وآش هي الشروط لي تطلبوها كي تروح تخطب / كي يجيک خطآب

[GI Joe]

essemhili mais 9abl zwedj slat mich kolech kayen li d1roha moyen ta3 nifa9 malheuresement

nrmlment tofla tchouf l khadma hia chart l assassi, w la ken reponsable machi fils a papa wala yetkel 3liha, w tahder m3eh seul a seul (3labali que c pas bien) mais maalicu au tel thel li raha ta3ref tekhmamou w dir l istikhara w tetkel 3la rabi

 

[GI Joe]

الشروط يعني ما نكذب على روحي
مانيش نخمم في الزواج حتى تكون فيا بعض الشروط المليحة باش كي نطلب الطفلة اللي راني نحوس عليها
نطلب وكلي ثقة بواش عندي لا من الناحية المالية لا من ناحية الرفاهية لا من الناحية نتاع جسم مليح وكل شيء
اما شروطي في الطفلة واش نقول لاختي
انا نحب الطفلة جميلة الشكل خاصة الطفلة صاحبة الشعر الجميل والاسنان الجميلة
الزين لازم يكون مي حاجة معقولة باسكو خوك تعرفوه وتعرفو شكلو ماهو قبيح ما هو زين مي الزين في الطفلة
ولازم تكون من عائلة محترمة وخاوتها يكون درقازة يعني رجالة والوالد نتاعها كذالك
تكون صاحبة مستوى دراسي رفيع يعني خريجة جامعة مي الخدمة مكانش
حاجة اخرى ماذابيها تكون شوي اومبيونص لانو نكره الطفلة النكدة يعني تضفي جو مليح في حياتي
السن نتاعها عندي جد مهم يعني اقل من 24 سنة ولو كنت انا نبلغ الثلاثين اذا حب ربي
والفارق بيناتنا لازم يكون فوق 5 سنوات هذي اللي راني متأكد منها حاليا غيرها مكانش وربي يهنينا
ان شااء الله ​

hada nta mzel makech wadjed w 3andek had chorot kamel allah ybarek
mais essemhki jatni curiosité na3ref gdeh 3omrek??

 

[ضآحكة مستبشرة]

hada nta mzel makech wadjed w 3andek had chorot kamel allah ybarek
mais essemhki jatni curiosité na3ref gdeh 3omrek??

ههههه الله حكيم من مواليد 1994
الله يبارك

 

[zyd87]

واش هدا السؤال من جانب الرجل ولا المرأه,لكان من جانب الرجل تكون متربيه وتخدم,ولكان من جانب المرأه,نقولك,الدار وحدها والطوموبيل والتحواس والراجل يكون زين

 

[zyd87]

وانت خويا حكيم راك مازلت صغير علي المسؤليه,خلي حتي تكون قدها وربي ورحمتو ok هههه.

 

[ضآحكة مستبشرة]

السلام عليكم
لي عودة في المساء ​

و عليكم السلام
منذ ذلك المساء مابان حتى خبر ههههههههه
في انتظار العودة​

 

[ضآحكة مستبشرة]

السلام عليكم
ممممممم الموضوع شوية حساس كيما قلتي ههههه
بالنسبة ليا شروطي
يكون ولد عائلة محترمة لانه الزواج بالنسبة ليا هو علاقة تجمع بين عائلتين مشي غير بين شخصين
عامل في ظيفة تابتة مشي نهار يخدم و 10 يقولي الله غالب مكانش ...
يكون متوسط الحل ... يعني مكفيين من الضروريات و ادا كان اقل انا مستعدة نخدم و نعاونو مكانش مشكل و ما نحبش ابدا واحد مرفه لانه يجي منو تكسار الراس كتر من الهناء
عمرو اقل من 36 سنة
و مثقف ... منيش نقول هداك لي كل ما ننطق يقلي قال العالم الفلاني كدا وكدا هههههه
بالنسبة للسيارة و الدار المهم انهم يكونو من خططاتو انه يديرهم مشي يكون في عمري 60 سنة و نكون عاد في دار العيال هادي منقدرلهاش
هادو شروطي المادية
اما الروحانية فلا نقاش فيها ... ما نقبلش بواحد ما يصليش ولا واحد ما يصومش هدي مفروغ منها و اصلا ما يوصل للدار وحد كيما هادا لانه لي ميخافش من ربي اكيد انه لا حياة معاه

و عليكم السلام و رحمة الله
ههههههههه حساس بزاااااااااااااااااااف
ان شاء الله تلقاي انسان فيه الشروط لي تمنيتهم و يكون وليد حلال تعيشي معاه مهنية يا رب
و يكونو عندو 7 خيات و 10ولاد و العجوز واعرة و الشيخ مزير و الراجل بهلول ههههههههههههههههه
لالا غير نزعق حبيبة
ربي يرزقك بزوج صالح
بالتوفيق

 

[ضآحكة مستبشرة]

الشروط يعني ما نكذب على روحي
مانيش نخمم في الزواج حتى تكون فيا بعض الشروط المليحة باش كي نطلب الطفلة اللي راني نحوس عليها
نطلب وكلي ثقة بواش عندي لا من الناحية المالية لا من ناحية الرفاهية لا من الناحية نتاع جسم مليح وكل شيء
اما شروطي في الطفلة واش نقول لاختي
انا نحب الطفلة جميلة الشكل خاصة الطفلة صاحبة الشعر الجميل والاسنان الجميلة
الزين لازم يكون مي حاجة معقولة باسكو خوك تعرفوه وتعرفو شكلو ماهو قبيح ما هو زين مي الزين في الطفلة
ولازم تكون من عائلة محترمة وخاوتها يكون درقازة يعني رجالة والوالد نتاعها كذالك
تكون صاحبة مستوى دراسي رفيع يعني خريجة جامعة مي الخدمة مكانش
حاجة اخرى ماذابيها تكون شوي اومبيونص لانو نكره الطفلة النكدة يعني تضفي جو مليح في حياتي
السن نتاعها عندي جد مهم يعني اقل من 24 سنة ولو كنت انا نبلغ الثلاثين اذا حب ربي
والفارق بيناتنا لازم يكون فوق 5 سنوات هذي اللي راني متأكد منها حاليا غيرها مكانش وربي يهنينا
ان شااء الله ​

ههههههه خويا حكيم انت صح مهبول ان شاء الله ربي يرزقك ببنت الحلال لي تهنيك و تعيشك حياة هبال
كيما راك حاب ان شاء الله و تكون امرا تاع دار و فحلة و شاطرة
و تكون شاعرة باش تشبعك غزل ههههههه هاذي سبيسال
اسأل الله لك التوفيق و ان يرزقك الله بزوجة صالحة تعينك على هم دنياك و التقرب من دينك
نوووووورت ​

 

[secret de coeur]

نعياو نشرطو بصح ربي كيما حابها تجينا تجي
مي الحاجة الي ترجع الواحد منغول فراسو
هي تصيب واحد يشرط فزين ويحوس عليها ملكة جمال تشوف فيه تصيبو مايشبه لوالو ؟؟!!! سمحولي على هاد الكلمة مي الواقع يقال
وكي يروح يخطب ومايتوافقش يقولك بنات اليوم راهم يشرطووو ووو يا اخي كيما نتا رحت خطبت الي حبيت هي ثاني تخير الي تحب
وثاني تصيب شي بنات تقول غير بآفام وتيري عليهم تحسب راح تزوج مع ترامب
تطلب مهر تاع كيلو ذهب و شكارة دراهم يا اختي وقيل تبيعي فروحك ؟؟ صح المهر حق مي مش عيب لو كان رمزي
ربي يلاقي كل زوجين فالحلال ويكونو متوالمين
مرسي ع الموضوع ختيتو

 

[حلم كبير]

السلام عليكم
موضوع جميل ونتبادلو فيه النصائح مشكورة يعطيك الصحه.
الزواج الزواج .... صعيب وساهل
صعيب كي تكثر الشروط من الجهتين هي تقول أنا نخدم هو يقول مانيش محتاجك تخدمي ،هي تقول نسكن وحدي هو يقول ما عندي وين نروح .هو يقول تروحي معايا وين نروح هاذي خدمتي وهي تقول ما نروحش تبدل الخدمة ونسكنو هنا
هو يقول والديك تشوفيهم مرة فالشهرين هي تقول لاه جبتني من الشارع ؟
هو يقول.............هي تقول.............
بصح ما كمش ملاحظين بلي اكل شروط مادية بحتة. ويولي الزواج صعيب اذا كان طرف منهم ما يتنازلش والراجل على قد حالو
أنت يا الخطاب مدي مرا ولا نعجة،وانني يا مخطوبة تحوسي تديري راجل في يدك ولا آلة مين تقوليلو يروح يروح ،اشري آلة وتهناي.
ويكون ساهل إذا كان هكذا
هي تصلي ولا لالا هو الحمد لله نصلي
هو نسكن عند اهلي وكي يفرج ربي نشريو دار هي ما عليهش ما كانش اللي غرسها وطلع معاها .قطرة قطرة حتى يحمل الواد.
هي نشرط فيك واش تقدر هو إذا عطاني ربي نلبيلك واش ما قدرتش.
هو ما تخدميش هي تسكت وتخليها للضروف هي اللي تحكي بالاك يجي نهار وهو يقولك اخدمي.
خليو رواحكم حتى تعرفو طبائع بعظاكم .
والسلام عليكم و رحمه الله تعالى وبركاته.
تقبلي مني فائق الاحترام والتقدير
حلم كبير

 

[Hakan]

ياودي البنات يفشلو صح
تبغيه مصلي ومن بعد اول حاجة ديرهاله هي انو تخليه يبطل صلاتو خخخ
وتحبو طايع لوالديه واول حاجة ديرهاله تخربلو الاستقرار نتاعو مع الوالدين خخخخ
اما باقي الاشياء المادية ما تكذبو مانا مصدقينكم يعني لازم فيها خدمة بشهرية نتاع 5 ملاين والفوق
ولازم اوموان تكون عندو قطعة ارض ليه وحده
والعمرة والحج آخر شيء في الفكر لانو الاهم عندها انو تحوس في تونس ولا في تركيا ولا تروح لدبي
واكيد هذي الغالبية برك وكاين شي بنات مازال فيهم الخير ..​

 

[Hakan]

hada nta mzel makech wadjed w 3andek had chorot kamel allah ybarek
mais essemhki jatni curiosité na3ref gdeh 3omrek??

خخخ في شروط الشعب كامل شفتوني غير انا يااختي بما انو انت تكرهي النفاق والخرطي هذاك
ما نكذب عليك ما نكذب على الغاشي لاخر هذو شروطي بعد ما تتوفر فيا كامل الشروط اللي ذكرتهم مستقبلا
لانو الزواج ك تطبيق بحول الله رايح يكون لما نبلغ من العمر 30 سنة فما فوق اما حاليا
خخخ نخمم غير في البالون واللعب ونكمل قرايتي فهمتي يااختنا اما العمر نتاعي مازالني صغير 22 سنة برك
وكل شيء بالمكتوب بارك الله فيك ​

 

[ضآحكة مستبشرة]

ياودي البنات يفشلو صح
تبغيه مصلي ومن بعد اول حاجة ديرهاله هي انو تخليه يبطل صلاتو خخخ
وتحبو طايع لوالديه واول حاجة ديرهاله تخربلو الاستقرار نتاعو مع الوالدين خخخخ
اما باقي الاشياء المادية ما تكذبو مانا مصدقينكم يعني لازم فيها خدمة بشهرية نتاع 5 ملاين والفوق
ولازم اوموان تكون عندو قطعة ارض ليه وحده
والعمرة والحج آخر شيء في الفكر لانو الاهم عندها انو تحوس في تونس ولا في تركيا ولا تروح لدبي
واكيد هذي الغالبية برك وكاين شي بنات مازال فيهم الخير ..​

هههههههههههه و الله راك قصفتنا قصف
لوكان غير فتحت موضوع مستقل كيما تاع مالك في سلسلة اقصفهم ديراكت و ريحتنا هههههه
و الله منقولش واش قلت ماشي صح مي في هذا الوقت الناس راهي تفيق واش راه يصرا
و البنات باش ايفيتيو لي بروبلام مع لي باغو تاع الراجل تحوس على منزل مستقل
اما بقية الامور لي ذكرتهم تختلف من فتاة الى اخرى حسب طريقة المعيشة لي عايشتها و المجتمع لي عايشة فيه
و تختلف تاني باختلاف التربية لي تربات عليها
شكرا ع المرور مون فخاغ​

 

[zohor kfz]

و عليكم السلام و رحمة الله
ههههههههه حساس بزاااااااااااااااااااف
ان شاء الله تلقاي انسان فيه الشروط لي تمنيتهم و يكون وليد حلال تعيشي معاه مهنية يا رب
و يكونو عندو 7 خيات و 10ولاد و العجوز واعرة و الشيخ مزير و الراجل بهلول ههههههههههههههههه
لالا غير نزعق حبيبة
ربي يرزقك بزوج صالح
بالتوفيق

خلعتيني من دار لعيال ههههه .. هادي راها دار السبيطار مشي دار العيال ععععععععع ههه

 

[توبة توتة]

منكثرش في لهدرة طول حياتي وانا ندعي ربي يعطيني زوج صالح ويصلي المهم حمد لله ربي ستجابلي دعائي وعطاني زوج صالح
وكي تخطبت متشرطت ماطلبت والوو طلبت غير لهنا والحمد لله
وربي يهني كل متزوجين وربي يرزق شبابنا ببنات صالحت و بناتنا بازواج صالحين:kiss::Love:

 

[همس الوُرود]

مكانش فيكم الي خممت تشرط لاكونيكسيو هههههههه

 

[همس الوُرود]

كامل تقريبا نفس الشروط.. هههه ونسيتو شرط يعرف يطبخ ههههه ويغسل لماعن ويعاون شوي فالدار هاه وكيفاه

 

[همس الوُرود]

نزيد ولا مكالاه

 

[همس الوُرود]

نصارحكم الحاجة الي لاحظتها فالمتزوجات الي ناس ملاح زعما ههه
تقولك مانستحق والو و ماعليش والمهم لهنا
نهار تتزوج طول حياتها وهي تبدلو فيها وأنا ماشرطت والو و مبعد تقولو والنسا كامل عندهم وعندهم وأنا ماعنديش حتى الشرط وماشرطتش
ووو

 

[محمد إبن الصحراء]

لي لقات شريك حياتها لي راهي تتمناه , ماتنساش تعزمني