مشكلتي غير كل المشاكل وانا متاكدة ان كل من سيقرا مشكلتي سينسي مشاكله نحن عائلة متكونة من الوالدين وثلاث بنات و ولدين الاكبر عايش في انجلترا ربي يحفظو انشالله هو اغلي ماعندنا لكن للاسف الظروف خلاتو يهاجر اما الاخ الثاني هو المشكلة هو مختل عقلي يعني مهبول هو سبب تعاستنا وهو سبب كل مصيبة في العائله مستقبلنا تدمر بسببه هو خصوصا الاخت الكبري التي بلغت من العمر تسعة وثلاثين سنه بدون زواج وانا عندي سبعة وعشرين سنة ولحد اليوم واحد ما خطبني اما الاخت الصغري تقري في الجامعة وباين راح يصرا معاها كيما صرا معايا ومع الاخت الكبري من بكري وانا نحاول نقنع والديا نحط هاذ المختل في مصحة بصح ديما يرفضو ما فهمتش علاه هاذ الزكارة لي داروها فينا ماكاين حتي فايدة منو غير صدع والتبهدايل نتاعو بالعكس هو علة علي المجتمع مايهمنيش اذا تعالج ولا لا المهم نتخلص منو نهائيا لانو حالة ميؤوس منه باالنسبة ليا كل ما نشوفو يهبط لي لمورال نعيفو ونكره روحي كي نتفكر اانو هو اخي لوكان مارانيش خايفة من ربي نحطلو سم في لماكله تاعو المهم عندي التخلص منه عاجلا لا اجلا قبل ما يتدمر مستقبلي كيما دمر ختي الكبيرة اصبحنا مضرب للمصائب الكل يشفق علينا اكرهه بكل ما اوتيت من قوة واحد الخطرة جا واحد يخطب الاخت الكبري هاذي حكايه قديمة كي كانت هي فالعشرينيات فرحنا كي تقدم هاذ الشاب قلنا نشالله تكون فاتحة خير علينا كامل بصح ياريت ما جا هذاك نهار صرات معانا فضيحة مستحيل ننساوها كي وصلو الخطابة وخرجت اختي باش يشوفوها جا هذاك المختل بزقها علي وجهها تخيلو موقف كيما هذا انا ما خرجتش اصلا خاطش كنت عارفه يدير فضيحة نعرفو الحيوان كي داير يكون هادئ غير يشوف ضيوف يبدا االمهم الناس هاذوك ملي شافو داك شي راحو مباشرة نسحبو مهذاك نهار مابان عليهم حتي خبر ومن هذاك نهار حتي واحد ما تقدم لينا عنسنا بسبب الحيوان عليه اللعنة ستنينا اكثر من عشر سنوات ما تبدل والو خويا الكبير هاجر بسباب هاذ المختل راح خطب واحدة من العائلة بصح والد الطفلة رفض يمد بنتو قال مستحيل نخلي بنتي تعيش مع وحد مهبول في نفس البيت فداك الوقت خويا ما كانش عندو الامكنيات باش يبني دار ولا يكري هاجر مباشرة ومن هذيك الخطرة ما شفناهش بصح ما قطعناش دائما يتصل بنا خصوصا انا خاطش كنا اكثر من الخوت كنا اصدقاء ربي يخليه ليا حبيبي وممو عيني المهم هو دوكا تزوج بوحدة جزائرية عايشة في انجلترا وزادو عندو ثلاث اولاد الحمد لله فرحتلو بزاف علي الاقل واحد فينا ربح ربي يوفقو انشالله اما انا واخوتي لبنات مازالنا كيما رانا انا كي كنت نقرا في لجامعة كان استاذي معجب بيا قالي نجي نخطبك انا حبيتو بزاف بلا ما يعرف كان انسان طيب بزاف ووليد ناس وماشاء الله عليه شباب عمري ما كنت نحلم بواحد بحالو كل الطالبات تع هذيك الدفعة كانو طايحين فيه بصح هو ختارني انا ولكن انا رغم حبي ليه رفضتو كنت خايفة تصرالي كيما اختي وماكانش عندي الجراءة باش نقولو عندي اخ مهبول حاولت بصح ما قدرتش هو ماشاء لله عليه طول عرض وجمال وخوتو تاني هكذاك لانهم عائلة معروووفة بزاف الكل يعرفهم كيفاش انا نقدم لهم اخ مجنون وكي يقعد للطابلة يبهدل تخليت علي حلم حياتي حسبي لله ونعم الوكيل هاذ الاستاذ مازلو لحد اليوم يسال عليا رغم انو تزوج ودار عائله ربي يهنيه كل ما يبعتلي سلام قلبي يتقطع نقول كيفاش ضيعت رجل كيما هاذا علي جال اخي الحيوان بصح نولي نقول خير ما نتبهدل
وكي كنت نقري في الثانوية كنت ديما كي نخرج نلقاه يدور تما ونبدل الطريق باش مايشوفونيش صحاباتي ويكتاشفو بلي عندي اخ مجنون كنت نجوز من وحد الزنقة خطييرة فيها غير لامافيا اي واحد يجوز من تما يسرقولو اي حاجة رفدها وشحال من خطرة سرقولي صوالحي بصح خير مانجوز مالطريق لي يدور فيها هذاك نتفادي يشوفوني معاه الناس مايشرفنيش يكون عندي اخ مهبول مبهدل شكلا ومضمونا مستحيييل نعتارف بيه ولا نتقبلو كاخ من ساااابع المستحيلات وصديقاتي دايما يعرضوني لديارهم وكي يجي الدور عليا نتهرب ونلقا السبايب خاطش هاذي ماشي حالة نجيب ليها صحاباتي ومن كثرة الضغوطات و الاحراج لي تعرضت ليها اضطريت نقطع جمييع علاقاتي حتي مع العائلة ما نحضر لا اعرااس ولا جنازات تفاديات لنظرات الناس واسئلتهم الجارحة نحقر روحي كي نشوف صحاباتي وبنات العائلة عندهم اخوانهم يزوخو بيهم وكي تكون تجمعات عائلية اي واحد يدخل يبداو يتغزلو بيه ها جا السبع ها جا لبوقوس نتاع العايلة ها جا الشباب تعنا اما انا كي يدخل خويا يبداو يخزرو فيه بنظرات ساخرة ومستهزءة وانا نخبي راسي بين كتافي كي الفكرون حسبي الله ونعم الوكيل حابة نفهم برك اين العدل في هذه الدنيا واش درنا في حياتنا باش نستاهلوهاذ الشي ابتلاء ليس له فرج ابدا ابدا
اصبحت وحيدة ومعقدة نفسيا لا استطيع مقابلة الناس ولا تكوين علاقات اصبحت اخاف الفضائح ولم اعد اقوي علي تحمل المزيد
كرهت حياتي وكرهت كل من حولي فقدت طعم الحياة وفقدت الامل في كل شيئ خاصة موضوع الزواج الذي كنت احلم به من صغري ليس لان الزواج هو كل شيء هدفي هو تكوين اسرة هادئة اجد فيها الهدوء والحنان الذي لم اجده في عائلتي المتشتته منذ نشاتها جميع لي حكيتلو قالي الحل الوحيد هو نستقل بحياتي يعني نروح نعيش وحدي وندير حياتي بعيد علي عائلتي
واليوم جاتني فرصة من ذهب عندي صديقة في فرنسا عايشة وحدها بعد ما تطلقت من زوجها وماعندهاش ولاد اقترحت عليا نروح نعيش تما طبعا هي عارفه ظروفي خممت ولقيت بلي هاذا هو الخلاص من مشكلة هاذي لمهم لقيت دار تلمني تبقي الخدمة ساهلة ولله يالوكن ننظف المراحض بعد ما كنت ادارية في شركة كبيرة هنا عادي المهم نتهني من هذاك البخس رح نعطي اخر فرصة لوالديا باش يحطو هذاك في مصحة واذا ما قبلوش نرفد قشي ونروح بلا رجعة هكذ مانكونش ظلمتهم هاذ المرة ما نرحم حتي واحد خاطش انا وحد مارحمني سابقا ومن اليوم فصاعدا نولي نخمم غير في مصلحتي وبس رح نخيرهم بيني وبين هذاك متاكدة يختاروه هو هاذي ما عندي فيها شك ابدا اما اختي الصغري نصحتها دير فيزا ديتود مادامها جامعية علي الاقل مايروحش مستقبلها مثل الكبيرة هذيك وانا ندير حياتي وربما نتزوج ودير عائلة هادئة خاتش لوكان نبقي هنا نجيب سبعين سنة في دارنا متاكدة من هاذ الشي حابه نعيش حيااتي بهدوء ونعيش حياتي بلا خوف سبحان الله حتي نهار العيد جامي جوزتو كيما قاع الناس كل يوم العيد نوض بكري عالسبعة نتع الصبح نخرج ومانوليش حتي يطيح الليل هاذ الشي كامل باش ما نحضرش تبهدايل نتاع الحيوان موالف يدير صدع قدام الناس نخرج فالظلام وندخل فالظلام كيما السراق
عشت حياة صعبة جدا والله مانتمناها حتي لاعدائي مستحيل ننسي لي عشتو في دارنا خصوصا نهار الخطبة نتاع اختي والله هذاك اسوا يوم في حياتي سبحان الله كيفاش كانت قوية لوكان انا لي صرالي هكذاك راني نتحرت مباشرة غير تبهدايل لي ما نقدرلهمش ومشاكلنا ماشي غير في هاذ الاخ المختل هناك مشاكل اخري مثل والدي اللي دمرنا نفسيا وكرهلنا حياتنا والله لوكان نكتبها هنا الاغلبية ماراحش يصدقو بصح مراحش نصدعكم اكثر
متاكدة لي يقرا حكايتي يتهجم عليا ويقول عليا انانية وما عندهاش رحمة في قلبها بصح صدقوني ماشي كيف كيف كي تشوف المشكل من بعيد وكي تكون في صلب المشكلة وكيما يقولو مايحس بالجمرة غير للي كواتو نتحدي اي طفلة هنا تحط نفسها في موقف اختي نهار لي يجو يخطبوها يجي اخوها يبزق علي زجهها قدام الناس جي تقولي هذا عادي صدقوني قساوة الحياة وصعوبتها تخلي الانسان يولي وحش رغما عنه
وكي كنت نقري في الثانوية كنت ديما كي نخرج نلقاه يدور تما ونبدل الطريق باش مايشوفونيش صحاباتي ويكتاشفو بلي عندي اخ مجنون كنت نجوز من وحد الزنقة خطييرة فيها غير لامافيا اي واحد يجوز من تما يسرقولو اي حاجة رفدها وشحال من خطرة سرقولي صوالحي بصح خير مانجوز مالطريق لي يدور فيها هذاك نتفادي يشوفوني معاه الناس مايشرفنيش يكون عندي اخ مهبول مبهدل شكلا ومضمونا مستحيييل نعتارف بيه ولا نتقبلو كاخ من ساااابع المستحيلات وصديقاتي دايما يعرضوني لديارهم وكي يجي الدور عليا نتهرب ونلقا السبايب خاطش هاذي ماشي حالة نجيب ليها صحاباتي ومن كثرة الضغوطات و الاحراج لي تعرضت ليها اضطريت نقطع جمييع علاقاتي حتي مع العائلة ما نحضر لا اعرااس ولا جنازات تفاديات لنظرات الناس واسئلتهم الجارحة نحقر روحي كي نشوف صحاباتي وبنات العائلة عندهم اخوانهم يزوخو بيهم وكي تكون تجمعات عائلية اي واحد يدخل يبداو يتغزلو بيه ها جا السبع ها جا لبوقوس نتاع العايلة ها جا الشباب تعنا اما انا كي يدخل خويا يبداو يخزرو فيه بنظرات ساخرة ومستهزءة وانا نخبي راسي بين كتافي كي الفكرون حسبي الله ونعم الوكيل حابة نفهم برك اين العدل في هذه الدنيا واش درنا في حياتنا باش نستاهلوهاذ الشي ابتلاء ليس له فرج ابدا ابدا
اصبحت وحيدة ومعقدة نفسيا لا استطيع مقابلة الناس ولا تكوين علاقات اصبحت اخاف الفضائح ولم اعد اقوي علي تحمل المزيد
كرهت حياتي وكرهت كل من حولي فقدت طعم الحياة وفقدت الامل في كل شيئ خاصة موضوع الزواج الذي كنت احلم به من صغري ليس لان الزواج هو كل شيء هدفي هو تكوين اسرة هادئة اجد فيها الهدوء والحنان الذي لم اجده في عائلتي المتشتته منذ نشاتها جميع لي حكيتلو قالي الحل الوحيد هو نستقل بحياتي يعني نروح نعيش وحدي وندير حياتي بعيد علي عائلتي
واليوم جاتني فرصة من ذهب عندي صديقة في فرنسا عايشة وحدها بعد ما تطلقت من زوجها وماعندهاش ولاد اقترحت عليا نروح نعيش تما طبعا هي عارفه ظروفي خممت ولقيت بلي هاذا هو الخلاص من مشكلة هاذي لمهم لقيت دار تلمني تبقي الخدمة ساهلة ولله يالوكن ننظف المراحض بعد ما كنت ادارية في شركة كبيرة هنا عادي المهم نتهني من هذاك البخس رح نعطي اخر فرصة لوالديا باش يحطو هذاك في مصحة واذا ما قبلوش نرفد قشي ونروح بلا رجعة هكذ مانكونش ظلمتهم هاذ المرة ما نرحم حتي واحد خاطش انا وحد مارحمني سابقا ومن اليوم فصاعدا نولي نخمم غير في مصلحتي وبس رح نخيرهم بيني وبين هذاك متاكدة يختاروه هو هاذي ما عندي فيها شك ابدا اما اختي الصغري نصحتها دير فيزا ديتود مادامها جامعية علي الاقل مايروحش مستقبلها مثل الكبيرة هذيك وانا ندير حياتي وربما نتزوج ودير عائلة هادئة خاتش لوكان نبقي هنا نجيب سبعين سنة في دارنا متاكدة من هاذ الشي حابه نعيش حيااتي بهدوء ونعيش حياتي بلا خوف سبحان الله حتي نهار العيد جامي جوزتو كيما قاع الناس كل يوم العيد نوض بكري عالسبعة نتع الصبح نخرج ومانوليش حتي يطيح الليل هاذ الشي كامل باش ما نحضرش تبهدايل نتاع الحيوان موالف يدير صدع قدام الناس نخرج فالظلام وندخل فالظلام كيما السراق
عشت حياة صعبة جدا والله مانتمناها حتي لاعدائي مستحيل ننسي لي عشتو في دارنا خصوصا نهار الخطبة نتاع اختي والله هذاك اسوا يوم في حياتي سبحان الله كيفاش كانت قوية لوكان انا لي صرالي هكذاك راني نتحرت مباشرة غير تبهدايل لي ما نقدرلهمش ومشاكلنا ماشي غير في هاذ الاخ المختل هناك مشاكل اخري مثل والدي اللي دمرنا نفسيا وكرهلنا حياتنا والله لوكان نكتبها هنا الاغلبية ماراحش يصدقو بصح مراحش نصدعكم اكثر
متاكدة لي يقرا حكايتي يتهجم عليا ويقول عليا انانية وما عندهاش رحمة في قلبها بصح صدقوني ماشي كيف كيف كي تشوف المشكل من بعيد وكي تكون في صلب المشكلة وكيما يقولو مايحس بالجمرة غير للي كواتو نتحدي اي طفلة هنا تحط نفسها في موقف اختي نهار لي يجو يخطبوها يجي اخوها يبزق علي زجهها قدام الناس جي تقولي هذا عادي صدقوني قساوة الحياة وصعوبتها تخلي الانسان يولي وحش رغما عنه
آخر تعديل بواسطة المشرف:
