهيحلات المواضيع واقيل ههههه علبالك شبهتك لوحدة كانت في وحد المنتدى اسمها راضو هههه​

هههههههههههه , يااا تسما لبرا يشبهوني وهنا تان

 

[abdoudraw12]

سلام عليكم

مممم صراحة معلاباليش علا واش تحكي . .. اوريفلام
ف البداية نحسابها قناة تاع افلام
مم هدي امور نسائية ومدخلنيش
نا برك نعلق ع حاجة
قلتي مخير عندو خمسين الف
عندي 100 الف :p:p
شهر وانا محافظ عليهاا ههه

ف الاخير ننصح بـ صابون LUX
صابونة ب 20 دج برك

تحياتي ختي

​

 

[الصحافية الساخرة]

ه

سلام عليكم

مممم صراحة معلاباليش علا واش تحكي . .. اوريفلام
ف البداية نحسابها قناة تاع افلام
مم هدي امور نسائية ومدخلنيش
نا برك نعلق ع حاجة
قلتي مخير عندو خمسين الف
عندي 100 الف :p:p
شهر وانا محافظ عليهاا ههه

ف الاخير ننصح بـ صابون LUX
صابونة ب 20 دج برك

تحياتي ختي

​

ههههههههههه , مليح حافظ عليها تحيا دوك 100 الف ههه شكرا لمرورك

 

[abdoudraw12]

ه

ههههههههههه , مليح حافظ عليها تحيا دوك 100 الف ههه شكرا لمرورك

اكيد .. عشرة شهر ياك :Love:... نحطها في قلبي مش جيبي ههه

 

[الورد الأحمر]

يا ختي اسمحيلي نقولك منيش نشكر فحتى ماركة خيرت منتج دووف لانو رخيس فمتناول الجميع \ الى انتيا تستعملي منتجاتهم مقلناش حرام عليك فائدة الموضوع واضحة لكن لانك تستعملي منتجاتهم معجبكش اناا صريحة وهذا لي نقولك .. شكرا

مش قضية نستعمل منتجاتهم ما عجبنيش الموضوع ... على خاطر ما فهمتش الهدف من الموضوع أصلا ... زيد الكاتالوغ تاععم راه اون لاين وماكان حتى منتج يوصل لخمسية الف أغلى منتج عندهم يدير ربع مية وحاجة وهذو بارفانات يعني ماش قضية عجبني ولا ما عجبنيش الموضوع بصح الموضوع والمعلومات لي فيه غالطة وشايفتك ما مفرقاش أصلا بين الماركات ومش مميزة بين اوريفلام وفورايفر وكي نجي نشوف للموضوع نلقاه يحكي غير على الماركة وأسعارها وينتقد في المنتج وما عندوش علاقة بالمطلوب من منتدى واش راك تهدر هذا واش حبيت نقول يعني حتى كتجربة انتي ما جربتيش جيتي طول تحكي ع الماركة وأسعارها ولا تهم الماركة لي تحكي عليها مهما كانت رح يكون عندي نفس الرد ونفس الرأي.

 

[(منير)]

وعليكم السلام ورحمة الله وبركاته
لكريمات التجارية تحتوي على نسبة جدا قليلة من المواد الطبيعية.
وهذشى راكم على بلكم ايها الجنس اللطيف.
ولها دور كبر في تغذية الجلد وترطيبه.
وعلى بالكم انها غالية الثمن .
كريمات الجسم أعظم مكون فيها هو الماء.
وماشى المواد المفيدة !
علما ان الماء مفيد للجلد ولكن ايضا ممكن استخدام مكونات اساسها ترطيب اكثر من الماء.
مثل الصبار الاروع لترطيب الجلد.
تحتوي على مقدار كبير جدا من المواد الحافظة.
وان كانت نسبة مصرح فيها.
فان تكرار استخدام الكريم في اليوم اكثر من مرة .
او استخدام عدة كريمات ولوشنات في اليوم الواحد.
يجعلنا نتخطى هذه النسبة بلا شك
وبشكل عام المواد الحافظة ليست شيء طبيعي ومفيد للجلد او للجسم بشكل عام
راها فيها مكونات الغير مفيدة للجلد والمضرة على المدى القريب و البعيد مثل البرافين ومشتقات البترول !
مثل زيوت الجسم والكثير من المرطبات تحتوي على نسبة كبيرة منه.
في قائمة المكونات توجد الكثير من المكونات الغير مفهومة او بالأصح الغير مقروءة وكلنا نجد صعوبة في قراءتها وفهمها.
فكيف نضعها على جلدنا ونتوقع ان الشركات التجارية البحتة تهم بنا بالدرجة الاولى.
مع العلم انه الهدف مادي بحت!
الترطيب بالعادة وقتي ولا يستمر.
ويجب تجديد الترطيب كل فترة!
ببساطة اكثر .
اعتماد كريمات ترطيب الجسم كمصدر للعناية بالجلد شيء غير صحي وغير مفيد.
هي مصدر كبير لمواد كيميائية احنا بغنى عنها وعليها علامات استفهام, عدى انها تدخل الجسم وتقوم بالضرر واكثر من ذلك قد تؤدي الى السرطان
فلترجع بنات حواء الى الدهون الطبيعية
كان ذالك خير

 

[GI Joe]

laala forever li graave ghaliin,w ta3 l usa prc oriflame ta3 la suede nrmlment dentifrisse je crois houa rkhiss b 650da
maaais 3azizati l katiba hna li djahlin pr la plu part machi la kanet hadja ghalia c que elle fait des miracles, fi aye marque hwayedj mleh w mich mleh machi ghir hadou, wahda khredj 3liha un produit wahda nn prc la peau machi kifkif machi kedhbet 3liha!!
mezt stick ta3hom et bien khir men dove nivea sanex mon savon ..kaamel dnc maalich ykoun l prix double w triple
w 3la oriflame nrml les prix ki dove sachant que yakhedmou les soins l maquillage et les parfums dnc cv la qualité m3a l prix

 

[آمِيْرَتُه]

السلام عليك
كيما قاتلك الآخت راكي مخلطة بين الشركتين لي لازم 3 ملاين ونص هي فورايفر الشركة الأخرى 60 ألف اني مسجلة فيها بصح جامي شريت لأن لقيت مشكلة كي تشري وتروحي تجيبي السلعة تقعدي بسوايع و أنت تقارعي مدايرينش التوصيل لازم أنت تشقي من الصباح و أنت تقارعي وخطرات متلحقيش قاع ها هو العيب نتاعها التوصيل دايرينه خارج الولاية برك أما داخل الولاية أنت تروحي تجيبي سلعتك ' نحكي على ولاية وهران '
كاين منتجات معندهمش قاع أهمية وتلقي دعايات عليهم كي تجربيهم يندبوك