واش ندير باش يتسقم زهري

[بشرى ملاك]

سلام يا اخوتي الكرام
اليوم حكمتني واحد القنطة عمرها ما سرات على زهري لمعوج غايضني الحال بزاف على روحي والله يا جماعة نعامل الناس بمنتهى الطيب ونساعد بلي نجم عليه ولي يشتكيلي مانهناش حتى نحله مشكلته واول ماتنحل مشاكلهم وتضحكليهم الدنيا يفوتوني كيلي جامي عرفوني........
كيما اهل زوجي نعاملهم كيما نعامل دارنا بدون تفريق وهما يعاملوني على اني دخيلة بيناتهم برانية عليهم......
في خاطري تكون عندي صديقة تبغيني وتزورني وتخاف عليا وتسقسي عليا والله والله ماعندي صديقة خاطرش لي نحسبها صديقة نلقاها عدوة.......
حتى خواتاتي نحسهم مايبغوش كي ننصحهم ونوريهم صلاحهم حتى وليت مانروحش دارنا نقعد في داري وحدي ومانروحش نسمع كاش كلمة....
بلا المشاكل لي ديمة عندي ولي نبغي نديرها تتعكسلي مافهمت والو وعلاه قاع هاد شي مالغري والله ما نآدي ناس بالعكس نتمنالهم الخير...
سمحولي صدعتكم بصح ما لقيت غير هاد المنتدى لي نشكيله ونفرغ شويا

 

[آمِيْرَتُه]

السلام عليك
ربي يفرج على آختي
رجعت الناس متتقبلش النصيحة وكي تنصحيهم يقولك بديتي تفتي علينا
أنا تبان ليا تربحي راحتك أحسن متصدعي روحك
إن شاء الله ربي يعوضك ما أحسن منهم
و عن عالة زوجك ديري في راسك أن الكنة تبقى كنة طول حياتها عمرها ماترجع بنتهم

 

[Salah eddin]

السلام عليكم
و الله يا اختي ما عرفت وش نقلك
هذي الامور ممكن راها مع اغلب الناس
حكاية الاصدقاء يولو عداين و كذا
اما الامور الزوجية..هذيك قسمة و نصيب
و الله يجيب الخير و خلاص
ننصحك بالصبر و التوكل على الله و الدعاء
و
السلام
​

 

[ramiusma]

الدعاء والاستغار

 

[زاد الرحيل]

يا اختي الطيبة اعلاه قلقانة احتفضي بطيبتك و خلي كل واحد و هواه اهل الرجل دائما هكذا ميحبوش زوجة ابنه كيعاد احسوا بلي دات لهم ولدهم و متقوليش كلمة الزهر المعوج لان ربي يغضب منك كوني دائما طيبة احسن ما تكوني شريرة و العياذ بالله اكيد راح تلقاي واحدة مثلك تفهمك و تفهميها و الناس الملاح كاينين لكن لازم تعرفي تختاري الاشخاص
الطيبة نعمة اعطهالك ربي حافضي عليها

 

[cosette]

السلام عليك
اختي الكريمة ...بشرى ملاك
لكل مشكلة عويصة حل بإذن المولى لأنه بشرنا بذلك في الكثير من الأيات
يأختي إن لم يحبك أحد فاعلمي ان الله يحبك ولن يتخلى عنك مادمتي تصيرين عليه بالصلاة والقرآن
وأعلمي ان كنت مخطئة او لا فان الله يرى الأعمال ويرفعها
وإستعيني بالدعاء

(( اللَّهُمَّ مَا رَزَقْتَنِي مِمَّا أُحِبُّ فَاجْعَلْهُ قُوَّةً لِي فِيمَا تُحِبُّ اللَّهُمَّ ))
وقال سبحانه وتعالى في محكم التنزيل
﴿يَا أَيُّهَا الَّذِينَ آَمَنُوا اسْتَعِينُوا بِالصَّبْرِ ﴾

[ سورة البقرة: 153 ]
وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ*الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ*أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ ﴾

[ سورة البقرة: 155-157
لذأ اختي أعلمي ان الله يعلم كل شيء
أختك في الله.

 

[ammmmoula]

يا اخت بشرى والله اسمك كله تفائل ماتقنطيش روحك العيب ماشي فيك راه في هاد الناس لي ولات النصيحة عندهم فضيحة ولي يقول صح راسو يتنح ربي يهديهم ويهدينا

 

[Amira28]

اولا استغفري الله ثانيا روحي صلي ركعتين وادعي ربي يفرج عليك واختي اكثري من الاستغفار وثقي بالله سبحانو

 

[بقايا إنسان]

سلام الله عليكم اختنا الكريمة وبعد:خذيها نصيحة من غريب وليس أخذ النصح من غريب بعجيب فأقول وبالله التوفيق:إذا فعلتي معروفا مع أحد أو أحسنتي اليه فاحتسبيه لوجه الله ولا تنتظرمن ذاك الشخص مقابل وربما سترين منه العكس لكن معرفكي لوجه الله لن يضيع بل ويضاعف الحسنة بعشر امثالها .أعتقد انك بعد الان ستراجعين نيتكي ومعاملاتكي مع الناس جميعا
ومن قبل منك النصح فلنفسه ومن رفض فلا يلومن الا نفسه ولا تثريب عليك ما عليك اديتيه محتسب لوجه الله ,أما فيما يخص زهرك كيما قلتي فنصيحتي ليك اهجريه وهو يطلبك وحدوبلا ما تقيميه خذي الامور ببساطة وقول لما يقضى الامر:قدر الله ماشاء فعل
سلام

 

[الصحافية الساخرة]

السلام عليكم ورحمة الله
ربي يفرج عليك ويهنيك ويعوضك بما هو خير
نبداو بالدعاء دائما اتعلمين لماذا ؟ لان الله هو فقط سبحانه المعين القريب السميع المجيب
ليس سواه نرجوا رحمته
اختي اكيد لازم تفرغي قلبك وتهدري كلشي لكن
نقولك كيفاه ؟ دوم نقولك قبل حاجة ؛ انا كنت مثلك منذ مدة نبكي ونقول علاه ونعيي فراسي
ووةوو مي خلاااص محال نبقاو هكا فشلانين عيانين وحزان لااااا
شوفي ختي راكي بحال اختي مالغري منعرفكش غير هذا وين وراني قريت كل حرف كتبتيه وحسيت بيك واكيد ما رايحاش نحس بواش تحسي انتي خاطر منيش عايشة واش عايشتيه مي نقدر نعاونك ولو بكلمة طيبة
خممي مع روحك مليييح تلقاي بلي والو ما يستاهل ؛ مثلا نعطيك مثال ؛ تلقاينا نخمموا فبزاف حوايج كيما الخدمة وووو ونن بعد زواج ولازمنا نديروا كل شي في بعضه والى ما صلحتش نحزنواا واش الفايدة ؟ ها مثلا درت كل شي وراك لباس وووو ومن بعد ؛ زعما رايحين نخلدوا كلشي يفنى ومندوا معانا والو
هكاك انتي ها زعما ولاو يحبوك ووو واش رايحة تدسري بمحبتهم يذخلوك للجنة يدعولك غدوا مثلا كي تولي تحت التراب ؛ ها اختي يحبك ربي ويرضى عليك هذيك هي ؛ وتان تعلمي متقيميش لي ماهوش مقيمك ؛ انا تان كانوا عندي زوج صحابات وعشرة سنين وكي طلعوا للجامعة نساوني وتبدلوا صح غاضتمي فالاول مي ما رضيتش هذي الحالة لنفسي كنت نقيمهم ونحوس عليهم مي حطيت فبالي من بعد خلاص تجاهل انسى ولاو يا اختي يحوسوا عليا ومنهتمش بردوا من القلب وليت نقولهم السلام ونعدي ودوك بعدتهم واشتاقوني خاطر لقاو بلي ضيعوا الناس اللي حبوهم وكانوا بنية طيية معاهم هذي هي ؛ عيشي حياتك شوفي حاجة تشغلك عليهم ؛ متضيعيش روحك ؛ وكل ما تحسي روحك ماشي مليحة شدي قلم وورقة وخربشي واش تحبي اكتبي كل شي مقلقك
واكتبي اسامي اللي زعجوك واشطبي عليهم واحرقي كل كلمة اكتبتيها وتنفسي حتى تريحي وتشوفي بلي ترتاحي باذن الله ؛ وكل ما تصرالك حاجة فابحياة وتصادفك اذخلي لمنتدى واش راك تهدر وانفجري فيه احكي وابدعي وضحكينا وفيدينا هكا وتشوفي تلقاي راحتك
نتمنى تشدي في راسك واش قلتلك
وراني هنا هتك وصاحبتك وفكل وقت ديريلي اشارة كي تتعبي نجي نجري ليك ههههه

 

[بشرى ملاك]

السلام عليكم ورحمة الله
ربي يفرج عليك ويهنيك ويعوضك بما هو خير
نبداو بالدعاء دائما اتعلمين لماذا ؟ لان الله هو فقط سبحانه المعين القريب السميع المجيب
ليس سواه نرجوا رحمته
اختي اكيد لازم تفرغي قلبك وتهدري كلشي لكن
نقولك كيفاه ؟ دوم نقولك قبل حاجة ؛ انا كنت مثلك منذ مدة نبكي ونقول علاه ونعيي فراسي
ووةوو مي خلاااص محال نبقاو هكا فشلانين عيانين وحزان لااااا
شوفي ختي راكي بحال اختي مالغري منعرفكش غير هذا وين وراني قريت كل حرف كتبتيه وحسيت بيك واكيد ما رايحاش نحس بواش تحسي انتي خاطر منيش عايشة واش عايشتيه مي نقدر نعاونك ولو بكلمة طيبة
خممي مع روحك مليييح تلقاي بلي والو ما يستاهل ؛ مثلا نعطيك مثال ؛ تلقاينا نخمموا فبزاف حوايج كيما الخدمة وووو ونن بعد زواج ولازمنا نديروا كل شي في بعضه والى ما صلحتش نحزنواا واش الفايدة ؟ ها مثلا درت كل شي وراك لباس وووو ومن بعد ؛ زعما رايحين نخلدوا كلشي يفنى ومندوا معانا والو
هكاك انتي ها زعما ولاو يحبوك ووو واش رايحة تدسري بمحبتهم يذخلوك للجنة يدعولك غدوا مثلا كي تولي تحت التراب ؛ ها اختي يحبك ربي ويرضى عليك هذيك هي ؛ وتان تعلمي متقيميش لي ماهوش مقيمك ؛ انا تان كانوا عندي زوج صحابات وعشرة سنين وكي طلعوا للجامعة نساوني وتبدلوا صح غاضتمي فالاول مي ما رضيتش هذي الحالة لنفسي كنت نقيمهم ونحوس عليهم مي حطيت فبالي من بعد خلاص تجاهل انسى ولاو يا اختي يحوسوا عليا ومنهتمش بردوا من القلب وليت نقولهم السلام ونعدي ودوك بعدتهم واشتاقوني خاطر لقاو بلي ضيعوا الناس اللي حبوهم وكانوا بنية طيية معاهم هذي هي ؛ عيشي حياتك شوفي حاجة تشغلك عليهم ؛ متضيعيش روحك ؛ وكل ما تحسي روحك ماشي مليحة شدي قلم وورقة وخربشي واش تحبي اكتبي كل شي مقلقك
واكتبي اسامي اللي زعجوك واشطبي عليهم واحرقي كل كلمة اكتبتيها وتنفسي حتى تريحي وتشوفي بلي ترتاحي باذن الله ؛ وكل ما تصرالك حاجة فابحياة وتصادفك اذخلي لمنتدى واش راك تهدر وانفجري فيه احكي وابدعي وضحكينا وفيدينا هكا وتشوفي تلقاي راحتك
نتمنى تشدي في راسك واش قلتلك
وراني هنا هتك وصاحبتك وفكل وقت ديريلي اشارة كي تتعبي نجي نجري ليك ههههه

والله فرحتيني الله يفرحك ان شاء الله
والله العظيم راني لاقية غير هاد اللمة ليمفرجة عليا
غير واش الواحد دي فوا تتلاحق عليه عندي اكتئاب الحمل وزيد المشاكل ديجا طرحت مشكلتي في منتدى قانوني ستنيت محامي يجاوبني والو
تخيلي الحمل وناس لي يلقاوني وانا لا ولمشاكل وتشومير كيفاش يكون مورالي مليح!!!!!!
وهاك ودايما حامدة ربي واش عطاني
شكرا ليك اختي ربي يحفظك ويفرج على كل مغبون

 

[بشرى ملاك]

سلام الله عليكم اختنا الكريمة وبعد:خذيها نصيحة من غريب وليس أخذ النصح من غريب بعجيب فأقول وبالله التوفيق:إذا فعلتي معروفا مع أحد أو أحسنتي اليه فاحتسبيه لوجه الله ولا تنتظرمن ذاك الشخص مقابل وربما سترين منه العكس لكن معرفكي لوجه الله لن يضيع بل ويضاعف الحسنة بعشر امثالها .أعتقد انك بعد الان ستراجعين نيتكي ومعاملاتكي مع الناس جميعا
ومن قبل منك النصح فلنفسه ومن رفض فلا يلومن الا نفسه ولا تثريب عليك ما عليك اديتيه محتسب لوجه الله ,أما فيما يخص زهرك كيما قلتي فنصيحتي ليك اهجريه وهو يطلبك وحدوبلا ما تقيميه خذي الامور ببساطة وقول لما يقضى الامر:قدر الله ماشاء فعل
سلام

شكرا اخي
مشكلتي قلبي حنين بزاف ومهما خسرو معايا ماشي حقودية بالعكس هاد الناس لي يفوتوني لوكان يعاودو يسحقوني يلقاوني ويعاودو تاني يفوتوني بمجرد مانحليهم المشاكل تاعهم وانا مشاكلي نحلها وحدي هههههه
المهم كيما قلت لوجه الله وخلاص نوصل قاع نحلف ماندخلش روحي ومانقدرش نشوف مغبون ونسكت الله غالب انا هاك حساسة
خلاصة القول الله يعطينا على حساب قلوبنا برك

 

[الصحافية الساخرة]

والله فرحتيني الله يفرحك ان شاء الله
والله العظيم راني لاقية غير هاد اللمة ليمفرجة عليا
غير واش الواحد دي فوا تتلاحق عليه عندي اكتئاب الحمل وزيد المشاكل ديجا طرحت مشكلتي في منتدى قانوني ستنيت محامي يجاوبني والو
تخيلي الحمل وناس لي يلقاوني وانا لا ولمشاكل وتشومير كيفاش يكون مورالي مليح!!!!!!
وهاك ودايما حامدة ربي واش عطاني
شكرا ليك اختي ربي يحفظك ويفرج على كل مغبون

اللهم اميين
يا اختي ربي يعينك ويسلكك. على خير
واعرفي حاجة كي تخلي مورالك ديما عيان ماش مليحة ليك واش تستفادي وشكون يهتم بيك الا حية ولا ميتة ، هااا متزيديش تعقدي حياتك ، كما راهم عايشين لباس وفرحانين مام انتي لازمك تفرحي كيفهم " عاند ونا تحسدش" هكا انتي تعاندي وزيدي ديري كتر والافضل وكوني مليحة وخلي هوما يحسدوا وما يقدروش يعاندوا هههه ، ايا اختي عاودي خممي مع روحك وابداي نحي عليك بلعقل بلعقل حتى تريحي وتتبدل حياتك للاحسن
راني هنا تحتاجيني بلي نقدر نوقف معاك باذن الله
والله يفرج عليك ويهنيك ويصلح حالك

 

[هواري بومدين.]

سلام عليكم و رحمة من الله
أختي أنصحك بكثرة أستغفار و التوكل على الله فإن التوكل على الله عبادة الصادقين، وسبيل المخلصين، أمر الله تعالى به أنبياءه المرسلين، وأولياءه المؤمنين، قال رب العالمين: {وَتَوَكَّلْ عَلَى الْحَيِّ الَّذِي لا يَمُوتُ وَسَبِّحْ بِحَمْدِهِ وَكَفى بِهِ بِذُنُوبِ عِبادِهِ خَبِير}
وقال :{ وَتَوَكَّلْ عَلَى الْعَزِيزِ الرَّحِيمِ * الَّذِي يَراكَ حِينَ تَقُومُ * وَتَقَلُّبَكَ فِي السَّاجِدِينَ * إِنَّهُ هُوَ السَّمِيعُ الْعَلِيمُ}
و سلام ​

 

[Smile Queen]

حبوبتي شوفي نقولك جامي تقولي زهري معوج
اقراي هذي مليح
احذر لسانك أن تقول فتبتلى * إن البلاء موكل بالمنطق
يعني الحاجة لي تضلي تقولي فيها تصرالك
تفاءلي خير وكل حاجة تصرالنا راهي فيها حكمة
احمدي ربي على كل شي وتفكري ديما بلي كاين ناس قل منك
الدنيا دار بلاء اصبري وكثري الاستغفار وما تنكديش على روحك نحي عليك الحزن خلاص
قربي لربي لانو بعدنا عليه هو الوحيد لي يخلينا نضيعو

لا تنْطِقَنَّ بما كرهت، فربما * عَبِثَ اللسانُ بحادثٍ فيكونُ

 

[حلم كبير]

السلام عليكم و رحمه الله تعالى وبركاته
اختي الفاضلة
اتعلمي حاجة في هاذ الدنيا تريحي

اتعلمي تطنشي الناس (لوحي فالذقيل) وعيشي حياتك ليك ميش للناس.
وكفى.
احترامي وتقديري
حلم كبير

 

[ليليا مرام]

السلام عليكم
والله انتي الله يهديك وعلاه معمرة راسك اسمعي انت اول شي رضي والديك اللي بيهم تدخلي الجنة تزوجت طيعي راجلك اهلو قومي بالواجب على جال راجلك وربي والديه ناس كبار ولو يخرج العيب منهم ما تخليهش يخرج منك خلي ينكرو وين شفتي عجوزة تحب عروسة ووين شفتي عروسة تحب عجوزتها نهدرو الصراحة اذا كاين دايما ذيك التريسيتي بين اهل الرجل والمرا واش همك
الصحابات انا نقولك هذي تديها من عندي راهم قلال كالالماس قليل بزاف وين تصدقلك صحبة وعن تجربتي نقولك خليك والله الاحسن كل واحد في حدو من بعيد لبعيد مرات دخلي عباد لحياتك وتندمي عليها الف ندمة
الناس لخرين ديري الخير ما تندميش عليه لانو راهي بواطة وراكي تخبي فيها للآخرة عليها ما تقلقي روحك ما والو ما تظلي تقولي علاه وعلاه عيشي حياتك مع راجلك واذا عندك ذراري ربي ولادك احسن تربية وكي تكرهي ما تلقاي مع من تهدري ارفدي روحك وراجلك وولادك للبحر للطريق حوسو وخليك من الناس لانو واحد ما راح يعيشلك حياتك
ربي يهنيك

 

[RIMA RIMAS]

ياخ

سلام يا اخوتي الكرام
اليوم حكمتني واحد القنطة عمرها ما سرات على زهري لمعوج غايضني الحال بزاف على روحي والله يا جماعة نعامل الناس بمنتهى الطيب ونساعد بلي نجم عليه ولي يشتكيلي مانهناش حتى نحله مشكلته واول ماتنحل مشاكلهم وتضحكليهم الدنيا يفوتوني كيلي جامي عرفوني........
كيما اهل زوجي نعاملهم كيما نعامل دارنا بدون تفريق وهما يعاملوني على اني دخيلة بيناتهم برانية عليهم......
في خاطري تكون عندي صديقة تبغيني وتزورني وتخاف عليا وتسقسي عليا والله والله ماعندي صديقة خاطرش لي نحسبها صديقة نلقاها عدوة.......
حتى خواتاتي نحسهم مايبغوش كي ننصحهم ونوريهم صلاحهم حتى وليت مانروحش دارنا نقعد في داري وحدي ومانروحش نسمع كاش كلمة....
بلا المشاكل لي ديمة عندي ولي نبغي نديرها تتعكسلي مافهمت والو وعلاه قاع هاد شي مالغري والله ما نآدي ناس بالعكس نتمنالهم الخير...
سمحولي صدعتكم بصح ما لقيت غير هاد المنتدى لي نشكيله ونفرغ شويا

يا اختي عادي انا كيفك بصح انا خرجت على الولاية تاعي عايشة مع ناس تمشي بالنفاق والعنصرية و يحبو إلى يهزهم على راسو مي هما لا مايهزو حتى واحد و كي دير معاهم الخير راك حبيبهم في هذيك اللحظة و نبعد معلبليش بيك المهم انا تاني عايشة نفس الحكاية حتى بدأت اعصابي تتلف والاشكال زوجي مهوش حاس بيا و انا باغية نروح لدارنا نرتاح شوية من هذا الجو إلى راح معمر بالنفاق والمصلحة محبليش حاسة روحي راح يجيني انهيار عصبي مرانيش مليحة اسمحيلي حبيتي إلى يواسيك زدتلك همي الله غالب معانديش حباب نفرغ قلبي ليهم في هذ البلاصة على نلجأ للمنتدى نفرغ قلبي و في نفس الوقت نتلقى النصائح

 

[RIMA RIMAS]

س

السلام عليكم ورحمة الله
ربي يفرج عليك ويهنيك ويعوضك بما هو خير
نبداو بالدعاء دائما اتعلمين لماذا ؟ لان الله هو فقط سبحانه المعين القريب السميع المجيب
ليس سواه نرجوا رحمته
اختي اكيد لازم تفرغي قلبك وتهدري كلشي لكن
نقولك كيفاه ؟ دوم نقولك قبل حاجة ؛ انا كنت مثلك منذ مدة نبكي ونقول علاه ونعيي فراسي
ووةوو مي خلاااص محال نبقاو هكا فشلانين عيانين وحزان لااااا
شوفي ختي راكي بحال اختي مالغري منعرفكش غير هذا وين وراني قريت كل حرف كتبتيه وحسيت بيك واكيد ما رايحاش نحس بواش تحسي انتي خاطر منيش عايشة واش عايشتيه مي نقدر نعاونك ولو بكلمة طيبة
خممي مع روحك مليييح تلقاي بلي والو ما يستاهل ؛ مثلا نعطيك مثال ؛ تلقاينا نخمموا فبزاف حوايج كيما الخدمة وووو ونن بعد زواج ولازمنا نديروا كل شي في بعضه والى ما صلحتش نحزنواا واش الفايدة ؟ ها مثلا درت كل شي وراك لباس وووو ومن بعد ؛ زعما رايحين نخلدوا كلشي يفنى ومندوا معانا والو
هكاك انتي ها زعما ولاو يحبوك ووو واش رايحة تدسري بمحبتهم يذخلوك للجنة يدعولك غدوا مثلا كي تولي تحت التراب ؛ ها اختي يحبك ربي ويرضى عليك هذيك هي ؛ وتان تعلمي متقيميش لي ماهوش مقيمك ؛ انا تان كانوا عندي زوج صحابات وعشرة سنين وكي طلعوا للجامعة نساوني وتبدلوا صح غاضتمي فالاول مي ما رضيتش هذي الحالة لنفسي كنت نقيمهم ونحوس عليهم مي حطيت فبالي من بعد خلاص تجاهل انسى ولاو يا اختي يحوسوا عليا ومنهتمش بردوا من القلب وليت نقولهم السلام ونعدي ودوك بعدتهم واشتاقوني خاطر لقاو بلي ضيعوا الناس اللي حبوهم وكانوا بنية طيية معاهم هذي هي ؛ عيشي حياتك شوفي حاجة تشغلك عليهم ؛ متضيعيش روحك ؛ وكل ما تحسي روحك ماشي مليحة شدي قلم وورقة وخربشي واش تحبي اكتبي كل شي مقلقك
واكتبي اسامي اللي زعجوك واشطبي عليهم واحرقي كل كلمة اكتبتيها وتنفسي حتى تريحي وتشوفي بلي ترتاحي باذن الله ؛ وكل ما تصرالك حاجة فابحياة وتصادفك اذخلي لمنتدى واش راك تهدر وانفجري فيه احكي وابدعي وضحكينا وفيدينا هكا وتشوفي تلقاي راحتك
نتمنى تشدي في راسك واش قلتلك
وراني هنا هتك وصاحبتك وفكل وقت ديريلي اشارة كي تتعبي نجي نجري ليك ههههه

انت ياختي هذو صاحباتك مي كي تكوني عايشة مع ناس متتفاهميش معاهم انا دار راجلي صرات مرة عركة مع اختو كامل دارو عليا و انا من الي جيت عندهم واختهم هذي تعيط عليا و دايرتني في رجلها وانا منحبش نرد باش مايصراوش مشاكل مي هما ميفهموش القدر ودايما كي نشكي يقولو عندها المصران وانا نفوت و نهار رجعت نأكل حبوب منع الحمل رجعت عندي الأعصاب متحملونيش دقيقة و منفهموش المرحلة إلى راني فيها بصح انا لازم نتفهم معلبليش يخمو كي شغل ولاد الأمراء و انا بنت الشغالة كيما يقول المصري غاضتي بزاف و حبيت نروح و نخليهالهم بصح معندي وين نروح راجلي معندوش باش يديرلي دار وحدي بصح انا منقدرش نعيش مع ناس دارين شعارهم الشر و كي يشوفو واحد واعر يعجبهم ويقولو عليه فحل و مرة صرت تعاركت بنت ولدهم صغيرة مع بنت الجيران ضربتها بنت الجيران جات تشكي قالولها روحي اضربيها كيما ضرباتك هنا عرفت عقلهم وعقلها كيفكيف راهم يخمو كيما الذري الصغار
سا

 

[الصحافية الساخرة]

س

انت ياختي هذو صاحباتك مي كي تكوني عايشة مع ناس متتفاهميش معاهم انا دار راجلي صرات مرة عركة مع اختو كامل دارو عليا و انا من الي جيت عندهم واختهم هذي تعيط عليا و دايرتني في رجلها وانا منحبش نرد باش مايصراوش مشاكل مي هما ميفهموش القدر ودايما كي نشكي يقولو عندها المصران وانا نفوت و نهار رجعت نأكل حبوب منع الحمل رجعت عندي الأعصاب متحملونيش دقيقة و منفهموش المرحلة إلى راني فيها بصح انا لازم نتفهم معلبليش يخمو كي شغل ولاد الأمراء و انا بنت الشغالة كيما يقول المصري غاضتي بزاف و حبيت نروح و نخليهالهم بصح معندي وين نروح راجلي معندوش باش يديرلي دار وحدي بصح انا منقدرش نعيش مع ناس دارين شعارهم الشر و كي يشوفو واحد واعر يعجبهم ويقولو عليه فحل و مرة صرت تعاركت بنت ولدهم صغيرة مع بنت الجيران ضربتها بنت الجيران جات تشكي قالولها روحي اضربيها كيما ضرباتك هنا عرفت عقلهم وعقلها كيفكيف راهم يخمو كيما الذري الصغار
سا

السلام عليكم
ياختي صحاباتي ولا المهم التعامل يبقى بالصبر والتجاهل كذلك ، حتى ووتتشاجر معاك اخته ، تقدري ترديلها بكلمة برك تخليها تحس بلي صح غالطة وكيما يقول ضميرنا حي ويجي نهار ويحيا ضميرهم ولو بعد سنين ويعرفو بلي غلطوا في حقنا (اي واحد ظلمنا) ، واخرتهم موووت يعني واش فايدة نكسر راسي ونعمره ماهيش دايمة لا ليك ولا ليا ولا لحد ، كتب ربي تعيش هك تعيش هك ، واش تدير تبكي حياتك طوول تغبن روحك تظلي تقولي راني قانطة راني عييت ااه انعلي الشيطان نحمدوا ربي ما يضعناش يعني نصبر عام فالهم ونضحك نورمال وغدوا ربي ان شاء الله يفرج عليا ونعيش باقي عمري فرحانة والحمد لله
نقول حاجة اختي راكي تان كي اختي ونحس حتى بلي ما يحكيش همو ونعرف كل واحد من ذاخل قلبوا يحكي حوايج بزاف مي كي نكون مع ربي سبحانه هذيك الصح ، منبالغوش بحبنا للناس باش مننظروش ، نتقربوا لربي احسن نبكوا ونشكوا ليه ، ندعوه نطيعوه ، كن مع الله ولا تبالي يعني ما يهمكش اللي ظلمك ربي ناصرك ولو بعد حين ما يهمك اللي يعيط فوجهك و يجرحك يعني ربي يحط فموقف هذاك ويحس ، الحمد لله نشكروا ونحمدو ربي شوي ، نستغفروه نصلوا على رسولنا عليه الصلاة والسلام ، حتى حنا تان مقصرين مع ربي من ناحية الطاعة وامور بزاف يعني الواحد يعجز يدعي ، لا كي تضيق السبيل الى ربي ارحم من البشر اللي ما يزيدوش من كلمة يقولوهالك " اصبر" واكيد مش عيب تفرغ قلبك للناس اللي ترتاح كي تحكيله مثلا الاخت هذي كي تعمرت جات وفرغت قلبها هنا لينا وحنا ساندناها عادي ولو بكلمة و ادعينالها ربي يفرج عليها ، المهم كي نفرغو قلوبنا ولو في ورقة خلاص منظلوش حزان وتعبانين لازم نرتاحوا ونبظاو من جديد خطوة للامام
ولا واش الفايدة كي تفرغ قلبك وتظل تقول اوووف تعبانة كرهت لازم نفرغوا قلوبنا باش نرتاحوا ماشي باش نزيدوا نغمو ارواحنا
وربي يفتح عليكم كامل يااا رب