"الشوافة" شرك بالله ....

[♡كارينا♡]

السلام عليكم...
جيت نهدر عالشوافات ربي يحفظنا منهم .زعما الدنيا خلات قعدت غير الشوافة نحوس عالمصايب هههههه
المهم جيت نهدر على هديك لي وسمها لشوافة لي يقصدوها تشوفلهم المستقبل هههه جهل ....

ايا تلقى وحدة تكركر في شكارة معبيتها من كل الانواع سلك خشب شعر حجر حديد صباط راجلها تريكو وليدها تسقسيها يا لمصيبة وين رايحة تقلك لشوافة هههه وانا حاسبة رايحة ترمي الزبلة معناتو يادرى بيت لشوافة هداك كيفاش داير مكب نفايات وقيلة .
حكمني الفضول الله يستر غدوة نروح نجري كاش مانلقى شوافة نروح معاها هههههه
هديك لشوافة تقلك اعطيني ايدك لدروات نشوفلك مستقبلك اووه هادي خطيرة راني نشوف رايح تولي جنرال وهي حاكمة ايدك لgوش هههه
تلقاها تبلعط في هدوك لبنات لمساكن تحكم وحدة تقطعلها شعرها وتخبشلها وجها وتقولها روحي غدوة يجيك يخطبك جورج كلوني ولاتوم كروز يا والله من عندي سعيد تاع الباطيمات ومايجيش لاقعدتي موسوسة هاك .....
ولي تقولها جيبيلي مرميطة بوزلوف ومهراس زفيطي باش نشوفلك مستقبلك مليح وتبدا تبلعط وتقولها راهي حاسدتك جارتكم العورة تاع الدورة و هديك لمسكينة معندهاش قاع دورة بصح لانو ليروحو للشوافة غير حمير حشاكم تبلعطها وتقولها راني نعرف المستقبل وفي المستقبل رايح بوتفليقة يديرلكم مشروع بناء دورة حذاكم هههههه
وهداك لروح ليها ويقولها شوفيلي نتزوج وحدة شابة ولا والو هههه علاش تخدم مع ربي هديك الشوافة والله شرك بالله هدا لايعلم الغيب الا الله .....
ولي يقولها شوفيلي وقتاه نموت تقولو اعطيني زوج ملاين ومن عندي gرانتي قاع ماتموتش ياوو روح روح طامع يخلد هههههه
تحير من هدوك الناس كيفاش يصدقوها هديك لشوافة وهي حتى شعرها ماشي تمشط فيه والكحل تاعها ديما يشرشر تقول شبح تشوفها تولي تجري 300كيلو في ساعة ويروحو يقعدوا معاها وحدهم لاخوف ولا هم يحزنون انا لوكان نشوفها في راس الزقاق من الخلعة تلقاوني في غار حراء ههههههه اذا كاش ماكاين شوافة راهي تقرا نقولها اسمحيلي الله غالب لساني فايتني وروحي شوفي حاجة مليحة لعمرك واخطيك من لحرام لراكي ديري فيه ..والله نقولكم حاجة انا مانلومش هديك لشوافة قافزة تغضي في صوالحها ودخل في الدراهم ..نلوم هدوك الحمير حشاكم ليأمنو بيها ويروحو ليها يشوفو مستقبلهم علاش مزروبين يا خاوتي استناوو المستقبل يجيكم وتكرهو منو واش فايتكم
وانا والله جامي شفت الشوافة هادي ماعلبليش اذا صح كاين منها ولا خرافة وان شاء الله مانشوفهاش .. ..وهادي هيا ..




اسمحيلنا ختنا لشوافة خانوم وروحي شوفي خدمة تاع حلال شريفة تنفعك دنيا واخرة وربي يهدينا ....
في امان الله

 

[♡كارينا♡]

ميرسي على المساعدة اخي المشرف

 

[السلطانة]

وعليكم السلام

ههههه فكرتيني في سباب خلاه السحارات
وحد لغناية تاع بكري شوي هههه

الناس ايمانها ماكانش يااختي ومازالو يجريو ورى الدنيا
كون ماش غير يشوفو الشوافة لعمارهم برك يشوفوها باه يديرو السحور ويضرو الناس
السحر والشرك بالله من الكبائر ياويلهم

ههههه كي عاد فيها مهراس زفيطي
غدوة نخدم واحد ونجيكم للجلفة

ربي يسترنا

تحياتي

 

[♡كارينا♡]

اهلا وسهلا اختي ام ياسمين انا هدرت برك على ليشوفو مستقبلهم هدوك تاع السحور ربي يحففظنا وحدهم كامل مانهدرش عليهم كي تخلى يحكموني يبشبشوني يا ويلي راني نشوف ست زورا التحت ربي يستر الهربة تسلك هههههه
وانتي تجيني للجلفة تحوسي عالشوافة ياه ماتلقيهاش والله قلبت الجلفة حابة نحكم وحدة نغسلها ونمصمصها ومالقيتش والله مالقيت ..نقولك هداك الزفيطي اعطيهلي ورانا منتفاهمين نلقي لشوافة نجيبهالك ههههههه
اهلا وسهلا بك في الجلفة في اي وقت
مشكووورة على المرووور

 

[Salah eddin]

السلام عليكم
و الله كاين امور يحير الواحد منها
شني هذي الشوافات ؟ ..او القزانات ...
راهم صح يامنو بامور كيما هاك
و الله هذا شرك بالله و كاين انواع و انواع من هذو ..لي يضربو الكارطة و لي يضربو هذاك البخور و غيرهم ياسر
ولي قالتلهم اسكتو ..الناس لي يقصدو هذو المشعوذين ..كي تقلو وش راك ادير ؟ يقلك ها راها ق ضيقة روح او خاطر
يا جماعة راه شرك بالله اتقوا مولاكم
الله يهدي و خلاص
شكرا على موضوعك ​

 

[Lila 22]

السلام عليكم...
جيت نهدر عالشوافات ربي يحفظنا منهم .زعما الدنيا خلات قعدت غير الشوافة نحوس عالمصايب هههههه
المهم جيت نهدر على هديك لي وسمها لشوافة لي يقصدوها تشوفلهم المستقبل هههه جهل ....

ايا تلقى وحدة تكركر في شكارة معبيتها من كل الانواع سلك خشب شعر حجر حديد صباط راجلها تريكو وليدها تسقسيها يا لمصيبة وين رايحة تقلك لشوافة هههه وانا حاسبة رايحة ترمي الزبلة معناتو يادرى بيت لشوافة هداك كيفاش داير مكب نفايات وقيلة .
حكمني الفضول الله يستر غدوة نروح نجري كاش مانلقى شوافة نروح معاها هههههه
هديك لشوافة تقلك اعطيني ايدك لدروات نشوفلك مستقبلك اووه هادي خطيرة راني نشوف رايح تولي جنرال وهي حاكمة ايدك لgوش هههه
تلقاها تبلعط في هدوك لبنات لمساكن تحكم وحدة تقطعلها شعرها وتخبشلها وجها وتقولها روحي غدوة يجيك يخطبك جورج كلوني ولاتوم كروز يا والله من عندي سعيد تاع الباطيمات ومايجيش لاقعدتي موسوسة هاك .....
ولي تقولها جيبيلي مرميطة بوزلوف ومهراس زفيطي باش نشوفلك مستقبلك مليح وتبدا تبلعط وتقولها راهي حاسدتك جارتكم العورة تاع الدورة و هديك لمسكينة معندهاش قاع دورة بصح لانو ليروحو للشوافة غير حمير حشاكم تبلعطها وتقولها راني نعرف المستقبل وفي المستقبل رايح بوتفليقة يديرلكم مشروع بناء دورة حذاكم هههههه
وهداك لروح ليها ويقولها شوفيلي نتزوج وحدة شابة ولا والو هههه علاش تخدم مع ربي هديك الشوافة والله شرك بالله هدا لايعلم الغيب الا الله .....
ولي يقولها شوفيلي وقتاه نموت تقولو اعطيني زوج ملاين ومن عندي gرانتي قاع ماتموتش ياوو روح روح طامع يخلد هههههه
تحير من هدوك الناس كيفاش يصدقوها هديك لشوافة وهي حتى شعرها ماشي تمشط فيه والكحل تاعها ديما يشرشر تقول شبح تشوفها تولي تجري 300كيلو في ساعة ويروحو يقعدوا معاها وحدهم لاخوف ولا هم يحزنون انا لوكان نشوفها في راس الزقاق من الخلعة تلقاوني في غار حراء ههههههه اذا كاش ماكاين شوافة راهي تقرا نقولها اسمحيلي الله غالب لساني فايتني وروحي شوفي حاجة مليحة لعمرك واخطيك من لحرام لراكي ديري فيه ..والله نقولكم حاجة انا مانلومش هديك لشوافة قافزة تغضي في صوالحها ودخل في الدراهم ..نلوم هدوك الحمير حشاكم ليأمنو بيها ويروحو ليها يشوفو مستقبلهم علاش مزروبين يا خاوتي استناوو المستقبل يجيكم وتكرهو منو واش فايتكم
وانا والله جامي شفت الشوافة هادي ماعلبليش اذا صح كاين منها ولا خرافة وان شاء الله مانشوفهاش .. ..وهادي هيا ..




اسمحيلنا ختنا لشوافة خانوم وروحي شوفي خدمة تاع حلال شريفة تنفعك دنيا واخرة وربي يهدينا ....
في امان الله

السلام عليكم...
جيت نهدر عالشوافات ربي يحفظنا منهم .زعما الدنيا خلات قعدت غير الشوافة نحوس عالمصايب هههههه
المهم جيت نهدر على هديك لي وسمها لشوافة لي يقصدوها تشوفلهم المستقبل هههه جهل ....

ايا تلقى وحدة تكركر في شكارة معبيتها من كل الانواع سلك خشب شعر حجر حديد صباط راجلها تريكو وليدها تسقسيها يا لمصيبة وين رايحة تقلك لشوافة هههه وانا حاسبة رايحة ترمي الزبلة معناتو يادرى بيت لشوافة هداك كيفاش داير مكب نفايات وقيلة .
حكمني الفضول الله يستر غدوة نروح نجري كاش مانلقى شوافة نروح معاها هههههه
هديك لشوافة تقلك اعطيني ايدك لدروات نشوفلك مستقبلك اووه هادي خطيرة راني نشوف رايح تولي جنرال وهي حاكمة ايدك لgوش هههه
تلقاها تبلعط في هدوك لبنات لمساكن تحكم وحدة تقطعلها شعرها وتخبشلها وجها وتقولها روحي غدوة يجيك يخطبك جورج كلوني ولاتوم كروز يا والله من عندي سعيد تاع الباطيمات ومايجيش لاقعدتي موسوسة هاك .....
ولي تقولها جيبيلي مرميطة بوزلوف ومهراس زفيطي باش نشوفلك مستقبلك مليح وتبدا تبلعط وتقولها راهي حاسدتك جارتكم العورة تاع الدورة و هديك لمسكينة معندهاش قاع دورة بصح لانو ليروحو للشوافة غير حمير حشاكم تبلعطها وتقولها راني نعرف المستقبل وفي المستقبل رايح بوتفليقة يديرلكم مشروع بناء دورة حذاكم هههههه
وهداك لروح ليها ويقولها شوفيلي نتزوج وحدة شابة ولا والو هههه علاش تخدم مع ربي هديك الشوافة والله شرك بالله هدا لايعلم الغيب الا الله .....
ولي يقولها شوفيلي وقتاه نموت تقولو اعطيني زوج ملاين ومن عندي gرانتي قاع ماتموتش ياوو روح روح طامع يخلد هههههه
تحير من هدوك الناس كيفاش يصدقوها هديك لشوافة وهي حتى شعرها ماشي تمشط فيه والكحل تاعها ديما يشرشر تقول شبح تشوفها تولي تجري 300كيلو في ساعة ويروحو يقعدوا معاها وحدهم لاخوف ولا هم يحزنون انا لوكان نشوفها في راس الزقاق من الخلعة تلقاوني في غار حراء ههههههه اذا كاش ماكاين شوافة راهي تقرا نقولها اسمحيلي الله غالب لساني فايتني وروحي شوفي حاجة مليحة لعمرك واخطيك من لحرام لراكي ديري فيه ..والله نقولكم حاجة انا مانلومش هديك لشوافة قافزة تغضي في صوالحها ودخل في الدراهم ..نلوم هدوك الحمير حشاكم ليأمنو بيها ويروحو ليها يشوفو مستقبلهم علاش مزروبين يا خاوتي استناوو المستقبل يجيكم وتكرهو منو واش فايتكم
وانا والله جامي شفت الشوافة هادي ماعلبليش اذا صح كاين منها ولا خرافة وان شاء الله مانشوفهاش .. ..وهادي هيا ..




اسمحيلنا ختنا لشوافة خانوم وروحي شوفي خدمة تاع حلال شريفة تنفعك دنيا واخرة وربي يهدينا ....
في امان الله

إنه شرك بالله
الله يتوب علينا أجمعين

 

[حكاية قمر]

السلام عليكم
هذا راجع لنقص الدين
الله يهدي ماخلق بحال كيطل ع مستقبله شا غادي يغير ياك كل شيء مكتوب وثاني كذب المنجمون ولو صدقوا

 

[الصحافية الساخرة]

السلام عليكم ورحمة الله
خوفتينييي تعرفي كلشي على الماتريال تاع الشوافة وكيفاه تخدم وزيد تعرفي واش من يد تقراه ياخي قزانة ياخي هههههه
ربي يهدي الشوافاات واللي يروحو عندهم انا برك حبيت نقلهم حاجة "خلوووا القبور نفشتوهم كاامل خلوا الموتى براحتهم" ياخي قريبيجبدوا ميت ويبخروا بيه ويقولك كان عندو زهر ودراهم غادي تولي مزهور ومعمر دراهم
ربي يهدي كل شوافة ويبعدنا من عمالها
جهلت الناس ولات تجري تقرالها
المكتوب مايتبدلش بكتاباتها
واش من عقل يخدم فدماغها وفاللي تابعينها
تقبلي مروري يا قزانةالمنتدى

 

[rycerz]

الهبلة الكبيرة لمّا تشوف الراجل يدّي مرتو لهاذوك المشبوهين من شوافات و قزانات و مرابطين و ما نعرف واش
كاينة حكاية صرات جيهتنا .. واحد دا مرتو لواحد لمرابط .. أيا هي كانت شوية ما نعرف واش بيها مريضة و موسوسة و ديموراليزي آزيرو .. بعد ما خرجت من عندو قال لراجلها عاود جيبهالي مرّة أخرى راني مازلت ما صفِيتهاش (!!!!!!) .. و فالمرة الثانية بدا لمرابط يخدم في عقل لمرا و بدا يقولها : مرا شابة كيما نتي قاعدة مع واحد مهرمل و مفريني كيما راجلك ، هو لي هبلك و دخلك فالتوسويس .. و من بعد خرجهالها ديراكت و قالها راكي عجبتيني بزّاف بزّاف أخطيك من راجلك روحي لدار يمّاكم و أطلبي الطلاق و كي تفرقوها أنا ندّيك و نعيشك معيشة لي تبغيها !!!!!! ....
---
هل تعلمون النتيجة ؟؟؟
---
نعم هو كذلك كما تخيلتم ... غير خرجت من عندو طلبت من راجلها يديها لمواليها .. من بعد دارتها كيما قالها لمرابط ، وَعْصت لراجلها و تمردت عليه حتّى طلقها و هو يحسب أنو من بعد رايحة ترجع تبكي و تجري وراه .. بعد 4 شهور لحقو خبر زواجها بالمرابط .. !!!!!! ... (ههههه)
السيد راح رفع قضية في المحكمة على أساس أنو لمرابط فسّد عليه مرتو ...
و قعدت القضية رايحة جاية .. لمرابط الخبيث يكسر القضية و هذاك لحمار يعاود يستأنف .. و لمرا راهي عند لمرابط (...) .. و لحمار قلبو شاعلة فيه النار (ههههه) ... أما القاضي في كل جلسة شابع ضحك على القصة (هههههه).
----
للتأكيد : هذه القصة حقيقية و واقعية و يعرفها الجميع الخاص و العام في جهتنا​

 

[Malika Tlm]

السلام عليكم
صدقيني اختي اقشعر بدني ونغميت
صح الشوافات ولا القزانات يا لطييييف منهم يارب تبعدهم من طريقنا
الشيطان عاميهم ويخدم معاهم
والكارثة تلقاي ناس قاريين مشقفين هههه يروحوا عندهم
وتحط دراهمها بكل سهولة
هذا كلشي راجع للوازع الديني لي راهع ناقص عند بزاف ناس
ربي يهديهم لطريق الحق يارب
فيقوا يا ناس يا غافلين وخصوصا النساء
تحياتي لك

 

[أم أُنٌَيسة]

السلام عليكم و رحمة الله تعالى و بركاته
اكيد الشوافات غالطين لكن المشكل في المتعلمين بتوع المدارس كيما قال عادل امام اللي قراو في المدارس و يعرفو كل شيء و يروحو عندهم
المشكل في الجزائر موش في اللي يديرو في العيب والحرام بل في اللي يتبعهم و يزيد يروح عندهم كل شيء
ربي يهدينا و يبعدنا و يبعدهم علينا ان شاء الله

السؤال
ماحكم قراءة الأبراج علماً بأنها لا تتنبأ بالغيب بل تخبر بشخصية الإنسان وسلوكه وتصرفاته وميوله فقط ؟ وهل تعتبر من التنجيم ؟.
الإجابــة​

الحمد لله والصلاة والسلام على رسول الله وعلى آله وصحبه أما بعد:
فاعلم أن قراءة الأبراج ونحوها كقراءة الفنجان، والكف من الأمور المحرمة التي جاء الإسلام بإبطالها والتحذير منها، وهي من أعظم المنكرات التي حرمها الله ورسوله، وهذه الأمور مبنية على الوهم والدجل، وقد جاءت جملة من الأحاديث عن نبينا صلى الله عليه وسلم تحذر من هذا الفعل، وتبين عقوبة من يتعاطاه، من ذلك ما رواه أبو داود بإسناد صحيح عن ابن عباس أن النبي صلى الله عليه وسلم قال: "من اقتبس شعبة من النجوم فقد اقتبس شعبة من السحر زاد ما زاد."
وفي سنن النسائي من حديث أبي هريرة: "ومن تعلق بشيء وكل إليه". وهذا يدل على أن من تعلق بشيء من أقوال الكهان والعرافين وكل إليهم، وحرم من توفيق الله وإعانته.
وفي صحيح الإمام مسلم عن النبي صلى الله عليه وسلم قال: "من أتى عرافاً فسأله عن شيء لم تقبل له صلاة أربعين يوماً"، وهذا في مجرد المجيء أما إذا صدقه بما يقول فوعيده أشد من ذلك، فقد روى أهل السنن الأربعة: "من أتى كاهناً فصدقه بما يقول فقد كفر بما أنزل على محمد" وذلك لأنه مما أنزل على محمد قوله تعالى: ( قل لا يعلم من في السموات والأرض الغيب إلا الله )[النمل:65] وقوله تعالى: ( عالم الغيب فلا يظهر على غيبه أحداً* إلا من ارتضى من رسول ) [الجن 26،27] وفي حديث آخر رواه البزار بإسناد صحيح: " ليس منا من تطير أو ُتطير له، أو تكهن أو ُتكهن له. " والتكهن هو: التخرص والتماس الحقائق بأمور لا أساس لها.
فعلى المسلم أن يدع هذه الأمور الجاهلية ويبتعد عنها، ويحذر سؤال أهلها أو تصديقهم، طاعة لله ولرسوله، وحفاظاً على دينه وعقيدته.

والله الهادي إلى سواء السبيل.​

بارك الله فيكي و جزاكي خيرا غاليتي
دمتي ودام تميزكي
تحياتي احترامي و تقديري​